土方's Profile

好耐冇食潮州野，今次朋友帶我黎到呢間潮州菜餐廳，餐廳係一間較摩登的中菜館，餐單上有多款不同的菜式可供選擇。潮式炒麵線，麵線用上爽口的蝦仁、彈牙的魷魚、豬肉絲等，麵線唔會好油，炒得乾身，清清地食唔錯。碧綠川椒雞，朋友一向都好喜歡食呢個菜式，而呢道整的川椒雞，味道濃郁惹味，配上脆卜卜帶有咸香的珍珠葉，口感同味道都好正。潮式魚湯浸時蔬，鮮甜的魚湯，配上清甜爽脆的白菜仔，還配搭蟲草花和菇，估唔到咁好味。最後仲食左朋友最愛的潮州糖水-綠豆邊清心丸，糖水裡面有大量綠豆邊，味道唔會好甜，加上煙煙韌韌，形狀係水滴型的清心丸，口感豐富。…Read More

難得另一半可以同我食飯，當然要揀一間好食的餐廳試下，今次來到這間日式壽喜燒店，原以為係自己燒得，原來係會有師博幫忙燒，咁我就可以專心同傾計了。我揀選了Supreme Wagyu Set食，入面的食物非常豐富。前菜共有3款，包括有磯燒鮑魚、蟹膏豆腐和鮟鱇魚肝。三者當中蟹膏豆腐非常特別，豆腐有蟹的味道，而且非常嫩滑。而鮟鱇魚肝是我的最愛，醬汁酸酸味味十分開胃。刺身分別有4款，包括有深海池魚、牡丹蝦、拖羅和帶子，拖羅入口即溶，深海池魚爽身鮮甜。和牛刺身，生的和牛片中間夾有芽蔥，和牛入口即溶，芽蔥好有清蔥味，好特別。這裡的茶碗蒸非常特別，一大開蓋就見到黑蚊蚊，原來係墨汁，入面仲有墨魚仔，同出面食到的好大分別。和牛紫菜卷，師傅先用火槍把和牛粒炙燒，半生熟的狀態下用上紫菜夾住，上面再加入海膽，鮮甜得黎又有牛肉的味道，不錯。季節野菜盛合，用上洋蔥、冬菇同埋娃娃菜製成，洋蔥燒到半熟，食落辣口，而娃娃菜和冬菇吸收了壽喜燒醬汁的味道，甜甜的。香煎牛舌，牛舌好厚切，師傅整的時候用上鹽花、蔥花調味，令味道更突出。A5和牛肉眼，肉眼黎至大分縣，點上蛋汁一齊食，除了味道濃郁，肉質亦好嫩滑，十分美味。A4和牛西冷，這款西冷黎至北海道，配上蔬菜一齊食，有壽喜燒汁的甜味，味道更惹味。和牛炒烏冬，烏冬拌入松露醬同和牛粒，另有少少黑椒調味，有陣陣的松露味，而和牛粒入口即溶，味道濃郁。最後仲有湯同甜品，成個餐令人好full。…Read More

好耐冇同朋友出街食飯啦，今次就同朋友來到這間肚餓猴子食日式鐵板燒。頭盤沙律，一坐下，店員便為我們送上酸汁蕃茄，蕃茄本身鮮甜，配上酸汁，味道十分開胃。酥炸雞心，雞心外層炸到脆口，加入檸檬汁及點上酸辣汁，用黎送酒一流。北海道魷魚柳，用上大量洋蔥跟魷魚炒製，外觀好似日本既炒烏冬，魷魚爽口美味，由於有大量洋蔥，食落帶有少少辣味。松葉蟹肉甲羅燒，呢度既甲羅燒跟出面有點不同，平時會用多士一齊食，但係這裡會用青瓜片，食落啖啖蟹膏、蟹肉同蟹籽，而且青瓜味道食落會較清新，不錯。松葉蟹肉海膽炒飯 $188呢個炒飯即叫即炒，炒飯內有大量海膽，非常足料，味道鮮甜，另外亦有蟹肉可以拌勻，口感豐富。梅干威士忌割水 $68威士忌內有啖啖既梅香味道，杯內亦有大量梅干，冰凍又美味。…Read More

中意食牛的我，今次來到這間專食牛串燒的餐廳，餐廳好有日本居酒屋的感覺，座無虛席，非常熱鬧。萵筍牛肉卷 燒到脆身的牛肉，內裡捲住爽脆的萵筍，食落味道清新。牛肝食落口感綿綿，味道濃郁。牛沙瓜牛沙瓜口感爽身，上面塗上燒汁，味道香濃。雞肉大蔥串雞肉嫩滑juicy，配上鮮甜的大蔥段，感覺清新。燒飯團明太子燒飯團真係冇得輸，飯團燒到有飯焦感，食落咸香惹味。咖啡酒咖啡酒係由餐廳自己調配，有香濃的咖啡味，很適合男士飲用。…Read More

這間餐廳每逢有野要慶祝都會諗起，今次就一於帶埋朋友黎試下。餐廳有多款高質既肉可以選擇，而且有D仲會有師博幫你燒埋，可以食到最正的味道。牛肉盛合，呢款盛合係廚師發辦而且係二人份，盛合中包括有牛舌、美國封門柳、美國牛小排、美國Prime級三角肥牛、日本和牛牛頸脊、日本和牛三角胸小排同埋和牛肉眼蓋。每款都有兩片，淺嚐一流。牛舌為厚切牛舌，食落口感豐富。牛頸脊有種入口即溶既感覺，牛肉眼蓋既肉質有點嫩滑既感覺，而封門柳味道濃郁，十分美味。伊比和亞夾心肉，用上黑椒調味，未燒的時候看上都幾肥，但燒完後，口感較腍而且味道惹味。日本雞頸，初初以為雞頸會冇咩肉，原來有肉之餘，雞肉仲好嫩身，而且雞頸燒過後口感更香更正。甲羅燒，甲羅燒內的蟹膏拌入蛋黃一齊燒，配上餅乾一齊食，味道濃郁之餘又夠哂脆卜卜，口感豐富又美味。溫泉蛋豆腐沙律，沙律菜拌入沙律芝麻醬，味道酸酸味味，加上仲有車厘茄、滑嘟嘟豆腐、木魚絲等，係一個開胃的頭盤。燒日式魚乾，飲酒最岩就係配埋魚乾一齊食，呢度有自己即燒可以俾你自己燒，魚乾燒到脆口，食落煙韌。…Read More

又係朋友生日既日子，當然要食餐好的。朋友喜歡食豚肉，所以今次就搵黎這間食豚肉串燒的餐廳，等他可以食餐好。餐廳有吧枱亦有普通座位，牆上還有豬的結構圖，等你可以知道自己食緊咩位置。點餐後，店員先為我地送上前菜，前菜係凍蕃茄，蕃茄味道鮮甜，配上酸味味的酸汁，食落好開胃。京姬梅子酒，呢款梅酒味道都幾濃，有陣陣既梅香，味道甜甜的，最岩跟串燒一齊飲。豬顎骨肉串，顎骨位的肉都幾多汁，而且唔會好肥，調味剛剛好。雞骨豬肉腸串，最愛食雞骨腸，外層脆卜卜，咬落多汁，口感豐富。豬肉蠔卷，豬肉片中間夾著蠔肉，蠔肉脹卜卜，鮮甜又多汁，估唔到咁好食。白鱔串，鱔肉用上炭燒的方法，上面灑有少少鹽花，魚肉爽彈，魚皮燒到脆卜卜，十分惹味。日本長蔥，每段蔥段上都有面豉醬，食落咸香又清新。燒菠蘿，最後仲食左燒菠蘿，菠蘿上面有燒焦既無糖，味道甜甜酸酸，好滿足呢。…Read More

好耐冇去灣仔食飯，今晚朋友就帶我來到汕頭街搵食，原來有間食日本串燒及料理的餐廳，而且舖內的店員都是日本人，去唔到旅行都可以黎感受一下日本的感覺。一座低店員已為我地送上前菜，前菜係雞皮菠菜，雞皮食落爽身，味道咸咸地又清清地，好食又特別。梅醬鯊魚軟骨，呢款小食非常有驚喜，鯊魚軟骨口感好似雞軟骨，食落非常爽口，而梅醬食落酸酸味味，係一個非常開胃而且令人食唔到停口的小食。枝豆，飲酒必點的前菜，呢度的枝豆鹽份充足，食落清甜爽身，唔錯。雞尾尖，燒到表層好脆身，食落估唔到好juicy，而且仲有雞油既香味。雞柳，雞柳配上明太子醬食非常惹味，雞柳唔會燒到好乾身，嫩滑又juicy，而且明太子醬微辣，十分美味。牛腸鍋，重點黎啦，呢個牛腸鍋真係好有日本的感覺，成日係電視見過呢D滿滿的韭菜鍋，今次終於試到。上枱後店員再為我們淋上味噌湯，煲大概8分鐘左右就可以食得。湯底味道香濃，鍋入面有芽菜、牛腸同椰菜，第一次食牛腸，原來個口感好爽口，凍冰冰食呢個鍋真係好正。Whisky Coke High Ball，食日本野當然要飲下酒啦，最愛飲High Ball，今次就點上可樂威士忌High Ball，味道唔會好甜，酒味唔重所以好易入口，但都品嚐到whisky 的味道。…Read More

餐廳位於九龍城轉角位置，門口有個公仔揮手叫你入去，好搞笑。餐廳食物碟碟都好大碟，岩哂一班朋友黎食飯傾下計。泰式燒盲鰽，呢度的燒魚都好好食，用上大量鹽醃製，魚入面放入香茅同芫茜!魚上枱時熱辣辣，魚皮燒到脆卜卜，魚肉鮮甜嫩滑，唔會燒到好乾身，非常美味。泰式炸蝦餅，他們的蝦餅超大個，我地叫個細的份量都已經有6大舊!蝦餅外層脆卜卜，內裡蝦肉爽口彈牙，好有鮮蝦的味道，再點酸辣醬，味道非常正。泰式蟹肉煲仔翅，煲仔翅一煲都夠兩個人食，即叫即煲，夠哂惹味!煲仔翅材料都好豐富，味道好甜，好正呀。…Read More

生日週黎啦，陸續有好多不同的朋友約我食好野，今次就黎到呢間食蟹的餐廳。餐廳以日式裝修為主，一入門口就見到裝著蟹的魚缸。我地安排坐卡位，座得舒適又有私隱度。我們兩個人點了特選會席套餐，食到好飽好滿足。蟹肉三文魚籽沙律，沙律顏色好colourful，又紫色綠色咁，用上沙律醋，味道酸酸的，好開胃。除了有沙律，還有漬物牛蒡和螺肉，兩者都爽身，口感十足。甲羅燒配多士，甲羅燒的蟹膏配上脆卜卜的多士，食落濃味，口感十足。黑魚子海膽蟹肉蒸蛋，蒸蛋面頭有海膽、黑魚子和蟹肉，蛋內有紫蘇葉和白果，口感幼滑鮮甜。香箱蟹，不時不食，呢個季節最岩就係食香箱蟹，即係松葉蟹蟹乸。香箱蟹主要食蟹籽和蟹膏，師傅已經將兩者拌勻，而且將蟹肉和蟹籽放於蟹蓋入面，一半半咁，好靚，而且放得滿滿。鹿兒島A5和牛，和牛入口即溶，牛肉味重，而且幾juicy，估唔到除左蟹，牛肉都咁好食。松葉蟹釜飯，呢個飯有店員幫忙拌勻三文魚籽、蔥花、黑松露、蟹肉，還會分埋兩碗俾我地，飯鮮甜又有口感，不錯。抹茶奶凍及蕨餅，奶凍幼滑，有淡淡抹茶味，加上紅豆的點綴，小小甜，味道不錯。而且仲有我最愛食的蕨餅，清清地又煙韌。…Read More

世界盃咁大件事，第一次試下去蘭桂坊睇波，朋友帶我黎呢間酒吧食住野飲下酒睇下波。呢間餐廳酒吧有小食、主菜等食物可以食到，當然仲有唔同既酒類飲品可以飲到。Parma Ham Rocket巴馬火腿舖滿pizza上面，加上火箭菜，味道咸香之餘又夠fresh。而pizza批邊好似餅乾咁脆口，食落唔會好膩。Calamari 炸魷魚圈用黎送酒一流，魷魚圈外層脆身，食落口感爽口，勁正。Mojito飲返杯經典的cocktail，有薄荷同檸檬既清新味道，酸酸甜甜，夠哂fresh。如果想一班朋友再盡興啲，仲可以揀佢哋嘅房圍埋一齊睇波食嘢添。…Read More

難得早放，今次就黎到呢間係屋企附近的燒肉店，係食日式燒肉的，所以餐廳都用上日本餐廳的裝潢，猶如置身日本。同朋友揀了雪·二人特盛套餐，套餐的份量都剛剛好，有牛肉拼盤、前菜、茶碗蒸等。蕃茄沙律配芥末沙律汁好開胃，份量都幾多，拌入沙律醋，而且蕃茄好鮮甜，酸酸味味。野菌蟹肉茶碗蒸，這裡的茶碗蒸口感嫩滑鮮甜，有大量蟹肉絲，份量十足。燒肉拼盤有澳洲同日本和牛，日本和牛係黑毛和牛，係牛小排的部分。而澳洲和牛分別有肉眼上蓋、牛腹肉、牛肩芯同橫膈膜。日本黑毛和牛入口即溶，油花分佈平均，非常美味。而澳洲和牛味道都不錯，當中個人比較喜歡牛腹肉，味道較濃，較為juicy。另外仲配有大大舊白鱔，個人都幾中意燒白鱔，口感較爽身。另外仲有三色椒、雞脾菇等蔬菜。溫泉玉子丼，非常大碗，有大量紫菜和流心蛋黃，拌勻食味道咸香之餘，飯既口感更溫，唔小心就會食哂食碗飯。麒麟沙冰啤酒面頭有好似軟雪糕外型的啤酒沙冰，冰凍十足。…Read More

好耐冇同朋友出去飲野，今日黎到呢間位於大角咀既餐廳，佢地有3個鐘free flow 紅白酒、清酒，非常適合中意飲酒既朋友。除左飲野，當然都要食野，佢地有多款唔同既佐酒食物可以選擇。店員為我地揀選左一隻飲落幾甜既清酒，男女都岩飲。脆炸池魚仔，用黎送酒一流，池魚炸到脆卜卜，食落外層脆身，內裡魚肉鮮甜。自選串燒拼盤，可以揀3款唔同口味，雞軟骨、雞皮同雞腎，都係送酒佳品，雞皮同雞軟骨既調味都唔錯，食落口感好正。白珍珠蠔，大隻，蠔肉脹卜卜又鮮甜，帶有幾濃的海水味，而且一隻既價錢唔貴，性價比高。韃靼生牛肉配多士，除左有日式野食，亦有呢款西式啲既前菜！生牛肉拌入左酸酸辣辣既醬汁，味道刺激味蕾，亦好開胃。…Read More

酥皮雞煲唔知大家食過未，今次黎到呢間餐廳任飲任食火鍋加有酥皮麻辣芝士雞煲食，正呀喂！分左幾個餐可以揀，我地揀左澳洲M4和牛海鮮大滿貫。坐低後就先揀頭盤，其實除左酥皮雞煲，仲有卜卜蜆、酸菜魚、麻辣雞煲、韓式芝士雞揀！酥皮雞煲個皮都幾鬆脆，吸左雞煲既麻辣味，估唔到咁正！入面既雞都幾多，連洋蔥都好好食！食完雞煲就揀湯底打邊爐，湯底有8款可以揀，我地揀左椰青香茅青檸湯，湯底味道酸酸味味夠哂開胃。店員仲會先上牛肉拼盤同埋海鮮拼盤俾你，唔夠就可以再Apps落單。牛肉拼盤當中有M4和牛、安格斯牛小排、牛板鍵、封門柳、牛胸爽等！當中牛胸爽口感爽口，和牛牛肉味濃，口感鬆軟！海鮮拼盤有蝦、鮑魚、青口、蜆，蝦肉爽口鮮甜，其他海鮮都幾新鮮。蔬菜類、丸類等可以係自助區拎到，另外仲有熟食、雪糕同飲品都可以自行拎到！…Read More

今日朋友帶我來到這間酒店食自助餐慶祝生日，他們近期的自助餐主題為拉丁美洲主題，有烤肉、墨西哥餡餅、甜品、海鮮、冷盤、熱盤等，非常多選擇。餐廳分了兩大區域，一邊是熱食，一邊是冷盤及甜品。冷盤區最為吸引當然是海鮮，這裡的海鮮分別有麵包蟹、龍蝦、長腳蟹腳、青口、蝦、蜆等，而麵包蟹同龍蝦都好多膏，非常惹味。而日式方面的刺身，有三文魚、吞拿魚、希靈魚等，即叫即切，十分新鮮。沙律當然不能少，凱撒沙律有師博即場製作，很fresh。也有其他已拌好的沙律供客人選擇。凍肉方面有salami、巴馬火腿、煙三文魚等，很吸引。熱盤方面有燒烤、粉麵、餡餅、中式點心、燒味等，燒烤有師博即場燒製，有豬、牛、雞、菠蘿，還有大大隻的蝦，非常惹味。而墨西哥餡餅由師傅即場製作，入面有芝士、手撕豬肉等，味道酸酸辣辣。甜品方面有聯乘Twist & Buckle的Churros，味道都有幾款選擇，食落脆身，我還點了雪糕一齊食，冰火交融，十分刺激。這裡有汽水、咖啡飲品任飲，好滿足。…Read More

朋友今日帶我黎到呢間位於土瓜灣啟岸既餐廳，餐廳出左個70分鐘清酒放題，岩哂中意飲酒既朋友。70分鐘清酒放題，只要你惠顧任何一款主食或者磯燒，就可以join呢個清酒放題。有5款酒可以揀，而其中一款係梅酒，店員仲會俾冰你加入梅酒飲添。M5和牛飯，呢度既商務午餐仲會有湯同沙律，湯係黑松露蘑菇湯，口感creamy，味道濃郁。而沙律落左柚子醬汁，食落夠哂開胃。和牛薄切而且口感幾鬆軟，牛肉味都幾濃，加上上面有流心蛋汁，食落更滑。牛肉飯都淋有牛肉汁，食落更惹味。…Read More