helenhelen1314's Profile

一早打電話book bar枱位置，因為有碳爐。但因疫情關係同以前唔同左，除咗主menu之外嘅野食會有師傅👨🏻‍🍳幫你燒，其他食物都要自己燒我地2人因唔太餓總共叫左4樣食物，加一杯生啤🍻一坐低每人有碟三格醬料費，每碟$18。如果要任飲清酒🍶就要每人+$138，但限時1.5小時要交枱1. 鹽燒法國鵪鶉$158呢樣野係主menu無，寫喺塊板度，呢個會由師傅幫你燒。由於鹽燒關係🧂，佢淨係得鹽嘅鹹味，無乜太特別。燒好後師傅會剪開4件。我之前睇過食評係$148，唔知係咪開返晚市關係，加左價🙃2. 牛肉盛盒$330🐮佢d肉偏薄同細舊，而每款得2塊仔，味道方面就一般3. 日本和牛肉眼$298呢塊野一拎出嚟🤯我突一突🙄，薄到呢😓。目測應該得3mm左右，完全唔適合拎黎燒，一拎起成塊毛巾咁。因為太薄，一放落個網就黐住咗，好難燒。佢用左黑椒調味，食落口得個「油」字，同黑椒味，完全無油香同肉味。4. 武藏拉麵$98🍜見食評話個湯底好重牛味，等我好期待。點知一飲落去，完全係超市買即食拉麵嘅味精湯味，d拉麵仲要煮到發脹哂，無質感。係得果2片肉仔叫有d牛味囉。 😩😩我本來對呢間餐廳期望好高，成餐飯以為好有炭燒味道先特別揀坐bar枱，結果d食物唔知點解係無炭燒香味。bar枱位置比較逼，坐得會無咁舒服，侍應收碟同斟茶速度好慢，差唔多要叫先幫你收。整體黎講，我個人覺得價錢偏貴，似放題質素，唔會再有下次。…Read More

星期六晚，樂富，夏麵館，100分鐘揀左任食大閘蟹🦀🦀，埋單$986/2人(我地係普通打電話book，上網book預先俾錢係會平啲)真心好鬼正，有得揀公+乸，隻隻熱到拎唔到🔥🔥呢間分店唔多人，7點食到9點都無趕我走，🧑🏻‍🍳職員都好有禮貌，🙂🙂勤換放蟹殼兜除左蟹，d食物食唔哂可以打包最後太飽，個麵食唔落，直接叫職員入食物盒個頭盤排骨係凍嘅，所以比較硬，但味道正常賽螃蟹比較油，❌個蝦係雪藏冇味，所以唔推介🙅🏻‍♀️不得不提，最尾個薑茶湯圓好薑，一飲會「嘩」一聲😮…Read More

我一早喺OpenRice book左枱，食1845，之後收到email confirmed，亦提醒窗邊位每人最底消費係$900，2小時交枱。由於我朋友海鮮敏感，所以我喺remarks寫低，同要求喺甜品上寫Happy Birthday字樣首先搭lift上29樓，一出lift就係reception，講名對啱電話，之後個staff就會帶你埋位坐底後，有4份menus，À la carte，wine，特別推介，同經OpenRice訂位有嘅Sunset menus咁我地2個女仔，揀左1個set再加散叫頭盤選擇了餃子，送了2塊麵包。餃子好麻麻，似交黎嘅貨，反而上面嘅炸蒜片好好味，食左一塊，成個口勁臭，好濃嘅蒜頭味。麵包外層好香，有點硬，內層好鬆軟，不過越食越酸。有一小碗橄欖油(估係)比你沾，但我覺得味道怪怪的。主菜選擇了牛柳，個碟好大，但得3塊牛柳，中間夾住燒茄子，旁邊有2舊甜番薯，作為主菜，份量有點少。不過牛柳好淋，但但醬汁太重味，結果完全食唔出牛味另一樣散叫了海膽意粉，係成晚最好味。份量ok，個汁好濃 好香，好多海膽，無腥味，d海膽唔會炒到散哂見唔到，不過幾油膩，夾哂d粉後個碟好多橙色嘅海膽油亦散叫左個石燒和牛，個賣相好靚，有野玩下。上左個爐同牛之後，個staff教你燒20秒再返。但上下各20秒結果太熟了，建議上下各10秒好了。有3個汁比你沾，配菜有一小碟炸蒜片，一條小青辣椒，一片菇。牛味都幾重，燒嘅過程幾過癮☆*:.｡. o(≧▽≦)o .｡.:*☆最後甜品叫左tiramisu，個cream幾滑，食得出有落酒，不過中間係普通蛋糕，唔係用手指餅由於我book左18:45，可以欣賞埋8點至8點10分上演嘅幻彩詠香江，第一次覺得啲射燈係咁好睇，可以望晒成個維港…Read More