大食掌門人's Profile

天氣開始涼涼地，同朋友去牛牛食打邊，3個人任食每人都係158, 不過湯底好稀無咩味點肉同海鮮需要用紙落單，牛肉真心唔錯，D肉質係屬好既級別，特別係牛小排，呢個點左好多轉牛梅花即係多脂肪既牛肉，個人唔太好安格斯牛肉賣相好靚，脂肪分佈都好均勻，但食落口比較鞋三款之中，牛小排最正海鮮款唔算多，都係集中點蝦，新鮮唔算得上，但無雪味豬肉就好肥，唔推薦其他食物就係自己出去拎飲品款式好多，任飲的雪糕、都多款選擇，環境就比較一般般，三個人坐四人枱其實都有少少迫店員態度絕需要改善， 禮貌當然唔會有，服務態度絕對算得上唔友善，另外成日眼超超，唔係要你笑口常開，但都唔好黑口黑面(前提無得罪過你，都係客客氣氣交紙點野食而已)，咁既服務態度好趕客， 幫老細倒米。總的來說就只係牛小排最值，同埋任食無加一收費呢兩點要讚但要抵消呢兩個讚既原因係: 食物仲只係一般般，湯底亦好淡，滾咩落去都唔使旨意入味，要靠豉油調味，店員態度真係要改善啦, 同埋地下好油好"扇"腳，好易會仆親，呢樣店方都需要注意…Read More

樓下商場開左呢間老麥半年都未幫襯過，屋邨商場人來人往老人多，好多公公婆婆四個包就坐食成朝或成個晏晝，店員又唔會趕，老麥確實全個唔錯既快餐店樓下呢間老麥開左一年都無，細細間坐位唔算多，但幾時堂食都咁熱鬧，要堂食早餐或晚餐就比較困難今日見到有推廣優惠，買早餐送潔手液，黎撞下運氣睇下送晒未，買左個早餐，點知真係未送晒，LUCKY可以接受嘅環境，早餐價錢大眾化，飽肚，有野送食住早餐，都係一個幾輕鬆嘅事， 可以放鬆一下心情先番工…Read More

同朋友路過，見價錢唔算貴，正常價格，湯底幾吸引剛好過左午飯時間晏，門口唔算多人，等左陣隊就入得落單呢到用掃QRcode自助形式，幾方便我個蕃茄湯底唔夠熱，無果種出晒煙既熱辣辣但蕃茄味都幾濃，食落去食到有啲番茄粒粒拉麵掛湯力都OK，麵煮到剛好挺身唔會過淋個滑蛋幾滑同厚身 ，食落牛油香味出，應該落左唔少牛油炒，滑得來有挺身感啲牛肉份量都唔少，但味道就不過不失，無咩特別，唔係特別入味又唔會太鞋口整體黎講不俗，員工態度有禮，鐘意食茄類製品的話，值得黎一吃…Read More

呢日帶姪女係附近上興趣班，等放學期間行下附近商場見到賣相唔錯過左午飯時間，門口都要排左陣隊先入得店面唔算大，當日見到舖頭入面都ok多人，好多人都係等緊外賣，原來堂食外賣都係用外賣盒裝，賣相頗骨緻打發時間有個地方坐下，揀左堂食便當選擇唔算好多，價錢唔算平，屬中上價錢，一個弁当餐連飲品平均要60蚊上但賣相不俗，幾日系，乾淨企理我揀左牛肉壽喜燒弁当醬汁甜甜地嘅壽喜燒味，同d牛肉幾夾入到味伴菜都OK多，醬汁叫落多D真係有重手，叫左多飯都有壓到D飯實的的疫情期間去唔到日本旅行，食番個日本便當可以慰藉下…Read More

平時最鐘意食快餐，一黎唔使煮，二黎一個人唔使煩煮咩食夠方便。不過餐餐食外賣都有食到唔知食咩好既時刻，諗唔到食乜通常就咁老麥，今日想對自己好dd，唔去食老麥啃雞雞，見有食Mos Burger叫左一個餐，Mos Burger既餐其實份量唔多，驚食完一陣又餓，所以另外我決定叫多一個burger，跟餐+嘢飲同薯條 兩個包都熱辣辣包包咬落去有口感，真係熱的，快餐包有口感，難怪一分錢一分貨薯條一貫水準夠熱，厚切夠薯味薯條幾大條,，入面都好結實，炸到金黃色剛好，但就有少少乾同硬身40+/50+一個餐貴，係就係貴過其他快餐店，不過質素有對比，一分錢一分貨不過野飲就偏甜，叫左少冰，但d冰都佔左成1/3杯，飲品扣分間唔中放棄老麥偶爾食Mos Burger，感覺良好，呢間分店環境取勝…Read More

呢杯可能係我食過又抵又滑又正既雪糕7-11區區都分店夠晒方便，不過有熟食/手沖咖啡/即擠軟雪糕既分店就唔多好似我樓下屋邨既7仔就咩都無，細細間，真係只係間唔時超市收左，放放下狗口渴買既飲先會去，始終7仔賣既價錢係比超市貴dd不過，7仔都偶有超筍野，尋下寶亦變左我既樂趣經開荃灣路過門日見到poster賣$10杯軟雪糕今次我發現到呢杯好抵又好味既朱古力雪糕其實約莫半年前都食過，7仔時不時就轉下唔同味賣，記憶中有綠茶、牛奶、芒果連奇異果都有但要數就係呢個朱古力味雪糕最好食$10杯，口感好細滑，好濃朱古力香，有別於一般軟雪糕既軟實口感，我認到個紙包上對孖公仔，真係黎自日本既雪糕份量多，仲要只係賣10蚊，真係佛心來著，定下一條普通雪條都差唔多10元8塊，但呢杯大大杯又好味都只係10蚊，要比個讚…Read More

番工時間黎食午餐lunch時間都等左陣位裝潢還不錯，舊式餐廳七八十年代裝修和餐牌設計，碞晒近年興既懷舊服務就一般般啦，唔算特別好又唔係特別差就係自己坐底食完起身走，唔好諗茶記會有咩服務湯無咩特別，唔會話好飲或難飲，唔飲都無損失那種餐包，都幾大個同鬆軟，暖暖地，幾ok，係邊位硬左d牛扒意粉餐，無伏位，但好味又說不上，但份量就大大份, 一定夠晒飽牛扒大款但薄，煎得邊位有少少脆無咩脂肪，係全熟，有少少un，肉質未算鞋口總說:環境尚可夠懷舊，服務正正常常食物無話特別好食或難食，但就一定夠晒飽肚，都抵食既…Read More

久違了既南記真系好耐好耐無食呢日行完黃埔經過，想食佢既招牌春卷米線入到黎點左佢既招牌春卷小窩米線，酸辣湯底少辣餸份量：4條春卷，煎得剛剛好，咬落去，夠彈牙咬左啖，再浸下湯底，食索埋湯底d味，正麵份量：剛剛好飽，湯底足料有酸菜+韮菜+芽菜+腐皮味道：酸辣湯底，酸酸辣辣夠開胃，酸菜少少既酸味，酸甜適中，中和左湯底dd既辣，鐘意食得辣又食得太辣既人，碞碞好朋友就點左個清湯湯底既魚肉春卷加貢丸河粉另點炸片頭同豆漿,加埋$5x一個餐算係幾抵食，份量好足，料亦算多朋友叫咗碟跟左炸片頭同豆漿小食同我分享，係全晚嘅亮點，炸片頭係熱嘅，好脆口彈牙整體黎講，滿意呢餐辛辣辣既米線，保持到水準…Read More

去旺角閒逛，係附近既女人街巷仔搵野食呢條街好多野食，D食店開完又執，執左又好快開過另一間所以選擇好多，每每有驚喜路過這店子，同外面既點心鋪差唔多價錢，價格平民，於是試下店面唔大長方形有兩層，座位都幾迫，如果想要酒樓咁坐得舒服同酒樓既濃茶滾茶，呢度一定滿足唔到你不過油樓去得多，食下小店都係唔錯選擇黎既大大隻字寫住即叫即蒸, 一於試下又如何竹炭熔岩流心奶黃包, 真係爆出黎, 甜度適中帶少少咸蛋香味打分幾高分牛肉球，未至於特別好食，可點可不點排骨飯，非點不可，個飯好好食拼盤點心，每樣一隻，碞晒貪心咁多款每樣食一D既的整體大部分都好評，屬高質旺角點心價錢唔算貴，好多點心都係$20-$30，同其他店心鋪都係差唔多價錢但真係即叫即蒸，熱辣辣…Read More

一向都好鍾意食日本野，魚生丼就好少食，呢日同朋友經開旺角黎食第一次食，原來個丼飯可以自選配料，自己揀自己鐘意既餡，即好似車仔麵咁可以任意配搭自選配料有成三十款，真係眼都花，飯類都有幾款揀，都要揀左一輪份量都幾足，一啲都無偷工減料，D料都幾好新鮮而且每碗丼飯仲配左碗味增湯，唔夠飯仲可以免費加個飯望上去好大碗，如仲唔夠都唔緊要，因為飯係可以追加，食到飽為止都得，認真良心 係旺角黎講咁足料，真係算係抵食，而且可以添飯吞拿魚蓉丼既飯好軟稔，質素頗高下午茶+宵夜時段都幾抵食此店推介…Read More

疫情期間，在家HOME OFFICE，留得屋企多煮野食到厭呢日係平日，落左去樓下食下午茶，見到稻香下午茶飲茶，12點至下午3點半前落單，大中小優特點都係半價，咁樣計落樣樣都揀優特點都只係半價計，好易番本一於嘆番杯靚茶原來可以用GULU APP 度攞位，會顯時到實時輪侯位置，都算好方便。由時平日既關係，唔算太多人等位，所以都好快就入到今次食咗呢個下午茶，變相係做緊5折，相當抵食，食到飽飽都係150蚊連茶錢加一，兩個人食，坐足成個半鐘，抵。例牌叫左鳳爪，食落相當唔錯燒賣係頂點，但就不過不失，太多肥肉最鐘意係煎腸粉，熱+脆身其他點心都OK既，味道對得住個價錢真係估佢唔到呢個價錢+味道幾抵食，不過要平日一至五下午12-3:30先有呢個半價優惠不過D侍應阿姐態度就真係要改改，明白酒樓服務業惡做工時長又忙，但呢間稻香既侍應普遍態度都唔禮貌加黑面，仲有問下扲碗具都有去無回，真係好趕客但拼合埋侍應阿姐態度既差勁，要打番個折，食店態度都好影響食客光顧既意欲唔係要你笑面近人，咁樣對侍應黎講好辛苦，工時長唔通要你地笑足全程咩，明白既，但都唔好黑面加語氣態度差對客，希望改善下…Read More

一大早約左師博去左土瓜灣補鐘學電單車，等緊嘅時候就去呢一間麥當勞。麥當勞各區都區有間，都唔點講食物好唔好味，最緊要方便又坐得耐食完個早餐HEA坐一流地方細細，但係有WIFI都OK速度夠快家下仲有部自助冷熱飲水機同USB叉電嘅枱，打發一流呢期見到林嘉欣個廣告，其實幾成功打動到我，林嘉欣把聲真係好sweet形象夠健康係咁推個新餐肉，本來無咩興趣，但見食勻晒所有既款，一於點黎試下餐肉無咩特別，唔算特別香，又無話特別收油，個人都係傾向傳統餐肉仲有略嫌燶左d仲有，說好的15MM呢?!，都唔夠厚切，一定唔夠15mm囉…Read More

同事生日，例牌都要買番個生日蛋糕番去慶祝都離唔開係市面揀果幾間大型連鎖店到買，一來唔會特別易中伏二來梗有一間係左近就腳琴日經過呢間東海堂見有紫薯蛋糕，賣相同顏色都好吸眼，夠大體而價錢又唔貴就買左蛋糕夠大眾化，同個同事唔算熟，買呢d價格位既蛋糕就最得宜，且賣相都易受落面果層淺紫色果d紫薯cream都ok，唔算太甜，同埋d cream都幾爆滿紫色紫薯效果有層次，共3隻色，紫薯濃淺都不一另外兩隻深色d既紫薯蓉非常甜，有d甜得濟，食多幾啖好漏!! 遮晒啲紫薯味而且紫薯蛋糕本身又甜，整體黎講得個甜字試完呢次，我都唔會再買呢個紫薯生日蛋糕，真係太過甜，好似食砂糖咁…Read More

福岡食過24小時總店，其實湯底既味道不外如是，說不上好食，但環境氣氛真係好好24小時既感覺真係好特別一蘭係香港開分店，一直都未有幫襯過，一來門口真係好多人去排隊，二來味道未敢抱太大期望。呢日同同事，對方堅持好想食，唯有就範還好，自由lunch時間，門口即使幾個人排緊，呢間舖都算大，所以唔算等左好耐就可以入座。呢度比較欣賞嘅係環境，感覺同個setting真係好似去左福岡一蘭咁，近乎8-9成獨個自一格格自閉食拉麵，呢種感覺真係好懷念，成年因疫情都無得去旅行，真係好掛住日本。上菜速度好快，果頭落完，3分鐘內就上，整體感覺尚算不錯個拉麵我揀左高濃度+少辣+重蔥蒜拉麵同個叉燒真係好一般，肉好乾身帶點鞋口無咩味，個湯底其實除左咸都唔覺得有咩特別且個拉麵份量真係少，食完唔會有夠飽既感覺，舉個例:食碗雲吞面都仲飽過佢。唔夠飽，由是個麵質真係好一般，另外再點左隻蛋增加飽肚感一蘭，唔算得上好味，呢個價錢同坊街其他拉麵店差不多，但味道同份量非常遜色，很普通，屬一試無妨，不會翻兜那種…Read More

放工去油麻地上堂做瑜伽，上堂前填左個肚先，hea食之選一定係選通達通達都食咗好多年，任何時間都坐滿人，門口企滿人食咖哩魚蛋串咖哩魚蛋真係招牌，個汁好白好入味，咖哩魚蛋亦都好彈身今次我叫3寶，4條腸粉+1串燒賣+1串咖哩魚蛋要留意堂食有最低消費腸粉保持到水準幾好滑身，一定要必溝甜醬+麻醬+豉油撈埋晒食，真係無得輸今次食既呢串咖哩魚蛋，魚蛋無味，咖啡滲唔到入去，外面有陣咖哩香味帶辣，不魚強尚算挺彈，勉強合格啦店入面姐姐態度正正常常，野食種類選擇都ok多不過價格加到就愈來愈貴，相比起係同區咖哩魚蛋+燒賣相對上係貴既座位算多唔使等，直入直出，位置夠方便，味道都ok，Hea 食實屬不錯之選咖哩回頭指數高，不過真係愈賣愈貴…Read More