AmelieN's Profile

小川莊開業至今我至少幫襯左六、七次，堂食或外賣都試過，而家正式營業數星期食客已經多到要喺門口排隊攞位，其中一個原因系西營盤缺少酸辣粉食店，另一原因系小川莊定價合理同埋食物質素不斷進步。食物選擇吾多，我每一次都必嗌口水鷄酸辣粉，最初堂食酸辣粉覺得薯粉吾夠稔，食到一半已經覺得頂胃，同埋口水鷄肉吾夠滑嫩，店員每次都會詢問食客意見，呢兩次都覺得改善左好多；紅油抄手細細粒，個人覺得餡料可以再多D大粒D；凉拌青瓜夠晒爽脆醒胃。而家小川莊生意越嚟越好，個人覺得有D人手不足，不過店員服務態度良好，而且肯聽取食客意見，生意一定好火爆！…Read More

約左朋友聚舊，揀左位於上環地鐵站附近嘅Green Orange, 嗰晚我哋book左7:30，去到嘅時候都有九成座位坐晒人，地方吾大燈光適中，我一坐低即刻攞起餐牌睇，選擇吾多不過我哋都揀到想食嘅嘢。一點完餐職員奉上兩個餐包，暖暖哋但好鬆軟、好味之後系燒帶子柚子沙律，其中有一粒帶子燒焦左少少，整體不過不失。跟住系蟹肉南瓜忌廉湯，南瓜味好濃郁蟹肉好多，因為太肚餓呢幾樣都吾記得影相。之後系我全晚最鍾意嘅菜式香煎鵝肝伴黑松露意大利飯，鵝肝入口鬆化意大利飯黏稠滑順、軟硬適中。最後系醬燒美國豬仔骨，味道濃郁，吾錯。…Read More

好朋友生日聚餐，最識食嘅大美女推薦佢屋企附近嘅新開日式餐廳 - 樱之屋， 佢話食過幾次每一次都好滿意，同埋老闆話可以提前預訂一D餐牌上無嘅特別食材。嗰晚我哋大约八點到，餐廳入面仲有另外幾枱食客，地方細細不過都算坐得舒服。我哋四個人點左好多嘢食，最先出場嘅刺身拼盤特上無令我哋失望，刺身夠新鮮，再嚟嘅海膽好鮮甜。呢度D炸物非常有驚喜，我哋點左幾款炸物包括鳗魚天婦羅、炸生蠔同埋炸雞軟骨，全部清晒一件無淨，反而系日式煎餃子，餡料幾好味但外皮較稔 。特別提前預訂嘅A5和牛肉質軟稔鬆化，果然無令我哋失望。之後仲食左牛頸脊鐵板燒煙肉盧筍卷、牛油果蒜香燒帶子等等，臨尾再嚟個雜果海鮮沙律，成晚食到好滿足！…Read More