Notfull's Profile

今日嚟到尖沙咀發現呢間過江龍烤肉店😋即刻入去試下！一入餐廳好快決定叫個極上牛肉二人份，試哂幾款肉。尖東地段食燒肉398 兩個人好抵食！😁未開始燒肉 先有幾款前菜👍🏻有沙律菜、生菜(可以留返包住燒肉食😛)、泡菜、韓式醃芽菜…醬料都有特別嘅組合：花生醬+醬油+蔥😂食落幾香 似麻醬味老太太特色瘦牛唔鐘意太油膩嘅就岩哂，燒出嚟都唔會太靭老太太特色肥牛食完瘦肉 試下肥牛 同樣出色👍🏻肥肉比例6:4 ，肥瘦均勻。燒到有啲焦最正，成塊食都唔膩。雪花肋條成晚最愛😍，肥瘦比例適中，烤肉味道都夠濃香翁鳳梨牛排牛排厚身，肉味較濃，口感似橫膈膜。再配埋菠蘿夠哂fresh 平衝返燒肉嘅味道澆汁橫隔膜最有肉味。醃料同上面啲肉一樣都入味👍🏻牛肉海帶湯足料 有好多牛肉絲海帶，上枱時出曬煙，一上枱儘快飲碗熱湯☺️冷麵酸酸地，幾開胃。入餐廳前仲流緊汗，即刻食兩啖降降溫。好岩配燒肉。店員好好，見我地兩個人，上湯同冷麵果陣就幫手分兩碗裝，唔使自己分👍另外我哋燒咗一個鐘頭多啲，都換咗三次網，服務周到。可以encore 👏🏻…Read More

今日晏晝出到嚟旺角覓食，搵咗呢間台灣過江龍入到去裝修間隔都幾舒服，唔會太迫估唔到佢都幾多湯底揀，因為係晏晝所以我哋就嗌咗午餐set 個午餐set包埋出邊自助吧，都幾多嘢食揀我哋嗌咗個蕃茄湯底同埋麻辣奶香鍋，個麻辣奶香鍋超讚！！！麻辣得來又有啲奶香嘅感覺，唔會淨係得個辣字，辣中帶甜，好正火鍋配料方面，我哋叫咗個海鮮加鱸魚set，同埋羊嫩肩加雞肉個樣真係冇得頂，平時打邊爐啲羊雖然好重羊味，但係都係唔夠滑溜但係呢度嘅羊係超級嫩！雞肉配埋個湯底都好好食超級推薦，大家試吓食個鱸魚，都係好鮮味呀！我哋見佢本身都有買炸嘢，所以忍唔住都嗌咗個鹽酥蝦滑，點知呢個鹽酥蝦滑超級酥脆，而且蝦滑10分彈牙結尾我哋嗌咗芒果奶凍同埋燉蛋，個奶凍好香奶味！佢哋嘅嘢飲都唔錯，夠晒大杯，可以飲足全程…Read More

之前喺台灣見過呢間嘢，估唔到近排喺香港開咗，咁就一於約friend嚟試吓啦入到去空間都算大，我哋5:00去食，所以唔使點樣等位入到去職員好好地介紹咗唔同嘅餐俾我哋，由於我哋又想食海鮮又想食牛肉，所以各嗌咗一個set 入嚟嘅時候我見到有自助吧，入邊有韓式小食同埋生菜放題，只需要每個人加$25 ，所以我哋就決定升級試吓個放題佢個放題都幾多嘢食，除咗有各類型嘅蔬菜，仲有唔同嘅韓式小食，我就好鍾意食佢嘅鵪鶉蛋同埋泡茶超級推薦呢個蟹膏飯，平時出去食烤肉都成日食紫菜飯，但係呢一度加咗蟹膏，而且份量好多，絕對可以做到一啖飯一啖蟹膏另一個飯我哋嗌咗日式玉子飯，相比之下蟹膏飯就出色好多啦肉類方便，我覺得佢每種肉都好好食，特別喜歡食佢嘅牛舌，所有肉類都好香，我會推薦食佢哋嘅牛肉海鮮方面，蝦都幾新鮮好食，北寄貝就偏向淡味啲食完之後又好想試佢哋嘅甜品，所以嗌咗奶凍同埋Tiramisu ，職員好細心等我哋食完餐先再問我哋上甜品，兩種甜品嚟講會比較鍾意食個奶凍，奶味好重Tiramisu就同出邊嘅差唔多冇話特別好食。環境都算幾好坐，兩個人坐嗰張枱都好大，所以下次會再幫襯…Read More

話說好耐都冇食過香港舊式嘅鐵板扒，所以今日約咗個friend嚟到金鳳大餐廳食嘢六點去到都已經滿座咁滯唯有攞飛等咗陣入到去嘅時候環境都幾好feel ，真係有舊式扒房嘅感覺不過座位就好過舊式好多啦因為呢排戒食牛嘅關係，所以我就叫咗另一個至愛，羊扒。朋友就嗌咗個西冷牛扒其實食鐵板，除咗好期待個主菜之外，我個人就好鍾意食個包，呢度嘅包都冇令我失望上枱嘅時候係溫暖㗎，而且望落去好軟熟，牛油都係一開就搽得，原始平時快餐店啲雪到實一實嘅牛油，而且擺落去個包度即時溶咗 齋睇都覺得治癒到主菜，我冇諗過我個羊扒咁大碟㗎！朋友個西冷牛扒都唔少嘢😂😭好細心叫我哋攞起餐巾幫我哋淋上黑椒汁，汁呢一刻完全勾起細個同屋企人食鐵板餐嘅回憶🥰嚟講，佢真係好出色，唔係淨係講緊佢個份量，而係佢嘅味夠晒羊味！鍾意食羊嘅朋友，其實可以試吓食佢嘅羊扒朋友就話牛扒三成熟煎得好好好有肉汁嘢飲方便我哋就嗌咗凍檸茶同凍奶茶，正常茶餐廳質素要讚吓嘅係以前食呢啲鐵板餐一定會覺得好鹹，係咁飲水，但係金鳳做得好好嘅，就係佢唔係落好多調味，所以食到肉味之餘亦都唔會令你覺得鹹到要係咁飲水，一個字講晒，.正！…Read More

今晚同朋友好想食雞煲，離遠已經比門面招牌吸引到。於是我哋揀咗老闆雞煲火鍋放題。舖頭門面好乾淨，員工服務態度良好。餐廳仲設有醬料吧同飲品吧。 本身我哋仲想嗌水果茶，點知飲品吧嘅飲品已經夠晒我哋飲！首先上咗熱辣辣嘅雞煲，我哋揀咗中辣覺得啱啱好，除咗麻辣之外辣椒嘅香味索哂入啲配料洋蔥大葱度。 特別讚揚呢個鍋，有別於平時食嘅雞煲用既爐具，將啲雞煎香到焦香得黎肉又好嫩有汁。 雞煲食到差唔多，我哋就加咗湯繼續打邊爐。 舖頭採用電話落單，我哋叫嘅所有食物都無甩單上齊菜，呢個係食放題入面好值得讚揚。最令我哋驚喜嘅係海鮮拼盤，每日隨機五款，今日拼盤入面有魚、海蝦、青口等5種海鮮，全部都好新鮮清甜，一啲都唔腥。第二個重點就係牛肉！牛肉全部都好新鮮好嫩，特別係牛肩胛、鮮牛肉同牛柳粒。肥瘦分明，一啲都冇被雞煲嘅湯底搶走牛肉嘅鮮味。之後我哋嗌嘅都係各式各樣嘅火鍋配料。選擇好多，而且唔會有啲話無法供應。特別鮮嫩既太子肉配埋薯粉索哂雞煲嘅汁一流！我哋兩位入座，仲送咗即炸響鈴一份。並唔係間間嘅響鈴都好食，有啲舖頭真係炸到好大浸油益味。呢個響鈴好香豆腐香味，浸落雞煲湯底幾秒啱啱好，又脆又香。用呢個價錢食到咁高性價比嘅雞煲火鍋放題真係好滿足。一次過滿足晒雞煲同埋打邊爐嘅慾望。下次一定要叫埋一大班friend再去幫襯！ 到時仲想試埋佢嘅花膠雞煲，諗到都已經流口水。…Read More

今日又係出街食好野既日子，今次簡左The Diamond(前寶石餐廳)，餐廳裝修過後現代風格令人眼前一亮，簡單既裝潢帶來舒適既感覺，空間感幾大，唔會有壓迫感貫徹出街食飯唔想點用腦既宗旨，我地直接叫左個二人餐，餐湯轉左酥皮湯，真係好懷舊，而家出便好少酥皮湯飲麵包上枱時仲係微熱，滿意😀前菜有煙三文魚同沙律 ，不得不說好高質既前菜，沙律清甜，但都成功勾起左我地既食欲主菜我地叫左肉眼扒  ，擺盤幾靚喎，肉質都幾嫩，仲有啲薯菜👍🏻另外要左風乾豬面肉卡邦尼意粉，欣賞佢個汁夠濃，啲豬面肉好香口甜品方面我加錢轉左tiramisu，咖啡酒味濃，D cream都幾軟滑，冇顆粒感!奶凍都幾重奶味同滑，不過比上面既士多啤梨醬搶左少少味🤏🏻野飲方面我地要左水果茶同佛手柑鐵觀音茶，味道幾清唔會得糖精/糖漿味而家呢D餐廳真係買少見少，要好好珍惜，希望好快再有機會食多次…Read More

朋友介紹旺角有間好得意嘅貓貓主題烤肉，趁今日放假就出咗去朝聖下一去到其實成間餐廳都係有好多貓貓嘅裝飾，連枱上面嘅紙巾盒同埋隻碟都係有貓貓🥰🥰其實佢做緊優惠，有烤肉二人套餐，不過我哋又驚食唔到咁多嘢，所以就散叫因為太肚餓，所以嗌咗啲熟食食住先呢個荔枝蝦球好得意，上枱見到真係覺得好似荔枝，入邊真係有一粒粒嘅蝦肉套餐其實包兩個飯不過我哋兩個人食唔到兩個飯，所以我哋散叫咗一個飯，呢個飯就係類似有啲日本飯素喺面頭 就咁食呢就冇乜特別，不過之後夾住塊烤肉嚟食呢就好香對於有選擇困難症嘅我哋，直接叫咗個烤肉六宮格，唔好睇佢份量好似好少，我哋最尾都食到好飽比較推薦，左下角牛粒，呢個牛味最香，其他都唔錯，入口嫩滑，推薦大家食牛肉就要配佢嘅燒烤汁而中間牛舌擺盤擺到好似玫瑰咁好得意雞肉呢佢切到細細塊一嚿，所以入口啱啱好，而且好快熟，唔會燒到老晒，另外燒雞肉嘅話就推薦配佢嘅柚子汁啦菠蘿夠香甜，好食又到我必食嘅燒茄子，正常水準，不過醬汁多咗少少，有少少鹹推薦大家嗌呢個鹽焗蝦，因為真係即叫即整，而且蝦肉爽口彈牙，帶有鹽焗嘅鹹味飲品檸檬茶，睇相都見到茶底好濃郁而我係極度推薦呢杯百香果茶，超級多百香果好足料啊！…Read More

元朗新開咗商場YOHO Plus，作為新界西人梗係要嚟朝聖吓啦，行完商場都中午，所以就搵咗呢間喺中環都好出名嘅Tommy Yummy食晏啦因為佢啱啱開門，所以都幾易搵位個裝修好舒服，我哋咁啱可以坐到喺窗邊位置，可以望住藍天食飯，正我哋叫咗兩個set ，我認為午餐嚟講佢嘅價錢都算係幾抵食，因為啲嘢都幾大份前菜方便我哋嗌咗個豬肉生菜包，豬肉份量好多，好新鮮，食落去啲豬肉嘅汁爆曬出嚟，不過呢個豬肉會有少少辣嘅，唔食辣嘅朋友就要諗諗，但係都不妨一試！我地嗌咗個青咖喱雞，本身係配飯嘅，不過我哋轉咗做薄餅，個薄餅超級脆！脆到我食到成枱都係都幾唔好意思🥲🥲青咖喱汁好香呀，配埋薄餅食就perfect另外嗌咗個冬陰功自選湯麵，我欣賞佢俾咗好多選擇我哋會揀，我哋揀咗蝦仁魚片頭同埋豬頸肉小食方面呢我哋就加咗錢嗌蝦餅同埋串燒只要鍾意佢個蝦餅啊，因為有啲青辣椒喺度吊味，但係都係偏辣嘅，不過真係超香口嘢飲方便，我哋方便嗌咗菠蘿同楊枝甘露！好香椰奶味！好飲！…Read More

今日早收工出黎旺角食飯！黎到726號19樓既Homeland 之前係荃灣見過呢間野都覺得幾吸引，今日就出到黎旺角試下晚餐😛環境好舒服，都捉到夕陽既尾巴睇到少少晚霞🥳唔想用腦諗，馬上叫左pizza set😙😙先黎餐湯配蒜蓉包，蒜蓉包微熱，好夠牛油香，忌廉湯有少少煙肉吊下味入口少少鹹🤩超級開胃既柚子墨魚仔沙律！職員好細心提我地呢個前菜會少辣，食辣既我地就覺得剛剛好，泰式汁好酸甜開胃，墨魚仔都大大隻　呢個北京烤鴨pizza不得了，芝士拉絲不在話下，佢真係用左平時食片皮鴨既醬同配料，配上薄脆既餅皮，成塊pizza創新又好食🤤我地加左錢食田螺配薯蓉，薯蓉上灑左少少芝士粉，焗到微微焦入口脆脆地又順滑 出色！香煎澳洲安格斯肉眼扒配薯蓉，一上枱聞到牛香，切出黎一啲都唔靭仲好juicy!好想讚下水吧哥哥好比心機整飲品🍸我地叫左抹茶芝士奶蓋同蜜桃芝士奶蓋諗住pizza咁油膩再叫埋奶蓋一定好漏唔好飲好彩芝士入口輕盈 中和左本身pizza既油膩但又不失芝士香味！最後以可愛brownie作結！ 好有心機既decoration!…Read More

今日去完元朗做完嘢，就約咗朋友嚟西菁街呢邊搵食，為咗想靜靜地傾吓偈，就揀咗呢間有feel嘅西餐廳見佢有set dinner嘅，不過我又麻麻哋想食意大利粉同埋意大利飯，於是就揀咗散叫前菜方面，我哋揀咗個香芒扒虎蝦沙律，芒果甜中帶酸，加上酸酸甜甜嘅沙律醬配埋啲蔬菜， 10分開胃，二虎蝦都唔啱，本身用咗香草調味，所以都幾好食爽爽脆脆湯方面，我哋一個嗌咗龍蝦湯，另一個嗌咗牛肝菌濃湯，兩個相比，雖然龍蝦味都幾重，我自己會比較鍾意牛肝菌濃湯，因為菇味好香，我另外比較欣賞嘅就係佢呢度嘅餐湯較為結身，唔會好稀仲有兩款麵包提供，而且麵包都係熱熱地，可見佢哋都好認真出品主菜方面，我哋嗌咗個香煎法式海鱸魚伴海鮮海皇湯，而且配有藍青口、鑽石蜆同埋八爪魚，完全滿足到我哋想食海鮮嘅慾望，而且海鱸魚塊皮煎得好香脆，配埋個海皇湯好鮮，雖然有咁多海鮮一齊煮，但係各有特色，同埋冇腥味，大讚肉類方面我哋叫咗燒春雞，不得不欣賞呢度處理菇類嘅食品都真係幾出色，因為燒春雞煮菜伴上嘅菇配埋佢個汁都真係好好食，而且燒春雞香草味都好重，最估唔到係揭開雞皮之後見到有黑松露，真係誠意之作啊！飲品方面，我哋嗌咗兩杯偽鴛鴦，一杯係完美一杯係Tiramisu味，叫鴛鴦係因為佢係由朱古力加咖啡冰磚而成，開頭飲嘅時候會飲到朱古力味，但係當一路食飯慢慢慢慢就會飲到油咖啡冰磚溶咗嘅咖啡，都覺得幾得意㗎，兩款我都試咗飲，個人會比較推介Tiramisu味！環境幾好，近元朗市中心，但係又唔會太嘈，行返出去搭輕鐵都10分方便，如果想兩個人靜靜地嚟傾偈嘅話呢度係一個幾好嘅選擇…Read More

因為太耐冇食過韓國嘢啦，所以今日特登約朋友去旺角食呢間韓國燒烤間舖頭全家都係韓國風嘅裝修，但係如果指數一看就會見到有香港好多特色人物都喺個漫畫入邊，好搞笑雖然係用QR code落嘢食，但係都有張紙本嘅Menu俾我哋做參考，都真係幾多嘢食㗎一坐低就已經有一大碟嘅泡菜、韓式芽菜、仲有生菜自助飲品櫃，讚吓佢都有無糖嘅梳打水同埋凍水供應，啱晒唔飲甜嘢嘅我哋牛肉既選項，我哋叫咗LA牛同辣味烤牛肉乳豬肉我哋就嗌咗豬頸肉同五花腩特別推薦辣味牛肉，用嚟夾生菜超級好食海鮮方面我哋都嗌咗蝦、貝、魷魚、青口等等熟食方面有炸蝦我覺得係幾可以試吓呢個海鮮煎餅好好食，我哋覺得最好嘅食飯就係佢擺上個爐度再煎香最後嗌咗個海鮮辣豆腐湯作結食到好飽好滿足呀🥰🥰…Read More

呢排真係熱情於打邊爐，今日又再出咗尖沙咀試第二間邊爐啦一入到去見到個環境都幾舒服，座位都算寬敞望望個餐牌見到湯底都有好多選擇，都有成十幾種揀醬料都係基本有蔥、辣椒、芫荽等等事不宜遲就真係嗱嗱臨嗌嘢食啦我哋嗌咗個椰子雞鍋，一上嚟都比雞嘅份量嚇親，真係成隻雞，好正，仲有個椰青倒啲椰青水落去封門牛肉就咁望到已經好吸引，油花分布得好好，食落口好嫩滑，而且好重牛味，冇比個湯底嘅味道蓋住蝦丸望落去粒粒好飽滿，兩個人食嘅話，份量都10分足夠蝦餃食到中間睇到有好多蝦肉啦，食落去好彈牙，同時都食到蝦嘅味道另外嗌咗個豬梅肉片，爽口彈牙湯底咁濃郁，我哋梗係要嗌索湯嘅嘢嚟食吓啦於是我哋就嗌左響鈴果然10分好味，響鈴炸得好脆，唔同平時出面打邊爐嗰啲響鈴，佢朔晒啲湯之後都唔會好快淋生仲係脆卜卜所以好正！嘢飲方便我哋冇叫到，因為椰子雞湯個湯頭真係好清香，仲要越滾越甜，雖然最後會比較油啲，但係好香 食完嘢都唔覺得頸渴總括嚟講呢度都幾好坐，嘢食都唔錯，兩個人嚟食飯傾偈都幾好👍🏻…Read More

呢排真係特別想打邊爐，於是就出咗嚟呢間叫做九五至尊九毛火鍋店食飯嚟到呢度個位都幾闊，幾有feel 職員有介紹俾我哋聽話可以隨意加醬料最好就係有好多款醬料而家Ig打卡有鴛鴦湯底送！蕃茄薯仔濃湯鍋好多蕃茄，食極都有，好足料啊湯底偏甜 ，所以淥牛肉一流，可以熟晒個湯底味道另一個係冬蔭公湯鍋 新式湯底，配料多 ，唔會太辣，太酸手切本地牛（中）色水靚有口感 兩盤牛都有乾冰打卡！上枱時一路出煙中size份量唔少美國精選封門柳 中睇落都好靚肉味濃郁大推👍手打墨魚丸 （半份）唔粉，有墨魚粒值得一試👍自家鮮蝦雲吞 （半份）有蝦有肉足料泰式生蝦醬汁偏辣，鍾意生蝦必食炸皮蛋蝦餅新鮮脆炸！有誠意蜂巢豆腐 麻辣鴨血豆腐鴨血免費任添加鴨血偏辣，熱辣辣上枱龍眼蜜（杯）打邊爐解渴一流侍應經常加湯收碟 服務態度好好👍有下次…Read More

今日嚟元朗買嘢，搵到呢間啱啱開咗冇幾耐嘅喇沙，又入去食吓嘢啦地址喺K Plus後邊,對住馬棠路呢度主打食喇沙，咁當然要嗌下喇沙食啦好特別嘅組合，呢度竟然有海南雞食！海南雞嘅肉質都幾滑，配埋醬油同薑，就咁食都已經好好食，而佢個喇沙唔算辣，偏甜，而且係撈咗油面同埋米粉，平時喺出邊都好少食到摻摻🙌🏻另外朋友嗌咗個海鮮喇沙，有蜆肉、青口、蝦等等，蝦就幾鮮甜嘅😙小食嗌咗呢個馬來咖喱雞酥，脆卜卜，出邊係一層酥皮入邊就係有咖喱雞，因為啱啱炸起所以好脆好香口，入邊嘅咖喱都係10分惹味另外仲有呢個酸辣鳳爪，兩個人食份量剛剛好，不過如果可以再酸少少就更好啦嘢飲方便我哋都係嗌咗咖啡，中規中矩啦，餐飲嚟講可以接受價錢嚟講我覺得都係幾抵食嘅，最尾都忍唔住買多咗個外賣返屋企🙌🏻…Read More

嗰日同朋友講起原來大角咀好多嘢，為食嘅我梗係要到大角咀大個圈啦其實想食泰菜好耐，我哋兜兜轉轉搵到一間叫泰嘟嘟既泰菜，咁啱有位咁就入去試吓啦喺大角咀嚟講，呢間嘢價錢唔算貴，仲有二人餐，其實個餐幾抵食，不過我哋又想乜都試吓，所以冇嗌到二人餐，選擇散叫食泰菜點可以唔叫冬蔭公呢！ 呢個冬陰功好足料，有大頭蝦、青口、魷魚等等而且一路有火煲住個湯，所以keep住熱燙燙，一路住飲真係幾好飲，同埋唔會太辣，香料味好突出飛天通菜😙炒得好靚，啲菜好嫩唔老，個汁又係好惹味辣椒膏炒蜆一上枱浸辣椒膏味已經飄入我個鼻，啲配料份量多亦都好多種類，有洋蔥、青椒、紅椒等等，平時食呢啲蜆多數會比醬汁啃咗本身海鮮嘅味道，但係呢個蜆本身個海鮮味好出，辣椒膏反而更加帶得出佢嘅鮮味，所以高度推薦半打串燒，分別三串雞三串牛，比我震驚到嘅係佢嘅份量，開頭以為係好細吋，點知上到嚟串串都咁飽滿，同埋好推薦個沙嗲醬啊，好香好多花生粒😍😍😍嘢飲方便佢有一系列嘅芝士沙冰，我就嗌咗芒果沙冰，奶蓋唔算好濃芝士味，但係mix埋芒果沙冰就剛剛好我哋食到8:00已經好多人喺出邊等枱，睇嚟下次食要book定枱先！…Read More