noelng0927's Profile

今日去攞集運， 左一袋右一袋， 搞到心情麻麻地， 去到雅店娜攞外賣， 收銀同事觀察力好好， 見到我攞住咁多野， 即刻自動幫我整理個外賣， 令我易d攞， 即刻覺得好warm,有d 感動， 服務員哥哥服務真係一流佢個焗飯性價比超高，吞拿魚芝士焗飯36蚊， 加埋凍檸茶， 都係38蚊， 味道方面啱啱好，米都粒粒分明， 幾好食。 外賣攞到番屋企， 起碼20分鐘， 打開仲熱辣辣， 香噴噴食過番尋味…Read More

2餸飯聽得多， 素菜2餸飯就第一次聽， 無諗過素菜都可以整到咁多花款， 同埋味道好好。所以我上星期幫襯完第一次後， 回味無窮， 今個星期繼續encore, 買番屋企加餸， 唔洗煩諗住煮咩餸， 又多款， 又平， 又夠飽我想試多d款式，所以 2次都叫左唔同菜式第一次， 食左釀茄子， 腐皮卷， 炒大豆芽， 糖醋波波， 炒菜。 其中釀茄子真係超有驚喜， 真係做到平時魚肉釀茄子既質感之餘， 個鼓椒醬汁配在一起， 實在太出色。之後再買多次，水準keep到， 實在太好食， 大力推薦第2次， 忘記影相， d食評話可以飯轉炒粉絲， 我今次又試試炒粉絲， 今次不得了， 除左上次既釀茄子之外， 今日又有新驚喜， 冇諗過雜菜粉絲可以炒到咁有鑊氣味， 以後既必叫list又多一個菜。。。 今次仲叫了炒薯仔絲， 有小小酸酸辣辣， 幾個開胃， 另外叫了甜酸齋， 調味剛剛好， 送飯一流…Read More

平時搭巴士都經過呢間舖， 望到之前生意都ok, 呢排就好似大不如前，唔知咩原因呢！ 唔洗排隊就即管試試。 本來都幾期待，media講到好好味咁。因為第一次幫襯，真係比個女收銀員嚇死，形容一下收銀員是整頭金色頭髮，身形比較巨型的，我一如以往的正常地叫餐， 一黎就好似得罪左佢咁，佢不斷勁惡勁大聲咁問 "咩話" " 咩話" 勁冇禮貌， 跟住佢講比幾錢既時候突然勁細聲， 聽唔清楚， 就同佢確認一次， 佢即刻勁惡咁覆我， 今次終於聽到幾錢， 癡線， 完全唔知佢發生咩事。一般出街都好難經歷到咁瘋癡既遭遇， 咁簡單既流程都突然變得恐怖。 跟住肥收錢員即時跟2個同事傾偈， 講左幾句即刻行埋一齊咬耳仔， 講完3個人即刻望住我，其實簡簡單單買個外賣， 佢地需要搞咁多野咩。 講番食物質素， 我叫左巨無霸+薯條 , 不偏不倚地評論， 塊牛肉偏乾， 雖然係粗薯條， 但都炸得幾硬下， 結論係唔啱我口味，但呢個價錢都唔算太貴， 所以性價比屬於一般。第一次幫襯呢間店舖既最深處印象係女收錢員好惡好冇禮貌， 好鐘意搞小動作， 未幫襯過既奉勸唔好幫襯， 因為你唔熟佢地餐牌， 絕對*唔可以問*:(， 否則會有恐怖既後果， 食物果d我已經冇咩印象了。…Read More

一直係新蒲崗番工都未發現呢間舖，可能位置比較隱蔽， 直至早幾天， 有人係討論區提起佢，即管去試一下 , 果然有驚喜， 第一個印象唔錯。今次叫左燒鴨瀨(鴨胸位置) ， 煮得啱啱好， 好juicy, 啖啖肉， 好正， 調味都啱啱好, 仲充滿鴨油香, 最抵贊加分係鴨同粉分開放， 可以慢慢嘆個鴨同時， 鴨又保留肉汁， 不會融哂落個湯度。同埋， 鴨下面仲鋪滿蔬菜， 吸哂d鴨汁， 菜都即時變得好好味， 配菜都食到一點也不剩。今餐真係回味無窮， 難得食到咁高質既燒味。…Read More

同事經常過黎食午餐，極力推介, 所以我叫佢揾一次帶我黎品嘗一下, 同事係識食之人， 所以都好期待。首先， 店舖負責人， 又管樓面又管廚房， 比較忙，但仍然好有禮貌。粟米忌廉湯， 食到新鮮粟米質感， 絕對唔似罐頭開的， 好清甜濃郁， 果然冇令我失望係手工製作， 很認真。我食炸雞咖哩飯， $48 性價比很高， 整體都好乾淨精致。同事食左漢堡扒咖哩飯， 漢堡扒應該都是手工製， 同事話質感好好， 比出面的好食， 價錢都是$50以下，真係又抵又好食。我地已經諗定下次過黎食咩了…Read More

今日晚上第一次黎食燒肉， 服務意想不到的超級好， 事緣今日穿著比較易走光， 店員不但提醒我， 並主動攞個雙面膠比我貼一下， 令我好感動， 我可以放心享用燒肉。價錢方便， 平時出去食燒肉， 閒閒地起碼$300 , 呢度$100 以下， 已經食得好滿足， 一個人食唔多， 呢度既份量剛剛好， 隨時想食燒肉， 解一下心癮， 過黎食都超方便。…Read More

黎左呢區工作2年了， 除左入職果陣黎王子食左一次， 冇咩特別， 之後都冇黎， 上個星期同事話想黎試下， 今次既體驗， 真的一試難忙。點了乾炒牛河$55問題1: 餐具極污糟盛戴牛河既碟， 白色碟邊上充滿住 "油污"， 同埋粘著半粒 "米", 感覺好似未洗過， 好似上手食完， 隻碟冇洗過就再上菜。。。。問題2: 成個牛肉已燒焦炭化我從未試過外出食到咁既質素， 價錢又唔平， 成碟粉望落已經過度炒， 好多黑色焦， 主角 "牛肉" 一面是燒焦"黑色"的， 食落口是"苦"的。因為驚加料， 所以都冇要求換， 對呢間野好失望。結果：食完， 當天晚上即刻 "喉嚨痛和生飛滋", 痛到瞓唔到覺。 好唔舒服，之後仲開始作感冒， 唔知同d 餐具污糟有冇關係。利申：平時都好小病。。。。 去到而家差唔多一星期， 都未康復。。。如果想測試下自已既免疫力， 絕對可以黎呢間餐廳試下。。。。…Read More