Mandyhuen0426's Profile

放假陪媽媽去尖沙咀行街，媽媽想食日本菜，於是在OP見到尖沙咀樓上居酒屋「一方堂居酒屋」評分不錯，就決定去試試。🌟刺身想試多款刺身但唔想叫大拼，就散叫咗三款：- 三文魚 $58（4切）：厚切夠鮮甜，帶少少脂肪，好肥美無雪櫃味，超正！- 油甘魚 $68（4切）：新鮮爽口，味道清甜。- 帶子 $68（4切）：帶子鮮甜，多汁，配檸檬汁及魚子醬，鹹鮮味道更突出。🌟串燒日本菜點少得串燒？揀咗四款試吓：- 雪花牛肋條 $48：油脂均勻，肉香濃郁。- 香印豚腩卷 $38：驚喜配搭，甜甜香印提子包住鹹香豚腩，意想不到嘅好味道。- 雞腿肉 $30：多汁嫩滑，燒得剛剛好。- 白鱔 $58：皮脆肉嫩，略帶油香，好特別。🌟一方堂奈良卷 $128 夠晒打卡，外型似燒賣，壽司卷包三文魚、吞拿魚蓉，三文魚子點綴，口感豐富又份量十足。🌟肥牛鍋燒湯烏冬 $72 湯底加咗麻油香味濃郁，扁烏冬煙韌彈牙，吸收湯頭精華。肥牛份量多且入味，配一隻流心蛋，好滿足！🌟飲品比較特別少少既係，飲品係台式飲品😂😂叫左2杯飲品，仙草奶茶 $25 和黑糖珍珠抹茶奶綠 $30整體食物新鮮高質，環境有日本居酒屋feel，氣氛舒服，價錢合理，適合約朋友或家庭小聚。👍…Read More

相隔咗一段時間無食雲家，諗住收工去食返碗米線🍜不過今日收晏咗，餐廳接近要關門，唯有叫外賣食啦🤣🌟小鍋米線 $33每次嚟都係叫小米米線，辣度可按個人口味選擇，我通常都會叫小辣，辣得嚟唔會太辣，我覺得岩岩好。米線軟硬適中，麵條鎖住湯底的味，很唔錯👍🏻只有湯底辣先會有肉碎，份量都多，又有酸菜。每款配料價錢不一，通常我都會叫2樣配料：🌟魚肉春卷 $9有3條魚肉春卷，口感煙韌，釀入了粟米、墨魚粒，幾好食👍🏻🌟牛腩 $16爽嫩有咬口，半肥瘦牛腩。啖啖牛味，再喝一口湯底，大滿足！再叫特色小食👍🏻🌟蒜泥白肉 $45鍾意食蒜泥既你，一定要叫👍🏻蒜泥份量多，先將蒜泥撈拌白肉，餸米線食一流，非常惹味。🌟麻辣金錢肚麻辣味道香濃，唔算好辣。以蒜蓉作調味，夠晒惹味。牛肚煮得夠腍，又入味。飲品…Read More

荃新天地2期地下有好多新進餐廳，種類繁多，今日小編簡左一間食和牛漢堡「一輪」。圈形大枱既設計，廚師會係中間煎和牛，可以偷下師😂😂😂基本上和牛漢堡餡料都係一樣，分別在於漿汁既味道會影響和牛漢堡既味道。所以小編分別叫左幾款唔同漿汁。分別叫咗2個套餐和3款小食。套餐配有前菜、日本國產生蛋、麵豉湯及珍珠大米白飯(任添）小編鍾意將生蛋倒落飯度，撈勻晒再食😋麵豉湯套餐c $118黑松露忌廉汁和牛漢堡黑松露既味道未算好濃，忌廉汁有少少淡。小編比較鍾意食其他味既。甜洋蔥燒汁和牛漢堡甜洋蔥的甜味與牛肉的鮮美相互融合，燒汁增添了牛肉的香濃味，每一口都充滿驚喜。套餐d $128原味和牛漢堡原味都唔輸蝕，口感軟綿綿，牛味香濃又唔會太肥膩。🍅微辛蕃茄汁和牛漢堡蕃茄汁好濃，酸酸味味帶點辛香，好開胃，配上和牛漢堡好夾。🧀芝士三重芝士汁和牛漢堡哇，呢個好正，師傅先將車打芝士和水牛芝士醬汁淋上和牛漢堡，然後將大量芝士碎灑在上面，三重芝士配和牛漢堡一啲都唔油膩，餸飯食一流。炒野菜 $32炒野菜用牛油炒香味十足，即使用牛油炒都唔會太油膩，野菜口感清脆。配料有香菇和紅蘿蔔。清酒煮蜆 $46份量都多，味導鮮甜，不過略有少少沙粒。炸雞軟骨 $26炸至金黃色，香脆可口。…Read More

係荃灣剪完頭髮就係附近行下睇下有咩食，原來荃昌中心地下都有幾間打冷，係角落頭有間小店「四妹廚房」，裝飾感好似穿越時空去左古代😂呢點就吸引左我入去食😂紅蘿蔔粟米豬骨湯有住家湯的味道。紅蘿蔔同粟米都好甜，令到成碗湯都好清甜。重要係無添加味精，好有心機。炸墨魚餅有三塊炸墨魚餅，炸至金黃色，又唔會炸到乾身，仍保留口感彈牙，沾上泰式辣醬更加好食。欖菜肉碎四季豆好好食，欖菜既咸香味，配爽口既四季豆好夾。仲有肉碎，餸飯食一流！蜜桃炒雞柳幾特別，第一次食熱食炒餸會有蜜桃。味道酸酸甜甜，都幾開胃。不過略嫌雞柳既炸粉有點多，不過整體既味道都唔錯。冬菜蒸魚（釘公）最怕食到蒸過龍既魚，不過呢到既蒸魚又幾好食，先講蒸魚時間拿捏岩好，唔會蒸到老晒。魚肉好滑，好食。乳香脆燒乳鴿見到有乳鴿又想食，又燒得幾好，皮薄酥脆 雖然細隻，但都幾多肉，肉質細膩。手打檸檬茶老闆娘親自手打檸檬茶，手打又確實幾好飲，酸甜味平均，好解渴。…Read More

旺角Station 3好抵食，Lunch Set主菜有沙律、意粉或意大利飯，仲可以加錢要沙律同甜品。黑松露帶子鮮菌燴意大利飯 ＄92飯煮得恰到好處，完美吸收了黑松露的濃郁香氣。奶油的濃郁口感讓整道菜非常creamy，但卻不會讓人感到油膩。搭配小帶子，增添了層次感。煙三文魚忌廉番茄醬扁意粉煙三文魚的份量相當充足，整體有4-5塊。意粉口感軟硬適中。番茄醬的味道濃郁，酸甜平衡得宜，加入小磨菇增添了囗感和甜味。＋＄18田園沙律份量正常，只有沙律菜和半粒番茄仔。特式拼盤 ＄148比較喜歡洋蔥圈，外脆内軟，裡面的洋蔥爽口帶甜。芝士條金黃酥脆，有少少拉絲效果，襯熱食幾比好味。雞翼外皮燒得香脆，肉質鮮嫩，多汁。+$38 開心果麻糬提拉米蘇外觀上非常吸引，面上覆蓋著厚厚的開心果碎。不過味道一般。麻糬的份量不算多，這或許讓人期待的口感在整體平衡上顯得有些不足，而且提拉米蘇的開心果味不太突出。＋＄38 焦糖巴斯克擺盤靚，巴斯克外層酥脆，內裡則是滑順的奶酪質地，焦糖與奶酪的濃郁完美結合，不過略嫌有少許甜。…Read More

知道朋友鍾意食日本野，特登做足功課搵間正野比佢食。合和商場有間日山，唔洗去日本都可以食到米芝連壽喜燒餐廳😋日山「松」套餐 $1298/人有前菜、刺身、壽喜燒、飯/烏冬、蒸物、酢物、甘味，相當豐富🌟蒸物(松)淸酒蒸鱈埸蟹鱈埸蟹肉質細膩，口感軟嫩。蒸煮過程中保留了蟹的鮮甜，清酒與蟹肉的鮮味相輔相成，讓人忍不住一口接一口。🌟刺身三品盛有北海道海膽、長崎華𤂍蠔、吞拿魚中腹北海道海膽口感滑嫩，帶有甘甜；長崎華𤂍蠔則鮮美多汁。吞拿魚中腹肉質鮮嫩，入口幾乎即化。🌟壽喜燒原來呢到既牛每月兩次係日本以真空冰鮮方式運送至香港，難怪肉質甘正。太好食啦，好食到連相都唔記得影😂…Read More

朋友話想食韓國炸雞，知道尖沙咀有間李家韓國餐廳，就決定食呢間。兩個人叫左兩款炸雞同韓式菜包肉，已經食到勁飽。前菜有醃蘿蔔和沙律菜絲，醃蘿蔔酸酸甜甜勁開胃。自選半半炸雞（有骨）蔥炸雞 $113炸雞炸得香脆，雞肉鮮嫩多汁，肉質彈牙。一定要搭配上香蔥一齊食，層次感升級。炸雞調味剛好，不會過鹹。自選半半炸雞（有骨）醬油炸雞 $103醬油炸雞是一道經典的味道，醬油鹹香味適中。韓式菜包肉 $238份量相當足夠！原本以為搭配的是生菜，原來配清娃娃菜。但是娃娃菜的脆嫩口感讓整道菜更加清爽。將肉包裹在娃娃菜中，搭配沾上豆瓣醬的肉、蒜頭和青椒，口感層次豐富，令人驚喜，實在好正！…Read More

係附近行街又諗唔到食咩好，記得係荃灣兆和街有間西餐，之前都食過唔錯，今次就帶朋友黎Vision 8 試下。如果諗唔到食咩，可以睇下廚師推介！烤麵包配蛋黃黑松露醬超級好食😋烤麵包上枱時係暖暖哋，有三款不同的麵包，麵包烤得脆口，塗上蛋黃黑松露醬超級夾，又好食😋蘋果木燒西班牙黑毛豬鞍扒 配芥末醬 $80擺盤靚靚，黑毛豬鞍扒煎得好靚，肉質保持多汁感，口感鮮嫩。與芥末醬好夾，少少辛辣提升左整體的層次感，值得一試！煙三文魚配千島醬薄餅 $158有驚喜，尤其是薄餅的餅底，薄得恰到好處，每一口都帶來酥脆的口感。煙三文魚的份量非常足，每一口都能品嚐到，好正👍🏻火箭菜的清新口感，平衡了三文魚的油脂感，必點！香煎蟹餅伴沙律配油醋汁 $148蟹餅煎至金黃酥脆，裡面則是滿滿的蟹肉，帶有濃郁的creamy感。沙律清新，配油醋汁的酸香恰到剛好。心太軟 $78當然唔少得甜品啦😋之前見有人食法係由上面開始食，就唔怕入面濃郁的朱古力醬流出。外皮微微酥脆，內裡卻是流心朱古力，甜度剛好。搭配雲呢拿味雪糕，好味到一口接一口。…Read More

年紀大開始追求養生，就連飲野都想健康少少。係葵廣掃街時見到有間以養生為主的飲品和冰粉，即時比「養生」字眼吸引咗。身邊總有朋友同事會有濕疹，加上香港天氣又濕皮膚問題都岀晒黎，睇完功效已經好吸引，「美顏」更吸引，老闆果然好識做宣傳，成功吸引到我買左杯茶同一碗冰粉😂買完就去新都會岀面坐草地慢慢飲開餐😂健康茶 $40（大），$35（小）健康茶功效抗氧化、排毒、抗炎、促進血液循環、穩定膽固醇、清腸健胃。好處多多，緊係要飲返一杯啦。雖然唔知有冇效，但總比廢水健康😂是日推介蜂蜜柚子冰粉明明都未到夏天，但前排有少少熱就買左碗冰粉試下。蜂蜜味不會太甜，甜度適中，柚子味好岀，好開胃。冰粉口感好q好滑，好似啫喱無味。配料簡左桃，好甜好夾。…Read More

最近天氣好反常，忽冷忽熱，今日突然又好凍得10度，夜晚真係要食火鍋，暖暖胃。係旺角上海街有間滾爺火鍋，見到有椰子雞火鍋食就試下啦！招牌椰子雞鍋 （半隻雞）湯底真係用新鮮椰子水煮，即開4個分別兩款的椰子，用新鮮椰子水和椰肉先煮雞件。職員會幫手倒椰子水，放椰肉和雞件，約煮8-10分鐘就可以食。先飲椰子水，超鮮甜。本身雞就無任何醃製味，雞唔會煮到好柴，味道帶少少椰子味，好健康好清淡。羊肉片份量多，厚薄適中。羊肉片的鮮嫩同椰子水的清甜完美融合，湯底吸收咗羊肉的精華，鮮美無比。西洋菜輕輕一煮，西洋菜鮮嫩，爽口清甜。…Read More

荃灣岀名多野食，今次係川龍街見到間茶餐廳，晚市做炒小菜，價錢經濟實惠，人流都唔錯，就同媽媽人去試下。兩個人叫兩個小炒食就得！套餐有是日例湯，煮家豬骨湯，附有幾舊豬骨。麻辣雞鍋辣度可選，小編簡左小辣，唔會太麻，就連媽媽唔食得辣都話ok。雞鍋煮得好香又惹味，雞件切得比較小，份量正正常常，不過雞件勝在入味，拌飯食一流。小炒皇必點小炒皇！！配料相當豐富，有大蝦、蝦干、白飯魚仔、魷魚、果仁、芽菜、青椒等。叫左小辣，好惹味又多鑊氣夠。特別適合鍾意食重口味的人士，無論是搭配白飯還是單獨享用，都好好食，值得一試。凍檸茶…Read More

今次係旺角食極尚大瀛喜放題，旺角站e岀口一岀行1分鐘就到，超級方便！自助區的食物種類都多，有沙律，凍青口、凍蝦、熱食（燒賣，炸雞，魚），甜品（豆腐花，乳酪、雪糕、雪條、小蛋糕）等。必點刺身！三文魚、帶子鮮甜無比，鮑魚入味十足，赤蝦和生蝦更是彈牙！金銀蒜粉絲蒸扇貝扇貝大小剛好，表面滿滿的蒜茸，粉絲吸收了蒜茸的香味，搭配帶子，真是美味！川味蒸珍寶鮮蠔蠔的大小剛好，脹卜卜超級肥美，鮮甜可口，搭配蒜茸更添風味！芝士黃金醬燒開邊蝦超好食！開邊蝦吃起來非常方便，濃濃的芝士帶有甜味，蝦的口感彈牙，讓人一口接一口！燒牛舌牛舌帶少少薄，燒得有少少韌和乾身。鐵板鵝肝，超好食，必點👍🏻 鵝肝的口感滑嫩，味道極佳，食完一舊又一舊。海膽魚籽拖羅中餅餅皮稍微柔軟，不太脆，但海膽和魚籽的甜味搭配得很好，拖羅的口感也很不錯。五款炸物必點芝士年糕，煙煙銀銀，軟綿綿，拉絲芝士。炸芋圓，外脆內軟，芋泥甜度適中。榴連炸彈，咬開已聞到香味的榴連，榴連味濃。炸芝士雞翼，外皮炸得脆口，雞肉滑嫩，醃味剛好 。…Read More

係石籬商場搵到一間好好食既餐廳「雞少雞飯」👍🏻暫時係我食過最抵食又好食既海南雞和喇沙麵😋一人一個餐，叫左兩個小食，好滿足😋海南雞配大大碗喇沙摻摻🍜🌟海南雞的雞肉鮮嫩多汁，肉質滑口。雞肉與醬汁的鹹香完美結合，十分不錯。🌟配住家湯非一般住家湯，是日住家湯係雪耳紅蘿蔔湯，雪耳口感滑嫩，湯很清甜，沒有味精。🌟喇沙摻摻配料相當豐富，有魚片、豆卜和半隻雞蛋。魚片彈牙，豆卜吸收湯的精華。炸魚餅即叫即整，外皮炸得酥脆，裡面的魚餅口感彈牙，即使不配沙律醬也很美味。住家湯可升級（輕盈肉骨茶)$28好抵飲😋味道濃郁，而不油膩。湯中使用不同的材料，使味道更加豐富。配料相當豐富，有冬菇、雞腳、豬肉。碳燒豬頸肉肉質嫩滑，外層燒至微焦，肉卻保持汁液。沾不沾醬汁吃也不錯。央多麵包烘起來帶少少脆口，𥚃面夾著厚厚而香濃的牛油。每一口都係幸福感，吃完一舊又一舊。餐牌如下…Read More

之前已經品嚐過申子，現在正好看到他們的午市優惠，真是又抵又正的日本料理。而且店內環境也舒適。午市優惠食物款式多，有牛扒定食，丼、刺身定食、壽司定食等。主餐牌亦有好多款不同的日式料理。刺身定食 $167可選配北海道七星茶或雞白湯手打烏冬🌟刺身有三文魚，吞拿魚、油甘魚、三文魚籽帶子和甜蝦。擺盤靚，刺身不錯👍🏻🌟前菜：醃番茄仔，玉子和旬🌟醃番茄仔超好食，酸酸甜甜好開胃。🌟雞白湯手打烏冬雞白湯味道不算濃，淡淡的雞湯味，烏冬口感彈牙，不會太淋。網燒鹽蔥豚肉定食 $112豚肉份量多，豚肉燒得好香帶少少焦。厚薄適中，以蔥花作點綴，很不錯。壽司定食（廚司發辦）配雞白湯手打烏冬 $167壽司有三文魚壽司，海膽壽司、吞拿魚壽司、油甘魚壽司、赤蝦和帶子。…Read More

之前已經食過一次CHIBA，鍾意呢度環境舒服，價錢合理，食物質素唔錯。確實係同朋友聚腳吹水食飯嘅好地方。凱撒沙律 $78（標準）可另加煙三文魚/煙火腿 $20今次淨係叫凱撒沙律，沒有加任何配料。蔬菜新鮮，口感爽脆，醬汁帶酸酸甜甜，十分開胃。香草白酒芝士監青口 配法包 $128芝士味濃郁與白酒的清香味道很夾，青口沾滿醬汁，增添了海鮮的鮮美。法包外脆內軟，完美吸收醬汁，讓整道菜更添風味。烤雞泡魚乾 $88將已烤好的雞泡魚乾放在烤網上，底下輕輕燃燒的火焰營造出燒烤的氛圍。這款雞泡魚乾沒有添加任何甜味，展現了純粹的原味，每一口都散發著微微的煙燻香氣。伊巴利亞烤豬肋骨 $188（標準） 提供兩種尺寸：標準 $188 和加大 $278。 豬肋骨的份量相當豐富，每一口都充滿肉汁，肉質鮮嫩而不韌。底下搭配滿滿的薯蓉，口感既 creamy 又滑，好滿足。曲奇朱古力奶昔 $68一擺上枱，我還以為是甜品！原來是奶昔，裡面有曲奇碎撒在香滑的奶油上，還用爆谷做點綴，真係幾特別。這杯朱古力奶昔的口感有點像沙冰，冰冰涼涼。焦糖蜂蜜奶昔 $68奶昔上層覆蓋著厚厚的奶油，配上脆口的爆谷，別具風味。奶油的甜度剛好，不會過於膩口，而爆谷依然保持著酥脆的口感。唯一的缺點是奶油的高度容易造成掉落，所以建議盡快享用。焦糖與蜂蜜的結合讓這款奶昔的味道更加豐富。餐牌如下…Read More