ellasau's Profile

一個字, 伏一行7人叫左2個鍋! 一個豬骨一個麻辣鍋。不過開左爐無幾耐就走左隻曱甴出黎.... 我同友人即刻嚇到企左係度。職員反應平靜, 同我地解釋因為前兩日岩岩滅完蟲喎.... well, 雖然主動換過個鍋, 又話送甜品補數, 但我聽到職員係Walkie度同同事講唔洗咁大反應既... 好, 論食物...... 唔, 認真無一樣係覺得好食既, 係個響鈴叫做新鮮即炸咁lor..手切肥牛.... 我未食過咁碎咁薄既手切肥牛, 價錢仲要唔係平..... 份量又少, 有幾塊我直情以為自己食緊燈映牛肉呀大佬....其他野食無野想講, 因為無一樣野係好食, 所有食物既分量係超級少, 但價錢唔係平! 而且湯底味精好勁, 食完非常口渴。總括黎講, 食物質素非常一般, 價錢高, 份量少, 環境衛生差..... 完。…Read More

環境ok, 冷氣好足, 但係野食真心一般...同老公一人一碗牛肉麵,同3個小食我叫左紅燒烏龍麵. .. 湯底同麵質係OK 既, 但係D 牛肉勁細粒, 細粒到好似食緊五香肉丁咁....老公叫左個清燉牛肉刀削麵, 湯底有藥材香, 唔錯既, 但係D 牛肉除左一樣勁細粒之外 , 仲好似食緊湯渣咁..... 鞋到唔想食, 又無味....攪唔掂呀大佬小食...我地叫左涼拌木耳, 豬耳同豬大腸, 份量非常少, 味道亦一般.... 總括而言, 唔會有下次…Read More

一句講曬, 超水準黃店炸雞!! 先唔講係咪黃店, 淨係講d 炸雞真係好好味!! 我係外賣自取拎返屋企食, 但依然勁juicy!! 食完又唔會勁口渴! 仲要係黃店, 無理由唔幫襯~~不過店舖好細, 比較岩外賣返屋企慢慢食😉…Read More

如題... 6百幾個like 究竟點黎架?先講野食: 炸雞, 無論叫乜野味, d 炸雞都係一樣, 分別只係比唔同既source 你自己點...其實係咪可以比少少誠意呢, 我去肯德基都撈埋個醬比我喇...其他野食都只係不過不失, 無乜邊樣特別好味。講服務:今日完全係唔夠人手.... 啤酒都係食到一半仲要追先黎, 可能咁岩今日唔夠人手喇...只能講句, 呢間食店唯一可取係, d 野食唔算貴喇。食過一次, 老實講唔會再黎。…Read More

同男友慶祝生日, 點左以下食物:- OCEAN PLATTER FOR TWO ( CHILLED), 另有燒烤的- CRAB CAKES- RIBEYE, BONE IN- MOCARONI & CHEESE- MORTON'S HOT CHOCO CAKE ( 餐廳送的) - HALF BOTTLE RED WINE首先SERVICE 一流, WAITER們都好好人. BOOK位時,知道是夜同男友慶祝生日, 於當晚就整左個特別既MENU 及送CAKE, 仲有張相留念~ 食物方面, 質素絕對OK.- OCEAN PLATTER ( CHILLED), SEAFOOD 都好新鮮, 特別係大蝦及生蠔~~- CRAB CAKE 一客有3件, 用料十足, 亦好鮮美, 不過十分飽肚! - RIBEYE, 肉質嫩, 肉味濃, 亦無OVERCOOKED , 值得推介.- MACARONI & CHEESE, 好味道呀, 可惜太飽, 要打包~- HOT CHOCO CAKE, 伴以雲尼拿雪糕, 雖然朱古力漿沒有流出來的效果, 但味道香濃, 仍然好好味, (食到好飽都忍唔住要食埋佢... ^^)- 飯後再黎柸CAPPUCCINO, 完滿結束.順便一提, 此餐廳氣份也不錯, 喜歡浪漫情調的可以一試~不過價錢略為貴了一點, 不過觀其食物質素和服務, 也是值得的.…Read More