Hipster Life's Profile

位於旺角的八幡屋涮涮鍋，地點便利，交通四通八達，無論是朋友聚會還是家庭聚餐都極為方便。這次拜訪選擇了D4餐，發現這裡不僅是火鍋愛好者的天堂，更是自助餐的驚喜之選。首先，D4餐的性價比極高，全天半價的優惠令人心動，而C3餐更有買一送一的驚喜，適合不同需求的饕客。當日我選擇了D4餐，開場的雞煲令人印象深刻。雞煲任食，可選辣或不辣，我選了辣味，結果完全沒失望！雞煲的醬汁香氣濃郁，辣度適中，帶點微麻的刺激，配上軟嫩的雞肉，每一口都令人滿足。雞煲的份量十足，單是這道菜已值回票價。除了雞煲，D4餐還包括刺身和海鮮任食。刺身質素出乎意料地好，鮮甜度媲美日式自助餐，厚切的魚片入口即化，完全不輸壽司店。海鮮方面，鮑魚、大蝦和帶子都新鮮肥美，尤其是大蝦，肉質彈牙，令人停不了口。雖然八幡屋主打火鍋，但海鮮的表現毫不遜色，令人驚喜。火鍋的選擇更是亮點，牛肉部位任選，包括日本黑毛和牛A4、澳洲M5和牛等，肉質嫩滑，油花分佈均勻，涮幾秒即可入口，保留了牛肉的鮮甜。火鍋配料區同樣令人滿意，食材新鮮，陳列整齊乾淨，從蔬菜到菇類、丸類應有盡有。醬料區更貼心，所有醬料都有蓋子，衛生程度讓人放心，無論是麻辣醬還是日式醬油，都能滿足不同口味。更意想不到的是，餐廳還提供QR code點餐服務，除火鍋外，還可無限點選天婦羅、串燒和炸物等。天婦羅同埋串燒熱騰騰上桌，令人一口接一口。串燒的香味濃，火候掌握得宜，令人回味。餐牌選擇豐富到讓人眼花繚亂，恨不得多幾個胃來品嚐所有美食。當然，飲品和雪糕也是放題的一部分，雪糕口味多樣，清爽解膩，為這場盛宴畫上完美句號。整體而言，八幡屋涮涮鍋以超值的價格，提供高質的食材和多樣化的選擇，無論是火鍋、海鮮還是小食都令人滿足。旺角這片美食熱土，八幡屋絕對是不可錯過的一站！…Read More

近期，韓國餐廳喺香港成為一個熱潮，大家都去發掘好多唔同嘅韓國餐廳。我就去咗一間已經係韓國開到嚟香港好幾年嘅韓國餐廳Outdark , 餐廳由韓國人主理，係正宗嘅韓國味道。餐廳環境舒適，浪漫而且非常之有氣氛，無論係情侶或者一大班朋友嚟食飯都係非常之合適。餐牌有唔同嘅菜式以供選擇，全部都非常之吸引，淨係睇相已經流晒口水。嚟呢度，我首推嘅就係韓式炸雞，呢度嘅炸雞可以揀兩種味道，當日就揀咗蒜香蜜糖味同埋辛辣炸雞。蒜香蜜糖味嘅調味非常之適中，蒜香同蜜糖嘅味道混和的非常好，令人忍不住一口接一口。以新娘味道非常之適合喜歡食辣嘅朋友，辣味勁到十足，非常過癮。而且份量非常之大，配以薯條同埋薯格，真係要搵多兩三個朋友嚟一齊食。另外，我當日都嗌咗個炭烤豬肉飯卷，炭烤豬肉嘅味道非常之突出，食到淡淡的炭烤嘅香味，非常特別。係其他餐廳少見嘅飯卷味道。另外一度推薦嘅菜式，就係蔬菜海鮮煎餅。呢個煎餅蔬菜嘅份量非常之多，而且唔會有太多澱粉，每一啖食到淡淡嘅蔬菜嘅香味同埋海鮮，其他餐廳嘅韓式煎餅澱粉偏多，所以非常之欣賞呢度嘅韓式煎餅，如果有機會會試埋其他款式。飲品方面，就有唔同嘅款式可以選擇，當日就揀咗藍莓沙冰，非常解渴。另外呢度都有唔同嘅啤酒同埋燒酒，如果一大班朋友黎就要飲番杯啦。🏠 Outdark 📍 尖沙咀厚福街8號H8 17樓…Read More

喺香港，一年四季都想打邊爐。之前喺旺角食咗呢間舖頭對面嘅燒肉，經過嘅時候已經好想試吓呢間邊爐，所以今日就黎試一試。呢間燒肉係台灣品牌，睇介紹知道佢在台灣一年銷售900萬鍋的火鍋，海外首店在香港。見到裝修環境非常企理闊落。坐得非常舒適。餐牌有唔同嘅肉類選擇，套餐非常抵食。附湯底連主食，再加上任食款蔬食自助吧，仲附送一杯非常大嘅飲料同一客甜點，最平只係$165起。比起一般店嘅火鍋放題，算係價錢非常相宜。時間就限時100分鐘，都非常足夠。我朋友選緊食物嘅時候，我已經忍唔住行咗出去醬料區同蔬菜D座吧嗰度睇一睇，醬料嘅種類非常之多，除咗一般醬油之外亦都有金橘醋呢啲比較特別嘅醬料。令人更加驚喜嘅係，呢度嘅蔬菜種類真係非常之多，而且非常之新鮮同埋翠綠，而且款款擺放得非常整齊，仲有一啲特別嘅種類例如係苦瓜同埋白苦瓜，真係淨係食呢啲新鮮嘅蔬菜同埋蔬果都已經可以食到非常之飽。當日肉類就揀咗手切溫體牛同埋小肥牛，兩碟都係份量選在大份200 g，原本以為會係只得細細碟肉，但係上枱嘅時候都見到其實肉類嘅份量都非常足夠。湯底方面就揀咗餐廳推介嘅石頭鍋，同埋香菇奶白鍋，呢兩個鍋底喺普通火鍋店係唔常見嘅，所以都試吓呢啲特別嘅鍋底。食過之後都覺得鍋底非常特別，而且同肉類同蔬菜都非常之夾，建議大家都可以試吓。其實食肉類同埋蔬菜已經食到非常之飽，但係套餐都附送甜品。當日就揀咗雪糕同埋黑糖奶酪，原本以為火鍋店嘅甜品賣相都只係會普通，但係上枱嘅時候見到佢都有放少少有心思嘅裝飾，食落去令人哋透心涼，食完火鍋黎番個甜品真係最完美嘅結束。…Read More

喺香港未有時間去旅行住，梗係要食返其他地方嘅嘢食止下癮。呢間燒肉餐廳喺台灣極具人氣。餐廳近年就喺旺角開咗燒肉、鍋物等系列，今日就黎試下燒肉。餐廳環境新淨，空間感十足。枱與枱之間唔會太逼夾。餐廳平日午市，正餐都係100多啲左右，價錢非常合理同埋相宜。當日就揀咗Smile盛盒套餐同埋海鮮盛盒套餐，加$25任食生菜及韓式小菜自助吧，非常豐富。Smile盛盒包括左大大隻嘅蝦，最驚喜嘅係有北寄貝，燒北寄貝都係第一次，同埋有唔同嘅肉嘅部位。一次過滿足晒想食唔同肉類嘅慾望。海鮮同肉嘅份量十分適中，配上唔同嘅醬料，非常滋味。海鮮盛盒除咗有唔同海鮮，包括魚，蝦，同埋北寄貝之外，亦都有肉類，所以份量都十分夠，大大食嘅我都非常之飽。飲品方面，餐廳都有唔同嘅選擇。當日就揀咗冬瓜檸檬，清甜解渴，配搭燒肉非常一流。最後加埋個甜品，點咗個烤布蕾，表面燒得焦糖香脆，完結滿足嘅一餐。…Read More

大埔墟不嬲多嘢食，最近又去咗一間開店冇耐嘅雲南米線舖頭，舖頭座位舒適唔會太逼夾。餐牌非常簡單，主打米線，可以選擇唔同嘅餸，唔夠食嘅話仲有唔同嘅小食選擇。雲南小鍋米線包括左唔同嘅配菜，豬牛雞樣樣齊，份量非常之大碗，價錢實惠。湯底可選清湯同埋揀唔同嘅辣度，茄湯就加兩蚊，當日選咗清湯微辣都已經夠味。比較驚喜嘅係呢碗米線除咗有一貫嘅豬肉牛肉之外，仲有火腿，火腿醃得鹹香入味，有啲驚喜。朋友嘅一碗米線就揀咗腩肉同埋中辣嘅湯底，中辣嘅湯底勁到十足，而且附送唔同嘅配料，女仔食一至兩餸已經夠晒飽。食米線可以享有飲品半價優惠，大家記得支持多啲本地小店啦。…Read More

嚟到大埔，見到有間新開嘅泰式小店，炎炎夏日最啱食泰國菜式。先來一個串燒做小食，揀咗雞同埋羊各三串，食物準備嘅時間較耐。幸好，串燒上菜嘅時候係熱辣辣，保持到肉汁。配上醬汁都非常惹味。主菜點咗一個泰式脆皮豬手，其實脆皮豬手同出邊其他國家嘅脆豬手冇乜太大分別，只係個醬汁比較酸甜開胃。配上一啲醃咗嘅酸瓜，唔算太多泰國特色。但脆皮豬手嘅皮就非常香脆，價錢都尚算合理。餐廳嘅餐牌唔算太過複雜，但都有不同嘅飯同埋麵類選擇。當一點左個菠蘿炒飯，相對其他菜式就比較失色。味道唔算突出，但份量算多。餐廳全新營運，試業期間人手略為不足，等候時間較長。但小店都值得支持，大家有時間嘅話都可以過嚟一試。…Read More

喺裕民坊一個新商場，有一間餐廳十分推介情侶前往。餐廳嘅裝修極具心思，以大量嘅花做主題，非常浪漫。每張餐枱上面有一盞用玻璃做嘅水晶燈，營造浪漫氣氛。今日去到見到餐廳都做緊唔同嘅優惠，以西餐來講，價錢非常合理。小食點左黑松露薯條，薯條上灑滿芝士，熱辣辣上枱，薯條當然十分脆。配合埋松露醬，令人非常滿足。煙三文魚意粉，煙三文魚嘅鹹味同醬汁配合得非常適中，意粉嘅軟硬程度係令人十分喜歡的，每一條意粉都有醬汁包裹住，推介大家嚟呢度一試。另外一個主菜點左法式油封鴨髀配蘋果。令人驚喜嘅係呢度嘅鴨髀份量非常之大件，比起出邊嘅餐廳大起碼一倍。鴨髀嘅外皮煎得香脆，味道非常濃郁。配合埋酸酸嘅蘋果，剛剛好中和鴨髀嘅油膩。優美嘅環境配上美食，非常情侶過嚟慶祝特別嘅紀念日。或者閨蜜結伴前來一同打卡，亦都非常合適。…Read More

喺大圍投注站附近有一間外型非常之醒神嘅餐廳，餐廳主打風味，酸菜魚及烤魚等等美食。入到去餐廳，原來餐廳有兩層，而且內部嘅裝修同店外一樣醒神，裝修新淨，非常適合一大班朋友一齊過嚟食。今次係午市過嚟，價錢非常合理，唔使上深圳已經食到地道風味嘅小菜。今日去咗唔同嘅食物同朋友一齊share。酸菜魚米線份量適中，酸菜魚非常之脆身，而且湯底嘅酸菜味十分濃郁。除咗酸菜魚之外亦都有大量嘅配菜例如芽菜， 雲耳等等。另外一到主菜就點咗毛血旺烤盤，大中小辣可以自由選擇，點咗小辣非常，適合唔食得太辣嘅朋友。呢度主食係跟飯嘅，辣汁同埋飯簡直係絕配。小食方面，就點咗串燒鰻魚串同埋轟炸田雞。串燒鰻魚串非常脆身，而且灑上滿滿嘅調味粉同埋孜然粉， 十分有風味。轟炸田雞就令人十分驚喜，喺其他餐廳比較少見嘅菜式，味道其實同小酥肉非常相似，但係就係換上田雞，大家可以過嚟試一試。而呢間餐廳，最驚喜同埋最推介嘅可以話係呢一碟胖胖糍粑。糍粑嘅軟硬非常適中，而且紅糖做到流心嘅效果，當日已經係放咗一陣間先至食呢道菜。原本以為糍粑會凍咗，影響口感同埋流心嘅程度，點知食落去之後糍粑嘅質素仍然保持到，紅糖流心嘅程度依然非常誇張。午市套餐仲要跟嘢飲，有幾款嘢飲係唔需要再加錢嘅，例如冬瓜茶同埋鴨屎香奶茶。飲品嘅質素同出邊手搖飲品嘅質素相同，出邊賣$30-$40一杯，呢度跟餐免費真係非常之抵。…Read More

喺寧靜嘅山林道，有一間有情調嘅日式西餐廳，餐廳裝修有一份寧靜古典美，非常適合情侶拍拖去。睇得出餐廳嘅裝修放咗唔少心思，如果你細心嘅話喺餐廳唔同角落會搵到貓貓，仲有一啲細緻位都照顧周到，令人會心微笑。餐廳主打唔同嘅日式食物，有刺身，串燒，生蠔，日式意粉等等。喺炎熱嘅夏天，一入到去店員細心俾咗兩杯冰水解渴。炎炎夏日點咗個角切魚生沙律，沙律嘅份量多，魚生更多，配上開胃嘅酸汁，係一個好開胃嘅前菜。另外小食就點咗冰鎮將燒魷魚，喺上菜嘅時候即刻食咗一條啱啱燒好嘅魷魚，魷魚由於非常軟熟，醬汁適中。等咗一陣間魷魚受到下面嘅冰冷凍，質地變得煙韌，醬汁更為濃郁。可以話係一個菜式，兩種食法。另外點咗日式德島串燒雞腎，雞腎非常大粒，配合埋檸檬汁，雞腎嘅味道更為突出同埋濃郁。主食方面，點咗一個蟹膏意粉。令人二想不到嘅係意粉嘅煙靭程度10分適中，而且醬汁掛滿意粉，食起上嚟令人回味無窮。完美嘅一餐當然要個甜品作結，甜品就點柚子雪芭，雪芭質地軟滑，食落去仲有粒粒柚子，有一份透入心嘅清甜。…Read More

嚟到大圍新商場，食飯時間間間舖頭都排隊，想唔使排隊又有好嘢食？梗係要去返附近嘅餐廳發掘一下啦。呢間茶餐廳喺大圍火車站行過去大約兩至3分鐘，餐廳嘅人流非常之多，但係因為每個人都嚟到食完就走，所以都唔需要等位。餐廳最出名嘅就係鹽焗雞飯，可以選擇雞胸，雞髀，或者雞翼等等部位，碟頭飯一碟大大碟，嫩滑嘅雞肉加埋鹽焗雞醬，配合得非常之好。因為碟頭飯非常大碟嘅關係，所以餐廳都有唔少大隻哥哥過嚟食㗎。另一個餐廳招牌菜，就係椒鹽豬扒飯，椒鹽非常香口，豬排大大件，飯底可以選擇炒底，炒底飯粒粒炒到金黃，非常特別。留意番，餐廳夜晚7:30就會閂門，所以想食嘅話就要早少少過嚟或者午市過嚟食啦。…Read More

呢間位於旺角鬧市嘅小型菜館，除咗有中式聚餐小菜外，亦都有雞煲火鍋放題可以選擇。餐廳裝修環境新淨， 餐具潔淨， 10分醒神。當日嚟到就揀咗雞煲火鍋放題，價錢10分優惠，汽水任飲。雞煲有唔同嘅口味可以選擇，當日就揀咗奇味雞煲，雞件啖啖肉，配合埋雞煲嘅醬汁，唔會太過油膩，而雞件都10分入味。雞件唔夠食可以任加，當日見到一鍋其實已經有好多雞件，所以就唔需要再加了。食完雞煲就可以加上高湯，轉做火鍋打邊爐。邊爐配料選擇10分多，每人有兩隻大嘅海蝦。而且牛肉，豬肉，羊肉都可以任叫，其他火鍋配料亦都10分齊全。個人最喜歡嘅就係蒙古羊肉，羊肉非常新鮮，有羊味之餘又唔會臊味。飲品方面，除咗一般飲品之外，最驚喜嘅係呢度有罐裝生可樂，仲要係無糖嘅添，真係飲多幾罐。最後仲附送每人一杯Häagen-Dazs雪糕，食完濃味嘅雞煲同埋火鍋即刻用雪糕清一清個口，真係一流。…Read More

呢間餐廳雖然叫滿屋定食，未嚟過嘅朋友一定以為係日式餐廳，其實呢度除咗有日式丼飯之外，亦都有唔同嘅泰式船麵小食俾你選擇。呢度嘅餐牌食物種類非常之豐富，如果選擇定食嘅話更加有唔同嘅配搭選擇。有選擇困難症嘅朋友一定係呢度非常之煩惱。串燒牛肉大大串有兩串，即叫即燒，醬汁非常入味， $30都唔使真係非常抵食。個燒牛肉串咁好食，忍唔住點多個豬頸肉串燒拼盤，同埋雞全翼，有齊晒豬，雞同埋牛串，啱晒同朋友一齊share。主食方面當日就點咗一個海南雞飯配豬肉肉碎船麵，海南雞非常嫩滑，配上蒜蓉醬汁，非常之好味。船麵嘅湯非常地道， 仲有可以加配唔同嘅小食，唔想食煎炸嘢都可以選擇灼菜，非常好嘅配搭。另一個主食朋友就點咗蝦湯海鮮金邊粉，蝦湯鹹香，海鮮份量種類非常之多。配上唔同嘅泰式小食，呢度就真係好似一間泰式餐廳一樣咁豐富。小食點多個炸鮮奶，炸鮮奶甜甜地，當做甜品真係一流。龍眼冰有唔少龍眼肉，味道非常之清甜，但唔會過甜。朋友點咗杯斑斕椰漿特飲，上到枱見到啲顏色真係非常之靚，椰漿嘅味道非常豐富。夏天嚟到點返杯特飲真係非常之解渴。…Read More

喺銅鑼灣一大班人食咩好？我大家可以試吓呢間韓國餐廳，喺商場嘅高層位置，大家放工嚟到都10分方便。未入到去已經感受到餐廳嘅氣氛同埋人氣，餐廳嘅背景音樂播住大熱嘅韓國男團女團歌曲，氣氛感十足。而且餐廳人氣非常之高，晚市嚟到差唔多已經滿座。餐廳嘅食物種類非常之多，而且走年輕路線，有炸雞，薄餅等等美食。適合一大班人過嚟share。為咗健康，梗係要食返啲沙律。沙律非常之大份，而且撈上麻醬，十分之開胃。嚟到呢間餐廳點可以唔點炸雞呢？呢度嘅炸雞口味非常之多，因為有朋友唔想咁熱氣，所以我哋揀咗焗雞件。焗雞件配上惹味嘅醬汁，令人忍唔住一件接一件。而且雞件有得揀有骨同埋冇骨。當日就揀咗有骨，雞件仲係保持到非常嫩滑，肉汁流晒出嚟。真係好味到連骨都吮埋。另外一個菜式比較特別嘅係千層酥薄餅，薄餅上面嘅餡料非常之多，而且鋪上一層厚厚嘅芝士，芝士處於流質嘅狀態，所以都有拉絲嘅效果。而且餅底因為以千層酥製成，令人冇咁飽可以食多幾件。飲品方面，有唔同嘅米酒，唔同牌子嘅清酒同埋Cocktail可以選擇。當日就揀咗米酒，店員好貼心，提供嘅碗係已經雪凍過，喺餐廳來講屬於少見嘅貼心。大家記住黎同朋友暢飲一番。…Read More

新界粉嶺除咗舊式餐廳同埋小店好好食之外，一樣有一啲新嘅有型有格餐廳，環境食物極具心思同埋特色。呢間位於聯和墟一幢活化建築物嘅餐廳，環境嘅結構保留舊有建築物嘅結構，換上新嘅枱凳同埋油漆，成為一間極具特色嘅環境，適合同家人同埋朋友或者情侶嚟休閒一下。而食物方面，當日點左一個all day breakfast, 蔬菜食材方面非常新鮮，部份來自蔬菜統營處。每一啖咬落去道係非常新鮮嘅蔬果味道，令人感覺非常健康。而和牛漢堡材料十足，厚厚嘅和牛漢堡配上流心太陽蛋，令人想一啖咬落去。每一啖食落去都充滿和牛漢堡嘅肉汁，真係流晒出嚟。而且店家非常細心，除咗包面搽牛油之外，包底嘅麵包亦都有搽上牛油，令到成個漢堡咬落去都非常之香口。甜品亦都相當有心思，香蕉焦糖朱古力窩夫配日本雪糕，香蕉配上焦糖真係甜到入心，芒果雪糕配上窩夫，味道相當平衡。呢度仲有菠蘿同埋椰子雪芭非常有特色，雪芭用菠蘿殼或者椰子殼裝住，非常可愛。當日就叫咗個椰子雪芭，雪芭裏面有一絲絲嘅椰絲，椰子味非常香濃，而且個雪花嘅份量可以話係非常之多，兩個人可以share。飲品方面，呢度嘅選擇都非常之多。適逢父親節前後，呢度嘅cappuccino 有印花印上貼心字句。大家都可以嚟試一試。如果唔想飲咖啡嘅話，大家亦都可以選擇唔同口味嘅梳打或者花茶，適合假日或者下午嚟到chill 一 chill. …Read More

放假最好就係約埋一班朋友去打邊爐，有咩好過喺旺角咁方便嘅地點，仲要係任食冇限時打邊爐放題，仲要有唔同牛嘅部位食呢？呢間火鍋店地理位置好，枱同枱之間距離相當合適，無論係三五知己定係一大班朋友嚟食都唔會太過擠迫。有唔同嘅價位嘅set可以選擇，湯底亦都有唔少特色湯底。大家可以按着自己嘅喜好揀。當日就揀咗卜卜蜆清酒湯，湯已經加入咗清酒，另外店員會比一小壺清酒，當覺得唔夠味嘅時候可以自行加入湯底吊味，相當貼心。同其他火鍋放題店一樣，大家可以自行調配唔同嘅醬料，呢度嘅醬料選擇非常之多，而且擺放得相當整齊乾淨。前菜一樣有得揀，但嚟得食火鍋放題，前菜就少食啦。豬牛雞肉就係透過QR code任點嘅，喺自助區一樣有好多蔬菜同埋丸類任拎。呢間火鍋店，最特色嘅係有唔同牛肉嘅部位可以選擇。大家可以點每樣點少少試一試，睇吓喜歡食邊個部位。牛肉質素非常之高，就係睇花紋都已經知道質素唔錯。全部切到薄薄嘅一片，一放落火鍋已經熟晒。即刻食得。食完之後透個QR code再點，店員上菜上肉類嘅速度可以話非常之高，唔使驚要等好耐先有得食。飲品方面，除咗一般嘅茶飲之外，亦都有一啲韓國罐裝飲品同埋啤酒可以拎。當日見到喺自助區亦有一啲茶包同埋可以裝熱水，如果有啲朋友唔喜歡凍飲嘅話，一樣有養生花茶可以揀。當日去到全部店員嘅服務態度都非常之好，非常有禮貌。而且相當貼心，食完火鍋之後，都細心問我哋需唔需要甜品，當日嘅甜品係蛋捲。食完火鍋，有一件小小嘅甜品清一清個口真係非常之圓滿。…Read More