ly0618's Profile

原本只係想係裕民坊YM入面食個簡單嘅午餐，但係點知第一次入黎食，就已經換黎一個咁不被尊重的體驗。入到去我被安排左坐高凳的位置，其後我亦都落左單，過左一陣，對面卡位的客人走左，咁我就坐左過去，而另一位同事係知悉此事，但點知突然俾一個女同事(紮低鞭的，其他叫佢丫cat)用一個非常之不尊重的語氣問我係咪落左單，我答係丫，隨後佢俾左一個好吾奈煩的眼神同表情我，暗示我做咩自己私自轉枱。作為第一次光顧的客人，我真係覺得好激氣，事後我立即同剛才知悉我轉位的同事問一聲: 我頭先有同你講一聲話轉位架嘛。對方亦回答係丫。但係個位惡言相向的女同事就兇神惡殺嘅樣話我搞亂左廚房落單的次序，佢仲反駁話佢只係跟程序做嘢。哇，我真係覺得好白眼，連隔離枱的客人都睇唔過眼，轉枱好小事，唔需要用一個咁冇禮貌的態度同一位客人講嘢，好似我做錯野咁。你唔知道我轉左位，咁呢個就係你同你同事之間溝通的問題。我吾知呢位員工知唔知咩係待客之道同埋基本的禮貌訓練。最後餐飯仲收我service charge, 請問何來有服務？令到我心甘情願咁你地呢？我問左其他同事，原來間餐廳只係上年先開業，佢咁樣只會趕客。…Read More

趁住暑假，捉朋友出黎同我食飯，今日特登出黎旺角食甜品，舖頭位置都幾易搵，系旺角站出去，行一陣就到。舖頭裝潢幾雅致，舖內面積吾大，細細地，但坐得都算舒服。先講order左咩甜品，一共要左2款甜食，一杯凍飲。幾乎好多甜品都會跟返一球雪糕俾你，味道分別係薄荷曲奇、朱古力及曲奇。等左大約20分鐘，第一樣甜品終於到了，這個係草莓梳乎厘加一球薄荷曲奇雪糕。先講賣相，我覺得食甜品，presentation係好緊要，因為當食完正餐後，其實dessert對我黎講係optional, 我又已經食飽飽，食吾食都得，但如果食物的decoration吸引到我，又會係第二個說法了。廚房用左一個木盤放梳乎厘，成件事好靚。忍吾住影返幾張先。至於味道方面，食入口係好“士多啤梨味"，蛋白味道吾太出，我覺得都幾甜，如果俾我揀多次，我會食原味，因為會清淡返少少~ 邊食梳乎厘，又食下舊雪糕，omg，入口後，去喉嚨鼎個位，我食到係苦的，薄荷雪糕照計係大眾味道，吾會點出錯，但實在好苦，而且雪糕裏面的曲奇又好似碎左d。。。相比起HaXXX Dxx的薄荷雪糕味，真係失哂分數。最初係好期待的，點知失望而回。。。好快就ko左梳乎厘後，我地的厚多士黎了！！對上一次食厚多士，係喺茶x到食。今次的珍寶多士雪堡就要哂三款味道的雪糕，睇相會見多士的頂部有一塊細細塊的心形蝴蝶酥，係幾靚的。之後就要試下d包包，麫包的口感ok，有少少微暖，質感又吾會太硬身，咬死人。到左驚心動魄的一刻，就係食埋d雪糕，今次就先食朱古力，食左一啖，我以為我飲緊我杯凍朱，因為味道同我地叫凍朱係一！模！一樣 ！反而朋友就ok舊朱力雪糕，係三款雪糕裏面，我會prefer曲奇味多一d。。最後就係杯凍朱，大家都覺得杯飲品係落足料，有味的，不過如果叫朱古力做飲品，咁可以留返quota試其他口味的雪糕。…Read More

Tokyo Secret食完晚飯，冇錯，其實我係未飽的，同朋友就行行行，黎到好出名的Tokyo Secret潮聖一下，我係對面街已經見到Tokyo Secret雪糕的招牌，超搶眼睇睇招牌，雪糕口味大致分為三種- 榛子、抹茶及北海道牛乳。三種口味都屬於大眾化口味本身想食冬之富士山(牛奶味)，我吾太喜歡食朱古力/ 抹茶，但冬之富士山個日冇得賣，struggle左好奈，最後要左棒子味的楓之火焰介紹一下楓之火焰，雪糕係榛子口味，即係金莎個frd，一講起金莎，我就會諗起’天神ge禮物’句廣告對白！哈哈。雪糕表面有金箔、紅莓乾& 爆炸糖，至於火山爆發的原理係靠乾冰同紅莓汁做效果。我幾buy個concept, 幾有創意至於味道方面，我係超興奮去試的，第一啖就食左雪糕先，淡淡的榛子味不太甜，太好了，我好怕朱古力甜到入心入肺，第二啖就連埋爆炸糖一齐食，如果你keep住食d 爆炸糖，你係講吾到野，超搞笑！！食食食，食到底會有爆谷，個人認為太甜了！有少少over~ 最後係食吾哂d popcorns.. 不過如果係中意食甜的，這個配搭係幾得意的。最後講講service, 負責收錢的店員係超有禮貌的，食都食得開心d。下一次再黎尖咀會食埋其他味道，希望會繼續有驚喜題外話，Tokyo Sercret係正行車路隔離，超危險，不斷有車駛入黎。拎完雪糕，如果要同frd吹水影selfie, 就最好行返去行人路，咁就安全好多了 …Read More

7月30日- 武士拉麵今日約齐三五知己黎到武士拉麵，大約7pm去到餐廳門口，見到餐廳裏面已經full哂，舖內約只有7- 8張櫈。我地被安排分兩班人輪流入座，睇睇menu, 可選擇的拉麵款式不太多，而湯底則係豬骨湯底，有醬油/ 蒜油/ 蕃茄的味道等等。我怕油膩，所以選擇左一號的德川將軍醬油拉麵試下。等左一陣，拉麵到了，麵裏面有2片紫菜、1塊豬肉同埋1隻溏心蛋; 然而份量就頗少，真係一個超細的麵餅，如果作為晚餐的份量，食完之後再食個甜品都仲得，因為仲有大把位。。好了，我先食一啖拉麵，麵條幾有質感，彈牙、爽身，吾會有食落一舊舊的感覺，之後有飲少少湯底，入到口好彩不算太咸，不過味道係頗濃就真。hum, 我係咁多裏面食得最快個個，係我放低筷子個一刻，諗住食完休息下，店員已經企係我後面，等緊我地埋單，嗯，係有少少壓迫感，當其他朋友都慢慢食完之後，服務態度好好的店員已經企係門口等我地走，其實全程的食飯係好緊張，好急趕，我地一班人食左大半小時就已經要走了，老實說，整體黎講，拉麵的質素係好讚的，不過武士拉麵係咪一間可以同frd吹水的好地方，就big no no了。餐廳外面係keep住有人排隊等，可見生意幾好。嗯~ 我地知道了。…Read More

趁住放假就諗住同閨蜜二人世界，於是就黎左旺角Doux食甜品！黎到餐廳我地都傾左好奈，亦都決定左好奈，最後決定order 一客Endless (問左staff, 最出名係Endless炸彈!) 一個Endless set會包兩杯飲品，我就鍾情於Mocha, sis就叫Cafe Latte. 等的過程中，我細心望望店內的環境，裝潢簡單舒服，燈光不會過分光猛，感覺都幾舒服:)如果有埋背景音樂就更加好期待已久的炸彈終於上枱，細心的女staff主動幫我地影相留念。這份Endless的presentation好靚，好精緻，炸彈頭頂仲會插上類似的蠟燭東東，其實真係好靚！蠟燭燒完之後，我即刻問staff點樣食粒炸彈，佢指俾我地睇，要對住炸彈的外殼條痕扑落去，sis幾經辛苦，終於開到個炸彈殼，原來裏面係有兩球雪糕。先講雪糕的份量，正常大小，我同frd一人一球; 然後雪糕的顏色就係比tiffany blue深少少。心急的我梗係即係試下味道，試左第一啖，簡直要用嘩一聲黎形容，雪糕的味道吾似平時食開的傳統味道，例如一食就知道係朱古力味etc..食完第一啖，吾係好識形容個味道，於是問問店員，原來這款口味係泰國藍玫瑰桂花茶，隨口食埋第二啖，今次就加埋碟上的toppings撈埋黎食，toppings係幾好食的， 但好可惜雪糕的味道比較人工，食落好似加左一d花香香料，味道仲好似一d香水味。。至於我的Cafe Mocha, 睇睇有好靚的拉花，第一啖飲落口會首先飲到忌廉混合左咖啡的味道，帶有少少甜味，慢慢飲到落喉嚨會有淡淡的甘味，有咖啡的回香，幾like總括而言，Endless 的賣相真係好吸引，睇得出好用心去伴碟，但只可以說雪糕的味道比較人夾人，然而整個set 係$188 ，我覺得不太便宜:(…Read More

今日同朋友仔一齊黎到士林棧食台灣菜。舖頭位置係奧運站，如果搭港鐵係奧運站落，基本上行一陣就會搵到間舖頭。但個日同朋友仔就係旺角站行去，搵左一段時間先搵到舖頭的位置，從旺角站行去就會有少少偏僻 搵路搵左一段時間，入到餐廳人吾太多，同朋友搵左個位settle左後，於是就order左一d麪食同埋一d小食慰勞一下自己，因為都堅餓。朋友話口渴想飲凍野，睇見menu 凍秋梨飲都好似好多人order, 所以就試下。我自己就冇order飲品，諗住share試下幾啖過下口癮，點知偷偷地飲左幾啖，不得了，飲落口又幾清新wor，甜度適中。飲飲下，我都吾小心飲左朋友大半杯，haha飲到咁上下，牛展陽春麵到左，先講牛展的口感，幾易入口，有別一般我地係大排檔食開的牛腩面，俾的牛腩會夾雜住其他吾食得的肥肉。 Ni份牛腩真係幾好食，咬落去肉質吾會鞋，又吾會好韌，但都會有牛腩汁的鮮味。湯就更加吾洗講，飲落吾會過咸，清清地！再睇下menu，想試埋梅貴豬扒，可能朋友會中意食其他多d，但我就好中意ni碟入口相對冇咁油膩的菜式。通常食煎炸食物，食到最後會發現其實個碟底會好油膩，好fatty，但今次我又幾surprised wor，食落吾會成口油。加上梅貴豬扒味道不會太咸，甜甜地，幾得意，如果有多一碗白飯，咁就perfect了:)最後仲有一碗牛家三兄弟刀削麵，相比之下，如果再order，我會選擇食牛展面。至於刀削麵，如果份量多少少，就會更加飽肚…Read More