ng.foodie's Profile

今次訂左11點，5個人食商務午餐，餐廳裝修好靚，坐得好舒適。餐廳提供了兩個餐牌，一個是今期特色點心，一個是常用餐牌。最好味係牛油果春卷，外脆內軟的感覺。牛油果軟淋淋，再有肉肉的咬口，加上春卷皮炸得好脆，又唔油，推介推介。一枱後生仔，當然係唔怕熱氣，叫多個脆紅米腸粉，腸粉皮用紅米製造，入面係平時春風得意腸粉的餡料。由於腸粉皮好滑，我們也加單叫多個叉燒腸粉。要highlight一下，佢個叉燒好味，下次再去要單點一碟燒味-叉燒。其他點心，包括鮑魚汁鳳爪，蝦餃，燒賣，每一樣都好精緻，好味。要特別講一下蝦餃，佢係真正的皮簿餡靚。個皮係簿到見到內餡，又唔會咬唔開，推介我哋食完點心，再叫了一個咕嚕肉，粒粒肉，唔會太酸，每粒個皮炸到脆口，又沾滿橙色的咕嚕汁。好味。至於干炒牛河，正常，牛肉唔會乾晒 👌🏻👌🏻…Read More

之前經過呢間店舖的門口，見到佢的宣傳牌，所以就訂定枱，一行四人去食晚餐。坐到一張半梳發的圓枱，座位舒服，工作人員都好有禮貌。前菜方面，叫左蕃茄，枝豆，串燒帆立貝，串燒牛舌，串燒豬腩肉。除左蕃茄唔甜同只有幾塊薄片比較失望之外，牛舌同豬腩肉都燒得好好。牛舌彈牙，牛味香濃有汁，豬腩肉燒到肥油部位少少香口，冇好油膩的感覺。主菜放面，叫左鰻魚飯，雞烏冬，吞拿魚腩米紙卷，軟殼蟹牛油卷，刺身同寿司。生嘅刺身壽司，全部都好新鮮好好味，尤其係帶子，又大粒又甜美。而個烏冬湯底清甜，雞塊配上彈牙烏冬，好味。但突別係鰻魚石頭鍋飯，個底有少少飯焦，又唔太燶，一讚啦，最正㡳火燒鰻魚，個汁唔會搶走鰻魚味之外，仲要燒到啱啱好，唔過火，軟骨又唔會出曬黎…Read More

由於係平日，3位大約7時去到唔使排好耐就有得入座。帶位同幫手落單的職員都好有禮貌，落單會主動問係咪share食。今次叫左牛肝菌蛋包飯同牛肋骨蛋包飯 （牛x牛的組合 😂😂），再加多一份炸雞。先講蛋包飯，一切開個蛋包飯，啲蛋張就已經流出來，再加埋佢夠晒熱，啲煙一齊都湧出嚟，好香，唔會過熟，蛋好滑。會推介食牛肋骨蛋包飯，因為佢個牛炆得好淋，又夠入味，個汁唔會太濃味，撈埋個飯食一流。牛肝菌嗰個就會比較淡味，所以食完牛肋骨蛋包飯再食返牛肝菌，一對比，個牛肝菌就會失色左。反而炸雞有啲失望，個皮比較厚，亦都可能因為後期人多嘅關係，個雞嚟到我哋食嘅時候都已經凍咗，雖然味道係唔錯，但可能上枱時已經唔熱，個質感唔太好，所以最後都食唔曬啲雞。…Read More

Queued up for 15 mins at the entrance before having a seat by the window. We (two of us) a thai tea kakigori and a matcha latte to share. The thai tea flavored kakigori is great for summer. There are small square toast in the middle. The shaved ice dessert flavoured with thai tea syrup. The texture is so smooth. Mixing the crispy toast filling with the icy is a nice combination. Overall, it is high quality smooth kakigori which has an intense flavour The matcha latte is normal and not too sweet. The drink is refreshing and it might be better if mochi could be added to make it more chewy…Read More

這間小店位於天后地鐵站附近，行大約5-10分鐘便到。店面不大，只有6-8張2人枱，但依然坐得舒服，而且員工都好有禮貌。我們最喜歡吃他們的叁嘗卷和明太子蟹肉意粉。叁嘗卷的份量很足，用料新鮮，完全冇腥味，配上wasabi就已經夠晒味。而意粉唔會話煮到淋曬，硬度啱啱好，又夠creamy，最緊要係食完唔會有子頂住的感覺。推介最特別係有可樂加雪糕的飲品（黑牛？），好好飲，如果中意飲凍飲的人，可以一試，適合夏天，涼浸浸…Read More

今日去咗銅鑼灣做野，想搵個外賣買返公司食，由於餐廳外牆係玻璃，望入去，見到呢度有得食喇沙，所以就即刻入咗去叫咗個喇沙外賣。職員好友善咁同我講要等大約15分鐘，照預約時間去就直接攞到外賣。返到公司就打開嚟食啦，我將啲食材慢慢放入個碗浸住湯食。個新加坡版嘅喇沙，唔會話好辣，又好香，因為我要左參參版，所以又有油麵又有米粉。佢外賣係麵同湯分開上嘅，所以都唔會話啲面浸淋晒。佢嘅材料仲有魚蛋豆卜兩三條菜同蝦。要特別講佢隻蛋係半熟蛋，如果係怕生生地嘅蛋嘅朋友，可能就要同佢講聲要熟蛋呀。作為午餐來講都夠晒飽。…Read More

Headed to this restaurant to celebrate my friend’s birthday by trying their weekend buffet brunch. The appetizer corner was great, with veggie, cheese platter, mixed salad, cold cut, etc. In the main section, there’s steaks, fish, chicken. Among the number of choices, the fish was the best with some lemon sauce. I would like to recommend the pizza and pasta, which were both made fresh to order. As we recalled it branded itself as the “true Neapolitan pizza”, for sure we need to order at least one. We picked the pepperoni 🍕 one. The size is same as a regular order, thin crust, with lots of toppings including cheese and pepperoni on top of the tomato sauce. As it is freshly baked, the crust is just good, it’s not too soft and cut into widgets, which you can eat directly while held in your hand. Last but not least, there are a number of desserts, best is the cheesecake. If you prefer ice-cream, there’s also a few flavors available.Other than the food, most surprising us was the magician there. Although he might not be those top ones, he really did a good job in playing some small tricks which made the birthday girl so happy. In particular, he made a birthday card using a few playing cards. Full of Joy 😆…Read More

早排行行吓上鴨巴甸街，見到一條長長嘅人龍排到入後巷，於是即刻上前睇吓。原來係一間拉麵店。見到咁多人喺午飯時間都唔介意排隊等嘅情況下，就梗係派埋一份啦。喺排隊嘅期間望入店入邊，見到人哋食緊一個出晒煙嘅沾麵，排完隊一入到去就當然係即刻叫啦。而朋友就叫咗一份普通正常魚湯拉麵，再加多咗一份排骨，一齊分享食。個沾麵一嚟到，出晒煙咁，當然就係好開心咁影相先啦。佢唔單止個外表靚吸引，從真係有內涵。個煎麵湯底好濃郁，再加上個麵底係有少少凍嘅拉麵，再沾落去個湯底度食，啱啱好夠晒味。而個魚湯拉麵，就係個湯底好好味，有魚鮮味但又唔腥，食下食下唔覺就飲晒啲湯。至於個排骨，唔油膩，配埋個麵，一個豐富嘅午餐就集齊晒啦…Read More

My colleague is leaving Hong Kong after her placement, so we selected this to farewell for her. We have chosen to sit in a booth on 1/F which gives us a bit privacy for girls’ talk. The environment is nice decorated and service was great (which definitely reflected on the pricing). We ordered 4 lunch sets. We have chosen the soft shell crab and cream of mushroom as appetizers. The soft shell crab is nice but it will be even better if it is more crispy - it is now bit too soft and the texture not perfect, but still tasty. For the maindish, we ordered the signature foxchop, risotto and seabass. All the main dishes are great, nice plating. Most impressive is the seabass, as sauce match perfectly, while the fish is just good, not overcooked. For the dessert, we have panna cotta. It is soso but we finished it all.…Read More

呢幾年分店越開越多，食物的質素都依然維持住，定期都會有一些新野，保持住個新鮮感。今期的泰式拼盤都好好味，而且成個藤籃咁上枱真係好啱打卡。最鐘意依然係佢哋嘅泰式奶茶，泰式咖啡，同埋佢哋嘅單骨雞翼。主食方面，會推薦佢哋嘅墨魚汁麵，個味道唔會太過濃，所以就算係午餐時段食都唔會太過滯。由於可能因為商場做緊推廣嘅關係，成間店喺平日午餐時段都好忙碌，而員工可能跟不上繁忙嘅腳步，要等比較耐先有野食，而且態度都比較煩躁。想拿調味架都要等超過五分鐘先有人應，可以幫忙去攞，再等5分鐘先有-等到朋友嗰碗粉都吸曬湯，都未等到個調味架呢。…Read More

去到荔枝角D2 Place，一上扶手電梯就見到呢間泰國嘢，由於佢堂食座位唔多，所以我就選擇左外賣自取。兩個人食，所以叫咗一個飯一個粉咁。個飯係泰式肉碎煎蛋飯。餐廳好細心咁將肉碎分開放，所以拿左返到去食都唔會話撈埋晒。個肉碎整體來講好夠味，撈埋落個飯度食就啱啱好，隻煎蛋就大約八九成熟唔係流心嗰隻。仲有少少辣，所以好好胃口。另外，加咗錢要咗個泰式冬陰功湯，個湯嘅辣度，會係大約中辣至大辣，我自己就好中意，但同事就話辣左少少，所以佢就會中意椰子嗰款多啲。而炒金邊粉，佢可以配豬頸肉，個份量都正正常常。佢啲辣粉同埋其他調味粉會分開放盒邊，所以可以因應自己嘅口味再去決定撈幾多。可能由於買外賣拎走食嘅關係，返到去個粉都有啲黐埋咗一齊。所以個人來講會鍾意個肉碎飯多啲。…Read More

有一日喺金鐘行街，突然想食日本嘢所以就去咗呢間餐廳。由於我嗰一日到達嘅時候已經係完咗午飯時間，所以只係等咗幾分鐘就有位。佢入邊有壽司枱（bar枱）比客人揀，師傅會係你面前整壽司個種。由於我都係諗住食壽司所以揀咗坐呢款枱。好肚餓嘅關係，我當日係叫特上壽司定食。雖然差唔多成$300 ，但係佢嘅用了絕對係靚，算係厚切同埋新鮮。落單嘅時候，佢會好細心問你有冇嘢唔食，我同佢講咗我唔食海膽，佢就幫我轉咗做其他。當日我個定食一共有12件，包括吞拿魚，帶子，蝦，鰻魚，軍艦等等。跟餐仲有麵豉湯同前菜。食完夠曬飽，好滿足 …Read More

最近去咗太古城，行完街，見到Dan Ryan門口唔駛等位，於是行過去問有冇得Walk in，有位所以就入咗去食。我覺得嗰一藍麵包鬆餅真係同以前一樣咁好食，再配埋個醬真係冇得頂。可惜的是佢嘅沙律同埋主菜都比較中規中矩。個沙律可能係醬汁問題，唔係太好食，但蔬菜都係新鮮嘅，雞肉就鞋咗少少。而主菜方面個Burger叫左五成熟，但食吓就發現佢差唔多七八成熟。哈哈可能係已經放咗幾分鐘熱返去入邊所以熟左！？而另一款主菜就不過不失。飲品方面就嗌左杯mocktail, 顏色賣相都唔錯，味道正常。整體以性價比來講，會想像個質素可以高啲啲。…Read More

呢間餐廳係位於銅鑼灣一間酒店嘅一樓，佢唔係喺酒店大堂入去，而係酒店隔離的一個入口，上幾級樓梯就可以搭𨋢，唔難搵。上到去餐廳，員工就已經好友善咁樣問有冇訂枱或者幾多位，然後再立即帶你去預訂嘅枱嗰度。佢見我哋睇咗一陣餐牌，就主動行過嚟問我哋想食乜嘢，我哋今次就係叫咗個四人餐再加左個冷麵，煎餅同炸雞。食物方面，分量方面係足夠，而且食材都好新鮮。先講前菜，佢有基本嘅菠菜豆芽薯仔泡菜等等，而且仲可以幫你免費添加。不過都係果句食得晒先好加啦，唔好嘥呀嘛👍🏻 至於韓燒嘅食物，食材係唔錯，但最緊要係佢哋嘅員工好主動咁過嚟幫手燒，令到雞手鴨腳嘅我哋都唔會燒到燶晒😂而冷麵就不過不失啦。唯一美中不足嘅係，個煎餅食落有少少油，如果可以整到乾身啲就最好啦。…Read More

天氣凍，經過iSquare想搵啲熱嘢食，見到佢呢度有放題嘅牛食，除咗牛仲有好多唔同款嘅肉，同埋唔同款嘅小食，價錢又唔算貴，所以就入咗去食。入到去，我哋坐咗係卡位嗰邊，佢會先上一碟拼盤俾我哋，入邊有豬牛雞，同埋蔬菜。我估係一啲比較靚嘅牛，佢每樣都會有兩三件，然後上面好細心有一個牌話俾你知佢每一舊係啲咩嚟。因為佢呢個細心嘅舉動，之後再返叫嘅時候就可以記住自己之前試過係邊一款鍾意，然後先再叫，唔使浪費嘢食。至於飲品，佢有一個飲品櫃俾你攞，而甜品櫃亦都有雪糕雪條咁。選擇都算多同正常。品質方面，啲牛確實係高水準，牛舌係一讚！有肉味，而且有足夠油脂，用黎煎一流。另外佢個香草醃的雞係好味，連我呢個平時唔好雞肉的人都要大encore 😆唯一美中不足嘅係佢個沙律，比較起上嚟有啲唔係太新鮮。除此之外，每一樣都唔錯。…Read More