yokochancyw's Profile

話說同同事聚餐，同事介紹咗呢間餐廳，一去到好彩有book位，如果唔係真係要排長龍。呢間餐廳號環境係走懷舊嘅情懷，有好多霓虹燈，一個個菜色牌掛牆。但講到尾，食先對我最緊要。首先，想個白菜豬肺湯好有家嘅味道，豬肺洗得幾乾淨，可以食埋啲渣，啲湯飲完唔會覺得口渴。👍👍👍另外，佢地嘅焗豬手都好出名，記得要趁熱食，咁先會食到卜卜脆嘅豬皮，而啲肉又岩岩好半肥瘦，唔會太油膩。👍👍👍👍但令我覺得最好食，會再食嘅一定係呢個辣辣水魷。水魷同粉絲嘅份量比例差唔多，可以一啖入面食到兩種唔到口感，加上粉絲又入晒啲辣味，食得好過癮。👍👍👍👍👍（掛住食唔記得影😂）其他嘅咕嚕肉我覺得不過不失，但個拔絲都可以用來打下卡😂椒鹽鮮魷，啲蒜香過多得幾舊鮮魷cp值唔高，但味道係唔錯，特別配個汁。…Read More

話說之前有朋友加Youtuber介紹呢間漢堡店，話世界級好食，所以就同男朋友分叮試咗：$98Honbon👍👍👍漢堡包塊麵包皮，唔會扁塌塌，係相對乾身，而且咬落都幾鬆軟。入面嘅餡料有牛肉、芝士、同酸青瓜，配搭不過不失，但勝咗個牛味都突出。可能有好多人介紹，所以有啲達唔到心中嘅期望，但整體唔錯。Cheese burger：👍👍👍👍芝士味重好多，而且值得一讚係入面搭配咗好新鮮嘅生菜，所以中和咗過油膩嘅感覺，而且啲牛肉好juicy，值得推介！（好多汁！！！）但其他唔值得推介：芝士薯條，比較淋身唔好食。Apple pie ice tea，真係蘋果批嘅味。Ginger lime lemonade ，偏酸，飲落去暖😅。…Read More

有一日經過呢間餐廳，見到都幾多人食於是就試下，街坊餐廳算係都有啲驚喜。鳳爪沙律：👍👍👍👍👍鳳爪冇雪藏味，而且酸酸辣辣好入味。冬蔭功湯：👍👍👍都幾多草菇，隻蝦都大隻，如果再加多啲香料去煮個味道會有層次一啲。沙嗲串燒（雞、豬）👍👍👍個沙嗲醬幾重花生味，都幾有驚喜，但一定要趁熱食，如果唔係啲肉好硬同埋比較干。煎蠔餅：👍👍令我有啲失望，因為呢個蠔餅，好濕潤，食唔到脆脆嘅口感，而且配嘅醬好似普通嘅茄醬。不過啲蠔都算多😂…Read More

有一日心血來潮突然想叫鴨，於是就到城中鴨子呢到，點知去到門口已經排晒長龍，但中午時間室外位仲有空間，所以我地就有得入去先。我地去到叫咗一個鴨湯，個湯雖然份量細但都幾足料，啲鴨肉都多。.而片皮鴨，鴨皮唔夠脆，加埋啲醬汁同青瓜蔥，都係有啲啲偏油。.其他食物，小籠包同擔擔麵都尚可。整體不錯不失。…Read More

朋友話想食四川嘢，於是就來咗呢一間嘅小店。初初見到門口有啲$88套餐係一個粉配小食，覺得好抵，點知入到去先知呢個套餐價係去到6點前，好可惜錯過時間於是我地點咗其他嘢食，首先最推薦就係麻醬雞絲粉皮，啲粉皮係水晶粉，食落去煙韌，而且啲麻醬嘅份量啱啱好，味道適中。.而夫妻肺片都好入味，麻辣程度適合香港人嘅口味，食完未咩味精感覺。.成餐飯較為遜色嘅係擔擔麵，麵嘅份量偏少，比較適合女仔嘅胃口，而且擔擔麵有別於其他餐廳，一般係有啲湯水，但呢個相對係乾身，建議都可以加多少肉碎，多啲肉汁會好食啲。.值得一讚嘅服務態度好，不斷有人幫手斟水，又會主動提供酒精搓手液。建議改善：dandanmian嘅粉量可以多啲啲…Read More

今日去咗beans到食晚飯，好好彩等咗一陣就有位啦～食物質素：我覺得都唔錯，個黃金蟹肉意大利粉一上碟賣相已經好吸引，食落去都幾多蟹肉，而且都好creamy 。之後，仲有一個松露醬薯條，薯條岩岩新鮮出爐，外脆內軟，配埋個醬，味道濃郁，十分之正！…Read More