GingerBread Family's Profile

已經有三年冇寫食評了, 餅爸和餅媽六已踏入相識七周年, 無論返工幾辛苦都要約埋去餅媽那邊的祖凡尼慶祝!先來一客番茄湯(唔多記得個名), 味道幾得意, 祖凡尼的有些湯會加入類似通粉既食材, 加上脆卜卜既餐包, 又幾好味喎:).主菜係忌廉汁雜菜雞扒, 雞扒的餅爸至愛, 加上忌廉汁爽左入雞肉內, 食美味. 至於辣肉腸薄餅叫做到皮脆, 但腸就比較咸. 我們都食到一件不留.最後甜品是自了餐牌很久後才叫的香蕉油雪糕, waiter先生已提醒我們是香蕉油(沒有香蕉)的. 一淡吃下餅媽即時有一個奇怪的表情, 之後叫餅爸試一試這雪糕似什麼味......開估-藥水味, 是我們吃不慣香蕉油吧.吃後滿足地離去, 這餐隨了享受美食之外, 最重要是七年後, 我們還可以一起吃, 一起美, 一起做食家!!!…Read More

作戰了一星期，餅爸專為我設了今天為他最不愛的"食日本野日"，很開心。揀左小金井因為可以坐得舒服d。我叫左雜錦壽司午餐定食，有烏冬、各款雜錦壽司、味增湯、前菜。壽司質素一般，烏冬稍稔。餅爸叫左玉子雞肉定食，吃呀吃，我以為他都是沒有評價的，但吃到中段，他便說很好吃，嘩哈哈，日本野都待你不薄呀﹗他說喜歡雞肉的汁。不用說，他不會吃我的壽司，但試了烏冬，他說還可以。吃完後，我們休息一會，吹吹水便離開了。食得很飽，很抵吃，我都很為餅爸的銀包著想的~嘩哈哈。…Read More

餅爸提議到這裡午餐，2時多到，很餓了。我們都點了烏冬餐。他叫的是咖哩吉列豬扒烏冬；我叫的是吉列豬扒烏冬；我們的餐都有3粒小丸子，附上幾片製過的白蘿蔔。餅爸說他的咖哩烏冬是ｏｋ的；我的吉列豬扒是可以的，烏冬不夠滑，水準以下。小丸子太多粉漿，蘿蔔有點甜，老身多渣。不過，吃過後我們都說不夠飽，其實烏冬的份量可以多些。…Read More

同餅太食完富久保手打烏冬唔夠飽再黎食New York Fries，環境算幾好隔離又有露天地方比人坐低食野同睇風景。兩個人驚食唔曬所以叫左個Small Works Combos – 開頭唸住拎走所以叫左take away，職員加多左個cover係杯薯條度，後來見到有企位食就係番店內食啦，唔知係咪多左個cover焗左陣，d薯條好淋唔多好食，本身d醬又唔係太特別，食到後期我地要加埋比熱狗用果d醬先夠喉，感覺一般，下次要試埋其餘兩隻味 (對Poutine有期望)…Read More

一年一度母親節，同媽買完新傢私之後自己一個人去左興記食特餐。一個特餐其實冇乜特別話好唔好食。只食得出兩種回憶: 一是下村就快清拆，基乎每一個地方都有小弟既腳毛，這些痕跡好快會被新的高樓大廈清洗得一乾二淨，人總是要接受新的事情﹔小時侯爸爸想帶我到下村足球場果面間冰室食野，我也忘了有否與他去過興記，在興記回憶起小時候和爸爸生活的點滴，才發現有爸爸在的冰室反是給我最暖心的地方。…Read More

一連兩日去曬"嘉樂"同"蘭香"。 感覺係了左件心事。小弟係愛蛋一送，見到食評同d相自然起癮，經過一番"長龍"前奏後一攻入城門先黎一度冰涼既冷氣招呼你。卡位都算幾迫，同時有兩個有份量既人座落去會唔太舒服。叫左:1. 阿華田奶昔 (水準之作，鍾意飲奶昔既人飲完會幾滿足).2. 招牌奄列 (好在叫左個細既，如果叫個大既兩個人食完已經幾飽，賣相見到已興奮，味道冇乜特別，始終蛋內得火腿，冇其他配料係差少少)3. 腿雞絲通 (餅太話幾好食，自己食左1/3都係覺得冇特別)4. 腩河 ("蚊"到好"淋"，比好多大排檔水準更高)座到尾都覺得有d涷，夏天去呢度係消暑好去處 : ) 份量大，人龍長，坐位迫…Read More

餅爸在網上看見兩間有名吃蛋的茶餐廳，便說要來。原來是吃隔離家樂冰室的，我去到見到他還排在後面，便走到蘭香跟著排，結果是我先可進。我們點了午餐B和特餐：午餐B有牛油多士、叉燒湯意粉、煎雙蛋，飲品要了唂咕。特餐有方包、餐肉通粉、omelette，飲品要了樽裝朱古力奶。我較喜歡叉燒湯意，其他的都是一般水準。餅爸飲樽裝朱古力奶，正。合理價錢：兩人共$49。p.s. 茶餐廳滿客，其間我打翻了茶，一位男職員禮貌地幫忙清理檯上的茶，謝謝。…Read More