HappyTaster's Profile

下午茶想喳喳林填飽個肚，又想食啲開胃嘢，見到越南嘢就想檬粉！呢碗手撕雞扎肉椰汁酸湯檬粉份量啱啱好，湯底有椰汁好好飲，暖笠笠，最後飲晒成碗，手撕雞就普普通通，正常發揮。店主好熱心地附送越南三寶嘅配菜俾我哋自己加料。另外再加咗$5配個紅豆冰都好足料，抵食！朋友嗌嘅海南雞飯都話好滑溜，份量都OK。店主話做緊優惠加$10會有兩件牛油雞翼，不過海南雞飯已經有雞，所以冇再加！下次再來的話會試吓其他菜式，推介！…Read More

同朋友聚會想搵個坐得耐又環境舒服嘅地方，經開圓方就random入咗呢度，環境好有情調！我哋坐包廂位，一人嗌一杯野飲，啲嘢飲賣相都好吸引🤩好啱打卡！嗌咗兩杯藥菓肉桂楓糖咖啡、咖啡三部曲、櫻花鮮奶咖啡配，每杯嘢飲附帶一件韓式傳統花煎餅，煙韌得來又唔會好膩，配埋杯嘢飲就fit晒啦！肉桂楓糖咖啡非常暖胃，而且價錢相宜，每人先幾十蚊。個人認為呢度好適合閨蜜傾密偈/ dating ！大推！💫我哋坐左成個下晝，Chill 爆～…Read More

同朋友行開附近突然落大雨，好狼狽，風頭火勢即刻想揾間cafe飲下野避一避，最後黎左呢間。地方唔算大，不過幾文青feel, 我地都只係但求有個地方，可以坐低飲下野就夠，一坐低就拿拿淋叫左杯野飲，揀左杯黑糖薑可可豆奶，可能岩岩風吹雨打完，覺得特別好飲，飲完成身暖笠笠，都幾足料。見佢餐單都幾多野食，不過果陣時間有d尷尬，大家都唔肚餓，所以正係飲左杯野，慢慢閒聊左一輪，夠皮先走人。呢到飲野9hea 的話都ok, 至於食物要留番下次再來試啦~…Read More

夜晚掃街，行左葵廣一陣，諗緊食手抓餅定熱狗好，最終朋友帶我來試呢間。佢住附近成日來食，今次佢照揀了士林熱狗，知道我係芝士控，本來推介我試第一個熱門的火炙芝士辣肉醬熱狗，但因為我唔食肉，最後揀了芝味熱狗，再+$15轉了素腸，出到來果然無令我失望，芝士多到好滿足，一路食一路拉絲，另外個素腸都很好味，食完熱狗已經好飽了，真係大力推介！朋友話成日見menu有d 款長期sold out, 都無試過，我見都幾吸引，已經mark 實田園風果款熱狗，唔知下次再來有沒機會試btw見到間鋪出面貼有街坊幫手埋單的計劃，都幾社區友善呢…Read More