今日襯得閒就出廟街行吓，行左一陣覺有啲肚餓，見到一間位於樓上既吉野家，自己都好耐無食過，就上去食個野菜雞飯啦，上到去間店都算企理冷氣夠涼，點左個野菜雞飯，加杯凍鮮檸檬茶，個飯就不過不失，啲雞又唔會煎得太過火乾得滯，但杯凍鮮檸檬茶就出事喇，係極甜超甜，完全係一杯糖水，同店方反映情況，都只係俾杯熱水我加落去溝淡就算，呢個補救方法極之唔好，溝水後杯凍鮮檸檬茶就變得極淡極唔好飲，之後成杯野都浪費左無飲，好多朋友食過都話真係唔多明點解多間吉野家分店沖啲凍鮮檸檬茶都係超甜，今次已同店方反映，希望以後會有改善。…Read More
