myheasharings's Profile

< MOYO >SOHO真係好多野食尋寶～ 今次食既韓國菜加左少少意大利風情🇰🇷 無論餐廳環境定野食都唔錯 就黎情人節可以諗諗佢🤭-Truffle beef tartare $348睇外相已經贏左9條街😆 松露味好岀加埋韓式食法咁落左蔴油 調味好夠 不過就食唔到有蛋黃味道 個和牛肉質幾好 無筋🐮 加埋脆脆食無咁油膩添👍🏻MOYO bossam $238呢個好岀色🥹 本身嗌個陣諗住係普通韓式豬肉 但上碟個陣都聞到陣燒烤香 岀面係少少脆香感 然後啲肉同脂肪比例岩岩好 食落唔漏仲覺得好軟冧 如果怕油膩既可以夾埋啲泡菜同洋蔥絲食 好正🤤Sea urchin rice $248相比上面兩樣既話 呢個飯就無咁驚喜啦 都係韓國飯團加海膽咁 可以試下另一樣🙈Boksoondoga makgeolli $330好飲🍶!! 但係岀面買應該平啲 如果中意飲酒既朋友都可以買黎下🤭-📍 MOYO中環蘇豪鴨巴甸街36號地舖…Read More

< 立鮨 >話就話岩岩返完鄉下無耐 但已經好掛住啲壽司拉麵🍣 經過有得食就更加抗拒唔到🥺 旺角呢間位置比較少 但去個晚都算坐滿 好彩唔洗等位🤭-松葉蟹肉海膽壽司 $38全部都係即點即整 會見到師傳好快手咁準備嗌既壽司👻 本身蟹味都好岀 鹹鹹地咁 有埋海膽加持就唔洗多講了🥹 呢舊可以唔點豉油食都得👍🏻 食返啲海洋既味道😆立鮨人氣盛合 $88呢個set總共有6款壽司 好似好少咁但原來都幾飽🤣 要講下其中珍寶赤蝦非常大隻！又夠凍食落真係好滿足 超新鮮🥰 仲有鰻魚大大舊 少嫌唔夠汁但都係好好食！btw有無人一樣唔中意食玉子壽司🥲 特選三文魚盛合 $60性價比算不錯 不過魚係單一啲 但調味都岀左啲小技巧令到食落都唔會係一樣味😗黑松露盛合 $122對蝦既愛無退減🤣 黑松露赤蝦好好食💯 又係大大隻蝦 再加埋一大羹黑松露醬放面調味 係重口味人士之選😝 個白松露白身魚薄切就正正常常 魚無話好驚喜地好食 不過加埋個汁 酸酸地幾開胃😉燒蝦頭配鮮蝦味噌湯 $15呢個有驚喜😍 由其是而家冬天 點都想要啲暖笠笠既野落下個肚仔！個蝦頭燒得好乾 咬薄仲有少少膏 浸落湯度非常濃蝦味🦐-📍 立鮨旺角豉油街50號富達大廈地下1-2號舖…Read More

< Pancake Senmon >行街食飯直落梗係甜品啦😗 地方都幾闊 坐得舒服👍🏻 一路傾一路食咁就一晚啦🤭-Chestnut Mont Blanc $148睇賣相就知係女仔必嗌!!😆 Mont Blanc系列有幾款味道 可以自己揀返中意既😉秋冬咁當然試下粟子🤎 岀面包滿哂粟子蓉🌰啲醬都非常滑 切開入面會見到pancake同雪糕 都係有得揀味嫁 揀左原味pancake同粟子雪糕 層次分明仲有啲cream夾埋 超滿足既甜品👻芝士和牛漢堡班戟 $158將burger個包變左做pancake既鹹食🤔 個和牛漢堡都唔錯 有肉汁又唔會好油 仲夾左塊薯餅係中間 不過唔知係咪日式料理都係偏甜🤭玄米茶 $38抹茶富士山 $48飲品都係正常無咩特別～ 茶具幾靚好岩打卡📷 抹茶富士山值得一試 個抹茶top打得幾厚實 加埋個奶好似一杯野可以兩個口感咁🍵-📍 Pancake Senmon銅鑼灣百德新街57號海華大廈地下B號舖…Read More

< 麻辣風雲 >好似越來越多人鍾意食辣嘢🌶️ 而家開到周圍都係！-砂鍋螺螄粉 $80嗌左五花腩片同鴨血 餸都係正常味道 無特別驚艷 比較細碗 女仔食應該岩岩好👍🏻 湯底都好濃 有返基本木耳花生個類配料夾個麵🍜招牌酸菜魚 $88跟餐有碗飯加埋湯入邊嘅薯粉應該好飽好飽😛 辣味唔算好重 但係香料味好夠 調味令成個湯升華✨ 平時好少食魚既朋友都話呢個既肉質同味道都有驚喜😗 唔會腥又有鮮味👍🏻炸饅頭 $36見好多枱都有嗌呢個 饅頭包好鬆軟 個皮炸得幾脆又簿 點埋個煉奶 可以一試😍涼拌皮蛋 $28正常小菜 唔算又辣😚-📍 麻辣風雲銅鑼灣駱克道491-499號京都廣場5樓…Read More

< The Dinning Room by BluHouse >早排生日 有人帶去食好西😛 見連openrice同google都好少分開介紹the dinning room🤭 其實係rosewood bluhouse入面分隔一個area做fine dine咁🙈-5 course dinner $1280Veal tartare個味道就比較複雜 好多種唔同既食材去調味🧐 有buffalo ricotta令個牛身比較creamy啲 再加caviar令個tartare再有一層鮮味 仲有啲蒜片好驚喜係甜甜地嫁🧄 牛肉就無筋既 不過撈埋哂之後都唔好expect食到好重牛味🐮 但係一個好食既tartare🤭Red Prawn Gnocchi 有生蝦配合個麵團仔 無意粉咁掛汁 不過蝦味都非常濃👍🏻 Amadai Fish with Clams vermentino sauce 魚肉好滑 清淡得黎有蜆汁既味帶左啲鮮甜岀黎🫶🏻 個魚皮好好食 本身外觀片左啲花紋再做左脆脆 好香口又有魚味🥺Wagyu beef cheek and Roasted tenderloin牛就比較無咁驚喜 但都好食🤭 牛面頰比較岀色 軟冧又有肉味 但汁唔會搶左牛肉本身個味道 反而升華左✨ 個蘑菇蓉好重味 口感非常rich😍Selection of Italian cheese唔記得影相🤣 有三種芝士配埋啲果Jam同nuts 真係過下河 嗌左酒就可以一路食住傾陣計先繼續甜品😛Napoleon yeasted cake with berries creamPetit Four基本上食哂上面個啲都已經好飽嫁啦🤪 但女仔點會放過甜品 生日可以叫餐廳寫返greetings🥰 無食哂全部 不過個cake加埋berries都幾開胃 finishing食埋會有種解膩感👍🏻-📍 The Dining Room by BluHouse尖沙咀梳士巴利道18號香港瑰麗酒店地舖…Read More

< PHI Coffee & Pancake >平時都唔會特登去食卡通公仔crossover既餐廳 今次聖誕主題同姆明加埋就陪下朋友去試啦🤭 lunchtime去都好多人食 遲少少都要排隊等位！ 大部分都係女仔幫襯多🤣 普遍野食同飲品都係偏甜 如果唔中意甜野既話要留意下啦😗-粉紅冬目姆明谷梳乎厘 $155打卡必嗌😛 野食賣相同menu上面既圖係有少少岀入 但都無阻影相既衝動😆 少女心即刻湧岀黎呀💕 梳乎厘都好鬆軟 配埋cream食👍🏻 啲水果都唔hea嫁 士多啤梨份量都好多🍓史力奇的霄醬大蝦意大利飯 $98味道好濃加埋海鮮又多🦐🦑 仲有啲菇 飯既口感岩岩好 唔會太硬或者太冧 份量都算多 女仔放lunch應該可以自己食哂一個😉北歐芬蘭溫鬆全日早餐 $122本身個all day係配姆明樣既pancake嫁🥺 店員話無哂轉左toast都照殺啦～ 最怕all day入面既avocado唔新鮮會係梅綠色 呢度就完全無呢個問題🥑 煙肉都煎得好香口夾埋個大啡菇一齊食 幾好🤭姆明冰雪探險配聖誔樹餅乾 $52梛子味咖啡🥥 咖啡味唔係好重 呢個似梛子特飲多啲🙈 係好奶既飲品🍼淘氣阿美的粉紅冬日 $58士多啤梨白朱古力特飲😚 呢個有啲似森永朱古力嗰個味道🧐 上面加埋cream一次過飲落去就好多種甜味🍫-📍 PHI Coffee & Pancake中環士丹利街19號卡佛大廈2樓1號舖…Read More

< 牛川日本和牛專門店 >作為一個稱職既牛魔王 只要一有機會就不停放入口🤭 呢間仲要唔止燒牛嫁 都有好多其他日式小食可以嗌👍🏻-尊貴45日本和牛放題 $458/person有幾個set可以揀既 今次揀呢個就送左個海鮮拼盤同日本A5和牛拼盤🥰 肉質都好好同新鮮 唔會好梅 海鮮拼盤既蠔同甲羅燒都超好食🤤 但又係一啖食左無影相🥺值得一讚係上菜時間好快 一嗌就有 唔似其他放題要等到頸都長先有得食😗 刺身款式都有7-8樣 好夠凍👍🏻 平時岀面食既炸物同熱食雲糕飲品都有提供嫁～必食推介 牛肉他他🤩味道岩岩好又開胃 個晚嗌左5-6碟😂 有啲洋蔥同埋黑松靈醬夾埋一齊食 好香口！！🤍 呢個係值得下次再黎食🤣-📍 牛川日本和牛專門店銅鑼灣謝斐道496號金利文廣場3樓…Read More

< DOZY >深水埗開左勁多高質cafe☕️ 今次呢間仲要係per friendly嫁🥰 樓底好高空間感夠哂坐室內都好舒服 勁chill😌 仲有張卡仔儲印花好q😆-Espresso tonic $58對於唔識飲咖啡既人黎講 都係個啲味嫁啦🙈 少少檸味 又想飲啡又唔想飲奶就岩哂😗Nothing $68好多人嗌呢個！芝麻味好岀 有少少似飲緊芝麻糊😛 幾特別可以一試～ Tofu cheesecake $58下午茶點可以唔嗌件cake 雖然係cheesecake不過都好輕盈feel 食完都唔會好大罪惡感🤭-📍 Dozy深水埗基隆街199號地舖…Read More

< 三日月 >間唔中都要食餐好 對自己好啲🤭 地方都好寬敞 坐得舒服係十分之重要😌！材料幾新鮮👍🏻-三日月A5宮崎和牛鵝肝帝王虎蝦一人前鐵板餐 $798呢個餐total有12道菜🍽️ 性價比算幾高 材料好新鮮然後啲調味都岩岩好 唔會搶左啲主角既風頭🤣 個魚好夠滑 平時唔係好食熟魚 但呢個都驚喜地覺得好食 加左錢轉左厚燒 肉味同油脂分布比例平均🥩 食落好香口又嫩🤤 完滿既一餐絕對需要鵝肝加持嫁 唔洗多講了 好食😌 個人覺得個蝦就熟左少少🦐 另外仲叫左隻生蠔 非常推介要嗌埋😗 夠凍已經無得輸 個味仲鮮甜 加埋個汁調味之後個感覺好似一大片海係個口度咁呀🌊😆-📍 三日月 尖沙咀金馬倫道23號金馬倫廣場2樓B號舖…Read More

< Still >自從開左土瓜灣站 去搵嘢食方便好多😚 呢間餐廳坐得都幾舒服闊落 上餐幾快 去開附近可以試下～ 見到OpenRice又有九折就book左試下🤭-是日沙律 (跟餐)麻醬秋葵沙律🥗 無乜特別不過不失啦😉虎蝦西班牙飯 $178有兩大隻虎蝦坐陣🦐 個汁好夠味但飯個口感有啲冧 似食緊risotto多啲🤔 入邊仲有其他海鮮 都叫足料製作✨十勝豚肉配青咖喱烏冬 $148呢個幾有驚喜😛 青咖喱唔算好辣同埋有少少梛香味🥥 撈埋仲有茄子 個配搭都幾搞笑🍆 豚肉同烏冬反而有少少失望 個肉柴柴地偏乾身 同埋有少少凍 應該係煮完好耐放上去☹️ 個烏冬同飯一樣都係比較冧🫠Latte (跟餐) $28個杯影相都幾靚 味道就差不多啦☕️Still Tea Sangria (跟餐) $28好似係餐廳招牌見好多人都嗌 入邊都有幾舊生果 唔係好甜 幾refreshing😗-📍 Still土瓜灣馬頭圍道63號啟岸1樓06號舖…Read More

< Heart Coffee>白色為主題嘅Cafe🤍 地方寬闊 坐得舒服 平日夜晚唔算好多人 可以同朋友傾吓計🤭 由地鐵站行過去都唔算好遠😉-大蝦蟹肉牛油果意粉 $159上網見好多人都係嗌呢個意粉 直程係餐廳人氣菜式就試試佢啦😛 份量算多 而且蝦同蟹肉俾得一啲都唔孤寒 基本上每啖都食到🦀 有少少牛油果碎粒同蓉撈埋一齊 個口感都非常之豐富🥑 味道啱啱好😚雞柳野菌忌廉汁燴飯 $89初頭好驚啲雞肉會好似鞋底咁韌🙈 但竟然唔係 呢個反而更加有驚喜 個汁幾好食 不過個人覺得鹹左少少😳 材料方面都係好多 雞肉同蘑菇都一樣大大啖👍🏻Matcha latte $50靚嘅拉花真係買少見少🥹 今次仲要勁有心機咁拉左🦄 啲少女心即刻湧哂岀黎😆💕 有時好驚飲著啲綠茶味超重然後成杯會好苦 但呢度完全冇呢個問題🥰 打卡同埋味道都係一流☕️📷Ice pineapple passionfruit tea $56上面嗰杯賺到天上有地下無✨ 當然呢杯就會有少少比下去🤣 味道都唔錯 水果味都好岀 唔會話好甜 少少酸酸地都幾開胃😚 都可以一試😝-📍 Heart Coffee佐敦廟街285號地舖…Read More

< GoodDay Solar >裝修係水泥同木既風格 打卡影野食絕對無難道📸 星期六去都滿座 不過見好似係街坊多🙈 係cashier嗌完會送到你個位度～ 地方都算大唔會逼埋一枱枱😗-Beef sukiyaki Risotto $186嚴格黎講係上左個sukiyaki湯飯咁🧐 個醬汁味道非常濃同甜 加返隻蛋先相對令個飯無咁濃同漏🍚 牛肉質素就不過不失🐮 唔算好特別 影相係幾靚既不過🤭Garlic Shrimp Spagetti w/ homemade prawn oil $178聞落同食落都好大陣蒜味🧄 啲蝦都算大隻 不過蝦油味就無乜但食落都唔會係啖啖油🦐 個人覺得如果有少少辣味會更香口🙈Buffalo Lip-pops chicken wings $66隨便嗌多個小食試下🐔 雞肉係嫩既但真係無乜味🫠 可能係前面兩個main太重味？🧐 呢個淨係食到少少鹹咋😂Watermelon coffee tonic $50叫main加野飲減左10蚊😆 咖啡唔錯☕️ 西瓜味就唔太岀啦 飲個陣記得攪勻先好飲😉 都refreshing既 不過好似唔夠凍❄️Espresso tonic $38正正常常 無咩特別～ 咖啡底係唔錯😗-📍 GoodDay Solar九龍城沐泰街9號嘉峯匯1樓11號舖…Read More

< Burger's Friend Forever >唔係睇樓先要去啟德既🤭 今次介紹既係將軍澳都有分店嫁睇返你地邊度近 兩間分店都食過 質素差唔多😚 兩個包都嗌左set有個小食同野食🍔 -漁夫之寶 & 洋葱圈 (burger set) $108舊炸魚大過塊面🐟 炸漿唔算好厚 入面條魚都算滑✨ 包入面有菜洋蔥同蕃茄 個醬都正正常常 餐廳有手套供應所以唔怕食到好污糟😗 本身想嗌蕃薯條 咁岩個日無哂就叫左洋蔥圈🥺 個炸皮就有啲硬 但味道都正常～鵝肝安格斯漢堡 & 韓式雞粒 (burger set) $181做到人氣之選係有原因既😛 鵝肝份量唔少嫁 個肉幾juicy😚 夾埋一齊食都唔會漏 但整體burger個size都好大 細食啲女仔都未必食得晒一個🙈 雞粒幾香口 始終係小食無乜特別好驚喜 不過會prefer呢個多過洋蔥圈😌 -📍 Burger's Friend Forever九龍城啟德沐泰街9號嘉峯匯地下5號舖…Read More

< Jouer >之前都係係灣仔買 個度裝修同環境都非常chill✨但行去就有一段路程🙈 而家店舖搬到銅鑼灣 去拎蛋糕方便左好多😆👍🏻-Banoffee Cake (baby size) $168應該叫做鎮店之寶 見多數人都係嗌同買 朋友推薦都係講呢個香蕉蕉糖🤭 味道真係不錯 唔算好甜但都幾厚實 呢個size都係3個人分左右先無咁漏😗 同埋外貌都叫打得下卡 女仔慶祝生日都係唔錯既選擇🫶🏻-📍 Jouer銅鑼灣恩平道28號利園二期LG樓23號舖…Read More

< 榮記潮洲粉麵 >小店姨姨都好親切 傳餐同外賣速度都好快 店內有大概6-7枱 都坐得個舒服😌 一路都好多街坊嗌外賣拎走😗-雲吞麵$37麵既口感都係爽口 加埋個湯好香 有少少蒜香味 雲吞都好大粒 每粒都有一隻隻蝦包係入面🦐 個人中意加醋 覺得好食啲🤭魚扎米粉$37好特別既潮州食品 係將魚肉🐟吱一條條絲咁包住豬肉同蓎芹🐷 整到好似一粒丸咁 味道都唔錯👍🏻 不過呢個嗌外賣就要等耐少少🙈📍榮記潮洲粉麵西環堅尼地城卑路乍路15G地下…Read More