ck618的個人專頁

臨近8點閂門，燒味賣淨燒鵝，腩仔，切雞，油雞，嗌左個燒鵝切雞飯。因為燒鵝比其他燒味貴啲，所以雙拼67蚊。完全唔抵食，燒鵝比得啲骨我，5、6舊得1、2舊真係有肉嘅，雞又鞋嘅，真心快餐店啲燒味飯好食又平過你。咁嘅質素，睇下幾時執…查看更多

入去環境係幾好既 坐得舒服既 試下佢個招牌豆腐花加合桃芝麻糊 先講豆腐花先黎到賣相已經好差 好似俾人食左兩啖咁 食落無咩開心果既味道 仲話自己招牌 真係搞唔掂 原價仲要68蚊真係搵鬼食 芝麻糊味道就正常發揮 但個賣相又係好鬼肉酸 圖文不符 不過加10蚊有3大粒湯丸 算係咁 希望貴公司改善下食物既賣相…查看更多

上網見話幾好食 諗住去試下啦 點知就。。。落單麻煩 價錢偏貴 呃gram數 等餐時間耐 溫泉蛋竟然整出黎係全熟既 牛質十分差 無牛味又鞋 塊鐵好快就凍 真係勁難食 一定無下一次呢間真係垃圾…查看更多

一直都知啲牙嘅貝果好出名，可惜大圍店好隔涉所以一直未有動力去😂難得喺k11 musea開左pop up store，一定要試下貝果都有拎翻屋企焗熱後食，包身外脆內煙韌，好好嚼😂咖啡貝果波配Lotus & cream cheese $45口感味道層次豐富，有咖啡醬配埋cream cheese食整體唔會太膩，三款最愛依款奶醬肉鬆紫菜貝果 $50包身真係有淡淡嘅紫菜味，成個包好重身足料，麻糬大大舊，煙韌控同中意花生醬嘅人一定中意依個組合抹茶乳酪玄米茶奶酥卷 $45依個喺現場食，冇翻熱到，可能口感有差。包係湯種所以算軟熟，抹茶乳酪配上草莓粒幾fresh，可惜奶蘇存在感較低，整體一般，冇咩特別，相對cp值低初初諗點解一個包可以賣成四十幾五十蚊，但Dear嘅bagel真係值依個價！足料而且有bagel應有嘅嚼勁，唔係食普通麵包軟熟質感！真心唔錯…查看更多

外賣平台嗌左大啡菇芝士牛肉漢堡 跟餐薯條+熱飲值得一讚👍🏻為防包漏汁，用多左張紙包住，而且好貼心用錫紙包住個包保溫，就算唔係即食，個包仲係keep住熱成個包都幾大個，味道亦唔錯，包身有牛油香，牛肉同大啡菇都好juicy，食落有陣松露味，醬汁唔會令到個包淋晒🤤薯條係粗薯，幾脆口～…查看更多

平日lunch time時間去到排左45分鐘先入到去，果然人氣不可忽視泥到梗係要試招牌滷肉飯，嗌左肉鬆滷肉飯，有得揀溏心蛋或溫泉蛋，大量嘅肉鬆真係好滿足😍不過撈埋啲滷肉食其實都唔係幾食到肉鬆嘅味道，淨係食得出佢係辣肉鬆😂肥瘦均勻，瘦肉部分唔會鞋，仲有啲酸菜配下飯，成碗飯都算大碗，夠飽同行友人嗌左個麻油雞湯套餐，幾香當歸味，雞份量都多而且入味，湯入面仲有啲金菇添，不過個湯就真係幾油啦，同埋啲雞唔算嫩滑，下次會想試下鹽蘇雞套餐🤤蛋餅就失色左啲🤧嗌左粟米芝士蛋餅，蛋餅係即整，但上枱擺左一陣後凍左，餅身就變得乾硬，芝士微拉絲份量唔算多整體泥講，cp值算唔錯，會encore招牌滷肉飯，不過等冇咁多人排隊先啦～…查看更多

一直想試下依間，好似佢個吐司都出名，但果日食完飯飽想食糖水，就冇試到吐司，下次有機會可一試😋都幾足料，入面有好大舊仙草，芋泥球，蜜芋頭，即係芋頭肉，仲有三色芋圓，整體唔錯，滿足晒芋頭控🤤甜度適中，芋圓亦唔會太淋或硬，但味就唔出…查看更多

依間包鋪有好多款都想試，但因價錢唔平所以忍手只買左3款四四方方咁幾可愛，麵包咬落幾鬆軟芋泥餡佔左半個包，都幾綿滑，但其實食落冇咩特別，唔值咁貴依個反而有驚喜麻糬比例較少同偏淋身，芝麻餡就非常多，食落好似食緊芝麻湯丸咁，好食，而且相對平，可以encore本身想試蒜香墨汁果款，但可惜賣晒，唯有試依款啦，食落有啖啖抹茶香味，但質感係普通鬆軟麵包，一啲都冇bagel應有嘅硬或chewy包入面有麻糬同紅豆，望落好似好多餡，但其實分佈不均，咬完依幾啖後，包其餘位置已經冇咩餡整體依間包CP值十分低，冇人地講到咁好…查看更多

經過見到依間麵包鋪啲麵包西餅鬆餅撻款式眾多，而且價錢大眾化，忍唔住買左4個試下，依間啲麵包都好鬆軟又大大個，但食落普通話明係台式奶蘇，我expect個餡係乾身脆皮奶蘇渣，即係好似佢個面果啲咁點知佢係流心嘅醬，而且冇咩oreo味，重奶味同偏甜入面好多花生醬，咁大個先8蚊幾抵食，花生醬愛好者可一試外貌似肉桂卷但就變左拖肥，但冇乜拖肥醬而且成個包就係得面果幾粒合桃，冇驚喜，就係普通餐包一個咁佢有幾款口味，揀左最大路嘅朱古力味，點知都係一般，普通朱古力蛋糕但個味唔出，值得一讚係蛋糕幾濕潤唔錯總括而言，第一次幫襯畀佢嘅款式同賣相吸引，但味道唔出色，應該唔會再幫襯…查看更多

初初見到個裝修同個名HFT以為係cafe，點知原來係鴻福堂😂咁啱經過見到6點後麵包買2送1，就即管入去睇下入面有咩包賣，款式都多～每款各18蚊，都有用焗爐整翻熱抹茶焦糖三角吐司好食麵包烘到外脆內鬆軟焦糖甜甜地配上淡淡的抹茶味好食，拍得住享樂果款🤭 第一次食胡椒餅，唔知正宗係咪咁嘅呢，個餡食落似係重胡椒味嘅菜肉包餡，餅皮唔會過厚，不過不失啦香蔥芝士鬆餅，質感唔得，烘完個面先少少脆，唔焗直情係淋，入面鬆到似食蛋糕，食到中間開始口好乾，不過18蚊咁大個算係咁，齋講味道唔錯嘅特價36蚊3個大大嘅包cp值算係咁～…查看更多

第一次食果陣仲係夜晚禁堂食，有9折優惠我地2個人食可以揀一人一鍋或者合拼直接鴛鴦鍋，變相免費有鴛鴦湯底，依點比起其他火鍋店優勝好多湯底我地揀左芝士牛奶同麻辣，麻辣正常一般唔會太辣但冇記憶點，反而芝士牛奶好有驚喜，勁推介一開頭就要食響鈴!會吸晒D汁好濃郁可惜佢加湯係加清湯，搞到淡味晒就冇咁好食啦~所以想食濃味/掛汁麵就加湯前食啦肉方面我地揀左最平嘅A餐$198 包豬牛羊各一款，肉嘅質素都唔錯，唔係一般肥牛hea你其他火鍋配料可以出去拎/QR code落單，都係一般大路野，但少有地蔬菜會有羽衣甘藍，丸嘅話芋泥貢丸都幾好食，手機落單仲可以嗌手搖飲品，台式小食，炸物，甜品，款式非常多! 台式小食蝦卷同蔥油餅唔錯~炸物同甜品都即叫即整，推介雪糕窩夫!同出面甜品鋪食冇分別，我食左幾件呢~但冰就失色D，冇咩味同埋分量大要2個人食先OK~對甜品控泥講，又要打邊爐又要預時間食勻咁多款甜品真係好忙呀😂最後仲有一人一杯movenpick雪糕，真係好抵食!所以依排邊爐癮起就諗住再去食，今次湯底揀翻芝士牛奶同蕃茄，蕃茄湯底都濃郁，唔會太酸~ 肉照舊A餐~ 火鍋水準keep到可惜今次去食炸物係一早整定擺喺出面，導致唔熱又淋晒唔好食，最最最最失望係經過佢地出品部果到見到一堆整定左嘅窩夫，所以今次嗌嘅窩夫都係唔脆，而且細舊左~其他細細杯嘅甜品都唔好食~不過就變相唔洗等咁耐就有，但質素差好多~總括而言，去食佢嘅火鍋係唔錯，但甜品控就會有D失望😂可以留翻肚食多幾舊牛肉!畢竟有咁多手搖同甜品小食嘅火鍋任食唔係到到都有，CP值非常高!…查看更多

依一間嘅熱狗口味全部都係玩味style食厭齊柏林可以試下新口味～揀左「辣」🌶套餐價$65港式咖哩再加炸好左嘅薯仔，甘筍，蒜，洋蔥，意外地又同熱狗幾夾喎，啲醬係較結身嘅唔會搞到個包濕到軟，而且真係辣到個嘴會有麻嘅感覺🤣依間店可以揀脆豬包/軟包，揀左脆不過其實唔係想像中奶油豬果款烘到咁脆薯條可以免費轉蕃薯條😍好甜，有少少鹽作調味全部即叫即整所以都熱辣辣食正呀服務態度亦都好好，第一次買唔知揀咩口味好，女店主都好有心機同我推介…查看更多