1. 第二道菜: 大家掛住傾計，無留意到其他人發生咩事。部長突然托住一道菜嚟問我地食咗未，然後先發覺周圍d人已經食完。2. 魚翅: 翅到，不過無碗。阿姐再去拎碗。裝咗一半，部長行埋嚟，發現匙羹響碗裏面，又無用底碟，叫阿姐再去拎過。不過阿姐無睬到佢，行開咗之後就無再返嚟。部長唯有自己去攪，不過結果都係半枱o既碗無底碟。3. 魚: 成碟放上嚟之後，就行開啦。我地唯有自己攪掂。有朋友食到魚有油渣味!4. 換碗碟: 基本上由頭到尾無收過碗碟，我地因為隻碟太滿叫佢收，阿姐好敷衍咁收咗四隻碟，四隻碗，(講明先，係唔同人o既碗同碟!)無用托盤，然後就走咗，但係一直都無拎新碗碟返嚟。我地唯有又搵部長。5. 炒飯同炒麵，半天半地，請看圖。請留意轉盤上各類餸菜o既殘渣。 6. 紅豆沙: 先係匙羹，成堆放響個好污槽o既托盤上面，個托盤上面有各人食剩o既各樣餸汁，因為佢啱啱用嚟收完野。然後係湯殼，阿姐話好多汁(魚汁)，話等我拎去洗吓先。然後佢拎住個殼同紅豆沙返嚟，伙過響途中，個湯殼撞到另一枱o既女士o既髮髻，好似有閃粉o既。跟住拎嚟分紅豆沙俾我地。結果我地全部都無食紅豆沙。總括嚟講，負責我地o個枱個阿姐，成晚出現唔夠7次，連部長叫佢做野，佢都唔睬部長，部長唯有叫另一枱個阿姐幫手睇埋我地o個枱。不過幫手個阿姐都係好業餘。後來仲連部長都唔見埋。各位想擺酒o既朋友，請好好認真參考。…Read More
