Well's Profile

剛剛開業試過一次唔係咁好食, 之後就算食飯都想不起有這間店舖!尋日突然間好想食麻辣米線, 但係又唔想食譚仔(唔知點解大角咀譚仔比起其他分店係差好多但依然好多人食...) 就俾多次呢間米線舖...經常都叫譚仔既酸菜炸醬米線. 今次都係叫左呢2款, 要小小辣! 分量: 大碗... 食量不大既話, 少米線會好D酸菜: 不太酸. 分量都多, 而且切到細細片, 唔會好似譚仔咁, 一大片咬唔到!炸醬: 偏甜, 中和左湯底既辣度. 下次再食個陣要加辣先得.紅油抄手: 有6隻, 好辣!! 唔係我鍾意個個味道. 都係食番米線好!之前經過個陣都無咩人, 店員態度又非常良好有禮. 下次都會再去食~ 試埋佢地既雞翼!…Read More

第一則:某日, 知屋企D紅米食哂但又發牙痕, 放左工就沖住咁去買dinner...都見到佢地執哂野架勒, 不過, 老闆娘好人幫我整左個燴牛展紅米飯+南瓜豆漿($28)俾我.燴牛展D汁好清, 好多紅蘿蔔...本來都好難形容個燴牛展係咩味, 有人試完之後就講左句"咪好似D羅宋湯無左蕃茄D味囉", 食食下又似...味道唔鹹+埋個紅米飯真係好味道~南瓜豆漿比我上次飲仲濃南瓜味!-------------------------------------------------第二則:之前見到佢有咩蕃茄包/甜椒包咁, 已經想試...咁搵左日既早晨, 反正遲到就去左買早餐先~要左個豬柳甜椒包+米漿($12), 個包有3大片蕃茄, 3大片青瓜, 3大片甜椒, 好幾條豬柳, 汁有蕃茄醬.所有野都係即整既, 等都等左10分鐘到, 味道都唔錯, 最出奇就係佢既蕃茄醬都係自己用蕃茄打出黎既!!至於米漿就一樣出奇地淡兼無咩味...…Read More

成日坐小巴都經過, 今日心思思就走左去呢間野買外賣做lunch.叫左個咖哩雜菜腰果紅米飯連新鮮生果(沙津)+南瓜豆漿$28. 另外叫多一杯米漿$3個飯底就係紅米+糙米, 入面就有粟米粒, 紅蘿蔔粒, 南瓜, 椰菜花等, 之但係就食唔到腰果囉! 個飯有咖哩味同埋D唔知咩香草既味道, D飯硬硬地, 0岩哂我呢D鍾意食硬飯既人!沙津就係新鮮生果- 今日就係蘋果, 梨及橙南瓜豆漿- 味道唔甜. 見住佢搵D南瓜即刻攪架~米漿- 唔甜, 好濃味, 飲左半杯都有少少飽. 不過, 都係南瓜豆漿好味DD...下似要試下佢個D飽先...有牛/雞/豬既蕃茄or甜椒飽...聽個名好似好好味~…Read More

聽日(6號)重開啦!!我唔係買廣告, 對於我呢D FANS黎講...真係好開心呀!!又有機會試番老闆娘D手勢~~…Read More

講下佢個招牌麵包--辣鬆個層cream痴住D肉鬆, 個包又夠辣, 好味*排隊俾$個陣, 通常都係有個女仔先幫你袋好個麵包, 之後俾$架. 但係我買辣鬆個陣, D辣鬆cream/油都會係個盤度留有油漬, 而個女仔又將袋好既麵包放返係個盤度喎, 咁個膠袋咪污漕哂囉. 有無諗過我拎住個咁既麵包周圍行, 真係幾麻煩...唔知大家有無留意呢?地震芝士包(無咩芝士咁點解要叫做地震芝士包呢? 係個包得個名丫OR 我真係諗多左呢...!!)聽個名就以為好多芝士, 原來得面個層先有芝士咋.入面D芝士真係好少少少少.......真係寧願食美心個個車打芝士包*如果想食好多芝士既方包, 推介PANASH既芝士軟包佢雖然無地震呢2個字...但係極多芝士. 芝士迷必食.…Read More

今日去到門口等左30mins...叫左:冷烏冬($10/$15加大): 加大份量真係夠一個男仔食. 幾好味, 好彈牙, 不過, 唔鍾意食粗/硬烏冬既就唔好叫...因為, 我都咬到好辛苦(雖然好味...^^~)日式餃子($10/4pcs): 無咩特別, 而且多油吉列豬扒($10/1pc): 炸得幾脆天婦羅蝦($10/1pc): 呢個係咁多個小食最好味既...薯蓉牛肉餅($7/1pc): 唔難食, 不過D油都係一滴滴咁滴天婦羅鮮菇($10/1pc): 唔好味, D油多到一滴滴咁滴出黎...ps. 見到咁多食客都食剩D天婦羅茄子, 聽到有個食客話寧願食煎釀三寶...OVERALL: 烏冬好D...…Read More

我住係樓上, 唔想煮飯個陣都會係呢間野開餐...lunch set平啦, 不過, 其實散叫都唔貴得好多. 而且地方靜靜地...環境唔錯架.Dinner未試過係度食...(因為屋企無人鍾意食西餐)PS 1:even你坐係愛天奴個邊, 都可以叫天奴個邊既日本野黎食架~PS 2: 呢度有我鍾意既WARM CHOCOLATE CAKE食架, 好好味...朱古力迷必試…Read More

我都有去個度買過麵包食, 唔講D包好唔好食, 特唔特別先...佢地既裝潢雖然係幾好幾特別, 有個開放式廚房更可以吸引到多D人睇多D人買...但係環境好似差左D喎...好多麵包就咁放係度, 無野隔住, 又近出入口我買麵包其間, 見到有烏x, 蚊x飛黎飛去, 真係見到都唔想買架...(曾見到有人用手"掂"下麵包軟唔軟...唉~)希望佢地會改善0下佢地既環境先啦...*買左個咖哩包, 幾好味...*…Read More