6月9號收工見到新開呢間嘢，就同朋友入去試。因為返咗成日工冇幾多嘢落肚，就諗住食多啲叫三拼，然後再加錢轉雞髀。結果第一碟嚟到，燒鵝剩係得皮，一啲肉都冇；加錢轉雞髀，但得半隻雞髀（明顯見到佢係一隻雞髀斬開一半嗰種）我同侍應反映話燒鵝無肉wo…得骨同皮既？跟住佢哋換過一碟俾我，但係居然拎走埋我嗰半隻雞髀，換咗圖入邊圈住嘅零碎雞肉比我，而燒鵝依然係一樣只有骨同皮。真係嬲嬲地，我又再問侍應，點解換完我本身加錢要嘅雞髀冇咗？於是佢哋又換一次，今次搭返隻雞髀上嚟啦，但係鵝肉依然係皮包骨。但心諗算啦都換咗兩次啦，照食啦。點知一咬落去，啲燒肉係臭嘅….成碟飯最好食係隻鹹蛋。真係冇諗過$113食碟燒味飯可以差到咁，街市30幾蚊雙拼飯都好味過佢10倍。真係食到一肚氣，當日已經想喺OpenRice勸喻大家唔好中伏，但佢開業兩個月先登記OpenRice。終於俾我等到！簡直係土瓜灣紅磡區數一數二嘅難食同埋黑心價錢。…Read More
