flowers_annie's Profile

目前香港食過最好食星加坡菜: 喇沙湯低好香椰味，湯料亦好足，特別蝦好新鮮，而豆卜吸晒湯超好食。海南雞中上，雞油飯不油膩，值讚一下個三色醬（蒜/辣/豉油）。肉骨茶偏藥材味，有北芪黨參，雖然無肉無骨有少少失望，但好味。午餐有菠蘿特飲無限refill。另外裝修陳設好特別，有娘惹風味，店員招呼周到。…Read More

此餐廳最出名當然係龍蝦天使麵，好香龍蝦味呀，汁同天使麵的比例剛剛好，而且龍蝦肉都幾多，亦無須自己剝殼，必食。另外叫左一個西冷牛扒五成熟，它不是juicy的口感而是肉味好濃，特點在於外面偏焦（我係喜歡的），好香口。龍蝦湯偏咸，但龍蝦控仍可一試。最後mango nepoleon，一層芒果一層焦糖味脆片，清甜不會滯，再配上雲呢拿雪糕，完美地結束了晚餐。…Read More

搬舖後第一次黎，地點方便了，但等升降機需時。今次點左兩款生蠔，7：30前order 特定款式買一送一，食左nisbet (creamy)同huitrea(偏海水）, 好食又好抵。八爪魚沙律，一上菜覺得好靚，色彩繽紛，食落鮮味唔韌，好特別的前菜。主菜點左牛扒（prime rib NY strip)，5成，好香，外脆內juicy。最後食雜菌手捲意粉，意粉外形可愛食落煙韌，火箭菜上有海鹽偏咸，整體好食誠意之作…Read More

自助早餐有很多款式，有中有西，中式點心有蝦餃春卷糯米雞等，粥有幾款，另有炒飯炒面，好爽身而且調味得宜。西式方面可向侍應點egg benedict, 蛋有點過熟，但墊底面包香脆，夾埋一齊食都唔錯。各款芝士都好香，推介大家試埋。甜點方面有macaroon, 唔會過甜，好香杏仁味。…Read More

等左五至十分鐘，點了胡椒燒鴨瀬同叉燒燒肉飯。燒鴨好有胡椒味，好juicy，瀬粉似米綫。另外叉燒偏瘦但好有肉味，唔會太韌，燒肉皮好脆，肉好香，唔咸。飯的醬油淡口，唔膩，同燒味好夾。…Read More

今晚每款食物皆有驚喜，魚生之中三文魚好肥美，帶子鮮甜，有日本地道感覺。而海鮮都好新鮮，生蠔即開勁鮮甜，龍蝦，蟹腳都水準以內。熱食款式多到食唔哂，個人喜歡盅頭花膠湯同脆脆乳豬，仲有香煎鴨肝多士，滿口油香（食完好有罪惡感=-=）。另外，雪糕真係一絕，茅台味，鵝肝香橙味，新穎得來毫無違和感，係好好的嘗試，十分欣賞。 …Read More

本人係懷舊控，久唔久我都會去食下傳統扒房。今次食龍脷柳同西冷（5成），魚份量頗多，不會過咸，味道較淡，注重健康的我覺得很好。而西冷都維持水平，蒜蓉汁好惹味。甜品也不能忽視，布甸超香滑，必定要加花奶，而杏霜實在要一試，好香濃滑，為晚餐劃上完美句號。…Read More

頭盤海鮮三文魚同蟹腳，個樣雖然唔太標緻，三文魚切得碎，蟹腳偏細，但味道一絕好鮮甜。熱食羊架剛剛好，少少蘇味 但好林，炸魷魚的脆漿厚薄剛好，咸香鬆脆。燒牛肉略為過熟，少少韌。甜品的窩夫，pancake都好好食，外脆內很香蛋味，朱古力噴泉的朱古力好好食，濃濃可可味，而且係脆皮的，加上雪糕實在好正！用會員卡$184/位。…Read More

伏務一流。今早食早餐，佢黎錯左隔離枱的食物，咁我無為意就食啦，而且第一次食呢間，唔知大約有咩配搭，到我食完多士，佢話我食錯隔離枱的食物，好無禮咁要我加一蚊，話我明知黎錯都要食，佢完全推卸責任，我話你地黎錯，點解仲要加我錢，態度仲要奇差，而且上班時間食早餐個個都咁趕時間，你黎乜就食㗎啦，本來要加錢都算，你認錯同態度好啲，我覺得合理啲而唔係怪個客人。之後來了沙爹牛面，明明我地都叫左，準備叉落去之際被強行回收，但就話係隔離枱。總之，不可一不可再。…Read More

星期日周圍都爆多人，來到呢度，兩個人，等左五張枱，算係咁，叫左豬頸肉芝士撈丁，芝士唔膩，豬頸肉都好香口。另叫左豬羅包，有兩款味，我食果邊係清新味，有少少醃青瓜醬味，幾好，男朋友果邊就唔知咩味，總括都不錯。…Read More

一碗好食的魚蛋麵絕不簡單，湯底無味精味，有微微大地魚香，魚蛋彈牙好有魚鮮味，墨丸牛丸都好食。值得一提係個炸魚皮，正宗門鱔味道，超香，超鬆，好硬身，浸湯都唔會霉，現在好難食得到。:)…Read More

食左火炙三文魚沙律同午餐豬扒意粉。午餐有湯，唔知乜菇湯，酸叔味，個片包係林嘅，意粉痴埋一舊豬扒好硬。沙律個三文魚係無味，芝土陣味好怪。唯一出色係杯凍檸水同送的哈根打斯雪條。後悔，千揀萬揀。…Read More

每枱都有可refill前菜供應，有白蘿蔔，蝦條，同椰菜絲沙律，我們兩個女仔點了辣味炸雞同一杯米漿，都夠哂。炸雞外脆內juicy, 多汁到食嘅時候隻叉會倒流肉汁，，亦有薯條伴菜，好味。溫提:六點半前埋單平33%。…Read More

八點幾九點周圍已經黑媽媽，得番甜mimi, 天氣好熱我淨係想食凍野，叫左芒果益力多雪冰，榴槤小丸子，兩樣都好好食，個沙冰好滑，好幼細，不太甜剛剛好，而榴槤小丸子，好濃榴槤熟得來唔苦，正。另外，外賣了榴槤糯米弛，自稱d24, 係好食嘅，食完半小時還留下榴香。…Read More

常餐抵食: 有炒蛋，多土同叉燒湯意，只需$5x, 叉燒湯意略有驚喜，叉燒甚有肉味油香，少少地，足以令人回味,但意粉好硬，麻麻。朱古力可可味香濃，咖啡還可，略苦澀，本人不喜太澀。蕃茄意粉係鮮茄味，有少少羅勒味，清淡。…Read More