為食橙餅's Profile

好耐無寫過食評，加上轉咗嚟新公司半年有多，今日專程去office後面間翠河試吓。坐低之後，要試吓師傅功架，莫過於叫個即炒(唔係set lunch)嘅肉絲炒麵。炒麵一上㭘，香氣十足。火喉絕對嬴哂。食第一啖麵，口感一流👍。鬆脆程度啱啱好，完全無over cook嗰種燶味。麵身沒有過多油脂，做足隔油。豬肉絲ok啦，沒有肥豬肉👍食完一碟都無飽飽滯滯嘅感覺。😋總括嚟講: 讚👍惟獨有兩點可以改進:1. 加多少少冬菇絲，成碟麵會更香😊;2. 個芡汁生粉略嫌多咗d，凍咗後個芡會凝固一舊舊。…Read More

行過office附近有個新樓盤落成，見到這間拉麵店，入去試吓先。店內裝潢好居酒屋feel, 店員服務態度有禮，值得一讚。叫咗個"雞叉燒"拉麵午餐。咩係"雞叉燒"? 雞扒是也。個名其實有d誤導，因為拉麵所指的叉燒一般都係豚肉。麵送上的時侯熱騰騰，雞扒鮮嫩。可惜雞扒加埋雞湯底味道太濃，湯底又太油。呢點要改善吓。麵質爽口，ok餃子味道亦唔錯。$72無加一，都算抵食。…Read More

見到此店網上咁多評價，即管慕名一試。結果: 中伏了!入到店內，叫咗個飛天黑鮪丼，個餐跟一碗海鮮湯(所謂)。湯來了，店員溫馨提示要趁熱飲，否則會腥。呷了一口，唉，湯的溫度比起暖高d，稱上熱。味道只有鹹，完全無海鮮味。雖然有魚肉，應該都係後加。再試吓個黑鮪丼，d黑鮪肉完全無魚味(準確嚟講係無味)，個飯底用嘅應該唔係全部日本米，可能溝咗其他米。埋單盛為$17 4。呢個價錢咁嘅質素，無心製作。P.S.: 因為伏味太濃，所以無影相？…Read More

這間小店响我office嘅後面街，想光顧好耐了。今日行過，終於踏足一試。店子面積很細，只可以坐5至6個人。叫了二隻鍋貼，二隻生煎牛肉飽，一碗担担麵做午餐(好大食)。鍋貼同生煎飽係阿姐响店內親手製作，再落鑊用水生煎。味道清啖，唔會油膩，沒有那種味精口感。担担麵個湯底好清，少少辣，加上肉碎，花生同酸菜粒，好有口感。阿姐好有心機將那些材料堆砌成一個小丘。那份用心而有人情味的製作，絕對值得再試。P.S. : 生煎飽同鍋貼可自由配搭，四隻都係14元。…Read More

兩週前的星期五晚，照樣教完書去醫肚。知道呢間店子响銅鑼灣剛開了分店，決定慕名一試。可能係已經夜晚十點，加上仍係試業階段，店內唔多人，亦唔駛排隊。店長招呼好有禮貌，有熱誠。坐低之後叫咗碗嫩雞煨麵，加一籠小籠包。煨麵大大碗，好入味。全無雞皮。小籠包皮薄多汁，咬落去d肉汁好鮮甜。再嚟外賣四個生煎包回家同內子分享，可以用皮脆多汁來形容。總結一個字: 正…Read More

上週去奧海城2期食午餐，諗住食個飯飽肚d。見到foodcourt末端開咗呢間新店。响好奇心驅使下便入去試吓。望落個餐牌都唔錯，就叫咗個冬瓜粒海鮮湯飯米水。點知就中伏了。碗湯飯細碗到好似雲吞麵咁。個湯底完全無味。所謂海鮮，其實得幾粒急凍蝦仔同魚肉碎。連仿蟹柳同獅子狗都無，名不符實。杯薏米水同滾水無分別，應該只係薏米加滾水，並唔係㷛出嚟的。蜜棗也欠奉。睇得出係無誠意之作。唔會再來。…Read More

忙了足足一個星期，經過銅鑼灣世貿中心，找到這間cafe. 叫咗個下午茶set: 一杯Mocha加兩件Macaron.先呷了一小口Mocha, 混入了dark chocolate, 帶出咗㗎啡的濃香味，又唔會太甜。再試吓件Macaron, 有Lychee同Hazelnut味。好清新的味道，甜的濃度啱啱好，唔會cover咗㗎啡味。cafe環境好舒適，值得推介。…Read More

今日特意去試吓呢間餐廳。門面裝修唔錯，光猛而簡約，切合餐廳主題-ASAP (As Simple As Possible).侍應姐姐招呼很有禮貌。入去坐低叫咗個午餐-吉列魚柳滑蛋蓋飯。先講個湯: 粟米湯，有誠意之作，內有原粒粟米，加入少少葱花，濃度啱啱好。夠認真！個飯呢: 魚柳夠大塊，淺金黃色上碟，肯定唔係用"千年油"炸。滑蛋生熟度啱啱好，唔會過生流d蛋黃出來，亦唔太過熟，適合小朋友吃。配埋個燒汁，非常醒胃。值得推介再來。…Read More

喺公司附近的一間餐廳，門面頗有歐陸情調。Order咗個自選意粉午餐。餐湯：甘筍湯。夠熱，味道清新。值得一讚。缺點係湯底稀咗少少，cream of carrot soup 嘛。主菜：白汁煙三文魚豬肉腸長通粉。味道ok, 雖然無surprise, 勝在夠穩陣。中午1300前埋單仲有九折。…Read More

2017年1月1日晚去食生日飯。叫咗個烤牛套餐。裏面有蝦、八爪魚，牛肩肉，牛花腩肉……等等。牛肩肉值得一讚：肉夠新鮮，醃料及時間啱啱好，texture靚，好有口感。蝦都夠新鮮。伴爐邊還有蛋及芝士粟米，啱哂小朋友，仲可以免費添加。唯一要改善係泡菜：醃得未夠時候，唔入味。總括嚟講值得推介。…Read More

一碗超鹹的麻辣小窩米綫。酸菜用雪菜做，已經好鹹，再加一個厚厚的高鹽麻辣湯底。雞絲食落口感似柴皮，雲吞淡而無味，只有濃濃的雪氣。此米綫常食身體鹽份肯定超標，淺嘗還可以，長期食就…Read More