lkh652's Profile

今日去左粉嶺，咁岩就入左去呢間「雄泰」。見到泰式海南雞飯係招牌菜，咁就一於食佢啦！！另外加5蚊一杯青檸梳打。簡單一枝泰國梳打水加青檸。等左15分鐘，一碟熱氣騰騰的泰式海南雞飯擺在我面前，餐具好符合泰式風情，用左隻粉紅色碟裝住，襯托雞肉鮮嫩細膩，搭配著鬆軟的雞油飯（應該有加椰漿），營造出一種誘人的視覺效果。雞肉，柔嫩和多汁。雞肉有淡淡的香味，與特製的泰式醬料完美結合。米飯口感鬆軟，每一粒米飯都飽滿而有嚼勁。雞油的香氣滲透其中，令整碗飯更加香濃。配菜中的青瓜帶來清爽的口感，平衡左整體的味道。個碟泰式醬料簡正係呢道菜嘅靈魂，它融合了辣椒、大蒜、檸檬汁和魚露等多種調味料，帶來一種辛辣、酸甜和微妙的鹹香。配合雞肉同米飯相得益彰。埋單63蚊！…Read More

最近有「蠟筆小新」嘅電影上映，好多食店都同蠟筆小新有聯動活動，見到呢間「炙宴」有活動同埋有禮品換購，梗係去睇吓啦😘不理不理豚腩丼：🐷🐷🐷不理不理豚腩丼將豚肉燉煮至入口即化。當我第一口品嚐這道豚腩丼時，濃郁的肉香立刻充斥了我嘅味蕾。豚肉的質地極為軟嫩，每一口都帶來滿滿的肉汁和鮮味。搭配上軟熟的白飯和微甜的醬汁，特別將個蛋黃撈勻食，每一啖都是絕妙享受，一啲都唔腥。🌟火炙沖繩香豚辣味麵豉豬骨拉麵：🐽🐽🐽我朋友品嚐了呢碗麵豉豬骨拉麵，叫左加大份量分畀我食。🤪這是一道以豬骨湯熬製而成的經典日本拉麵。微辣湯汁散發出濃郁的豬骨香氣，拉麵的麵條本身係幼面，但彈牙有嚼勁，與濃郁的湯汁相得益彰。湯汁本身帶有豬骨的鮮味和辣味麵豉的淡淡鹹香，豐富了整體口感，增添了獨特的風味層次。最後加左10蚊換咗蠟筆小新磁石貼❤️🧒…Read More

我最近去左呢間餐廳lunch，試左招牌菜「豪華海鮮茶漬飯」。呢碗飯用新鮮的海鮮和茶漬飯為基礎製作而成。在這道菜中，使用了數種不同的海鮮，包括三文魚、吞拿魚、蝦、三文魚籽、鮮瑤柱，每種海鮮都好新鮮。茶漬飯非常濃郁，帶有淡淡的茶香味，但不會掩蓋海鮮的味道。我最鐘意係三文魚。味道鮮美，肉質柔軟，咬一啖就能感受到其豐富的油脂和美味的口感，和其他海鮮非常協調。成道菜好有視覺效果，配料擺放得非常整齊美觀，隨便影張都好靚。…Read More

第一次同同事收工去呢間「一品雞煲火鍋」食麻辣雞煲。可能係夜晚，所以無咩人。我地一行七人，叫左兩個「麻辣秘製雞煲」$318。上菜速度好快。首先，講下這道菜的辣度。一個微辣，一個小辣。它的辣度非常地道，但不至於令人不堪重負。辣椒的味道與麻油調和得恰到好處，讓人感覺到一種微妙的麻，而不是單純的辣。接下來是雞肉，它是這道菜的主角之一。雞肉大大隻，雞肉肉質鮮嫩，並且充滿了辣椒和麻油的味道。最後，這道菜的湯汁也是非常值得一提，可能係秘製啦。湯汁濃郁鮮美，充滿了雞肉和其他配料的風味，讓人每一口都充滿著滿足感。總括來說，這道麻辣雞煲是一道絕對值得一試。之後仲叫左幾樣火鍋配料，湯底用作打邊爐食。…Read More

今日同朋友去到太子「田記」試下著名崩沙牛腩。🐮🐮🐮🐮🐮🐮可能過左食飯時間，無咩人，一入去就坐低左，枱面乾淨企理。👍我地兩個都係牛腩🐮發燒友，食牛腩梗係淨食啦！淨金牌牛腩$98叫左大大碟崩沙牛腩附送一碗湯，牛腩底係大大舊白蘿蔔，吸晒啲牛腩汁，咬落清甜無渣。主角係崩沙牛腩梗係無得彈啦，肥瘦適中，啖啖肉。個人喜歡加少少辣椒油，份量兩個人都好滿足。鮮蝦雲吞麵$33🦐招牌魚蛋麵$33🐟我同朋友各自叫左碗雲吞麵同魚蛋麵一齊食，雲吞用料充足，里面蝦肉結實，咬落好彈牙。另外我用左粒雲吞換左朋友d魚蛋，估唔到咁好食，彈牙爽口。😛芥蘭$16🌱🌱🌱食咁多肉就叫碟芥蘭清下腸胃🤓，芥蘭碌得剛剛好，好翠綠，岩岩好，無苦味。下次黎太子可以再試下。…Read More

今日觀塘食完晚餐就去康寧道食個糖水。😛鮮雜果刨冰$37我就唔太喜歡食綿花冰，因為無咩咬口，刨冰就簡單黎講就係碎冰，食落有d咬口，咬落沙沙聲。呢度可以落d果汁係面，我就要求咩汁都加食去。上枱個陣見到無生果仲以為落錯單，原來全部都係晒底，用d冰蓋住左。😅味道ok，但d冰就融得太快，所以d冰水會浸住d生果。建議生果可以放面，美觀且好食d。😘紅豆粒爆珠芋圓仙草$36呢個可以係話集合糖份同澱粉質嘅混合物，食得糖水就唔好嫌肥！鍾意d爆珠，芒果味😛😛😛…Read More

今日下午係旺角鼓油街間花園餐廳食嘢，超激氣！平時我都有去其他花園餐廳食西冷排都唔算差。今次真係要寫下佢差評！😡冇諗過佢可以煮得咁難食，塊牛排落得太多鬆肉粉唔講，口感超級冧，仲有好大陣好霉嘅味，一路食一路嘔番出嚟，最後半塊真係難食到食唔到，只可以掉咗佢。仲有隻黑椒汁太甜，食到糖尿都有，唯一可以食嘅薯菜味精味都超重！🫠難食！我杯凍檸茶叫左走甜少冰，一上枱已經少左三分之一，見佢咁難食，都費事叫佢加番。😑行入門口仲要俾個收銀阿姐😒西口西面，唔該我係嚟食嘢，唔係嚟受氣架。咁嘅食物質素、服務態度，真心希望你可以做得住。最後一句，旺角鼓油街花園餐廳，冇下次了，88！PS 番到屋企仲要攬肚痛…Read More

今日麥當勞見到呢個廣告牌🪧，今日有新出巨無霸，聲稱「全新升級 更juicy 更好味新世代Big Mac」。話時話都好耐冇去過麥當勞食巨無霸，一於就入去麥當勞試吓呢個新世代巨無霸New Gen Big Mac試食價巨無霸套餐$33（原價$40）配中薯條凍檸茶+$3.5朱古力新地生日會員優惠唔使錢😘睇番上網介紹新世代巨無霸係換左全新配方嘅麵包，麵包睇落係堅挺咗，唔似以前咁扁劈劈塔晒咁，咬落去都唔會散。夾著兩塊用上洋蔥粒調味及 100%純牛肉的漢堡牛肉，唔知點解好似覺得係漢堡牛肉好似薄咗少少咁。可能太耐冇食過，唔知大家覺得點？😅聲稱增加 50%巨無霸醬，我又唔係好覺增加左，不過醬汁都份量適中。加上爽脆切絲生菜、入口即溶嘅香濃車打芝士同埋無敵開胃酸瓜😛，增添香濃肉味，就成就更加juicy更加惹味嘅巨無霸。我個口夠大可以一啖咬落去見到層次分明。唔係賣廣告，巨無霸由細食到大都係一樣咁好食。麥當勞有心改配方對一班麥當勞嘅巨無霸粉絲都係一大福音。但對我嚟講可能又係麥當勞加價嘅先兆。🥹希望唔會越嚟越貴啦…Read More

今日同個朋友去到「鮨千壽」食下午茶，雖然好味，但份量細份左小小，所以叫咗三個set。三文魚親子魚生飯$158❤️三文魚同魚子係最配搭嘅，兩樣野食落口完全可以激發三文魚油嘅香、甜同埋咸甘味，魚生好新鮮，唔係普通急凍魚味。😁PS唔夠生薑可以問侍應攞。🙂鰻魚飯$122呢間係我食過最好食嘅鰻魚飯，鰻魚係即燒嘅，食落口要小心，因為新鮮滾熱辣嘅鰻魚肉汁鎖晒係甘金味脆嘅表皮里面。紫菜切得好碎🤌，可以撈飯一齊食。特上壽司御膳$228因為唔係好飽，所以再叫第3 set lunch，壽司全部都新鮮好食。每個餐都有前菜沙律同麵豉湯跟餐。呢間雖然有少少貴，份量少（可能我地兩個人大食😏），但係價錢同味道係成正比例，服務都好，環境舒服。下午茶有85折！😘…Read More

今日自己行街，行過呢間旺角「鉄火堂」見到門口咁多人排隊就入去試下，由於得我一個就好快入左去。🌝1.自選魚生丼（三文魚、劍魚腩、泰國生蝦、吞拿魚）$64 附贈麵豉湯份量比我想像中細碗，但係魚生都好新鮮❤️，無雪味，飯都粒粒分明，好味就好味，最尾都係食唔飽。🥲2. 火炙吞拿魚沙律（和風黑松露汁）$75因為個魚生飯真係太少，唔夠飽，😛叫多個沙律菜，賣相ok,份量都OK，吞拿魚同沙律都新鮮，但係個黑松露汁我就食唔出有黑松露味，仲以為係普通黑醋汁。😅…Read More

同幾位同事收工到油塘「醉瓊樓」飯店食飯，呢間飯店我細細個已經都喺度營業，一直屹立不倒。因為無論人情味定食物質素都有一定質素。今日同三五知己叫左六人套餐。合共5個小菜。👍1.金牌鹽焗雞（一隻）醉瓊樓招牌！一定要食，味道甘香，入口嫩滑，配埋d沙薑汁，送飯一流！🤤2.沙嗲牛肉粉絲煲其實我一直都唔係好明點解要放菠蘿入去，個人覺得唔係好夾，加上今日d沙嗲汁有d失色，不過見牛肉都足料，畀個合格你。🙃3.豉汁蒸大鱔兩個字，好食。🙂三個字，唔夠食。👏豉汁配大鱔唔會輸囉，想食多幾碟。4.京都焗肉排糖醋豬排，汁夠甜，菠蘿水密桃夠酸，豬排啱晒一班食肉獸。❤️5.味菜炒豬肚略為有少少油，一般般，最好食係d味菜😛豬肚都爽口。醉瓊樓可以係油塘屹立不倒咁多年，人情味就係其中因素，油塘有咩食？我點都會諗起「醉瓊樓」。飲酒食飯嘅一個好選擇。…Read More

朋友推介到左呢間「薔紅」食飯，呢間小菜館有其他小菜食，但係無論邊一台都係有一份「脆皮燒春雞」，即刻叫左一份，其他小菜就下次再試下。脆皮燒春雞雖然得半隻，但係唔係細碟，加埋薯仔沙律🥗，一定夠你飽。附送一對手套，你可以用刀叉慢慢切，或者自己用手撕快快撕，都可以。我就鐘意用手撕，啖啖肉，隻雞雖然係炸，但係一D都唔乾身，仲好juicy ，表皮金黃香脆又唔油。點少少淮鹽就剛剛好另外值得一講係餐廳姐姐服務，隨叫隨到，風趣幽默，見我地等得耐又送碗湯畀我地。…Read More

最近唔知點解天氣熱辣辣🥵都想食d辣嘢，見到呢間「一川」就入去試下叫個外賣番去屋企食。一共叫左一份手工涼皮（蓮藕同金錢肚）小辣$42，另加多份麻辣口水雞$30，兩份嘢味道都唔差，夠麻夠辣，辣到標汗，蓮藕微辣好爽口，金錢肚都彈牙，水晶粉就略微太淋。😜最後我想講附送d黃金豆真係好鬼硬，差d咬到牙都崩🥲。菜甫都好味，如果可以，建議下次可以走黃金豆。😅…Read More

今日同5個中同gathering ，臨時臨急就搵左呢間越南菜試下。1.蟹肉配法式豬肉抹醬前菜叫個法包食下，見我地多人就畀多幾塊法包多士我地，蟹肉都食到唔會唔見左，搽落多士度，索晒d汁，係一度唔錯嘅開胃前菜。😜2. 軟殼蟹炒粉絲我都鐘意食軟殼蟹嘅，不過軟殼蟹同炒粉絲係分開嘅，炒完粉絲擺個軟殼蟹喺上面，唔係炒埋一碟，無咩特別，就特別貴。😒3.會安三黃雞飯都係一樣，雞還雞，飯還飯，菜還菜，無特別。4. 越南海鮮煎薄餅呢度菜係用隔離個紫蘇葉包住薄餅同海鮮一齊食嘅，但係d葉有d細，唔係好包到d餡料，我用手揸住，d汁就漏到成手都係。☹️但係味道都唔錯。😌5.香燒原條石斑呢條石斑太細條唔夠食😔佢原意係用d菜葉包住d魚嚟食，食法都幾有創意，但係條魚好多骨，唔鍾意吐骨嘅朋友就唔太推介，咬一啖吐一下都幾麻煩。6. 越式鑊仔牛柳粒呢個牛柳就最好食，但係份量都太細，牛柳唔澀，脂肪比例剛剛好，最好食係有「幾粒」牛骨髓，入口即溶，超正！😍其實唔講價錢，呢間餐廳係唔錯嘅，味道環境服務都唔錯，不過我地都係gathering 吹水多，食下嘢都得嘅。P.S. 呢間餐廳個水壺設計好難倒水🤪要用智慧同技巧🧐…Read More

收工肚仔餓，又唔知食咩好？就黎左呢間「泰識野」。泰式燒烤廚師發辦咩都唔使諗，一共10串，有肉又有菜。食宵夜唔食咁辣就點左 沙嗲汁，我又無嘢唔食得就叫左100蚊10串攞番屋企慢慢食。1. 燒波蘿 好甜好多汁😘好開胃，燒得啱啱好。2.燒牛油粟米🌽牛油加粟唔會輸！3. 燒翠玉瓜面頭放左d芝士，配埋翠玉瓜度，十分有驚喜！😜4.泰式牛肉串燒沙嗲汁配牛肉，無得輸。😘牛肉唔會澀口，無筋。5.燒雞皮？係味雞皮，我都唔知🤔😅咬落彈牙，好似花膠。好食就得！6.泰式雞肉串燒燒得好好味，沙嗲汁好濃。7.燒雞腎雞腎係燒烤界係味神一般嘅存在，呢一串可以話你知，畀晒10串我都唔夠食。8.燒娃娃菜燒得好好味呀，點解可以燒到一D都唔燶，又可以保留到d菜咁多汁。9.燒雞軟骨🙂爽口10&11 兩串泰式豬肉串燒！？由於食到尾，我都無數到自己食左幾多串，老闆可能見我靚仔🤪所以畀多串我，肯定係！一定唔會係畀錯！🙂100蚊10串串燒出面食宵夜都未必食到，下次試下辣汁先！…Read More