graxie's Profile

成日經過南豐紗廠都想試吓呢一間Cafe，今日見冇乜人走入去試吓😊食物方面：發現有開心果牛角包窩夫🧇竟然有啲咁正嘅嘢，都唔宣傳吓，開心果味都幾濃厚，又唔會話太甜，唔錯唔錯👍☕️ 抹茶牛奶咖啡：一般，冇想像中咁有咖啡味，比綠茶冚晒，好似飲緊一杯普通嘅綠茶牛奶一樣。🍵牛肉烏冬：買嘢飲可以加$52就有呢一個烏冬， 比正價平少少，份量都幾多，但係我覺得牛肉都偏韌🍝煙肉烏冬：買嘢飲可以加$58就有呢一個烏冬，呢個反而幾好唔錯，鍾意食煙肉嘅人可以試吓🍲 環境方面：真係有待改善，坐得唔係話好舒服，開頭坐側邊嗰啲吧位，但係因為好吊腳，所以都係坐返圓枱，啲凳好硬，唔可以坐得耐，而且有客人喺度大叫，好嘈，感覺好煩擾，食完嗱嗱聲好走😵‍💫價錢方面：貴過一般連鎖Cafe，整張單埋兩條友三舊水左右…Read More

依間嘢啲嘢真係越嚟越差，啲牛肉又超硬，好似擺咗好多日咁，啲餐具又污糟，70幾蚊一碗麵，最大問題個收銀勁冇禮貌，咁唔想做生意就唔好做啦，唔會有下次，唔會再嚟😡🥵…Read More

依間越南河粉開咗差唔多成個幾月，今日星期三去試吓間鋪，但係都仲好多人要排隊呀好長龍，等咗大概三個字到啦就可以入去啦，入面其實都唔係好多位，食物選擇的都唔係好多，大部份都係牛肉河粉同埋一啲小食，我哋呢就叫咗一個雜錦河再加一個生牛肉可，在叫多杯崩大碗，好快就上菜，個湯底好正👍👍👍…Read More

今日我哋去到尖沙咀K11呢一間食pancake嘅鋪頭，我哋到嘅時候大概係3點45 ，等左大約半個鐘我哋就可以入座啦，排隊嘅時候waitresses 已經可以幫我地攞order，我地點左一個berry cheesecake souffle($95)．再加一個salmon pancake($88)同埋一杯cappuccino ($45),雖然係幾早落單，但係都仲要等大概15分鐘先有得食，salmon pancake 唔錯呀，但berry soufflé 有點漏…Read More

屯門好少呢一類型嘅班cake餐廳，其實佢嘅質素真係唔錯㗎，又好味啦有新鮮啦又熱，但係呢個餐廳嘅座位實在太少喇，再座位安排真係好差，全間餐廳只有三張枱咋，我哋呀4:00去到門口嗰度等去開門，但係五點半先可以入到去啊，食咗半個鐘後就已經出返嚟啦，如果有你哋有耐性嘅都可以去試吓嘅…Read More

今日同四個朋友去試呢間位於天文台道的火鍋餐廳一入到去，就覺得間餐廳裝潢設計好特別，好似四川火鍋的格局。職員安排左我地坐卡位，非常舒適，坐下來後見到餐牌設計都好特別，一坐下見到有很多調味料選擇，我地叫左個四格湯底，有麻辣、豬肚、野菌、豬骨，然後叫左海鮮拼盤、安格斯牛肉盤，沙爹小龍包，麻辣餃等等⋯上菜速度非常快，而且食材擺設非常精美。開動了！海蝦非常新鮮，聖子扇貝非常甜美⋯原來小籠湯包不是火鍋用，而是直接食用，所以要襯熱食，味道也很好👍麻辣餃味道不太辣，飲品是燈泡型的，啤酒也不錯，其他食物都不過不失。中途發生了小意外，但職員都非常友善地幫我們解決了，真的非常感謝她的幫忙。…Read More

今日星期五同同事食飯，又黎到呢間好岩吹水既漢堡店，今日早到就有位，真係好彩。原來呢間野最近仲出左素食餐呀⋯⋯而且又好味又新潮又抵食，素食者又多個選擇啦！我同同事叫左幾樣野share 食，老闆娘又nice,員工又好helpful, 水準同以前一樣keep到咁好呀，仲有酒飲，坐得又舒服，仲有免費WiFi,大家都食得好開心…Read More

好耐冇去大埔搵食，就試呢間成日多好多人等位既餐廳。今次係食下午茶，14:30到，14:45先俾入座。一坐低即刻落order 個high tea, 但等左勁耐，三點半先有得食，又唔早響？如果一早知等咁耐，我就唔會order依set野。座架有兩層，上面係咸食，下層係甜食。上層好食過下層，有青叻喱薯仔，有泰式雞翼，有辣肉丸等等，配合返佢地以泰菜為主題，下層甜食好普通，都係d芝士蛋糕之類，又唔係突別好吃。個餐跟兩杯野飲。食完啦啦聲埋單，見到出面仲好多人等位，個人覺得唔係間野質素高，而係間餐運作廳實在太慢。…Read More

幾個月無黎outback 食飯啦！突然好掛住佢地個招牌黑糖包，真係好好味（如果有得單買個黑糖包，我就會成日黎）今次係食lunch ,$78 有餐飲，例湯，黑糖包 ，沙律 同主菜。好抵丫！個忌廉湯都好好飲，掛住食唔記得影相，個主菜反而冇咁出色希望下次換menu 會有新驚喜…Read More

這是一間以意粉為主題的意粉屋。星期六日夜市屯門市中心多數食肆一般都會很多人，但是這一間食店不用排隊也可以即時有空位，所以就和朋友去試試。看看餐牌，這裡除了有意粉外，還有鐵板餐，沒有飯類。既然這是意粉為主題的食品，就試試他們的卡邦尼意粉吧！我們等了約15-20分鐘才上菜，意粉份量不多，味道也很普通。鄰近的客人跟我們同一時間點餐，他們點的是鐵板餐，但是當我們吃完了，他們的鐵板餐還是未上菜。結帳的價錢不便宜的，我們點了兩個意粉也要二百多。下次有時間我再試他們的鐵板吧。…Read More

:)今日和友達們黎到青衣城相聚午餐，一早在牛扒先生訂位，但周未都不算人多午餐是semi buffet, salad同甜品任食，都算好多選擇牛扒先生主菜當然是牛扒，我地叫左肉眼扒同龍蝦意大利飯, 龍蝦飯好普通，意大利飯煮得唔夠稔，唔太值成$198，肉眼扒就幾正，大家都係食牛扒吧！其實間餐廳都住個海景，個view都好舒服…Read More

今日天氣清朗，所以入左屯門黃金海岸嘆陽光海灘唔知食咩好所以去左酒店入面食呢間食店食新加坡菜。首先係肉骨茶，好勁中藥味，我比較鐘意新加波重胡椒粉味既肉骨茶，所以呢個湯冇咩好感又叫左個拼盆，有軟殻蟹，炸蝦球，炸魷魚，泰式鳳瓜，炸野個皮好硬:(仲叫左幾個菜，真係貴得黎唔好味⋯…Read More

眾所周知呢間冰室上過電影，所以每次去親大埔都想去試下呢間冰室，而且仲有好出名既蘋果批。一入到門口就見到好多人，三點幾都仲多客到要搭檯，仲有好香既焗批味。一坐低拿拿聲order個蘋果批，好香wor,個批皮好酥脆，蘋果肉味道比想像中清淡，但都好好味，食到好飽又抵食。…Read More

朋友話依間係全荃灣最好食既米線，加上OpenRice 好評既推介，所以今日黎左呢間唯一雲南米線食。黎到鋪頭7:45見到經長龍，第一個諗法係：「咁多人排一定好好味」，排左大約十幾個人，突然鋪頭有個亞姐行出黎逐個問要食咩，佢話要煮定，我地連餐牌都未睇，加上第一次黎，都唔知有咩食，急急腳走去門口睇餐牌，其實選擇唔多，我叫左豆卜爆醬豬肉丸米線，朋友叫左豬腸魚蛋酸辣米線，排左半小時，入到去即刻有得食，我既感覺係湯底好咸，爆醬丸唔夠汁，朋友話覺得太辣，我地兩個都覺得唔係人地所講咁好食。人人口味都唔同，我諗呢間比較適合重口味既人食。…Read More

去隔離食完飯品夠飽，所以再黎依度食甜品，環境唔錯，唔洗等位，如果唔介意一路食一路餐廳出面d路人望都ok。員工幾友善，我地叫左兩個綠茶拿鐵，價錢都唔算平，綠茶雪糕奶味較濃，如果綠茶味重d就好啦！…Read More