noodlemen's Profile

泰北 (雞肉) 咖喱湯麵 Khao Soi (Chaing Mhai Curry Soup with Egg Noodle & Stewed Chicken午餐時段12:00-16:30 $80 (包指定飲品)🍜麵底係粗麵，彈牙嘅！份量偏小。🍜個湯係濃濃嘅咖哩湯，好夠味，有椰香，唔辣，唔似有 d 加左湯就變得淡晒。🍜配料：上面有啲脆嘅麵條，以及一大舊無骨雞髀肉，舊雞夠淋夠味夠大！🤔 午餐嚟講，麵嘅份量偏少，幾啖食晒，一定唔夠飽！雖然味度不錯，好香濃，但食完飲晒成杯凍龍眼汁仍然覺得好口渴。🥵…Read More

試左佢嘅招牌元州牛肉麵。🍜麵有得揀粗定係幼麵，店員話粗麵就彈牙啲，幼麵就滑身啲，我揀咗粗麵，的確彈牙有口感！🍜個湯除咗牛肉味，仲有少少藥材味，略嫌咸咗啲 🤏遮蓋左啲好香嘅藥材味。🍜配料：嗰兩片牛展好入味，夠厚身，煮到連啲筋都淋，無牙都食到👍🏼白蘿蔔就差啲，有少少渣以及一啲味都冇，應該係就咁用水白烚。下午茶餐全部$48，有佢嘅招牌牛肉麵，寫明得兩塊肉，但估唔到都大大嚿。麵嘅份量偏少，可能因為係下午茶關係？如果唔係下午茶嘅話就一定唔夠飽。星期一下嘅午茶時間嚟食，當時只有一枱客 ，覺得佢值得更多人認識嘅店。…Read More

只要夠Chill 就ok？🤑首先果日去到係weekday 嘅1:45pm。咦，原來無 lunch set 架？唔緊要啦，照睇吓有咩食啦。🥴*Crispy Snapper Burger $168*即係魚柳包，原來淨係得個包(tartar sauce，2舊無乜味嘅炸魚，生菜) ，無薯條無盛…. 雪藏嘅魚柳，加個包，2片菜，你收我$168 ？？？🫣然後見到隔籬枱都係食呢個包，但係佢多我2片番茄，點解嘅？乜咁無 standard 架？🤔1/2 Roasted Chicken with Garlic Fries $198 首先個薯條好香蒜味嘅，但好似炸太耐，好乾，好硬。隻雞先犀利，只有外皮有d味，啲肉係無味到我以為自己食緊減肥餐！雞胸又鞋又無味都算9數，哇！連雞髀都冇汁架，成隻雞乾柴到咁，真係點做到 ？🤮…Read More

⭐️⭐️⭐️/5 （因為個葡萄鴨肉串所以有三粒星，如果淨計個麵就 ⭐️⭐️ /5 only)火夫 @kafu_hk 虎蝦濃湯麵 🍜麵質好一般，唔彈。🍜個湯… 唔係，應該話係汁(因為杰到真係似用嚟煮意粉嘅汁。)首先一d 都唔熱，一食落口個味好熟悉….. 丫！好似罐頭龍蝦湯嗰陣味，好杰好漏。🍜配料: 大大隻虎蝦用包住櫻花蝦一齊炸，正常發揮。🥲午餐去食，$78 (蝦麵要加$50)包個飲品 +10% service charge = $141😖食拉麵一定會飲埋啲湯，但今次真係搞唔掂，食到咁上下已經un住un住。個胃唔舒服仲有幾個鐘。隻蝦真係好Instagramable 啱曬打卡囉。反而佢個葡萄鴨肉串唔錯吃。(另加$40有兩串)…Read More

⭐️⭐️⭐⭐️/5米線嚫 @msqin_noodles 酸菜魚米線🍜呢個米線比譚仔嘅有咬口，係我喜歡嘅質地。🍜我揀左小辣 (有大, 中, 小, BB 辣可以揀)，個湯夠麻，亦有辣，反而唔係好夠酸，但都好味(酸啲更好)。🍜配料: 芽菜少少，但魚片唔算少，亦夠滑，熟度剛好。😍😊$5x 嚟講幾好！重點係地方乾淨企理 (好重要)!!! 呢類有 heart 嘅小店一定要多多支持。真心我唔中意食言覃亻子，但呢間我一定會再幫襯 for sure. 多謝你令小西灣呢個美食沙漠有多個選擇！💪🏼…Read More

⭐️⭐️⭐️/5鳳鳴居 @fengminghouse 醉香雞米線🍜米線比譚仔嘅質地有咬口，我比較喜歡這個。🍜個湯有酒香但唔濃，反而偏甜，遮晒其他味。🍜配料: 雞件算多，但無乜味。木耳爽口，不錯。紅棗夠大又甜，得好。🤔 $5x 嚟講係ok 嘅，不過長期要排隊，時間多嘅，可以排下嘅，但我比較懶😅 題外話，等位嘅時候，有另一位等緊位嘅客人暈倒，所有等位嘅人都好熱心幫忙，有人call白車，有人offer 其他嘅幫助。餐廳入面嘅職員都有出嚟望吓發生咩事幾次，但只係望，連一杯水都無offer 過，感覺有點冷淡。。。…Read More

蠔皇豬豬🍜扁陽春麵，麵質不算有咬口，應該話唔太喜歡呢個麵質，唔夠掛湯🍜湯係高湯base 加 蠔湯，味道好像不太夾，好分離，第一啖好重蠔味，但食食下感覺好 plain🍜配料: 廣島蠔x2 肉質爽爽地，生熟度不錯。蝦x2 爽口但無味。豬腩肉幾片，都係無乜味。🍜份量偏小🤔食食下啲伙記好好服務係咁加茶，心唸，間野都幾好招呼，到埋單發現，原來有收加一服務費嘅，唔怪之得啦。😟食過 4個口味，唯一呢個唔好食，感覺個豬同蠔無乜啦Lun，如果我第一次就食呢個味應該都幾失望。…Read More

終極雞湯拉麵 + 特松組合🍜幼麵，麵質正常，無乜特別🍜個湯都不錯，唔會話好咸，但好少，因為我叫左替玉+特松組合，完全唔夠湯！🍜配料: 本身只有半隻蛋，加一塊叉燒，好多白蔥，炸葱，太多了🍜 唔知係咪做緊幾多周年特價，個份量好細，一定要叫extra 野👌🏼因為唔夠湯，所以無食晒個麵，只食晒啲餸，特松組合抵食，4塊叉燒 +1隻蛋。但我食完好口渴，唔太舒服，唔知係咪有味精😢…Read More

因為之前食過旺角店，覺得幾好，於是去開青衣唸住集團經營，質素都唔會差啦。當日係星期六嘅大概晚上6點幾。呢間店大概有5成入座率，佢對面食天婦羅當飯嘅排左條10幾人嘅隊，but anyway，我一心都係唸住食呢間。 叫咗個 “望月板前特撰寿司” $248 9件壽司，1個手卷，包埋: 茶碗蒸，超迷你沙律，偏咸味噌湯。呑拿魚赤身有筋 😞海老又凍又腥嘅 😞甜蛋勁凍 🥶油甘魚少腥🫤最差係果件乜嘢裙邊，哇！腥嘅，韌嘅，咬唔開嘅，即刻吐都吐唔切！🤮青衣店真係唔掂，如果唔係食過旺角嗰間先，我真係唔會再幫襯呢個品牌。…Read More

見到d 介紹話間野係咩日本 number 1 天婦羅，又咩全國金獎 blah blah blah…今日去開灣仔，下午茶時間 (3pm左右) d 拉麵店落晒埸，咁就去呢度試下啦。- 上天「井、」$118内容包括: 魚 x 1 , 蝦 x 2 , 魷魚 x 1 , 豆 x 1 , 蛋 x 1 , 紫菜 x 1🍚 - 松葉蟹「井、」$158内容包括: 蟹腳 x 2 , 蝦 x 2 , 魷魚 x 1 , 豆 x 1 , 蛋 x 1 , 紫菜 x 1😕所有嘅天婦羅個顏色都偏深色，近似淡啡色，同平時認知嘅淡黃金色有分別，以為係因為佢淋左豉油，所以咁嘅色，但一食，OMG !!! 一丁點嘅脆都無！一d 都唔鬆化！感覺係個粉漿嘅問題，以及啲油唔知用左幾多日所致。師傅喺碗飯落左好多豉油，食致底幾咸，唸住飲啖湯清下，點知仲咸！你睇個碗以為好多飯，錯喇少年你太年輕啦，原來個碗外底同個内底中間係有個約3cm 嘅gap㗎！食後感：🤑🤮😵無下次 。希望大家不要中伏 。d 相無落filter, 真係炸到啡色㗎！仲有間野要收加一服務費架，不過要自己scan QR code 落單，比壺水你自己斟茶，食飽自己攞張單去門口埋單，真心唔知個服務費係服務左喺邊？…Read More

喺openrice order takeaway，嗌左2樣嘢：桂花同埋椰汁。🌻個桂花ok 架，清清地又唔太甜，清心丸好味。🥥個椰汁一打開，一遍白濛濛，攪兩攪，以為淨係面果層有椰奶，下底係糖水，但係點知原來成碗都係椰漿，唔係椰奶，唔係椰汁，係杰撻撻嘅椰漿！食咗半碗，真係攪唔掂，之後果日痾左一日，可能因為太肥啩 🥲🥭Btw 之前食過芒果味，係最好食嘅，當然係最貴。其實總括來說係ok ，特別覺得佢個碗不錯。…Read More

黑蒜油湯沾麵 配 黑椒麵🍜麵質有咬口，亦有黑椒香，不錯。🍜湯係豬骨base 加 黑蒜油，味道偏咸，個黑色油亦不太食到黑蒜味，以沾麵嚟講湯比較稀，不太掛汁。🍜配料: 蛋，不錯，生熟適中。叉燒ok，無乜特別。仲有啲荀，ok。🍜正常份量，如比較大食/ 肚餓要加底。👌🏼特別在手工麵，有原味，黑椒，以及daily special，當日係芫茜。覺得湯可以做好d，沾麵但沾唔到😖西環好似無乜其他拉麵競爭，所以好難話會唔會再食。…Read More

喺Openrice 見咁多哈哈笑，又係我想食嘅雞白湯，去開灣仔就試吓啦。Lunch hour 等左20分鐘左右，入到去，3個員工都係菲律賓人，心唸 “咦！咁嘅！？”😳佢有直麵/曲麵，兩個都係揀曲麵，個staff 話好食喎。☹️至極白湯拉麵 $96落單後5分鐘唔洗就到喇，一嚟到見個湯係淡黃色並唔係米白色，試下啖湯先，咦！😳雞白湯唔係咁架喎！但個味咁熟嘅🤔 再食啖，我唸到咩味喇！係忌廉雞湯嘅味！個麵質ok 嘅，似係攞貨果d囉，但個量好少，雞肉無乜味，但唔鞋嘅，隻蛋undercooked太生，又唔入味😖😣辛辣雞白湯拉麵 $87個辣好平淡單調，就係個忌廉雞湯加咗辣囉，呢碗仲慘，連蛋都無隻😫🤔真想唔知點解會有人比哈哈笑…Read More

忍唔住，第一次寫，因為唔想有人中伏！見網上啲評語咁好，咁多人介紹，就諗住同屋企人去試吓，4個大人2個小朋友食咗$2000幾🤑我哋嗌咗：🤮最熱門嘅芝士龍蝦伊麵，芝士醬好杰，好多粉，個伊麵底撈唔散成pat野，龍蝦得少少，要成$450🤢然後話係另一個推介椒鹽通菜，就係yam咗炸漿嘅通菜莖，真係唔識欣賞，個漿又厚，就咁食炒通菜會開心啲。😵‍💫黃金炸豆腐，當你以為炸豆腐應該係外脆內嫩嘅時候，佢竟然係用煎釀三寶嗰種豆腐即係硬豆腐嚟炸，成件事乾曾曾，一啲都唔滑。☹️油浸筍殼魚，唉，炸得唔脆，overcooked 左條魚，魚無味，個豉油都無味。😅豆醬雞，個味唔錯，肉都滑，好食只不過當日隻雞肥到hihi。👍🏼蠔仔粥，成晚覺得最好食嘅，足料，蠔仔大大粒，個湯底都好味。…Read More