summerskyworld的個人專頁

試新開冇耐泰國餐廳，中午叫左個海南雞飯，味絕馬鞍山。油飯有淡淡黃薑味，胡椒冬瓜湯味濃又加埋西芹醉夠清香。無骨雞，啲肉夠香軟而啲肥膏冇乜。配菜係蒜蓉炒雜菜都見到有功夫，平時好少食菜嘅我都食埋！成個餐$75，但12:50前埋單有9折，跟餐茶。係馬鞍山來講，價錢唔算平，但味道肯定超哂班！有機會試埋其他菜式。…查看更多

周末晚揾個人少又可以坐得耐慢慢食嘅地方真係唔容易，有朋友建議去完西貢行山去馬鞍山打邊爐。呢個釣魚翁平時燒鵝最出名，但今次我地食任食打邊爐。加28蚊先來個麻辣雞煲，味道當然夠麻又辣，以為普通港式打邊爐啦，點知錯哂！跟住侍應上埋靚牛脊肉，成個兵乓波咁大有兩隻蝦嘅水餃皇，跟住...有中蝦、蟶子、蜆同鮑魚，好鬼新鮮，其他火鍋料當然多選擇同新鮮啦。同場汽水沙律小吃任攞。服務又好，環境又舒服，由7點坐到11點，做街坊生意，可以慢慢嘆！…查看更多

第一次幫襯，叫左杯香港仔。上果時係用碗上，好特別，而且杯特飲主要用玫瑰露，花雕調較，飲落口好香玫瑰味之餘又唔嗆喉，仲要甜甜地，啱哂女仔飲。而且對住維港景談心更加一流！…查看更多

去尖沙咀成日行過呢個位，做左幾十年人都唔知呢間酒樓咁巴閉。有晚台灣朋友來香港，帶佢食地道港式小菜。燒肉當然正，紅蟹芋泥糯米飯簡直係頂瓜瓜 （記住要先預訂），個飯係用大隋圓形碟上，芋泥蓋住啲蟹同飯，好鬼香。而且隻蟹好夠砰，啖啖肉，啲糯米飯吸收哂啲芋泥香味，簡直覺得自己好幸福。記得要預訂埋杏仁茶做甜品，味道夠懷舊，出面酒樓都係水加粉咁煲。但頂好係手磨，有杏仁粒架，而且味道好清香。另一推薦係杏仁豬肺湯，出面有呢款湯都係買少見少。🤤…查看更多

老板娘係重慶人，用料夠哂道，花椒、臘腸全部都係重慶拎返來香港。麻辣雞煲、麻辣肥腸同其他四川菜鋪頭完全唔同。麻得夠爽，而且老板夫婦夠哂熱情招呼，價錢又抵，食到上癮…查看更多

成日經過呢間野，都冇留意食乜。有日試左佢地名物，燒雞翼、燒牛肉同埋蜆，好食到震，尤其係絕世秘汁，酸辣得來又唔嗆味。沙爹汁又夠濃，咁又當左一餐宵夜，仲有炒通菜都係必食。…查看更多

行完山食餐好慰勞下大家，走左去食麻辣鍋。我同朋友唔算食得好辣，叫左個小辣，個湯好濃，加埋辣油同乾碟，夠哂四川風味。火鍋料算新鮮，服務超好，個侍應不停自動自覺走來加湯加乾碟。…查看更多

兩公婆鐘意打邊爐，仲要揾任食，試左係佐敦嘅蒲頭島。果日我地冇食燒烤放題，淨係海鮮加火鍋，一大盤龍蝦鮑魚同帶子比你食，粒粒新鮮。而且餐廳乾淨。打邊邊湯底選擇又多，可以再返兜再食。…查看更多

老友聚舊，周圍試新野。呢間米之蓮推介果然零捨不同！叫左個牛排，用熱石板上，仲滋滋聲架，再配埋啲海鹽。啱哂食肉獸嘅我。同場仲有芒果napoleon成個lunch 簡直完美！…查看更多

元朗好多港式酒樓，但彩晶軒性價比算係高夠哂街坊小菜。果晚食左個冰陣甜酸骨，其他餐廳該未食過。雖然叫冰鎮，但入面啲肉仲係熱，外皮仲係脆架，感覺好得意。另外冬瓜蛊必食推介。…查看更多

位置好隱世，但法國fusion comfort food 好impressive. 叫左個羊架，味道好好，簡錢又合理，同朋友聚舊成晚。樓下仲有懷舊足球機，老闆又夠friendly. …查看更多

聞名不如見面，聴呢間餐廳個名聴得多，上個禮拜走左去幫襯。叫左個grilled salmon 仲要medium, 配小麥做沙律，係炎炎夏日望住個海好舒服。而且到8點有live band, 簡直一流！…查看更多