chacha0420's Profile

晚餐時段同家人路過時代廣場搵食，見到佢有抵食一人晚餐，望下menu覺得幾吸引，加上之前食過lunch覺得唔錯就再試埋晚餐😆😆 今次個一人晚餐有齊前菜，湯，沙律同主菜，$138起。今次試左滑蛋豬排餐，豬排炸得好脆，係個滑蛋熟左小小😆 今次仲upgrade左做南瓜黎麥乳酪杯，南瓜好甜好味，會再黎！岩岩先發現依家星期日-四係open rice訂座有第二位半價😍 如果一人黎獨享都有8折，今次就用唔到優惠，唯有留下次😅…Read More

依家少左出街，好多時都係叫熊貓，今日咁岩想食米線見到5蚊運費咁平就試下，結果就中左大伏叫左一個酸辣過橋米線，一個酸辣米線加札肉，炸醬同一個尖椒皮蛋。首先講下d餸，丸就勁大陣雪味，火腿同扎肉就似係大陸個d即食加工腸仔既味道，肥牛同腩肉正常，米線就比較淋。湯我就一碗小辣同一碗特辣，其實就係冇咩辣味，亦冇乜咸味，尖椒皮蛋都係，唔辣又唔咸，不過已經係最正常。我食左幾啖真係冇辦法再食落去，好失望，呢個質素真係好驚嚇。呢間既湯，餸同米線雖然係同一個碗入面，但完全感受唔到係同一碗既野雖然應該唔會再食，但都希望鋪頭會有進步…Read More

見到openrice咁多好評而且咁岩有位就試下，點知就中左伏總共叫左3樣野，酸菜魚，辣子雞同炒椰菜。3樣野入面最好食竟然係炒椰菜😂，幾有鑊氣，調味都唔錯，但油多左小小。辣子雞不過不失，味道正常唔算有驚喜，但d肉就好多都係骨位，根本冇咩肉食，辣椒乾算幾香。最後到酸菜魚，加左3樣配菜之後402蚊，但真係超失望，湯底得個辣，又唔咸又唔酸，d酸菜係街市咸酸菜黎，超咸超酸但唔好味魚就算幾大片，份量正常，但都係冇味既，配菜叫左個毛肚(牛柏葉)，數埋應該得幾舊，盛惠68芽菜同蓮藕都係一般，可能個湯真係唔得最後附上酸菜魚照片一張，如果你係鍾意太二個類酸菜魚，呢間野應該會令你好失望…Read More

話說突然好想食酸菜魚，上網見到d食評講到咁正，5點半前入座仲有68折，當日就預約左5點半諗住大快朵頤，點知就係惡夢既開始去到店員介紹食斑，話好食過魽魚，雖然300幾但諗住有68折就試下，仲加左蘿蔔，安格斯肥牛，蓮藕，魚皮同一個炸雞軟骨先講炸雞軟骨，裹左勁厚既炸粉，舊粉仲厚過個軟骨魚皮: 都幾脆，但就冇乜魚味，好淡蓮藕: 薄皮，正常冇特別安格斯肥牛: 成餐飯最好食既野，但要198蘿蔔: 呢個真係不得了，食左一舊之後發現好苦，真係苦到要lur出黎個種，仲要勁多渣好聲好氣問個店員，佢已經西面話問下。見佢有問個應該廚房職員，廚房職員淨係答左佢一句無理由架喎就走左去，之後個位店員一直做其他事冇俾過答覆我地，諗住佢做緊其他野都冇催，點知佢原來冇打算覆返我地，寧願同另一個店員傾計同玩電話! 我地見佢已經得閒就再問佢個蘿蔔點處理，佢就塊面西到世界盡頭咁話，幫你問左，廚房話係新鮮架! 我當下真係嚇一跳，我好似從來都唔係問緊新唔新鮮喎，蘿蔔新鮮就一定唔會苦同有渣架?真係長知識了 之後我直接叫佢試下係咪苦，佢就一野收走份蘿蔔，再撻多句，咁取消囉! 當時我睇一睇間鋪，就黎7點都係得2枱客，終於明點解。。。 d態度差到咁 幾好食都唔會想再黎 更何況唔係好食講返個魚，湯係正常，魚肉好鞋而且冇味，酸菜亦只係普通，真心唔會再黎，唔好食，態度係奇差，68折優惠左之後都要600幾，Cp值我會覺得係負分…Read More

呢間炸雞一開始以為係普通韓式炸雞，但試左估唔到又幾有驚喜，依家周不時都會食佢d雞好味，冇乜雪味又唔會好似KFC咁油淋淋，個皮相當脆而且佢個辣醬炸雞真係夠晒辣！！！但最鍾意都係佢個香蒜炸雞，雖然食完一陣蒜味佢依家仲多左d 套餐，炸雞跟埋飯仲送汽水，真係幾抵食上次試左佢個年糕，份量唔算好多，但女仔既話都夠晒飽，仲有好多芝士:)呢個food court唯一係呢個鋪位成日轉手，呢間已經好似第4間，希望佢繼續做，唔係就冇好味炸雞食…Read More

朋友在韓國試過這間鳳雛說很不錯，今天第一日試業便馬上來試一試。一出lift便看到有人排隊，問店員是否在門外排隊，店員說是。等了一回發現遲來的人都進去了，原來要在門外自己填寫人數及到達時間等資料，最後等了約45分鐘才入座。我們叫了一個招牌燉雞，迷你紫菜包飯和炸雞沙律。每樣東西至今等了30-45分鐘，先講紫菜包飯，十分迷你，而且沒有什麼味道🌚之後到招牌燉雞，首先朋友便發現有一條頭髮在上面，這也算了。試了一粒魚蛋，十分之腥而且入面還是涷的😫😫😫😫告訴店員後只是把原來的一盤翻熱，完全沒有處理頭髮的問題🌚最後到炸雞沙律，雞肉薄得像紙一樣，而且肉質很粗糙😫相信應該是雞胸沙律，不是炸雞沙律。和店員確認時又說是炸海鮮沙律，沙律菜又是苦的。唯一比較特別是有泰式辣醬和一個雜果甜酸醬。看來首日試業真的十分混亂🌚…Read More

咁岩行過黃大仙中心又餓餓地就試下呢間。叫左個泰式乾炒牛河，唔知佢用左咩泰國特式，因為呢個牛河係一點味道也沒有要問侍應姐姐拎左辣椒油先繼續食到，其實加左都好一般。最重要係個牛河得一兩條肥牛碎絲，都真係幾重料:(下午茶46蚊黎講都算幾貴另外媽咪叫左個馬來特式豬爽肉炒飯，個炒飯濕淋淋，而且都係冇味唔知係咪我地唔好彩，但應該就唔會有下次啦…Read More

已經很久沒來深井吃燒鵝，細看一下食評發現好幾家有名的燒鵝店的食評也是好壞參半，唯獨這家算是正評比較多的，光顧後果然沒有失望!😍         我們一行4人共點了5個菜，分別有半隻燒鵝、一品煲、炭燒豬頸肉、蒜蓉粉絲蒸鮮魷和炸豆腐。先說燒鵝，半隻的鵝比我們想像的更要大隻，肉質肥瘦適中，外皮是脆的，咬下去還有炭燒的香味😋😋😋 不過不算很熱，要是熱騰騰的會更好😎 蒜蓉粉絲蒸鮮魷的鮮魷十分新鮮，一捧上來便聞到陣陣蒜蓉香味，不知是否平常吃的都是冷藏的，在這裹吃的覺得口感非常好，所以這個也是十分推薦😆 另外炭燒豬頸肉也是十分好吃，和外面餐廳的絕對不一樣，可以吃得出炭燒的味道，而且肉質不會太肥，所以很快便被吃光了😅😅一品煲主要是海鮮，十分鮮甜味美，而且材料也很豐富！順帶一提，能記的伙記都十分友善，還主動送上鵝汁給我們送瀬粉，還提議我們把汁倒進蒜蓉粉絲蒸鮮魷，令味道更加好呢！最後結賬還給了我們九折（可能因為老闆看到我們友人帶來的滑板勾起年輕時的回憶😂今次的用餐十分愉快，除了食物，這裹的洗手間十分整潔乾淨！！絕對是大商場的質素，本來我還以為老飯店的洗手間應該是較簡陋😅但可惜我們只掛著吃都忘了拍照😂 😂大家經過深井可到這餐廳一試呢！…Read More