elizabeth0206's Profile

一心見放工放得早，難得見無人排隊，去呢度食個quick dinner。6:45pm坐埋位後已經即刻落單，期間侍應不停來回望我們張枱，奇奇怪怪，到7pm左右幫我們落單的侍應走過來，叫我們再次點食物，原來冇幫我們落單！離哂大譜！再等10分鐘，食物先到，前後已經等了接近半小時！以為食物到了就算，點知 繼 續 有 錯！侍應送來「吉列雞扒定食」，已經除哂口罩準備食，那個忘記落單嘅侍應又過來，又講唔好意思，原來個碟係「吉列豬扒定食」，真係超級嬲！9秒9拎走枱上的「吉列豬扒定食」，見佢轉頭就將那碟「吉列豬扒定食」交俾其他食客，完全無想過其實我們有無食過/有無講嘢飛沫彈過... 終於「吉列雞扒定食」到枱面。<錯上枱的「吉列豬扒定食」，一錯再錯除咗完全無心機食，成餐所有食物都覺得比其他分店差。特別是「吉列豬柳泡菜鍋定食」的豬柳太乾，碗飯唔夠熱。呢個分店仲有一個好差勁的環境，走廊滿佈紙皮箱，亂咁放，甚到阻塞走火門口。總之只能一個字形容 - 差！…Read More

疫情關係困咗喺屋企好耐，終於有機會出去行吓街！喺園藝街買完花就去附近揾嘢食，二話不說去同老公拍拖時去過的茶記~ 以前民華俾我嘅感覺係集大成，即係點心店+澳x+譚x，總之就樣樣好食嘅嘢呢度都會揾到啦~哈哈！隔咗咁多年，餐牌無乜點變，以前嘅回憶番哂黎！今次我哋兩個人點咗一個肉餅盅頭飯、鵪鶉蛋燒賣同西多士補充吓體力。盅頭飯份量二人食岩岩好，熱辣辣，肉餅份量都多，雖然啲飯有少少諗，不過都可以接受呀，始終係蒸飯嘛；鵪鶉蛋燒賣喺外邊酒樓都未必有，但民華咁多年都keep到，仲要肉質好juicy！由於太餓，嗰盅頭飯同鵪鶉蛋燒賣未影相已經食哂嚕。西多士外脆內軟，落單時侍應會問我哋想要糖漿定煉奶，識食一定要點煉奶啦！食落唔會好油膩，夾埋牛油同煉奶真係一流（雖然好邪惡）！下次去開太子旺角一定會再幫趁！！…Read More

所謂新加坡菜，其實就是北緯1度一帶熟食中心的匯萃，10元8塊就有一餐的大眾美食。但在香港的，餐廳動輒也要70~80元才可吃個海南雞飯或喇沙。位於尖東的好時就可以合理價錢感受一下新加坡口味。這次和同事來附近辦事，可以感受一下這間「失而復得」的餐廳。午餐與晚餐用同一餐牌，但午餐卻可以+4元來支支裝可樂，感覺自然便宜很多。老實說這裡的雞飯，炒麵，炒粉，喇沙也大約50~60元，午晚市來說也是非常化算。這次吃的是福建炒麵和雞飯。炒麵雖然只用油麵，沒有像南洋般用2種麵底一起混炒，但味道卻出奇地如南洋一般。當地炒麵比較習慣濕炒，故一些湯仍在碟上，雖然少了鑊氣，但卻保留一些香氣，吃下有不同感覺。唯一不足是參巴醬要加錢才可配麵，如果大方一點，定必吃得更開心。雞飯水準保持得很好，油飯味不太過咸，可能用的醬青和南方不同，飯色有點不同，但想像中不太咸，令人很快食完整碗油飯。雞略帶點肥，這點反而是香港獨有的優勢，算是一種新加坡食物在地化的例子。很多人會說吃飯後就催你離開，午市時未有這樣感覺，可能早來人不多。但吃飯就是吃飯，如果要吹水談心自然會到其他地方啊。這次沒有嘗試菜類，沙嗲，咖哩，不過留待無時間下南洋時，也可以到這裡感受一番。…Read More

一般的拉麵店未必有好多種小食配搭，去完悅來坊的元札幌拉麵，令我有點驚喜！因為可以滿足既想食麵，又想吃不同小吃的貪心念頭。拉麵的配搭有很多款式選擇，有海鮮、雜菜、蟹棒、豬軟骨、櫻花蝦、北海道特色的牛油拉麵，總有一款啱心水今次就試咗北海道櫻花蝦拉麵（$88）。拉麵可選軟硬度，我今次就選硬身，可以有多咬口。麵做得適中，湯底不太咸，櫻花蝦帶起個湯味。而叉燒就非常適合不愛肥肉的朋友們，多吃也不怕。小食選擇多，除咗一般的串燒、沙律等等之外，仲有比較少見的野菜魚餅。二話不說就點呢個！有時坊間的炸物小吃油感好重，但呢度的魚餅咬口令人有滿足感，不油膩，又多塊數。工作期間趕時間來食，還是慢慢享受，這裡也是不錯的，始終不是在人多擠迫的地方，可以慢活一下~…Read More

容記曾經在深水埗風光一時，其燒肉簡直讓人回味無窮。若干年後，終於在太子重出江湖，近年因外地朋友回港，他熱愛燒味，為了吃得舒適，也坐得舒適，新的容記小炒王，便是最合適的地方。朋友來自南洋，南洋因衛生檢疫問題或是各種原因，一直都沒有機會食到鵝。故除了容記最著名的燒肉外，也立刻點了一個燒鵝例牌，讓他可以一解思鵝之苦。這裡的鵝肉實皮厚，喜愛吃鵝的朋友不得錯過。主力吃的燒肉也是保持多年前吃過的水準，但當然如果你是怕肥的，那我會建議這碟菜不要點了！反正你享受不了皮脆肥嫩的樂趣。這裡的燒味用的芥辣是青綠色的，味道也沒有黃色的搶口，使肉的味道沒有被調味過份搶去。同日點了一個黃金炒蝦球，用來送酒一流！容記相對太子一帶的其他小菜館是比較昂貴，但勝在小菜穩陣，燒味出色，如是宴客朋友或是想求坐得舒服，涼著冷氣，這裡似乎是一個合適的選擇！…Read More

1980年代日本百貨公司大舉進攻香港市場，大批日本人員工安排住在九龍、港島一些著名的大型屋苑，在九龍一邊，主要聚居在黃埔。而黃埔一帶也有很多日本菜。三河屋和尾張屋是街頭街尾的姊妹店，全店都是吃的是居酒屋小吃或是日式大路飯麵。這兩家店已在黃埔區有不少年頭，而且是日本人小本經營，這兩點都是沒有刻意標榜，但是令人甚為放心的理由。店裡裝潢十分簡單，像是典型日劇看到的家庭小店，餐牌也沒有找什麼市場公司來重新排版，就是白底黑字，中英日語對照，方便不同客人。這次兩人簡單的小聚，故也只選兩樣小食和一個蓋飯。滑蛋豬扒飯雖然味道稍咸，但是豬扒炸得香口但肉質仍能保留著一定口感，而最有驚喜的是燒三文魚骨，魚骨雖然要有失儀態來品嚐，但是燒得甚香口，讓甚少吃魚的友人，也一起「拆骨起肉」，可見味道的吸引。最後，還點了一個雞骨腸，腸是後來穿過雞骨來燒煮的，雖然骨的味道不太真的融入在腸裡，只是典型的日式燒腸，但是在同類型的日本食店中，似乎香港較少看到這樣的雞骨腸，來吃點有趣的東西，也是值得的。也許店家沒有太大的租金壓力吧，故這餐飯吃得簡單，價值也十分公道，是公餘兩公婆撐枱腳或朋友小聚的好地方。…Read More

久不久我們就會走到香港的離島旅遊，遠離煩俗的市區，走到郊外休息一下。說真的，在全球化的社會裡，應該沒有找到一些東西是只有大澳才好吃，市區吃不到的。可是，每當來到大澳吃一些在市區也有的東西，總會覺得這裡多了幾份味道。這次來到蘇廬，是大澳本地人開的咖啡店，咖啡有多種款式的豆種作手沖，師父的手沖技巧中規中舉，購入的豆是比較大路的類別，如哥倫比亞、埃塞俄比等地的豆。不過這次比較驚喜的是蘇盧裡的蝦子麵，這次選擇了雞翼配合，平常到郊外大多會以即食麵為解決溫飽的方法（即食麵與郊外好像是兩個互相矛盾的組合），但這裡卻是蝦子麵，感覺就像比較健康，也比較自然。雞翼十分入味，與蝦子麵之間沒有互搶著味道，是一個偶然但非常配合的組合。當然，來到蘇廬未必大家記得其雞翼、蝦子麵、咖啡如何忘懷，而是其在大澳的涌道之間，可以把市區的煩事，暫且放下，在這裡好好享受一下！…Read More

喺天后附近番工，唔需要擔心無好嘢食。天山小館係我同同事好鍾意去嘅聚腳地，地方算幾寬敞，重點係食物有特色，係新疆菜，岩哂重口味嘅我哋！午市最常食嘅係米線，愛食羊肉嘅同事每次必定會叫「招牌羊肉」，佢哋讚到不得了。吾食羊嘅我都有好多選擇㗎，其中一個至愛係「豬頸肉配沙爹湯底BB辣」，非常開胃，辣味又岩岩好^^有時會叫小菜一齊食，「新疆烤羊排」一上枱已經聞到好香，同事話肉質烤得好鬆化，吾會太膩又保留到羊香味！我就好欣賞「大盤雞」，手工麵即叫即拉， 口感Q彈，加上有好多薯仔粒𠻹！提提大家，大盤雞製作需時，最好一坐底就落單喇！份量都幾大份，如果一個人去食又想試手工麵，可以選擇其實一碗上嘅！好岩香港人口味嘅新疆菜一試難忘！…Read More

沙中線又一次延遲通車，讓土瓜灣小店暫且繼續生存，保留特色。波士頓不做晚市，只做早，午市。午市每天的set餐大同小異，但有着快餐店的靈活配合，只要你想到的，就可在餐牌中千變萬化。今次在下午茶時段來，叫了油肶和西多，港式經典嘛一啖咬落油肶，肉質結實之剩仲要沒有雪肉的乾柴味，豉油味道適中，沒有過咸，沒有過渴的味道。西多士更棒，不像一般連鎖的又油又啡放了很久的模樣，新鮮炸起，新鮮入口。現在很多連鎖餐廳，搞盡gimmick走新興路線但同時又以懷舊符號作為消費，吸引得大眾一時，但留不著大家的記憶。這裡的食物味道，會令我記憶猶新，會令我回味昔日種種！…Read More

大角咀區專門吃串燒的店子越來越多，但調味通常傾向內地重慶的濃烈香味為主，較少吃到泰越店可找到的串燒味道。寶記賣的正正是難得的越式串燒！各種豬牛雞肉串燒都用上了黃薑醃製，不像一般調味蓋過肉味，好鮮味！要特別推介五花肉，非常入味，喜歡吃肉的肯定會捧着肚子離開！寶記是類似半開放式的排檔模式運作，多數都是老闆夫妻二人工作，等食時間比進食時間一定多。但支持這些小店，又怎會介意等多一陣呢？反正只要有點耐性，食物總會來的！…Read More

難得有一日可以早放工見唔多人排隊，終於可以試一試！ 之前第一次見到已經被門口嘅裝修風格吸引住， 後來先知係食馬拉菜。鋪嘅面積吾算大，但裝修風格卻真係好有馬拉feel~我哋兩個人先叫咗「招牌砂鍋老鼠粉」($78)， 都幾大煲，兩個人太多了，多一兩個人一齊食會比較好。 材料方面好足料， 蝦乾、肉碎、銀魚仔鋪滿成個砂煲。 上菜時會有隻生雞蛋喺上面，要親熱拌勻。 味道方面我就覺得有少少偏鹹。另外又叫咗「三層肉肉骨茶」（$45）。 肉嘅份量都幾多，肥瘦分明，不過就唔係太大碗。但係鍾意飲肉骨茶特別係藥材味重嘅朋友，呢間餐廳絕對係有驚喜！因為一落完單，就會有免費 一人一碗肉骨茶送上，仲係免費添飲！…Read More

朋友鍾意食私房菜，貪少啲食客，可以詳談盡興啲，所以今晚就嚟到駱駝漆’煮宮’揾食! 入到去環境好整齊，仲有得唱K打麻雀，第一印象唔錯!食物方面，當日揀嘅都係餐廳比較有名氣嘅菜式。餐前小食嘅炸豆腐粒香口，拍青瓜入味開胃。是日湯水’花膠響螺燉排翅’十分足料，除咗個名提及嘅材料，仲用咗元貝同雞翼，味道濃又唔肥膩。另外值得推介嘅係’金汁千層鮑魚’。鮑魚火候控制得好, 配上冬菇釀蝦膠同豆苗，所有朋友都食得舔舔脷！老闆知道其中一位朋友對蝦敏感，更額外煮一碟無蝦膠，好貼心！整體嚟講晚餐非常高質，老闆會留意每位客人食完上一道菜先出下一道，所有野食都好熱辣辣！…Read More

對於一個唔食魚生但又鍾意食日本菜嘅我黎講，一間高質嘅日本餐廳絕對係值得一去再去！ 燒魷魚筒同串燒拼盤基乎係我每次必點嘅食物。「燒魷魚筒」係原隻鐵鍋上，保持到温度之餘仲好入味。魷魚筒上枱時已經切開，好淋身，做小食一流!「串燒拼盤」 每一串份量仲要好大，調味啱啱好。 今次仲叫咗個「白汁焗蟹肉飯」，未食淨係見到鋪滿全個飯嘅芝士已經流哂口水!! 每一啖都係蟹肉，好好味不過都幾heavy。呢度地點真係非常方便，岩哂約friend食飯，個view望住成個維多利亞港真係一流！提提大家，有部份坐位要除鞋㗎，唔想赤腳的話記住着襪呀！…Read More

以前聽過喺灣仔番工嘅朋友介紹過，難得喺荃灣行街又見到有呢間餐廳，把握機會試下。同朋友等咗好耐先有位...因為員工根本無主動去執枱..今次叫咗二人餐($248)，雖然話係二人餐但食物都好多，有麵、小食、飲品同甜品! 我碗選了‘’蝦肉肉片辣味蝦湯底配油麵‘’。一見到個湯好深紅色又有好多辣椒片，有啲驚太辣食唔到。好彩食落口又ok，不過蝦味唔太濃，啲蝦片好薄好薄...整體我又未覺得好吸引，可能我始終喜歡新加坡式嘅蝦麵多啲><但小食方面就有驚喜呀！首先份量以二人餐嚟講算唔少，‘’馬來香炸雞翼+沙爹雞脾肉串‘’一啲都唔油膩，肉質仲燒得好嫩！另外我好鍾意‘’白胡椒肉骨油條‘’，好夠味而且好足料！甜品比較有surprise嘅係‘’榴槤咖央多士‘’，又薄又脆，榴槤控可以試試過下口癮！呢個二人餐份量都頗多，建議可以叫多個朋友一齊食=)…Read More

呢間新開嘅拉麵小店個名好吸引。但當然試過先知好唔好啦！鋪位吾大，全部係坐bar枱，不過好彩枱下面有個小掛鈎方便客人掛袋。菜單就好簡單，只有4款拉麵同2款小食選擇，而每碗麵就可以自選幼直麵/粗曲麵。叫咗一碗濃蝦豚骨拉麵($88)，流心蛋全隻上，個湯嘅豬骨味比蝦味重。 最正嘅係塊燒豚肉，兩大片都肥瘦均勻，燒得好靚好好味！不過蝦乾數量就唔係太多嚕。另外一碗係魚介豚骨拉麵($78)，味道比濃蝦淡味少少，不過鍾意食木魚嘅都不妨一試。小食方面我哋叫咗 餃子配山椒餃子汁($32/5隻)，即叫即煎，所以外皮好脆，味道唔錯。下次有機會反而想試配沙律醬，相信會更加特別！整體黎講最欣賞呢間小店嘅湯底，店員話佢地不加味精，食完又真係吾會覺得好口渴！…Read More