tiffanytlpang's Profile

大圍米之蓮推介 仲要呢期沖出港島 係銅鑼灣插埋旗係社交媒體網站都成日見到人推介 但係一見到價錢牌 忍唔住打咗個突 因為一碗麵 要成百蚊碗 仲有咁多人介紹? 真唔真啊 所以一直都好想試 仲要餐廳又遠離大圍火車站 去到油站個邊 (¬_¬)（沙田友一定知有幾遠）都唔影響大家食佢既決心lol衡量完價錢同個人口味 最後係試左有👍🏻推介既✎ 海龍王湯 hk$138根餐牌介紹呢 碗麵既係超級豐富 有各種唔同嘅海鮮: 蟹肉 海蝦 魷魚 帶子仲有蠔 到上菜個時 的而且確有曬樣樣海鮮 雖然應該都係雪藏貨 但係size都唔算細粒 飲淡湯個時 都feel到好濃味 再配埋陽春麵 唔會覺得過鹹 而且碗麵比想像中份量多 因為你會係不知不覺飲埋碗湯 ´･ᴗ･`所以係夠飽既☞ FatFat之分: 6.5/ 10♥ 但係可惜食完隔左冇耐 我就覺得好口渴 唔知係太濃味定點啦(>_<) 而且一碗麵收$138 係我個人角度真係唔抵 用料都唔係話咩特別野 再加上坐嘅環境係同譚仔差唔多~ 不過當然都會有人覺得真材實料 絕對值得呢個價錢 觀點與角度個個唔同(¬_¬)…Read More

由以前佢未有堂食店 仲係太子做外賣 我已經會企喺佢舖頭出面食 到而家終於有得坐 梗係要多多支持 ≖‿≖ 可能食嗰時已經開咗幾個月 同埋7點前去到 等咗一張枱 已經可以入坐 ✎ 招牌兩姊妹涼皮 微辣加配牛柏葉hk$33 + hk$13佢同出面食開嘅好唔同 唔係有口感煙韌個種 反而係q滑q滑 type 可以一淡sir入口 又夠冰凍 調味酸辣兼備墊底又有好多青瓜絲 有清新既感覺 會越食越上癮 但又唔會太有負擔 再加埋花生碎同芫荽 令粉皮更有層次牛柏葉就size正好 唔需要驚咬太耐都咬唔爛 而且薄切仲易入味 每次都必點✎極品檐檐撈麵 微辣加配櫻花蝦 hk$38 + hk$10相比粉皮 撈麵就比較普通 軟硬適中 唔係一夾就斷既至於櫻花蝦就唔推薦 因為太細粒 唔係好食到 亦都冇令到撈麵更加有味 反正比撈麵本身既酸辣味遮蓋左☞ FatFat之分: 8/10♥ 價錢唔算特別平 但如果一個人喺旺角 想食辣味嘅嘢 佢一定係不二之選 聽聞遲啲會開到入中環 港島區既朋友都有機會可以試~Ps 唔算好食得辣 我覺得微辣已經足夠 一路食已經好想飲水(´∀`)📍 兩姊妹涼皮有限公司 (旺角)旺角黑布街99號地舖…Read More

係新蒲崗返工 其實好多嘢食 今日唔知點解好想食海南雞飯 就決定試下呢間店7成滿座 唔需要搭枱 用qr code落單✎馬來屋海南雞飯連熱飲一杯hk$58油飯唔得 冇雞油香 雖然好黃 但係得薑黃粉味 雞就冇咩肉 雞皮仲多d添 成碟飯只係僅僅合格 唯一加分係墊底有菜心 健康少少而贈送嘅湯 都冇咩味 最後都冇飲曬☞ FatFat之分: 5/10♥ 唔會有下次 因為$58 一個餐唔算平 係新蒲崗有太多同類比佢好既選擇 呢間係茶餐廳質素 如果想食泰國風味 就諗多左了…Read More

一早出銅鑼灣 咁梗係要去hashtagb 睇下~ 朝早10:30 到 見到舖頭仲有好多個千層撻 出爐左無耐 而其他麵包款都好齊全😍 不過我就冇再細睇啦 因為今次目標只有一個！ 就係千層撻~ ✎拿破崙焦糖千層撻 hk$18係大個既 外表有好多層但美中不足既係焦糖面有裂紋 至於味道呢 就普普通通 蛋略嫌唔夠焦糖味 同出面食開嘅蛋撻冇咩分別相比之下 我更中意食bakehouse 既葡撻 (因為比較香濃同埋size細細粒 另外因為佢要keep到個形狀似朵花 所以外皮 絕對唔算鬆脆 唔係入口即碎個種 就唔係太岩我個人既口味仲有 令我有d既失望既一個位係 明明問左店員 佢話d撻岩爐無耐 可以即食 點知我一擺落口只係微暖⋋_⋌講緊我只係轉過路口已經開袋即食(⊙０⊙) ♥ 有d吹大左既網紅店 $18一個撻唔太值 如果係咁岩經過 而佢又有 就可以一戰 但係要做好期望管理值 唔好expect 太多…Read More

係社交媒體網見到2月新出既《新年豪食祭》好吸引所以專登一早起身 出左銅鑼灣既壽司朗睇下有冇貨不對辨 本身仲想試埋活鮑魚系列 但好似已經落左架（＞﹏＜)基於本人口味同budget有限 所以精挑細選左3款試伏✎天然黑鮪大吞拿魚腩 hk$27好普通 同埋我想像中細塊 絕對唔值黑碟價✎松葉蟹軍艦配海膽三文魚子雙味 hk$27坦白講 見到 上碟時側邊有一小蟹肉跌左出黎 已經扣左分 而家個份量又比我想像中小 究竟係壽司郎$27 碟應該都係呢個份量 定係我係麻煩顧客 要求太高? 海膽 & 三文魚子 都冇腥味 仲幾鮮甜 唔錯唔錯松葉蟹就mama 有陣雪味 ✎北海道產特大帆立貝 hk$27呢個就最值黑碟價錢 味道甜同厚肉 不過就唔會encore 叫番普通$22 既帆立貝都夠做 性價比仲高♥ 只係價錢豪華既新年豪華祭╮(╯_╰)╭作為壽司郎既die hard fans 點都要每月有一會 試下佢新出既野 不過今次miss左都唔算可惜…Read More

最近想同屋企人提早慶祝父親節 咁啱佢哋又鍾意食酸菜魚 所以就預早係網上book枱 訂左早一輪 17:00食 有六八折優惠 個個時間又未係好多人食住 坐得闊落舒服~咁第一樣會叫既一定係必食冷鍋酸菜魚 $238 (regular size)我地又廢事食太辣 就order左bb辣一上枱已經係熱辣辣 唔使擔心凍晒 變到好油 亦唔需要用枱上既電池爐番熱住 可以就咁即食~ 入面有唔少既魚肉 完全足夠3個人食得飽 而且冷鍋都包左寬粉 金菇 萵筍 娃娃菜仲有唔少酸菜喺入面 所以係超足料又豐富 味道又唔會過分刺激同油膩 算係我食過既酸菜魚入面有誠意既! 食完如果唔夠喉仲可以 單點d打邊爐配料 轉做烚吓烚吓又得！ 不過今次我地淨係再加咗寬粉同娃娃菜都夠食 就冇試佢既打邊爐料啦！另外 我哋仲嗌咗兩個小食 夫妻肺片 $68呢個小食就性價比唔太高 份量有d少 同埋辣到比BB辣嘅酸菜魚仲勁d 好食 但係不太推介同埋香油海蜇$45本身我好鍾意食海蜇 佢呢個都好香口同埋份量都好多 所以推介大家可以一試!…Read More