irene829's Profile

性價比超高嘅火鍋午市揀咗個午市套餐，兩款肉（4碟）。另外再有火鍋配料，台灣小吃（有最愛嘅豬腸、肉燥飯，滷水雞翼尖），完全夠晒飽。最重要就係有DIY台式甜品，配料超多，簡直冇得頂。可惜就係尖沙咀分店有部份台灣小食需要揀選放題先有得，感到有點失望。因為銅鑼灣店就冇此限制，所有台灣小食，脆口美食等，不論套餐或放題，均可到食物區拎，食得更加開心。如果銅鑼灣尖沙咀冇特別地區偏好，咁下一次我就會揀銅鑼灣分店😆…Read More

性價比真係好高。可以揀烤肉自己燒，仲有無限添加嘅爐邊烤蛋（有芝士粟米烤蛋及泡菜烤蛋），已經好少韓式燒烤，可以免費提供。沒有限時，再加上很好的服務態度，同朋友一齊食得開心又輕輕鬆鬆。我哋兩個人都點了同一份五花牛套餐，而且仲有特飲，埋單都唔洗$100。可以再encore。📍蔥蒜牛五花餐牛肉口感好好，而且份量足夠。📍芝士粟米烤蛋（免費添加）非常足料，把爐邊填得滿滿，無限添加，簡直性價比超高。簡單食這個已經值回票價。…Read More

蝦湯拉麵真係好有鮮味。今次試咗蕃茄蝦湯麵同埋牛乳蝦湯麵，湯底好濃。津津有味。如果以正價計算就不過不失，但係荃灣店而家做緊同款拉麵買一送一，性價比就真心高。加個面底只係$15，大人小朋友又可以一齊食🤭最鍾意就係日本拉麵再加面底，變相可以有二碗份量😂我們黃昏時段到達，客人不太多。服務員都好細心講解不同湯底的分別。另外要推介係大阪燒餃子，肉汁豐富，而且大大隻。佢同普通餃子價錢一樣，咁我當然點這款大阪燒餃子啦😋…Read More

好耐冇喺爭先食迴轉壽司，今日俾佢門口嘅套餐吸引，星期六仲有午市套餐，經濟實惠。🍱🍲🤩📌蟹肉蒸蛋好多蟹羔，而且蒸得好滑好入味。📌牛肉烏冬份量都好多，而且用咗讚岐烏冬好滑好彈牙。三大片牛肉夠晒嘴料。📌海鮮壽司拼盤五點，其中油甘魚腩及三文魚腩，充滿油分，而且好肥美，性價比好高。整個套餐值得推介。😋😋🍣另外輸送帶上嘅迴轉壽司，我記得以前是劃一價$8，雖然而家分開咗三個價錢分別是$8/$12/$16，但係明顯見到價錢雖然貴了少少，但係質素就提高咗好多。以前全部$8感覺上全部因為都要將貨就價，所以質素反而一般，現在分開三個價錢，反而可以嚐到較高質素嘅壽司，所以亦都係值回票價。🙂今次重新到這間爭鮮迴轉，整體感覺各方面都覺得已經升級咗，而且亦都坐得舒服、環境都不錯，下次可以再encore 。…Read More

奧海城呢一間小店，早前經過，見到啲客人可以坐出戶外食串燒飲啤酒，感覺好chill 今日同朋友揀咗呢間親身嘗試。見到佢有任食串燒放題，即時揀咗呢樣。因為串燒、小食、甜品、麵粉都可以任叫，唔使「就住食」，當然即揀。主打串燒，所有款式叫齊晒。一口一串，好惹味。當中要推介嘅就係魷魚串/滕椒雞尖/雞皮/五花肉/黑椒雞腿肉。越食越滋味。小食中，麻辣鍋巴土豆及小酥肉整得勁香口。仲有豬手/五香肉都非常入味。雖然食到好飽，人但這小店小面冒菜都很出名，所以仍然堅持叫咗粉麵試一試味道。😂份量都多。當中推介嘅就係肥腸酸辣粉及重慶小面。很有地道特色、酸酸辣辣。最後冰粉係一個完美嘅總結。食到飽飽，再食埋個冰粉。配料好多，又係自己DIY. 最有特色嘅就係桃膠。天氣好，戶外吹水，任食放題。簡直係一大享受。非常滿意今晚的晚餐。…Read More

酸菜魚控的我，見到過江龍美食，必去試一試。星期六中午，估不到仍有多款特價餐，夠晒吸引。📍雞煲二食套餐第一食惹味雞煲，份量好足，好入味。第二食打邊爐，職員幫手加湯時，竟然發現湯壼中是濃雞湯+雞件。既時感到誠意滿滿。變相又多左半至少1/4-1/2隻雞件食😆。四小碟有炸雞皮/雞柳/雞腎+一籃菜，看似不多，但食食下都不少，夠豐富。📍經典麻辣燙套餐揀咗魚片、牛柏葉同埋嫩牛，另外再加多三款素菜，配搭藤椒湯底。一大盤上枱，好豐富。湯濃味鮮，魚鮮牛嫩，好開胃。套餐仲包埋冰粉及手打檸檬茶，勝價比十分高。如果食開酸辣，起碼要叫中辣以上。📍片皮鴨半隻本身冇諗住食片皮鴨，但見到心動價叫了一份。難得的做到二食效果，鴨皮入口即溶高水準，意外驚喜。鴨肉不肥，啖啖肉。整體感覺超好。這個價錢食到高水準，下次門必定encore😋。…Read More

一到午市就大排長龍趁下熱鬧試返一碗。🍜感受一下人氣店美食麻辣車仔麵🔥夠惹味可惜不論面底及餸菜都份量不多。整體味道好。如果鍾意刺激口味值得一試😋如果唔食辣的朋友這間店就只是普通車仔麵，也沒有清湯可選。而且勝價比就偏低🫣身為車仔面控，感覺以往以經濟實惠賣點的車仔面，開始成過去式了。現時好多店都越食越貴，每一間餸底有時差別不大，最主要就係比較個湯底同份量。以這個價錢及份量，這店附近也有更多好選擇😛…Read More

這一間在旺角鬧市中的餐廳小店，估不到晚上有一條長長的人龍。一直被它的鎮店之寶威靈頓牛柳吸引，等了半小時終於有得入座。這間餐廳裝潢得不錯，但入座時剛好被安排的枱上面有一部大大的冷氣機，吹到頭到甩😅，所以再次換了位置。除了主打的威靈頓牛柳，亦點了一個巨大漢堡包。兩個人吃不到太多，招牌軟殼蟹龍蝦汁海鮮意粉沒有點，只單點了軟殼蟹試試味道。威靈頓牛柳🍖一層酥皮包着牛柳，肉質軟淋淋，味道很好。雖然跟傳統的威靈頓牛柳做法不一致，但也是有創意及性價比高，值得一試😋牛肉漢堡包這個漢堡包價值超過$100，雖然漢堡牛扒口感好，多汁。不過相對上性價比就不是太高了。軟殼蟹普普通通沒有什麼特別。喜歡吃牛肉的人，這間西餐廳也是旺角鬧市中的一個好選擇。…Read More

呢間小店單睇外型已經吸引左我，雖然座位不多但就夠晒「骨子」，啱晒我同朋友二個聚舊。晚市二人套餐好抵食$288，又豐富，勝價比十分高。一大盤酸菜魚+ 麻辣燙+ 小食+ 二杯手打檸檬茶+ 甜品🍮，吃到大滿足。📍天花頂酸菜魚揀咗小辣，入晒味，配菜多，魚片很滑，而且份量多。因為遷就返香港人不太好辣，所以小辣不是太強，如果平時鍾意食酸辣嘅朋友可以挑戰中辣及大辣😋😋📍海鮮麻辣燙揀咗魚片、牛柏葉同埋嫩牛，另外再加多三款配菜。又揀咗藤椒湯底，新嘗試。第一次揀呢款湯底覺得甜甜地、辣辣地，果然口味清新。麻辣燙入邊仲可以加多一款粉底，薯粉條係一個絕配😋。索晒啲湯底在薯粉中，一流。📍涼拌萵筍絲，當然味道清新，是開胃的涼菜。📍兩杯手打檸檬茶，當然與麻辣燙係一個好好配搭🤭📍紅糖糍粑- 煙煙韌韌。為呢一餐豐富嘅晚餐畫上完美嘅句號。食咗盤酸菜魚已經半飽，另外再加多一大碗麻辣燙，其實真係份量好足，菜式越食越開胃，不知不覺全部清晒😂。…Read More

這間小店屹立土瓜灣40年，依舊如一，專賣椰汁🥥生榨椰子汁，現場即制。加上碎冰打碎，簡直透心涼。真係由細飲到大，就算搬咗舖頭，都一直追踪。每次經過土瓜灣，都會買兩支回家。不過推介嘅是的即榨即飲🤭🤭…Read More

果然名不虛傳，有實力。啱啱下午茶時段，茶餐有好多款選擇。食物端上枱，出乎意料，又足料，又大份，不得不推介。📍Double 厚豬扒飯🍚兩塊厚厚的豬扒，真的好厚。咬落去多汁入味，配上辣肉醬，絕配。估唔到這個新鮮配搭咁惹味。🥘自家制辣肉醬，好惹味，必追$5📍紅豆冰甜度適中🤭只$5必加🧋📍招牌厚豬扒脆豬包（配魔鬼醬）🍔嘩～超大份，簡直係深水潛艇，一開二之後都仍然勁大份，仲大份過好多其他店豬扒包，而且豬扒真係好厚肉多汁，又有我最愛嘅豬扒骨，簡直係性價比超高。📍香炸雞髀配冰室沙律🍗最驚喜就係沙律，自家製仲有好多蘋果粒粒。雞髀翼都啖啖肉，十分可口。📍冰室一口西多士🍞一上碟，勁大份，配上朱古力及煉奶，好味😋。與法蘭西多士（入邊有花生醬）不同呢，啱晒想食西多口感但又唔鍾意食花生醬嘅朋友。感覺到誠意滿滿🤭📍禾味燒bb鴿🕊️簡直有驚喜，估唔到茶餐廳做乳鴿做得咁出色。😍原來佢係自家製乳鴿，不是出邊入貨，怪不得味道調教十分入味。食完一隻又一隻，唔洗去酒樓都可以食到。另外，厚豬扒篇，入面有好多款唔同嘅組合。老闆話佢個咖喱汁都係自家製，下次必定要試。😋😋😋😋😋最後，不得不讚賞呢度嘅伙計及經理嘅服務態度，真係咁忙嘅時候，仍然好好招呼，又介紹美食，真係抵讚🤭🙄…Read More

這一間潮州菜館之前已經喺深圳品嚐過。估唔到已經進駐咗香港嘅市場。今日同朋友食飯，揀咗呢一間潮州菜館，發現了性價比極高的午市雙人套餐。這個套餐單看菜單已經覺得很豐富，份量足夠2-3人，而且唔使$200，已經可以喺這一間大商場內，品嚐到舒適超值的午餐餐前小吃- 功夫茶配紅豆餅🥠這個餅勁脆, 不太甜，查問之下原來是紅豆餅，很出色。完全可以買回家當零食。金獎滷水鵝拼盤🧆果然是得獎作品，鵝肉質感非常之好，勁愛流心蛋。值得一試。香煎金䱽魚炸得很可口，很香，一點也沒有沒有油膩，越食越食越開胃。潮汕七樣菜、炸豆腐🥗🥘雖然這兩款是簡單的潮州菜式，依然製作用心蠔仔泡飯🦪有意外驚喜，很足料，好多蠔仔号，全部都很有蠔味，而且泡飯很多，兩個人食唔晒。鴨屎香檸檬茶🍹估唔到潮州菜館都可以飲特色的檸檬茶，真係要額外比個讚。全餐飯真係食得很滿足，咁優惠嘅價錢，根本都唔需北上。最初仲以為睇錯咗，原來確實係做緊大推廣，下次會再約朋友到這間店吃午餐。😍…Read More

近排好鍾意食開心果系列嘅產品，早前知道呢間餐廳出咗開心果下午茶套餐，於是今日就同朋友試一試😛這個下午茶套餐包括咗兩杯開心果特色飲品以及開心果西多士😋。大大滿足我呢個開心果迷的味蕾。🥞開心果多士早前食過明星效應嘅開心果麵包, 最愛流心效果。今次呢間茶餐廳的開心果餐，估不到也有驚喜。好多開心果及煉奶鋪上西多士上面，入邊又塗滿了開心果醬及花生醬。簡直係邪惡的食物😈但係又極之美味，對於鍾意滿滿醬料嘅我簡直係大驚喜😋🤩🧋開心果奶茶紅豆冰有滿滿的紅豆，啱晒我。雖然吃得出入面放了開心果，但係如果可以再多啲就更加吸引。這杯紅豆冰不太甜，配上甜甜的開心果多士效果很滿意。🍛黯然銷魂叉燒飯叉燒不過不失，最出色反而係鋪在飯上的流心蛋。同時因為吃了甜甜的開心果餐，這碟飯剛好中和了口感。不知不覺吃了一整碟。🍗炸雞翼因為看見對面枱的人點了這碟炸雞翼,吃得津津有味。雖然很飽,但是最後仍然點了這碟香脆可口的炸雞翼。$30/5隻，好抵食。…Read More

呢一間位於小巷嘅小店，久不久都轉換新舖，最近見到有啲村民喺度等外賣，發現咗原來係呢間手撕雞專門店多人排隊自然應該都有美食，今日無意間經過，便買了一份手撕雞麵。一份麵大約有¼隻手撕雞，而且有多款味道選擇，今次揀了香辣味一試。份量比我想像中多，而且除了手撕雞之外，仲有好多配料，包括辣菜脯、青瓜絲、花生同埋好多我最愛嘅花生醬。冷麵配上花生醬，簡直係一個絕配，清新開胃。散叫$35，另外再加$12雞翼小食。份量完全💯。食完到大滿足😌😋。如果唔想配飯面，其實買半隻手撕雞食都大大份，而且仲可以包埋雞翼雞腳同埋雞腎，當做小食一流。…Read More

將軍澳區，小發現，大驚喜。🤩這間牧羊少年都有不同的分店，估唔到係呢個將軍澳單車場館裏面都發現這間咖啡店，仲可以感受到誠意嘅美食😋😋🌮牛油果墨西哥脆片（這款小食香脆可口無得輸）🍝俄式牛仔柳意大利粉🍖咖啡羊架（這種煮法很突出，羊味重肉質佳）🥧半熟芝士撻 （半熟效果極好，誠意推介）🍰是日蛋糕 （甜度適中忌廉香滑）每一道都係用心之作🥰套餐仲可以升級，配上精美前菜及甜品，大滿足😌雖然置身在運動場館內，但這咖啡店環境寫意很舒服，亦都是同三五知己相聚嘅好地方🤭…Read More