Hanna Leung's Profile

勁抵呀，位於中環香港文華東方酒店快船廊自助晚餐推出限時 64 折優惠，好難得又有咁抵嘅折扣！我星期六生日，book 左自助餐兩位🥰每位都係 $728 ，都平過平時成2 百幾蚊架！凍海鮮方面，有龍蝦、長腳蟹、麵包蟹、翡翠螺、青口、凍蝦、鮑魚。翡翠螺好大隻，當晚既麵包蟹仲好好味。甜品方面，自然唔少得必食嘅 1963 文華芝士餅，另外酒店嘅雪糕係自家手工製，同樣值得一試！熱盤方面，自助晚餐有文華東方酒店酒店最人氣嘅海南雞飯、仲有燒牛肋骨、豬肋骨即製湯粉麵等等仲有湯、沙律、ham and cheese、各式麵包、多款雪糕🍦而家值得一讚，服務十分好，最後為我送上生日小蛋糕，仲幫我地影相留念！有興趣記得快啲去訂購喇！…Read More

泰尚午餐十級抵食老闆服務態度超級好，勁客氣佢午餐既份量十足，座位闊落舒服餐牌有好多選擇有飯有粉麵，套餐包飲品和湯，大概都係$60左右我叫左海南雞喇沙金邊粉，成隻雞髀海南雞，好juicy 好好味😋喇沙味道濃郁，辣度啱啱好，如果想辣啲可以同老闆講！叫咗杯泰式凍檸茶，好有茶香味，值得一試！之前嚟過食晚餐，晚餐價錢合理，同普通泰國菜差唔多價錢，午餐嘅份量同晚餐嘅份量係一樣，食過佢嘅金邊粉好好食，所以成為午餐嘅常客！…Read More

下午2點午餐，套餐3 courses $148 一位另收加一服務費，好抵食，值得推介Starters 揀左香煎帶子配粟米醬及火箭菜沙律帶子煎到啱啱好好香，好有咬口Mains揀左香煎銀鱈魚配香烤蘆筍及檸檬奶油銀鱈魚分量足夠，魚皮煎到好趣好香，好Juicy另外一份揀咗10安士封門牛柳配薯條牛柳生熟程度揀咗medium well，分量充足，牛肉煮得啱啱好，如果有芥辣醬更加好，你薯條都用牛肉既油去炸，好香脆Desserts煎薄餅配朱古力醬及雲呢拿雪糕薄餅上面有一層焦糖， 燒香左，再配合雲呢拿雪糕一流另一個揀左檸檬撻配覆盆子醬及鮮果，檸檬撻令人refresh，容易入口唔會感覺好飽，好好食成個set好抵食，環境又chill又靚，坐室內遠眺維港食個lunch，食物精緻美味，可以好好享受放假既休閑！…Read More

經過西營盤，影完相天氣又熱，見到有間熊貓主題小Cafe新開，即刻買返杯凍飲chill下。Mocha 大大杯，老闆好好人，我話想好味啲，佢就話幫我整濃問啲，為我專人調配😍飲落真係好好味，老闆細心又好人，好有禮貌！買完之後見到好多人幫襯，好多人買菠蘿冰，下次我都要試下，我見到有好多菠蘿果肉架！老闆娘又見我岀晒汗，請我到店內坐下，好窩心的小店！一家三口良心小店！支持支持！下次再黎要試下d 三文治😋好多人買!!…Read More