mealtime.host's Profile

食完一肚火。本身之前食過一次有不好的經驗都不想再試，但有屋企人話幾年無試過就俾多次機會佢。食物難食都算，啲野立痴痴的都算，最不滿係佢哋嘅服務態度。事緣我哋五人一枱叫咗野食，逐碟上枱後才紛紛在那籃仔中拎餐具，發現唔夠叉於是我就舉手問一位著住便服長頭髮的中年女人唔知係店員定老闆娘嘅人幫忙拎一支叉，我有講唔該的。佢話得得得我拎俾你。好快上第二碟都係要叉，我就提佢我哋再要多一支叉。然後個女人突然停住轉頭登大眼望住我話：「我咪應左你得囉。」我當刻呆左無俾反應，佢見我無反應再話「我係咪應左你呀？我咪講左拎俾你囉。」然後我屋企人就勸說算啦，我就吞左佢。點知佢唔肯放過，再問我「我有無應你呀？」我心諗條友認真嗎？我就嘗試同佢解釋「我話我頭先叫你拎一支，而家想再要多一支麻。」，我要好冷靜咁同佢講第三次，佢先聽到我講咩而不再重復話應左我，就話「我唔會只拎一支俾你嫁。」我點會知你拎幾多支呀？陣間拎完一支過嚟我話再要多支時你會唔會話我要你走多轉呀？最不滿係人哋都算佢卻不饒人哋窮追猛打。真心唔會再去！…Read More

成日都期望能夠在香港搵到一間整naan and curry 了得嘅印度餐廳，今勻終於俾我搵到了。一入到餐廳就見到地方好闊落，座位舒適，裝修好有特色同味道，牆上掛了好多充滿印度風味嘅畫，當日仲有生日會，除咗好適合朋友聚會，仲好family friendly!重點推介佢哋嘅牛油雞咖哩，配埋個Naan 真係無得頂！咖哩好creamy, 唔會太辣，Naan 好軟熟，我哋點了蒜蓉烤餅，食完好想再點，但又想留肚試下其他菜式。單哩兩個菜式我覺得都夠原因令我再去多次。另叫了個特式粟米片Nachos, on top 有Mozzarella cheese, sour cream, olives, 同牛油果醬，我哋食到唔停得口。其實就以上都好大份量，食完好飽，仲以為唔夠兩人食而叫多了個肉醬闊條麵，闊條麵又係好夠份量，味道濃烈，但佢哋好叻咁配了沙律菜，食完闊條麵再食沙律菜感覺清了一下味濃的口腔。飲品方面我點了一杯凍橙汁，同伴點了fruit punch，食完飽到要休息個15分鐘，哩度嘅好處係無人會趕你走，坐得舒服食得開心。…Read More

大埔超級城開咗間新炸雞店🍗，由佢裝修等到依家仲於食到，食開美食炸雞的當然歡迎有更多口味嘅選擇！二人點了個堂食「二人特攻炸雞盒」，無諗過份量咁大、菜式咁大，而且味道真心不錯，一次過試到唔到口味，相當滿足😋。講起炸雞主角，特別推介經典甜辣炸雞，好值得再次encore! 原味都酥脆，但相比較下我還是喜歡甜辣味，下次再試下其他口味至得。韓式牛肉飯唔錯，我自己都可以吃一碗，泡菜豬肉飯都好開胃，但食小辣的我們覺得後勁比較強，幸好套餐有配免費凍飲，食後感好爽！會再幫襯的，因為佢有太多菜式可以輪食試，而且店員好helpful，用餐感受良好😊😊…Read More

元朗近年都多咗好多打卡餐廳，剛好要去元朗當然要跟下風，見到哩間餐廳門面裝修得幾有美國風，餐廳上見到有個afternoon tea好吸引，但當時只是午飯時間未夠3點，唯有點住lunch set睇下咩質素先。我點了個美式牛肉洋蔥漢堡🍔配洛神花茶，同伴點了個地中海風情蕃茄意粉🍝配白茶花茶，另追加一份香脆薯條，後上Tiramisu做甜品。我哋被安排坐一間房仔，餐枱同座位間的隔離相對比較闊落，人少少傾計都舒服啲，加上環境裝潢都唔錯，📸打卡一流！入座同食物上枱都快，唔洗等到肚餓，食物份量都好足，牛肉漢堡我通常都鍾意5成熟，但都明白唔係人人有各自的喜好，如果有得講埋幾多成熟就更好了。意粉靭度不錯，蕃茄未香濃，感覺好健康，我幾喜歡哩個。花茶是配餐的不用加錢，飲著有一種休閑。…Read More

情人節特登請早一日假，食個高質日本料理慶祝。餐廳店面都好闊落，位置坐得舒服，感覺好乾淨企理，位置方便，就在尖沙咀SOGO隔離。我哋兩人叫了兩個套餐，分別點了松葉蟹&海膽甲羅燒石鍋飯御膳，以及A5和牛涮涮鍋御膳一人前。石鍋飯剛上枱時已夠驚喜，好IG-able！將啲蟹肉同蟹籽都充分攪拌，配上微飯焦，on top 配埋鮮甜嘅海膽，食起嚟味道好濃郁有口感！和牛涮涮鍋都好有份量，牛肩同牛舌好嫩，不愧為A5和牛，油脂香濃，但又唔覺膩。成個set由前菜沙律、蒸蛋、麵鼓湯至甜品都唔少得，食完都好飽足！特別一提佢個蒸蛋，好滑好香！會想再回頭試埋其他未食過的菜式。…Read More

初八去到天水圍拜年，響天澤商場揀左間日本野，估唔到又幾OK喎。 午飯時間點了個牛油果軟殼蟹沙律，上枱時軟殼蟹還是微溫的，牛油果熟得剛剛好，切割相當完整，沙律盤的份量夠晒兩人食了。食日本野又點可以唔點壽司呢，同伴不食生野，為了能令大家都可以享受美食，就點了一份兩件的蒲燒鰻魚壽司及火炙特選蟹柳壽司，on top加了沙律醬，還是覺得這個配搭最好味。另又叫了碟4件雙重芝士海鮮大蝦反卷，微溫芝士，外脆內軟的大蝦，味道香濃，值得再encore。除此之外，同伴又點了個讚岐手打烏冬配九洲叉燒套餐，跟小食一款—日式炸雞同餐款，這才$51，幾抵食！食咗咁多野，埋單才每人百兩蚊，而且質素又唔差，幾有驚喜。…Read More

假期準備上山頂睇日落前到PP填一填肚，近巴士站就揀咗哩間嚟食，常說食甜品有兩個胃，食完哩餐兩個胃都覺得好飽滿。食泰國嘢芒果糯米飯係經典，佢嘅糯米飯微溫軟糯又香甜，芒果甜，一個人食其實都好飽，最好同人分享。個香蕉薄餅配榛子醬煉奶份量好足，外脆內軟，入面有厚厚的香蕉蓉，香蕉味濃，溫度又剛剛好。椰香奶皇流心湯丸都好香甜，粒粒湯丸好有咬口，軟軟糯糯，一碗細細的，淺嚐好讚口。最推介係佢嘅Are you tired honey 凍飲，成個set配埋nuts睇得飲得又食得，但要注意的是此為酒精飲品。另一杯凍飲Fresh Mango Smoothie 芒果蓉好足，味道新鮮又清涼。…Read More

我最近於尖沙咀老是常出現，約見朋友都係首選哩區，偶然發現哩間餐廳，門面裝潢好吸睛，好有氣氛。門口就有個酒吧，諗住聚會食飯之餘都可以小酌兩杯放鬆下。坐低細心留意，發現店家在各細節上都注意得好周到，由牆身到桌上小物再到侍應身上服飾都同一個調、同一個花紋，連menu都製作認真同精美。菜上到來更是驚喜，擺盤🍽️精緻用心，成個藝術品咁，有幾道菜味道更加特别，值得推介！我幾鍾意佢哋嘅法國鵝肝赤海老茶碗蒸，味道香濃又口感暖軟；另外嘅「焰」帆立貝鮭魚蜆湯啫喱更加特别，本身已是三文魚控，將湯整成啫喱的口感都非常有趣獨特；仲有佢嘅松葉🦀蟹肉鮭魚子蟹膏釜飯不僅IG-able, 味道亦好有趣，皆因平時都唔食飯焦的我哋，經店家推介後就嚐一嚐飯焦香，點知愈食愈覺香口，有蟹肉的香味及飯粒的甜香。飲品方面不可錯過佢哋嘅🍸Kaen Secret, 杯面的糖絲同佢裡面嘅cocktail說不出的配，糖味剛好中和Whisky的酒味，令口感好易入口。飲飽食醉，點了個Old Shibuya，唔講唔知調酒師對哩杯飲品的心思，目的為幫助客人清一清口腔，以便試餘下的食物。而我之後就點了個甜品。甜品選擇不多，但佢個日本雪糕已足夠滿足我嘅味蕾。下次再去都想試試佢嘅wine 🍷沙咀老是常出現，約見朋友都係首選哩區，偶然發現哩間餐廳，門面裝潢好吸睛，好有氣氛。門口就有個酒吧，諗住聚會食飯之餘都可以小酌兩杯放鬆下。坐低細心留意，發現店家在各細節上都注意得好周到，由牆身到桌上小物再到侍應身上服飾都同一個調、同一個花紋，連menu都製作認真同精美。菜上到來更是驚喜，擺盤🍽️精緻用心，成個藝術品咁，有幾道菜味道更加特别，值得推介！我幾鍾意佢哋嘅法國鵝肝赤海老茶碗蒸，味道香濃又口感暖軟；另外嘅「焰」帆立貝鮭魚蜆湯啫喱更加特别，本身已是三文魚控，將湯整成啫喱的口感都非常有趣獨特；仲有佢嘅松葉🦀蟹肉鮭魚子蟹膏釜飯不僅IG-able, 味道亦好有趣，皆因平時唔食飯焦嘅我哋，經店家推介後就嚐一嚐飯焦香，點知愈食愈覺香口，有蟹肉的香味及飯粒的甜香。飲品方面不可錯過佢哋嘅🍸Kaen Secret, 杯面的糖絲同佢裡面嘅cocktail說不出的配，糖味剛好中和Whisky的酒味，好易入口。飲飽食醉，點了個Old Shibuya，唔講唔知調酒師對哩杯酒的心思，目的為幫助客人清一清口腔，以便試餘下的食物。而我之後就點了個甜品。甜品選擇不多，但佢個日本雪糕已足夠滿足我嘅味蕾。下次再去都想試試佢嘅wine 🍷…Read More

第一次品嚐有米芝蓮餐盤美食推介嘅餐廳，無論在裝修及菜式擺設上都安排得好細緻、體面及優雅，帶出用膳即享受嘅訊息，而餐廳的格調及座位空間都好舒適。而食物的滋味及烹調方法都好創新，湊巧最近胃口特別偏好泰國菜，尤其係大蝦金邊粉不能缺少，但在平時試開嘅餐牌上，又想試吓一些特別嘅泰式風味嘢，聽到哩間餐廳以不為人知嘅古食食譜為靈感，再融合唔同嘅食才做嚐試，又不失泰國菜嘅風味，不妨一試。本身以為哩類餐廳的價格一定會令人望而生畏，但最後埋單價位都尚可接受，同場都有唔少一家人的在享受午餐，令我都想下次帶埋父母一齊嚟試吓。…Read More

陽光普照藍天白雲☀️又有啲風，襯假日就走左一轉入大嶼山，經東涌就當然要搵好嘢食😋，中午12點幾入場都算無乜人，即時揀返個靚位加卡，一路食飯傾偈一路望住玻璃窗外的陽光與海灘，嘆住冷氣真係勁休閑🍹，就算之後人愈來愈多，但座位之間空間夠大，坐都坐得舒服，只可惜土地問題，有時間限制，坐到咁上下也要起身交枱，但反正有下場節目，坐足個半鐘已經好足夠！食物的份量都幾大，無諗過一碟沙律、主菜及甜品都夠兩個人食(如果你不是大胃的話)，另外都單點了一個漢堡包配薯菜🍔，食完超滿足！佢嘅Fish & Chips 好值得推介，魚肉好滑好嫩又juicy，外脆內軟口感唔錯，入口有驚喜。如果配杯冷凍的手工啤酒🍻真係一流！見現場有band area 同桌球枱🎱，燈光佈置都好有情調，相信夜晚去應該有另一番風味！…Read More

曾經於網購平台及超市上買過老媽拌麵的即食麵，驚喜見到原來有實體餐廳，而且仲要在好多區都有分店，於是入內一嚐。個人認為食飯除了品食物味道亦要品餐廳氣氛及裝潢，可是今次經過的是屯門市food court 的一角，但已見餐廳亦有努力去為開放式的空間佈置及添加自己品牌的色彩。食物價格不算便宜但尚可接受，因價錢反映麵條的品質以及製作食材的功夫。我點了個川味紅燒半筋半肉牛肉麵，湯底的味道確實並非個人慣常食開的口味，有點偏重，但麵的品質是煙韌的，牛筋咬口剛剛好，牛肉亦嫩。配了一杯蘋果蘇打，但我更欣賞那杯冬瓜檸檬，值得一試。既然叫得拌麵舖，怎可以不嚐一下他們的拌麵？故亦點了個和牛炸醬拌麵試下，不知道和牛是否已融合了炸醬，但味道是不錯的，更合我的心意。另亦點了個香煎蔥抓餅，香煎程度剛剛好，只是感覺味道可以多一點層次，例如在伴菜或伴醬上可下點心思。…Read More

疫後終於可以周圍去搵食，突然口痕想食星馬菜，見到尖沙咀哩間餐廳有個海景，想話一邊食飯一邊睇海可以嘆一嘆，但我實在低估左而家人流多返嘅狀況，雖然去到都已經係下午一點幾，但餐廳外仍是大排長龍，到食完長都仍然仲有一條龍，可想而知哩間野有幾受歡迎。可惜嘅係今次坐唔到海景落地玻璃位，唯有大開肚皮食多兩個菜做點心理補償。食星馬菜當然唔可以唔叫肉骨茶，佢有藥材味及白胡椒味兩種，以前去過星期坡試嘅都係白胡椒味，所以今次點下做個比較。菜是成個煲上，在你面前再煲滾加熱，見到料好足，仲有一大舊完整的蒜頭在滾湯，天氣涼涼地咁飲對身體都好。個肉骨菜仲可以叫埋配白飯，但當日我哋就無加飯了。個椰香海鮮喇沙嘅椰香味好重🤤，大大碗好多料，建議在食前攪幾下，將啲椰香同喇沙醬徹底融和，今次我哋叫了配淨米線，食完都好夠飽了。我非常欣賞你們的獅城脆蝦卷，啖啖蝦肉點泰式辣醬，外脆內爽，好有口感，味道又豐富😋。個馬拉盞通菜都好爽脆清甜，同伴一口氣吃了半碟。仲有個沙嗲拼盤，我們點了牛和雞兩款肉串，胃肚好飽足！仲有他們的茶，是荔枝紅茶來的，可以一試！…Read More

行開旺角，諗住好耐無食過火鍋，兩個人就試下哩間馬祖無限時台灣養生涮涮鍋🥘。經過咁多，而家任何養生、健康嘅飲食自己都特別留意。我哋點咗個「台灣養生涮涮鍋吃到飽套餐」，另加「Prime Grade 美國安格斯牛肉」及「西班牙無激素豬肉片」，湯底方面由我發板，有好多選擇，亦好多都想試，最後揀左個「田園蕃茄濃湯雞肉涮涮鍋」🍅，結果完全無令我哋失望！我哋午餐時間上去食，好在朝早無乜食野，留到肚去清晒一枱嘅食物，完全無浪費✌🏻😁！同伴尤其欣賞佢嘅濃蕃茄雞湯湯底，以及🇪🇸西班牙豬肉片。蕃茄雞湯好濃郁鮮甜，就算係加湯都見到當中的杞子等養生中藥成份，真係好補健！豬肉片🐖肉質好嫩滑，毫無豬穌味！個人除以上兩樣都好鍾意外，亦驚喜發現有花膠同蟲草花！除左火鍋不能缺少嘅響鈴及炸魚皮，仲有唔少嘅肉類及海鮮，應有嘅基本上都有。仲有佢嘅涼拌青瓜，我食晒食碟咁濟😜！仲有仲有，佢個shake shake黃金地瓜條，好香甜🍠😋唔可以漏講嘅係佢嘅醬料櫃呀！😍 我試左台灣沙茶醬、青蔥、芝麻醬及甜鼓油，味道好豐富！！不過其實佢個湯底都好夠濃同味美，所以唔加醬料都咁好味！🤤飲品有成排雪櫃俾你慢慢揀，最後緊係唔少得免費嘅甜品啦！！🍨真心推介，會再去的！🤩…Read More

突然想食泰國菜，尤其係crave pad thai, 響香港試過幾間泰國野，啲pha thai都唔合自己既口味，今次黎 @mangotree.hk 試食，真係食過翻尋味！.佢個大蝦🍤 炒金邊粉 Prawn Phad Thai當然是我最期待嫁啦，結果都無令我失望，一人食晒一碟都已經超滿足，係視覺、味覺同胃口既享受😋。.個黃咖哩帶子蟹肉農夫包🥯比我預期的大好多，還以為是餐包大少，點來當side dish，誰不知食落都夠一人主食份量，但味道真係好濃郁🤤、好香口，值得一試！.伴菜是炸肉🍢串燒，有雞、豬及牛肉沙爹，味道鮮嫩。.當日訂好位最早到，但只可惜被安排坐於邊境位置，並表示無得揀位，否則配以咁靚既餐廳景😍，真會俾個滿分既用餐體驗。但有個九龍海濱景響隔離都唔差既👍🏻。…Read More

當日突然想食日本野，正好經過一間日本餐廳，因為同事有點趕時間，餐廳也不繁忙，便隨意入內試下，反正你要試一試先知好唔好食吧。餐廳在商場地下外圍面向馬路，裝修間格似酒吧，中門大開。由於同事表示今餐佢請，我便不好多要求，平時我是絕對不會揀在這類的餐廳中用餐吸塵。當日我們坐在店中間位置，外面好多貨車經過，響銨持續，感覺好騷擾，用餐情緒大減。前菜唔差，最起碼個燉蛋是暖滑的，且有點甜甜的，吃起來不錯。但至於個主餐，也沒有什麼大驚喜的，外表都睇得，擺設精心，但新鮮度沒有很好，不至於很差既，這個價錢及位置是不應該要求太多吧？同事叫個Explorer豐盛魚生丼，佢就話唔係好得，有點失望；我點的鮭魚親子丼食後口中留有點魚腥味道，下午時間個肚便一直在脹。當餐我們沒有點飲品，而所點的清水亦在用餐完結後提點之下才送上，也好清一清口腔。P.S. 餐廳收取10%服務費。…Read More