jerryfoodie's Profile

成日食茶餐廳有時轉下口味食碗米線都唔錯架，係荃灣區食雲南米線既鋪頭應該都有幾拾間，我通常就食開呢間近沙咀道寶石大廈既<雲家小鍋米線>,店鋪既面積唔算太大，經常見到外面都排晒長龍，絕對值得一試架呢到米線既種類都有幾款，有涼拌米線，熱伴米線仲有紅薯粉，不過我最愛都係小鍋米線，可以選擇唔同既辣度，湯底入面仲有芽菜，韭菜，酸菜，蔥，芫茜同埋辣肉碎，混埋一齊真係好有風味。。而米線既配菜都有幾拾款，真係好揀到花多眼亂，我自己首推一定係呢到既秘制腩肉，微辣嘅口感非常惹味，值得一試最後要大推既就係呢到既小食，我同朋友最鐘意既就係<涼拌墨魚頭>每一舊入口都爽口彈牙，非常新鮮，係其他餐廳好難搵得到，絕對係必食item, 另外<蒜泥白肉>都好出色，新鮮既豬腩肉上面鋪滿晒蒜蓉，雖然有啲重口味，但係真係好正。。除此之外， 我哋仲點咗<麻辣金錢肚>,<炸魚卷>同埋<醬伴皮蛋>, 質素都唔錯食到我哋勁飽呀…Read More

之前已經黎過呢間酒樓食飯，記得上次係食火鍋+點心放題，朋友話我知最近佢地推出左小菜+點心放題感覺都幾新鮮wo, 而且價錢又唔貴，只係每$198已經可以任點任食，絕對值得一試啦限定優惠而家幫襯小菜+點心放題仲每人送一客 蠔皇扣鮑魚，呢個絕對唔係取巧，鮑魚都幾大隻仲大過眼鏡個圈圈，望到已經流晒口水，而食落充滿濃郁既蠔汁，而鮑魚既口感啱啱好唔會太覺得太韌。。除左鮑魚之外，最尾仲每人有一碗自家制雙皮奶，好滑溜大人細路都啱食其餘既食物都好有驚喜，最鐘意就係水煮牛肉，味道好濃郁，但又唔會太辣，底層仲有好多芽菜岩晒我口味，另外菠蘿咕嚕肉都好有水準，每舊大小均勻，炸到香脆再混埋醬汁一齊，酸酸甜甜非常開胃，十分開胃點心方面，最鐘意就係流沙奶黃包，軟綿綿嘅包皮入面包住滿滿嘅奶黃餡料，但食落又唔會太甜。。仲有蝦餃燒賣當然係必食架啦，好大粒睇見都流晒口水呀 …Read More

之前係旺角返工成日同同事黎呢到食lunch, 覺得呢到既米線好出色，配料選擇好多而且仲可以選擇唔同既湯底，另外仲有好多唔同既小食，所以今晚出開黎旺角買嘢，都專登上黎開餐朋友就揀左呢度嘅網紅招牌菜，瑤柱蒜蓉海鮮荷葉飯，望到已經覺得好吸引，唔同既海鮮鋪滿左係飯上面，再加上聞到香濃的蒜蓉味，已經流曬口水啦而我就當然係食石鍋米線啦，配菜就揀左封門牛肉，美國肥牛同埋牛肚，湯底就揀左最鐘意既沙嗲湯，水準依然咁高，沙嗲味非常濃郁，真係忍唔住要飲埋呢個湯底小食方面，呢到既燒烤都值得大力推介，串燒既選擇好多，全部都係即叫即燒，而且仲可以揀唔同嘅辣度，非常貼心，而我哋就叫咗羊肉串，烤雞翼，雞軟骨，仲有蒜蓉燒扇貝同燒生蠔，真係好吸引呀，睇見都已經好想食…Read More

今晚約左舊同學聚會，有人提起想打邊爐，我即刻提議黎616 啦，因為我自己經常黎幫襯，覺得呢到既食物質素高之餘價錢又合理，估唔到全部朋友都認同我既講法，最終約左去荃灣分店黎得616當然係食牛肉啦，呢到可以試齊牛既唔同位置，有啲部位真係刁鑽到完全未聽過，而且餐廳仲會不定期引入唔同地方既高質靚牛，今次黎到就見到有黎自日本信洲既和牛，我地當然要試下啦，即刻點左兩份試，非常重牛肉味咬落有即溶既感覺非常有口感湯底方面，平時我一定食麻辣鍋，但因為有朋友唔食得辣所以叫左牛骨清湯拼沙嗲熔岩鍋，竟然有驚喜wo, 沙嗲湯底係極濃郁，一試就愛上左啦除左牛肉之外，其他既火鍋配料都好新鮮，我地仲點左牛肉餃，牛筋丸，手打蝦滑，清湯牛筋腩同埋竹笙，真係好豐富呀…Read More

每次黎親九龍城食泰國嘢，都一定係揀小曼谷架啦，因為佢地座位比較闊落，仲有幾間分店緊有一間有位既，而且食物質素一直都保持住高質，所以今晚又帶左屋企人黎幫襯啦泰皇咖哩法包軟殼蟹呢個係每一次黎都一定要食既，泰皇咖喱非常濃郁，用黎點麵包同軟殼蟹都一樣咁正鐵板豬頸肉炒通菜泰式炒通菜一向都好出名，原來加埋馬拉盞炒又另有一番風味，用鐵板上夠晒鑊氣，一啖接一啖真係食到停唔到口呀泰式乾炒豬肉片河本身鐘意食濕炒河多d既，但屋企人就比較鐘意乾炒，所以就試下啦，估唔到都幾有驚喜，即叫即炒熱辣辣，而且配料十分多，非常豐富特飲飲品方面，我地點左椰皇沙冰，芒果椰汁沙冰同埋珍多冰，我最鐘意就係椰皇沙冰啦，飲得出真係用新鮮既椰子肉攪拌，椰子味濃郁，十分有誠意…Read More

泰國菜一定係我最鐘意食既菜式，每隔一排就會想食，講到係銅鑼灣食泰國嘢，首選一定係揀小曼谷，因為地點方便係地鐵站附近，而且座位坐得好舒服岩晒約埋朋友黎呢到聚會，加上員工既服務態度都好好，所以好鐘意黎幫襯雖然成日都食泰國嘢，但每次睇坐個meun都好似選擇困難症咁，見到每一樣嘢都好吸引想試，最後同朋友決定叫左呢幾樣泰皇咖哩炒紐西蘭青口鐵板豬頸肉炒通菜泰式鮮蝦炒金邊粉泰式蒜蓉包自己最鐘意當然係泰皇咖喱啦，待應送到過黎見到一大盤真係好驚喜，估唔到咁大份而且仲有好多隻青口，咖哩汁方面好香濃，所以專登叫多份蒜蓉包配合一齊食就岩晒，簡直係絕配呀…Read More

平時放假最鐘意就係約朋友去試下港九各區唔同嘅特色cafe, 今次就跟住左朋友黎試呢間位於觀塘既貓貓Cafe, 本身自己唔係特別鐘意小動物，但係黎到呢到簡直愛心大爆發，呢到既貓咪真係太Cute啦，絕對係人見人愛雖然呢到好有噱頭，吸引到一大班愛貓人士黎幫襯，但食物方面一D都唔馬虎，而且價錢都好合理，非常唔錯最後我地揀左最化算既2人餐，包含左有餐湯，沙律，而主菜方面我地分別選擇左東瀛 蟹子芝士咖喱牛肋條飯同埋夏威夷風情拉絲水牛芝士手工薄餅另外，我地仲加左一份芝士香草蒜蓉包， 呢個係即叫即整既熱辣辣，麵包表面鋪滿左香濃既芝士，非常吸引最後當然要食埋甜品啦，抹茶味雪山心太軟，見到已經流晒口水，濃郁既抹茶流心配合埋雪糕食就最岩啦…Read More

📍極尚大喜屋🥢觀塘開源道79號鱷魚恤中心3樓🔸日式放題嚟講，大喜屋真係數一數二嘅首選，價錢唔算貴又多選擇，今次試咗觀塘呢間分店，坐得非常舒適，環境又大🔹一入到去餐廳當然要出去出邊拎嘢食，出邊有海鮮、小食、甜品同飲品，我哋就拎咗章魚小丸子，新鮮整好熱辣辣好好味🧆🔸小食非常推介風味淋燒魚乾！飲落香口又重魚味，點埋蛋黃醬食，食唔停口！另外都不停點左蒜蓉粉絲蒸扇貝，表面大量蒜蓉，扇貝亦都好大粒彈牙😋🔹刺身我哋咩都點咗試吓，三文魚、油甘魚、吞拿魚都新鮮好食，最推介係象拔蚌片，非常爽口，咬落又鮮甜，推介大家一定要點嚟食！🔸另外呢度仲有得任食海膽手卷、拖羅蓉手卷，每款嘅份量都多，但係白飯只係佔一小口(餐廳都好識做🤣)，我哋加埋食咗十幾份，簡直係回本之選！😎🔹今次第一次點左蟹粥食，估唔到非常鮮香！粥底啖啖蟹肉味，再加埋粟米好清甜！一份粥底竟然有三隻蟹腳同埋蟹鉗，好足料🦀…Read More

最近有朋友係外國返黎香港，當然要約出黎聚一聚啦，問佢想食咩嘢，原來係佢心目中最掛住既就係香港既日式放題，不過又真係好吸引既，咁抵既價錢就可以食到咁多唔同種類既食物，係外國真係好難搵得到既。。最後我地揀左呢間係觀塘既極尚大瀛喜。見到網上既評價都好高，而且地點好方便，係Apm既傍邊係地鐵站行過黎都係幾分鐘。。入到餐廳安排左我地坐卡位，原來而家轉晒用QR Code落單，真係方便好多，既環保又唔驚會漏單係自取區已經有好多食物可以囉，分別有沙律，前菜，炸物等等，另外仲有個甜品櫃同埋雪糕，真係好吸引。。而飲品方面，有幾個大型既飲品雪櫃，包含左幾拾款飲品，真係揀到花多眼亂呀呢到既刺身真係無得頂呀，除左好新鮮之外，仲用冰墊住擺得好靚，用黎打咭一流啦，而其他熟食既選擇都好多，非常高質，真心推介呀呢間放題…Read More

海膽仔新蒲崗衍慶街2-32號新蒲崗大廈地下Q號舖新蒲崗一向都好多好嘢食，之前朋友介紹過呢間日式居酒屋，最出名係食海膽，生蠔既，呢到價格合理又坐得舒服，一試就愛上左啦，難得今日又黎開呢頭做嘢，當然要黎幫襯下啦即開生蠔生蠔有好幾款可以選擇，分別有黎自日本同法國既，如果想size大d既，可以揀日本令和怪物，一上檯見到真係有5隻手掌咁大，望落好新鮮，入口肥美夠晒Creamy, 而且仲有啖啖既海水味，岩晒我口味倍化帶子吞海膽每次黎都一定會點呢樣，絕對係必食item, 超大粒厚身既XL Size 帶子夾住新鮮既海膽，食落完全無腥味，無得頂呀 刺身定食呢個刺身定食真係堅抵，配埋白飯，麵豉湯同埋沙律，而刺身拼盤入面有成7款，分別有三文魚，牡丹蝦，北寄貝，油甘魚，吞拿魚，帶子，希靈魚，而我自己最驚喜既就當然係個兩隻牡丹蝦啦，真係好大隻，食落仲好鮮甜。。甲羅燒配法包第一次係日本食過之後就愛上左，係蟹蓋入面鋪滿左蟹羔同蟹肉，再將生雞蛋混埋一齊食，味道係最好架，食得出陣陣蟹羔既香味，無論即食或者搽落法包到都一樣咁滋味香草蕃茄煙三文魚沙律新鮮既沙律菜配埋煙三文魚同車尼茄，感覺好Fresh, 食完非常開胃，呢一味做前菜一流呀…Read More

九龍城出晒名食泰國嘢，我每次黎親都鍾意幫襯小曼谷，覺得呢到既價錢幾合理，而且又坐得舒服，岩晒約朋友黎呢到聚會，不過今日先知道原來佢地係後面街仲有另一間分店,真係幾旺場呀。。睇見meun 既選擇好多，真係花多眼亂呀，樣樣都想食首先黎左既係海南雞，我地點左半隻，份量都算唔少架，雞肉好嫩滑，配埋醬汁一齊食，非常滋味跟住就係泰式鮮蝦炒金邊粉，餐廳炒得好乾身夠晒鑊氣，加少少青檸汁一齊食，特別開胃咖哩炒紐西蘭青口，呢個望見已經流晒口水，呢到既咖喱整得好出色，即叫即整熱辣辣，香濃既咖喱汁配碗白飯或者蒜蓉包就啱晒喇，而青口都偏大隻，都有幾多隻，覺得呢個好抵食鐵板豬頸肉炒通菜，食得出豬頸肉係經醃製過，食落特別滋味，而餐廳特別加入左馬拉盞一齊炒，真係好有泰國風味，完全食到停唔到口呀…Read More

今次食放題有幾款特別推介，大家去到都一定要點嚟試吓。〈櫻花蝦沙律多士〉多士即係好香口卜卜趣嘅蒜蓉麵包脆，同上面嘅沙律好夾，甜甜地咁，令人想一啖接一啖咁食。〈燒羊架〉估唔到食放題都可以有咁好嘅質素，羊肉唔會燒到好硬，好有羊臊味，啖啖肉咁，正！〈酒浸鮑魚〉連鮑魚都有得食嘅放題，點會唔係物超所值呢，龍龍嘅酒香同鮑魚嘅味道好夾，鮑魚大大隻，都要食四五啖先食得晒呀！〈雪花牛肉鍋〉食放題都會想食啲暖笠笠嘅嘢，所以就點咗呢個牛肉鍋試吓，牛肉份量都唔少，而且係我最鍾意嘅壽喜燒湯底，真係令人食得好滿足！…Read More

大瀛喜日本料理 (旺角)旺角九龍旺角彌敦道655號5樓🔸好耐未食過日式放題，今日貪近去咗旺角食大瀛喜，整體質素都非常唔錯！🔹一去到，店員就好快手帶我哋埋位，依家改咗用QR code落單，可以保證啲嘢食唔會漏單，我哋嗱嗱臨出去拎咗小食同飲品先，估唔到而家大瀛喜都有自家冷泡茶，唔錯！🔸刺身方面，我哋叫咗三文魚、油甘魚、帶子、希靈魚、大赤蝦等等，三文魚夠哂肥美又厚切，非常有口感！🔹壽司之中，我最推薦深海池魚王、柚子油甘魚腩同山葵漬劍魚腩壽司，呢幾款壽司魚味都好香濃，細細舊唔怕會飽。另外一題，呢度竟然有海膽手卷任叫，海膽都非常鮮味～🔸小食既醉鮑魚超重花雕酒味，而且鮑魚好彈牙，鍾意食酒味嘅朋友一定要試吓。鹽燒牛舌好爽口，串燒必點😋西京燒比目魚煎到外皮香脆，再加埋蛋黃醬食好滋味！🔹食到最後當然要去出邊拎甜品啦，甜品嘅選擇都好多，有唔少韓國雪糕同埋雪條，推介大家試吓一隻紅色嘅迷你朱古力脆皮雪糕批，好食之餘，細細舊方便大家可以食到其他甜品🍦…Read More

已經好耐無約朋友見面，見近排疫情開始緩和所以就約朋友出黎食放題啦，就大家方便所以地點鎖定左係旺角食，最後上網睇埋人地既comment揀左呢個大瀛喜，貪呢到位置方便，旺角地鐵站一出就到，而且呢到可以由12點食到3點，成3個鐘夠晒我地約朋友見面，一路傾一路食，唔使咁趕，正架一入到黎已經見到好大排雪櫃，放滿左各式樣既飲品，除左茶類，啤酒，汽水外，呢到仲有日本清酒，真係好吸引，而係自取區域既食物方面，有d炸物，鹵水，仲有d冰盤同埋沙律熟食方面質素唔錯，我地試左炸羊架，燒比目魚，牛肉鍋，炸蠔，榴槤炸彈。。除左熟食之外，一定要食埋刺身同埋壽司啦，呢到絕對唔會令你失望，刺身肥美新鮮，壽司既外表精緻，睇見都流口水呀…Read More

自己最鐘意就係約埋d朋友週圍搵好嘢食，雖然而家因為疫情無左晚市堂食，但絕對影響唔到我地搵好嘢食既決心既，難得今日放假所以就出左黎食lunch日式放題啦，今次朋友揀左<大喜屋>，因為貪佢價錢夠晒大眾化，而且食物種類多，之前試過幾次都keep住高質，所以別無他選啦呢到係Scan QR Code落單，可能因為疫情成日都淨係食外賣，難得今日出到黎好似放監咁，我地點左勁多食物刺身：三文魚，劍魚腩，赤貝，帶子，北寄貝，螺片，虎蝦，仿鮑魚，象拔蚌，赤蝦，甜蝦壽司：火炙系列（鰻魚，帝王蟹棒，鵝肝帶子，岩燒左口魚，黑松露醬燒玻璃蝦），仲有特式鮑魚壽司，海膽山炸物：天婦羅（蟹棒，大蝦，蕃薯仔），另外仲點左炸鮮奶，榴槤炸彈，酥炸生蠔肉類：羊架，牛肉鍋，牛舌串食飽主食之後，記得係自取區仲有好多各式各樣既甜品，雪糕同埋雪條，千期唔好錯過，食埋就覺得好滿足啦…Read More