C Y TSANG's Profile

太耐冇去旅行突然想食和牛，上網碌左陣book左呢間燒鬼..咁岩放補假郊游完就過黎食早場價錢係$298，另加openrice訂座$78和牛放題2個人食埋單$827門面唔錯，但開晌L square都知唔太大，眼睇成間應該都係坐滿都係40個客左右作為放題，刺身、壽司、熟食、炸物通通都有。但真心，全部都冇咩選擇，同你期待既放題真係唔一樣..飲品加完和牛會包埋果汁，唔加就只有汽水同樣係要搵店員落單逐杯嗌..亦都係冇咩選擇第一碟試食唔記得影相，呢碟係第二碟睇落都唔錯，係有一款肥左啲呢度和牛放題又係同你想像既唔一樣之前食過尚x係scan code比你落單，食岩鐘意果隻落果隻就得.. 而呢度...你烤完一碟店員見到會問你要唔要fill，要就按人頭再上，佢地冇問我地要咩，直接果四款照人頭再上（應該都係果四款..）第三碟（計試食係第一碟）就開始係咁既貨色，極肥，食一兩舊都還好，再食滯到嘔..而且第三碟收起隻碟就冇再上...後尾叫佢上番先再上..壽司普普通通，粒飯（真心係一粒）size算幾岩放題食..再講多次，真係好少野食揀..數埋唔知有冇其他放題店既一半..好彩早場食..晚市個價仲要加錢食呢啲和牛..真係揼心口..勸世：真心想食放題+和牛去尚x好過，價錢差唔多，好過呢邊乞牛食仲要只乞到牛脂肪。最後，店員服務幾好，見到舉手好快比反應..抽油煙極差，一開始燒到就火燭咁😨一路燒一路入眼咁超唔舒服.. 真心唔會再幫襯！…Read More

基本上上年六月打後都冇咩機會再去酒樓食野，因為說服唔到自己要課金比啲藍到黑既飲食集團。呢間睇app推薦，之前有見過話告急，今晚專登同朋友集合開餐支持下..開得晌屋邨都係aim屋邨客多，酒樓唔算大，裝修冇好靚，座位正正常常咁唔知係咪因為疫情，都有啲優惠，有張菜單上面啲菜式星期一至五$78一個，仲要買四送一星期六日就貴$10，其實呢個年代黎講真係好抵食同朋友一行三人，嗌左片皮鴨（星期一至五$148、六日$168）+$30多個七彩炒鴨絲好耐冇食過片皮鴨，味道都唔錯，係啲皮少少厚好飽肚另外咕嚕肉$78，好脆口非常唔錯！仲有個海皇冬瓜盅好值得推薦！好好味勁足料！都係$88一個～希望呢個咁困難既時期，我地可以互相幫助，大家共渡時艱啦！…Read More

第二次黎食，最近因為武肺街邊餐廳都少左生意專登weekend出街食支持下同路人今次都係食火車頭湯河，$58多料食到好飽+$8嗌左杯泰色奶茶唔錯，下次有機會再試下晚市先！…Read More

路過幾次都唔少人排隊，所以搬入元朗咁多年都冇食過。難得今日星期日都可以十二點前行到門口兼冇人排隊終於可以試一試了，好好彩等左幾分鐘就有得坐低！個餐牌價錢真係好吸引人，好多人都會黎食蟹王麵，但其實佢麵底本身都會用出前一丁麵，其實都好唔錯。平平地一個豬扒米線都係$21，其實都幾抵，但冇跟餐配飲品既選擇，例如凍檸茶要加多$16，拉上補下啦最後揀左火腿西多同豬扒沙牛麵西多最正、熱辣辣，牛油糖漿比得一啲都唔小氣，睇相就知有幾肥沙牛麵好多沙嗲，味道其實我又覺得同平時茶記差不多，可惜豬扒凍左啲，唔係真係抵食下次可以再黎食下西多！…Read More

前排路過發現路邊小廚轉左做泰國菜，即刻搵日黎試試。門面都裝飾得幾靚，同上手一樣有兩個鋪位。同行有人係素食者，估唔到餐牌上都幾多素食料理。最後嗌左kok kok炒飯同炸新豬肉丸試試炒飯用左新豬肉同欖菜炒，仲有啲平時食泰式炒飯會有既辣椒、豆角等，好惹味炸新豬肉丸既口感都非常唔錯，聽講而家好多食肆都有用呢類型既素食肉食，令素食者可以多一個選擇。睇黎以後green monday可以多個選擇啦，下次試下個素食串燒先！…Read More

最近香港好多事發生，大家都好努力想為呢個我地愛既地方出一分力，尋日全港罷工七區集會路經佐敦呢間t4清茶達人想話補充下身體水份，嗌左杯珍珠奶茶點知比錢時老闆娘唔肯收，甚至比左都追番出黎比我地、叫我地要加油講番杯野飲，珍珠夠淋唔會話太甜，難得係奶茶底有茶味，有時飲到啲完全冇茶味既都會懷疑人生，但呢杯表現非常唔錯炎炎夏日突然受到咁溫馨招待真係覺得好感動，希望我地大家可以一齊加油！同埋祝老闆娘生意興隆呀！我會多啲去幫襯！…Read More

同舊同事開飯揀左食呢間滾喜，最平既雞煲+邊爐放題任食美國肥牛每位188，另加一。我地揀左任食普通安格斯就每位208再加一。四個人比左張大枱我地，有兩個爐，直接點哂兩個口味既雞煲先。分別有三重芝士同麻辣味，連埋計時器一齊上，一響撈勻就食得了！麻辣味我地叫左少辣，但個辣都幾惹味，非常唔錯。三重芝士啲芝士多到成煲舊舊雞都掂到，舊舊都拉絲哈哈。啲雞食完就可以叫職員加湯開始打邊爐，但美國肥牛既口感同味道反而都比安格斯好味，好彩落單前已經問左嗌安格斯餐可以任食肥牛。火鍋配料都幾齊全，連鵝腸都有，但雲吞餃子都麻麻地。另外重點推介佢地既自製咸蛋魚皮，超咸，好有咸蛋味！另外放題飲品汽水呀茶呀啤酒都齊，另外仲有自己煲既竹蔗茅根，味道都唔錯…Read More

未試過食野咁受氣，難食都算啦，以為開左咁多間分店差極有限，個墨魚滑勁腥，唔知點解可以整到咁，試白肉鍋，肉得丁屎咁多，酸菜好似冇出現過咁，神奇到爆。又唔係特別平，佳寶啲冰鮮豬好平je，落多啲洗死咩...嗌個小食鹽酥雞等左十世一催再催...加湯叫十世都唔幫手，仲要漏單！肥牛都可以漏呀係🤷‍♀️當你仲係新開張囉，但以後都唔會再食，黎元朗唔洗食呢間垃圾，搵過另一間有鍋既應該都唔會差過佢！為左比劣評要夾硬湊夠二百字，不過我一定要咁做！大家小心呢間野！…Read More

想試丼家好耐，但平時又唔會成日路過，路過時又成日見到要等位，作為一個唔鐘意等位既食客，終於有晚晏少少路過兼唔洗等位直入了。最近有啲魚生蟲新聞，搞到都冇咁想食魚生飯類，不過丼家啲魚生飯睇相係幾吸引既都。最後拍板嗌左蟹皇飯定食（$128，定食+$18）定食跟麵豉湯、沙律同小食。個麵豉湯見住店員直接沖熱水落碗仔度，心諗就算係12蚊店貨仔都伏極有限呀，點知真係幾伏，非常淡口。沙律菜都幾新鮮，小食呢啲買番黎既野都表現正常。重頭戲蟹皇飯真係不得了，腥到食左幾啖就冇食了。連蟹子最角落果部分都腥到唔想食⋯咁既價錢以為都會正正常常呀⋯非常失望！當然亦唔排除係我地唔好彩既⋯滑蛋鰻魚飯不過不失啦⋯都有四小件鰻魚既。雖然滑蛋飯正路都濕，但佢啲飯自己本身都濕到乸埋一舊咁了⋯不過不失只係相對蟹皇飯既評價⋯火灸左口魚壽司（$18）/ 火灸三文魚腩壽司（$14）驚蟲既我地唯有食下火灸壽司希望減低蟲量啦兩件都好味，三文魚腩好油好正呀成餐最正都係呢個燒牛舌（$58），厚舌得黎燒得幾嫩口，再黎既話都會想再食另外仲嗌左南瓜蕃薯天婦羅（$48），都唔錯既都可能會再幫襯，見隔離枱啲壽司個樣睇落都唔錯，但就一定唔會再嗌蟹皇飯囉 ，廢事又再腥到浪費食物…Read More

久唔久勾起條癮會想食台灣野，本來想去某店食牛肉麵，咁啱冇開於是就轉場黎左呢間試一試啦。七點鬆少少到已經要等位，好彩都係幾張枱，大概節十五分鐘就入得啦。鋪頭比較細，啲位都幾迫下。同朋友一人嗌左一款套餐，佢就肉丸湯跟拌麵，我就跟魯肉飯，仲有個嗌左魯肉飯拼花枝丸，再加一個鹽酥拼盤大家share。魯肉飯有加啲類似豆卜既野一齊煮，唔知係咪羅東風味，我覺得還可以，雖然平時食開加香菇煮既多。啲丸唔錯，係好正常既台灣丸類。套餐連飲品一杯，可以揀配冬瓜茶/高山茶。其實見到有米血糕同甜不辣先想嗌呢個拼盤，可惜兩樣都炸到勁乾咁，真係唔算好味，豆角直頭燶到有啲苦。下次要醒目啲唔好再嗌呢個拼盤了如果唔洗等太耐，相信下次都會黎encore既，因為套餐表現唔錯～…Read More

呢間餐廳好似半年前開始有啲雜誌、網上推薦咁，時不時都會見到facebook有介紹，咁啱朋友話想試下船麵，於是搵個星期六試下佢先。基本上船麵有三個口味（豬、牛、雞），我就揀左牛肉，有幾嚿牛腩同幾粒豬肉丸，揀配河粉，唔係平時食開一條條果隻而係一片片咁，口感好軟，唔洗點咬咕一聲吞左咁。牛腩好普通，同街邊牛腩河啲牛腩冇咩分別，湯底就非常之甜，坦白講就真係唔太啱我口味了。泰國街邊幾廿baht碗真係好食好多，可惜最近都唔得閑去泰梳乎下啦朋友嗌既雞肉口味menu話會有雞槌同雞腎，雞腎完全唔見影，得三隻食落好咸既雞槌。飲品嗌左香茅斑蘭特飲同椰青，前者好甜，真係泰國口味，而椰青應該係今餐我地最滿意既一樣了，表現正常，夠凍呀！坐得唔算特別舒服，好彩下午茶時間先去幫襯，唔洗排隊，要排隊食既話應該唔太開心總括黎講，冇下次。…Read More