吉絲蒂©'s Profile

T Town 好耐都冇新餐廳最近開咗間平價拉麵店，主打¥1000食到嘅拉麵搵日平日夜晚去咗試鋪位唔大，開放式設計，平日夜晚嚟講都算幾多人排隊，不過翻枱都快嘅餐牌一睇係有驚喜嘅，最平竟然$39.9就有一碗拉麵叫咗個二人餐有齊拉麵、小食、燒賣同飲品，咩都可以試吓沖繩風辣肉醬拉麵湯底屬重口惹味type, 麵體偏幼身一橋辛辣油麵（大盛）粗麵更掛汁，大盛有埋溫泉蛋同叉燒，辣味十足，怕辣嘅人要留意和風豬軟骨燒賣Combo有齊海老、糯米同麻辣，最驚喜嘅係麻辣味，食得辣嘅可以單點麻辣味仲包埋2支波子汽水兩個人食到攬住個肚走，加埋一都係$190，性價比嚟講真係超高，有時平日唔想煮飯都多個選擇…Read More

最近行開元朗，發現有一間裝修得好靚嘅西餐廳，一於就試吓佢。上網睇返資料，呢間餐廳的前身是寶石餐廳，是一間比較懷舊的港式扒房，但現在已經轉變做一間好modern嘅西餐廳，無論外觀，定係座位裏面，都充斥着一種高貴典雅感覺。晚市套餐有麵包籃，餐湯，主菜，嘢飲同埋甜品，非常抵食😋餐湯加$38可以轉懷舊酥皮湯香煎鵝肝忌廉意大利飯，鵝肝煎得十分香脆，熱辣辣的鵝肝一點都不腥，很好吃👍🏻10分推介呢一個澳洲和牛封門柳伴阿根廷青醬，個牛叫咗五成熟，廚師做得非常準確，肉質十分嫩口，青醬味道勁好食，會想食到一啲都冇得剩低檸檬佛手柑鐵觀音茶，味道幾特別，飲得出不同味道👅最後個甜品係熱情果醬配乳酪，酸酸甜甜的感覺作為最後一個甜品簡直絕配，下次會再嚟食…Read More

收工返到屋企唔想洗菜又想打邊爐就緊係捉埋另一半落樓下牛摩到食放題平日晚市雖然都多人但尚算唔洗排隊快快手揀兩個鍋底就入去化悲憤為食量今日揀咗Lv4 極尚牛小排，對比lv1/2果兩款牛，呢款牛肉味濃好多同埋冇咁多油，反正向下兼容，想食肥牛都可以叫牛肩胛鍋底揀咗壽喜燒同埋蟲草花雞白湯，一咸一甜剛剛好鍾意嚟牛摩都係因為佢啲牛質素好，唔會因為放題就俾啲醉濕濕嘅你，同埋即使係加單，啲牛肉都同第一盤一樣咁靚除咗手機點單order 肉類海鮮同小食，出邊都有大量蔬菜自取，全部都好新鮮又乾淨，連白菜仔都一樣洗得超乾淨冇沙，菜都食多兩條、仲有響鈴會有盞燈heat 住，refill 得好快，脆卜卜唔會淋哂除咗牛小排，我覺得最餃子係意料之外幾好食，同埋腐皮蝦寶同一口日式芝士，芝士入口熱辣辣、奶味香濃超正甜品有雪糕糯米糍泡芺之類，最surprise 係有部大嘅爆谷機，啲爆谷勁多焦糖仲好食過戲院買果啲飲品有三個大雪櫃，檸檬茶無糖茶汽水應有盡有，最正係有生可樂，唔洗去日本都有得飲啦食飽飽又係做肥豬嘅一餐…Read More

雖然宜家愈開愈多馬拉菜嘅食店，海南雞飯易搵，但有時口痕想食蝦麵，又唔想突登出城，就會發現屋企附近有間亞參嘅美好屯市不嬲多食店，不過就日韓店較多，鮮芋仙條巷入邊開咗間亞參雞飯，想食蝦麵嘅夜晚又唔想煮飯就終於有着落餐廳上都有大部分正路嘅馬拉菜，海南雞飯、喇沙、蝦麵、肉骨茶麵有，價錢正常連鎖店價格，坐得舒服嚟講唔算貴，宜家又做緊優惠，加小食又有加購價都ok同屋企人分別叫咗一份海南雞飯、檳城蝦麵、蝦餅、豬肉卷蝦麵夠重口味，濃濃蝦湯再加上超索湯嘅豆卜，一食落去個胃就暖笠笠，仲有幾隻蝦同豬腩片，米粉加油麵嘅配搭夠正宗海南雞飯就真係意料之外，無諗過咁大份雞肉LOL. 最重要緊係三寶醬汁加油飯，啖啖滑嫩嘅雞肉同香到爆嘅油飯，肥多幾磅都抵啦，仲有碗冬瓜雞湯解下膩，呢個餐性格比超高小食方邊蝦餅唔係粉，好多蝦肉打成嘅蝦膠，上枱時仲熱到辣口㗎豬肉卷比想像中好食，睇落好似好油，但入口唔漏，馬拉香料加豬肉嘅爽口，好快就食完一條柑桔特飲就正正常常，拉茶幾有驚喜，上枱時睇得出即拉，面頭好多泡，入口當然係signature 嘅甜啦，但飲得拉茶就係為咗果口甜味咋…Read More

荃灣西開咗個新商場有室內水族館，行完睇完當然要搵個地方食晚飯啦，唔想行返去citywalk 果邊多人要排隊，就去咗呢個商場地下嘅一間bar 到食6點就入到去，都未算好多人，餐牌上邊都係各式嘅pizza burger 或者grill, 仲有Mexico Taco 🌮, 撞正今日仲要係Mexican night, 等於免費送枝啤酒，咁唔洗諗緊係食呢個😍Chicken Taco 🌮 一份有兩件，上枱熱辣辣，中間嘅蕃茄莎莎、牛油果同酸忌廉，食落口好新鮮好fresh, 一啲都唔漏，個人覺得10分都有8分😋另外有諗過叫唔叫個beer tower, $299 仲包埋三款小食，真係超抵，可惜兩個人怕飲唔哂浪費，都係散叫算Patate Fritte 芝士黑松露薯條呢個係必點呀，新鮮炸好嘅薯條再加大量芝士同黑松露焗香，超級香口同惹味，醬準配咗茄汁同酸忌廉，點酸忌廉食一流，一條接一接，而且份量好大，配啤酒一邊飲一邊吹水就啱哂Grilled Steak Sandwich 🥪 呢款都唔差，男仔大食同鍾意食肉就啱哂，夾住燒牛扒嘅包夠鬆軟，牛扒約3成熟，咬落去肉香汁多，完全唔un, 配埋蕃茄青椒等配菜，食完一份咩都飽😆啤酒就當然飲完一杯又一杯啦🍺到7點左右差唔多滿座，枱枱都趁happy hour 完之前叫beer tower 🤪 超抵環境又好座，平日放工約三五知己嚟吹水都啱哂🥳…Read More

旺角韓燒店都唔少，今次朋友揀呢間係旺角中心後邊，成棟大廈都係食店，呢間係9樓一出𨋢就係餐廳，味道唔算重，抽風都算唔錯落單就用電話QR code 落嘅，飲品醬料小菜就可以係雪櫃自己拎，飲品選擇都唔少，汽水韓國果汁啤酒都有菜單上有齊豬牛羊雞，仲有海鮮同小食同熟食，樣樣都可以試到啱哂風呢啲腰闊肚窄嘅人😆牛我就最鍾意呢款，薄得嚟有牛味，而且配堆大蒜燒完加燒肉汁超正，encore 咗好多碟🤪豬肉就當然唔少得豬亞花，呢度有齊原味辣味，我就覺得原味燒出豬油最正，嫌太油膩仲可以order 蔬菜盤包住食海鮮唔少得嘅就係帶子啦，燒到兩邊焦香就咁食已經好彈牙，咖哩魷魚都醃得夠入味熟食有炸雞炸餃子之類嘅，俾我都係留返個雞食多兩件燒肉🤓辛辣麵有就好正常，呢度竟然有韓式水冷麵😱😱 食燒肉食到熱辣辣，食返個水冷麵即刻令口入邊嘅油膩感冇哂，清一清味蕾又可以再食過🤗呢個都一定要order 呢，如果店家有鉸剪可以剪斷啲面就更加好啦最後仲有4款雪條，可以一人揀一條，全部都係韓國牌子嚟㗎，芒果好似食緊芒果沙冰咁，食完成餐就大滿足了😝…Read More

雖然奶蓋好肥，但人都係犯賤鍾意食肥嘢嘅🙈 今次搵到呢間唔用牛奶用堅果奶打奶蓋嘅茶飲店，唔洗問當然要試下啦😌鋪頭係旺角中心同新之城交界，上到去沿住雞蛋仔嘅氣味就極速搵到，鋪頭唔大但menu 都好多選擇呀，揀咗勁耐先揀到想試邊款焙香堅果奶蓋烏龍茶上層奶蓋係焙茶口味，非常特別，而且比正常奶蓋堅挺，可以成隻小匙插係度都唔會跌，口感超rich😋😋 烏龍茶帶有烘焙嘅香氣，揀咗微糖就更健康啦，兩樣加埋好啱茶系愛好者😎伯爵朱古力堅果奶蓋茶呢款嘅奶蓋係濃濃朱古力嘅味道，好似食緊朱古力雪糕咁，上邊仲有可可粉，係兒童之選呀😆 茶底就係香醇嘅伯爵茶，飲到一半攪勻佢，就變咗朱古力伯爵奶茶啦，夏天飲又甜又凍超爽😋店員會將杯蓋貼好，唔怕倒瀉，知我地第一次試仲會細心講解點飲最好，奶蓋夠厚又夠濃，而且用堅果奶打成，就算朋友有乳糖不耐症都可以享受奶蓋帶嚟嘅幸福（肥）感🤪佢仲有原杯奶蓋賣，可以外賣返屋企配自家茶底慢慢飲😝…Read More

唔經唔覺已經兩年無離開過香港，真係好掛住去日本旅行嘅果種感覺，知道呢間日系cafe 由西貢擴展到元朗，即刻趁休假日去一轉唔洗飛嘅日本之旅到達錦田大街過咗忌廉桶餅家再向前行幾步，就會見到呢間兩層高嘅白色建築，簡約嘅外牆配上木框趟門，好似係日本小町嘅咖啡室一樣，入到去先係半開放式嘅coffee corner 同廚房，直望嘅牆上寫咗今日精選嘅湯同咖啡今日好好彩，去嘅時候未有太多客人，獲安排坐係最入邊嘅和室，榻榻米加上落地大玻璃，一個小小嘅木櫃放上日本新年嘅鏡餅，外邊係日式小庭園，木造嘅緣側，配合秋冬嘅陽光，如果可以坐係外邊品茶一定好寫意，可惜店家表示該部分仍未開放呢餐牌上嘅選擇唔算多，同朋友share一份薯仔蟹肉沙律，和牛同波特蘑菇open toast，朋友就選擇鐵觀音，而我當然試吓佢嘅咖啡，揀咗杯dirty蟹肉薯仔沙律先到，三球薯仔沙律配上滿瀉嘅蟹肉絲，份量令人驚喜，蟹肉絲亦唔係淡而無味嘅肉碎，有日式家庭風味Open toast 亦都令人驚喜，菠特蘑菇配上濃香嘅芝士醬，上邊仲有大量嘅火箭菜，而且唔會帶有苦味，另一款和牛就燒得剛剛好，配炒洋蔥，濃香集一身，每款配菜同主菜相輔相成，令整體更上一層，可見店家對食材選擇絕不馬虎飲品方面，朋友表示茶香不澀，而我嘅咖啡香而不苦，濃淡適中，加上冰凍嘅牛奶，咖啡香氣係口中散發冬日太陽灑落係室內，有種懶洋洋嘅感覺，休息傾計一陣之後，決定試埋呢度嘅baby pancake問咗店員size 屬一人份量，就同朋友每人一個，試哂藍莓檸檬醬味同黃豆粉年糕，即叫即做都要等大約十分鐘左右檸檬醬清香唔會過酸，似乎都係店家自己做嘅，會令人不自覺一口接一口頭先果款係西式甜品嘅感覺，呢款就一定係日式，熱辣辣又軟又煙韌啲年糕，加上蛋味濃嘅pancake同黑糖黃豆粉，好似係日式茶室食嘅蕨餅一樣，但要小心燙口😛悠閑咁過咗個下午，好似返咗轉京都充滿電一樣，慰藉一下思日之愁之後又要努力工作，希望早日可以返去真正嘅京都啦…Read More

難得去屯門碼頭搭船入大澳，就再早啲嚟試下呢間bookmark 咗好耐嘅cafe，海趣坊呢個商場十年如一日，但係一樓角落呢間cafe 就好突出，木系裝潢加落地玻璃，冬天嘅陽光透入嚟室內有好溫暖嘅感覺，再加上節日嘅擺設，好似去咗北歐小木屋一樣🎄呢度餐牌選擇貴精不貴多，啱哂有選擇困難症嘅朋友，一場嚟到緊係要試佢嘅招牌啦，朋友揀咗個all day breakfast, 我就決定要明太子蟹肉忌廉意粉，再加多杯出邊少見嘅桂花蜜糖latte咖啡先到，外表100分，拉花靚得嚟仲有桂花醉點綴，入口先係濃香嘅咖啡味，最後會留低清香嘅桂花香係口腔入邊，獨特又為冬日帶嚟暖暖嘅幸福感覺意粉一上枱，份量絕對比外邊嘅cafe多1/3左右，男仔的話都一定夠食，上邊鋪滿咗蟹肉碎同蟹籽，拌勻之後每啖都有濃厚嘅醬汁同蟹肉絲，大推呢款意粉😋😋最鍾意呢度冇限時，有時間可以同朋友係度傾計度過一個快樂嘅下午，見到隔離食熱狗好似都好吸引，下次一定要試下先得😛…Read More

今日放工又嚟到觀塘工廈區拎貨，拎完己經唔想再行返出去apm 果邊食飯，鋪頭員工就介紹我上層有間餐廳都幾好食，咁就直接上去填飽個肚啦😛一出電梯就會見到餐廳外嘅擺設，好配合餐廳嘅名，濃濃秋天嘅氣息（雖然現實係中秋己過仲好熱🙃店面唔算太大，我諗夜晚時分應該都係主力做外賣，堂食相對唔洗等位餐牌就兩頁，款式唔算多，選擇困難症嘅人應該都好易揀到食咩😛 今晚唔想食太多辣，就order咗份秘制手撕鴨便當，涼菜就揀咗麻辣蓮藕片😋便當嚟到，排得好整齊，除咗上邊揀好嘅嘢食，仲有沙律菜同流心蛋，鴨肉表面係肥而不膩嘅皮，一掀開有滿滿嘅鴨肉絲係底，啱哂我呢啲唔鍾意Lun 骨嘅人🙈 食落口都好入味，而且鴨肉唔鞋口，平時唔鍾意食飯嘅我都配住鴨肉食哂成個便當🍱涼菜係令人驚喜嘅部份，本身覺得都只係配菜，但佢嘅麻辣係令你以為佢先係主角，同出邊比，佢麻多過辣，但又唔係單調嘅辣味，食得出有層次仲帶少少甘味，一問之下，原來係老闆親手炒出嚟，唔係來貨，唔怪之得咁特別啦老闆仲話遲啲會有一樽樽麻辣醬賣，呢個醬買返屋企整拌麵同手撕雞應該超正🤤🤤最後我仲加多咗個甜品叫桂花蜜梨，原來係用杞子桂花蜜浸住水晶梨，絕對係老闆一早準備好嘅，唔係order先做，因為每一啖梨肉都充滿住桂花蜜汁，食完就沖散哂口入邊嘅各種味道，大滿足🥳無諗過工廈入邊都隱藏咗間咁有心嘅小店，聽老闆同隔離枱吹水，用嘅原料全部都係親自採購，雞都係用靚雞，下次再嚟要試佢個口水雞先得😆…Read More

通常去得元朗雞地食飯，多數都係target雞煲﹑邊爐或者各式小炒，無意中係巷尾近yoho town 果邊見到開左間café, 竟然係上次係荔枝角食過既INN元朗分店，裝修風格都一致行庭園路線，就即刻約朋友搵晚放工試下呢間分店鋪頭入邊既空間感覺比荔枝角既細D，始終地鋪同工廠大廈都好難比較，但餐牌既選擇都係大同小異，今次就試一D未試過架啦小食order左一份fish and chips，魚柳不算超巨型，但絕對是即叫即炸，一切開內裏熱氣騰騰，配埋他他醬，兩工啖就KO了呢份前菜，薯條都一樣係粗身版本，裏面滿滿薯蓉，正!主菜今次就試左北海道帶子香蒜辣味意粉，帶子煎得剛剛好，並沒煎得過熟，蒜片橄欖油同辣椒都平衡得好好，唔會過油或過辣，係一道幾清新又唔係咁易食濟既意粉朋友揀咗食扒，試咗佢一啖都ok, 入邊好多肉汁飲品方面就揀左杯凍matchalatte，白色綠色兩層好靚，飲落去唔算太甜，但都唔會有抹茶粉過多而有粉卡係喉嚨既情況朋友嘅西柚茶聽佢講都好清新，入邊仲有果肉可以食Tim …Read More

個個嚟到天天海南雞都一定會叫海南雞同油飯，今日同朋友就偏偏反其道而行，試盡其餘嘅星洲菜式😛其實呢度嘅menu菜式都好豐富，雞以外嘅選擇都好多，前菜就先揀咗蒜泥白肉青瓜早已經同豬肉片卷好，一碟上枱小巧精緻，醬汁用另一小碟上，可以滿足唔同人對蒜嘅喜惡，又唔怕底層嘅白肉浸透係醬汁之中會太咸餸菜方面揀咗兩款海鮮，分別係黃金大蝦同黃金蠔烙，雖然個名好似，但味道就完全唔同黃金大蝦係以咸蛋黃包裹住新鮮蝦肉煎炸而成，外層脆薄，內裏肉質厚實，一碟起碼有十幾隻蝦以上，以呢個價錢嚟講絕對俾足貨，另外仲有啲黃金翠肉瓜係到，瓜肉多汁，咬落去中和咗煎炸外皮嘅油膩，仲好食😋黃金蠔烙就類似潮洲蠔餅，但相對炸粉會較少，邊邊脆但中心較軟，蠔一啲都唔腥，連一向怕腥嘅朋友都食咗三件😝主食方邊就冇揀到飯，要咗菌王水晶，係羊肝菌同肉碎熬成嘅湯煮水晶粉，味道濃郁，水晶粉又煙韌，加上有個小鍋一直熱住，食完個胃好舒服😋另外呢度嘅飲品超大杯，一杯兩個人share 都夠，水蜜桃西柚香橙茶酸酸甜甜，解膩一流😛…Read More

探完朋友唔想行太遠，就近近地係佢樓下商場食個晚飯，竟然發現咗間唔錯嘅泰國菜門面都光鮮亮麗，似乎都係新開，睇下餐廳又唔算貴喎，入邊裝修都新淨，都坐得舒服嘅兩個人叫咗個海南雞配油飯，豬頸肉啫啫芥蘭煲，同埋泰菜唔少得嘅生蝦生蝦係以小酒杯上，一set 6 隻有兩隻味，每杯都有齊sauce 同辣椒蒜片，方便食之餘，又浸滿醬汁，好味😋海南雞肉嫩滑，油份充足，配埋個油飯係最夾嘅，而且份量都好大，兩個人食都足夠有突另外都叫咗個菜，馬拉盞好足料，辣辣地好開胃，而且上枱時都仲係熱辣辣，慢慢食都唔會凍得咁快飲品見佢咁特別有芝士奶蓋，就試咗個火龍果芝士沙冰，又真係幾fresh 喎，可以清一清口腔，芝士奶蓋如果再多啲就perfect 喇😛 （芝士控…Read More

生日想食靚牛牛，男朋友就book 咗呢間餐廳，話有靚景之餘，食物都有質素，絕對唔會令我失望當日放早，六點鬆啲就到餐廳，係樓下等𨋢時都唔會為意原來呢棵大廈頂樓有間西餐廳，一出𨋢就會見到佢地signature 嘅壁畫，餐廳入邊都有一系列嘅壁畫，睇得賞心悅目😌入去一眼望到最靚就係向海果邊嘅落地玻璃，因為高過其他樓嘅緣故，可以眺望到海境，配埋夕陽真係好靚男朋友request 咗想要靜啲嘅位置，所以我地坐咗係另一邊望獅子山嘅窗口位，唔差㗎，係另一番風景一坐低，waiter 會先介紹佢地嘅signature 熟成牛扒，同埋會有一部iPad 揀cocktail, 有相啱哂我呢啲選擇困難嘅人，揀最靚果杯就得haha先叫咗杯mermaid tears， 同大海顏色一樣嘅藍色，主要由檸檬汁同rum 組成，酸酸甜甜好啱女仔落完單先嚟咗麵包，夠熱而且軟熟，帶有葵花籽嘅味道前菜要咗熟成Parma Ham配蜜瓜，上枱presentation 好fresh, 熟成嘅Parma ham 除咗ham 嘅油脂味，食到後期會帶有一種獨特嘅甜味，配埋蜜瓜嘅香甜，肉嘅甜味同果嘅甜香係口中溶為一體，會不自覺想再食😋主菜就係10oz嘅熟成肉眼扒，人地嘅signature 點可以唔試， 上到枱俾我想像中大份，waiter 會即場問需唔需要芥辣再上係旁邊，建議一定要，真係好好食熟成牛扒嘅texture 比一般嘅更加軟嫩，肉汁仍然鎖係入邊，而且牛味濃郁集中，簡簡單單直接加少少鹽食已經好滿足，配少少芥辣就會試到另一種風味，呢個簡直十分推薦其實食完已經8分飽，但我地仲order 咗一份焗菠菜忌廉千層薯，不過試完就覺得好彩有叫，因為真係好好食呀😚😚 一片片薄切嘅薯仔疊起，焗香後再配上香濃嘅菠菜汁同芝士，咬落去仲食到薯仔爽脆嘅texture ， 唔係平時啲薯蓉咁，菠菜汁中和咗芝士嘅膩，balance 返整道菜好滿足嘅一餐，靚環境加高質嘅食物，絕對係對得住個價錢，而且服務好好，每道菜都會換餐具同碟，有咩紀念日慶祝都係一個好選擇😊…Read More

夏天雖然熱辣辣，但總會有想食雞煲打邊爐嘅日子，買料返屋企整又整到身水身汗，都係出街食算😛今日同屋企人去咗元朗永年行入去果條巷仔食，餐廳行懷舊泳室主題裝修，好似返咗去80年代咁（當然環境乾淨同冷氣都係2021年嘅水準haha)第一步就緊係叫個鍋底先，叫咗個重慶鮮辣雞煲（半隻雞，少少辣），加多入臭豆腐水食先上枱個煲唔似出邊係不銹鋼，係厚實得嚟夠深，唔怕等陣打邊爐太淺冇位淥嘢食，店員會幫忙睇火同翻拌，等佢唔好燶底，一開蓋超香，食落雞件嫩滑夠入味，呢間鋪嘅雞煲醬濃味得嚟帶甜味，少少辣啱哂唔食辣嘅屋企人，超惹味，係得暫時食過最滿意嘅雞煲醬臭豆腐外脆內軟，臭味聞落去都有，食落就唔算太濃，但送啤酒一流😋食完雞煲就打邊爐，叫咗超多唔同嘅嘢食，推薦嘅有安格斯牛頸脊、墨魚水上飄同花膠仔牛頸脊肉味濃，𤆥一𤆥就食得，太熟反而浪費咗啲靚牛墨魚水上飄就舊舊都拳頭咁大，將大量墨魚滑釀咗係魚肚入邊，咬落去爽口彈牙，食完一舊都超飽🤣🤣花膠仔就大大塊，又厚肉，配合雞煲醬汁味係超好味，又養顏😋另外叫魚皮嘅時候冇睇清楚，以為係平時果啲，點知係金莎炸魚皮，仲要即叫即炸，真係送啤吹水至佳拍檔😍😍題外話，呢度啲店員都好細心，例如加湯嘅嘅時候會搵隻碟擋住，唔會彈到周圍都係整體嚟講都唔錯，環境坐得舒服，食物質素水平以上，乾淨企理，都值得再嚟😋…Read More