君7074's Profile

係爆肺炎之前食過...希望快D爆完可以再食啦黎E間食飯一定要叫酸菜魚 點解?因為D魚炸得好甘香脆滑, 浸落D湯度先可以吸晒D味同埋條魚D骨大大條又唔多, 差唔多係啖啖肉, 食得輕鬆但如果唔食得辣既人可以早D夾走D辣椒, 因為會越浸越辣架除左酸菜魚餐廳仲有勁多款串燒任君選擇, 加埋啤酒一流我叫左牛肉串, 牛仔骨同雞翼三樣串燒都燒得岩岩好, 外層有D焦香, 內層又唔會乾晒肉汁加埋D辣粉真係好野味最後仲有燒矮瓜, 同樣係有辣粉, 但有D蔥花中和返而且唔係好油, 推薦…Read More

e幾日打風天氣勁熱 食秦國菜就最岩 聽講奧海城有間cp值高既秦菜 就試下佢雖然鋪頭細細 但裝修一d都唔馬虎 張櫈又舒服 同朋友坐一晚都ok首先黎既係泰式炒椰菜苗 落左炸蒜同辣椒炒非常之香口 雖然有辣椒但唔係好辣果隻 配落椰菜苗既甘甜好開胃之後就有菠蘿海鮮炒飯 d飯裝到成個山咁好睇得 海鮮份量足料可以講一定好過茶記d雜錦海鮮炒飯 炒飯夠乾身分明 但菠蘿飯最重要就係d菠蘿 菠蘿唔係罐頭糖水果d 係新鮮菠蘿 好味到食兩碟都ok😂明爐烏頭好大條 兩個人差d食唔晒 香料好多鋪滿晒成條魚 d辣汁係分開上既 DIY辣度e個我最中意最後甜品叫左椰汁西米糕 甜度同size都適中 一份四粒兩個人食岩岩好埋單三百幾蚊下次再黎試其他菜…Read More

想同女朋友去食好啲,睇到啲comment 都唔錯，就決定去試下。 前菜要左兩杯白酒同脆包。白酒入口香滑，杯身好靚。脆包好夠脆，點橄欖油醋，送酒岩晒。小食鵪鶉脾，燒得好香，我最中意佢冇肥膏，送酒好香。鴨肝好香好脆，下面仲有塊菠蘿，側邊啲汁都好夾呢個洋葱湯就同平時嘅好唔同，洋葱足料就固然, 但最特別係佢有一塊芝士，芝士入口即融, 同個湯溶埋一齊真係好夾，頭果幾啖都覺得正呀，好濃味，不過如果同人一齊share會再好啲, 唔係飲到尾都會覺得有少少咸。跟住主菜係個燒春雞意大利飯，份量係勁大碟，兩個人分享都會覺得有點兒多，但入面啲磨菇係勁夾個雞同個意大利飯。 雞係用雞脾，仲有四隻添，仲有慮筍添。…Read More

放工到銅鑼灣聚腳，朋友帶路去左南華果邊食。附近雖然冇乜人行但就惟獨e間小店有人排隊，不過只係需要排一陣姐都係，睇定叫咩食都差唔多。餐廳出名食炸豬扒，所以我都叫左個唔執輸，再加d小食咁兩個人食。餐廳裝修玩文青懷舊老台灣，牆上面d海報編製年份仲老過我😂上菜等左唔係好耐，十分鐘都冇就有得食啦豬扒炸皮同薯片一樣咁脆，肉身鬆軟冇油益味，怪唔知得咁出名。不過唔快d食既話，d皮會林。海蜇新鮮爽口，辣辣地好開胃，做前菜好好。炸雞翼好香口，而且有好有肉汁。係好有台灣夜市風味。炸魷魚鬚都係好夜市feel，如果加埋啤酒就好perfect。兩個人埋單唔洗160，係銅鑼灣黎講係好抵食。…Read More

尖沙咀嘅厚福街出左名多野食 今次食船皇 因為唔算太餓，本身諗住兩個人食一個大碗一個細碗再加啲小食 咁應該夠食 點知原來晚市係冇細碗嫁 ！ 最後要左船皇蛋面，仲可以加一蚊轉和牛添，船皇呢碗就犀利囉，差不多咩都有，仲有雞翼雞絲豬皮。味道個汁係最出名，正！ 同埋一個豬肉丸豬肉豬潤撈金邊粉，我唔認得叫佢走青，佢啲芫茜味好濃，個姐姐都好好人咁提我話下一次可以叫走青。 但撈啲汁幾好味！ 秘醬通菜，呢個醬真係不得了，超好味！ 勁夾通菜，咁多樣我最喜歡呢樣。 牛舌串沙嗲醬，冇乜沙嗲味，但整體黎講係燒得好好味 魷魚泰式燒烤醬，有三大條，好滿足丫，咬落好有口感，唔會好乾。魚餅串泰式辣汁，都有少少辣嫁，食得辣嘅朋友先好叫。整體串燒質素高！ 泰式龍眼冰，整體偏甜。…Read More

琴晚係尖沙咀，女朋友話想食醒胃菜，除左有重慶大廈咖喱原來仲有e間泰國菜。門口裝修唔錯，有架秦國打卡的士（篤篤？）落到去原來都幾闊落同幾有情調，播住秦文歌，難怪坐滿爆晒人啦餐廳食物款式好多，好彩侍應都好好人推介左幾款秦國傳統美食首先有東陰公湯（細），兩個人飲份量岩岩好，d料靚蝦肉唔係霉既仲又有蝦膏又大隻，但個人認為辣左dd跟住黎個生蝦做頭盤，女朋友一啖食左隻蝦淨點酸甜汁唔食埋粒辣蕉同蒜頭。我眼都大埋，你當食緊刺身咩？識食一定一齊食埋，唔食得辣都淨食蒜。試完就知全完係兩個級別黎椰菜苗係堅係苗黎，夠晒細粒夠嫩。最正係識得用牛油去炒，椰菜同牛油既配搭係十分香甜街邊豬肉串配糯米飯，d豬肉好香軟似蜜汁叉燒，最得意係個糯米飯用個籃仔裝住，夠晒傳統既樣最後係酥炸香茅魚，賣相好靚（呃like用），食都好有誠意。原本係鰂魚，不過冇晒換左鱸魚。d肉起晒出黎啖啖肉，又即叫即炸。個人完全對得住價錢有找。配辣醬同青芒果沙律，食完辣可以解返。…Read More

朋友介紹話大角咀開左間鐵板牛扒好好食要帶我去試下😍不過收工去到有d遲要排左陣隊，埋到收銀好簡單咁落餐，首先要揀肉眼，牛柳定西冷。識食一定食西冷，因為有d筋位先香，所以最貴係有原因😏最好叫300g，原因之後講。其次就牛柳，軟林林似面珠登。第二步就揀油，我揀左洋蔥油可以令塊扒更軟。最後跟餐就揀ABC。落完單就拎住個bibi入去坐住等，塊扒煎好就會震同嚮，可以欣賞下個紅磚裝修先。出面有個banner講解何謂medium rare，姐係三成熟。枱面有黑椒同岩鹽，都同牛係好夾既。成個餐係岩岩好放滿個盤，都真係幾日式😂不過食鐵板牛板最緊要係快，如果你唔想咁生。因為一切開佢真係得三成架姐，所以把刀顯得好重要😝利申我係廢手都好輕鬆切開晒煎返到7成。不過呢我叫左400g個鐵板其實就唔多夠位用。飛左勁多粟米出鐵板😅切完之後鐵板都開始變暖。e個時候先開始好開始食個沙律。沙律菜爽口，醬汁夠，唔會最尾幾塊乾哽。白飯質量ok唔會太多太少。牛扒兩面煎得夠香，配埋洋蔥同炸蒜，外香內軟。食完就得送返個盤去歸還處唔好掛住走人丫🙈…Read More

朝早原本想去食永年點不知又未開，見對面街有間新鋪食煎餃都唔錯就入去試試啦門面個樣一般般但入面裝修幾有格調，好似d台灣文青CAFE咁MENU有好多野食，淨係餃子都有好多款，仲有麵呀小食咁。我叫左兩款煎餃子同碟油菜。原本未有芝士粟米餃，伙記哥哥見我好想食咁話即整，超好服務😍😍😍e間係我第一間食煎餃會有湯既。都幾正幾好飲，朝早就有老火湯飲而且冇湯渣。流心芝士粟米餃粟米係超甜粟，芝士味一般冇特別咸或者濃。成個味道好清新，而且流心芝士令到d豬肉有充分既肉汁。餃子皮薄傾向日式煎餃，但比日式厚身咬落比較有口感，可以唔洗點醋。野生松茸鮮肉餃相比芝士粟米之下松露味冇咁出色，松露香味一般唔算濃味，肉質偏乾身。我自己就中意配湯食多過配醋食。話說我落完ORDER先發現有三重芝士，下次再試。…Read More

行完會展想個TEA食醒下神咁岩見到有間burger joys就入去叫左份水牛城雞翼間店大部分店員都係講英文既 無口音易聽雞翼新鮮炸出黎好香口 辣醬原全包雲晒每一啖都有味食完飲番罐冰凍汽水解辣成個人即爽晒不過d枱櫈又細又逼 唔係幾好坐 快快手食完就走人…Read More

佐敦除左食OMAKASE抵玩之外仲有d抵食既壽司餐廳 而且e間平日都好多時比人FULL BOOK雖然同OMAKASE比冇咁高級但食材既水準次次食都好新鮮，所以我每次都會點個壽司盛上壽司盛就有十件，當中有海膽，只可惜當日海膽冇晒 每件壽司都好精緻唔係一夾就散開既元氣貨色可以比 壽司飯亦都好甘香店鋪每日都會有新鮮空運海鮮推介北海煙肉燒蠔係當日推介之一 蠔肉大大粒好有口感 配埋濃郁既芝士泡菜黑豚肉鍋d豬肉肥而不膩配埋泡菜夠惹味 鍋底有大量既木薯粉同菜唔驚食唔飽…Read More

平日放工經過e間冰室真係次次都勁長龍想入去試下都係得個想字 好彩果日收早見少人終於可以入去啦一入冰室就比堆MARVEL吸引住野食有超級多種類 由傳統茶記到西餐，日式，fusion都有 而且係尖沙咀黎講真係好平粟米忌廉係跟餐送既 都有幾多既粟米同埋味道濃郁 份量都唔少😻😻😻炸大蝦黑椒牛扒鐵板餐配薯菜牛扒有醃過有d咸不過好鬆軟 就算十成熟都唔係好un果d 炸蝦炸得好脆 個底有一大堆薯菜LONG住 落埋個黑椒汁炸炸聲 夠晒過癮🤯咸牛肉芝士玉子燒配炸帶子撈丁唔係厚燒玉子 雖然有失落 但其實食落都唔錯 因為薄左反而會香口而且配芝士冇咁濟胃 撈丁份量超多😱土匪雞翼同癱仔三哥有d唔同 面層雖然係冇黑芝麻但雞翼外層炸得好甘香 d肉又好入味又唔會乾晒 😈😈😈 野菌焗芝士西蘭花好出色 菜又新鮮又甜 芝士味同份量又夠足😍😍😍😍😍…Read More

平時唔會去食d華乜華物冰室,因為真係好搵笨得個貴字懶高級懶懷舊琴晚朋友帶路話試下e間,我見價錢正常就當一般茶記入去食啦打開個MENU見到佢推薦緊蕃茄通粉,瑞士雞,吉列豬扒咁就叫左個蕃茄通粉配瑞士雞脾再加d小食瑞士雞脾大大隻又鬆軟夠入味,我自己鍾意食甜野所以好鍾意而個蕃茄通粉呢係好濃味好熱辣辣既,差d就淥親條利,上面仲有個牛奶炒蛋,整得又好睇又夠滑炸海鮮芝士豆腐個樣好似秦國d魚餅,食落就係魚腐再加芝士德國雜腸一開以為有五條腸,但其實係有五款腸先岩,亦都因為咁我就試得三款,因為個朋友以為有兩款腸有兩條最後就係焗芝士西蘭花,西蘭花唔講喇,但個芝士粟米白汁真係好好味,濃味得黎唔過咸,如果可以餸飯既話就正啦…Read More

夜晚放工心血來潮想食pizza就搵下附近有有冇餐廳 見e間係地鐵站附近唔錯就試下啦雖然間餐廳叫pizza但佢就唔只pizza吸引到我喎 又有黑毛豬又有漢堡包都好正咁最後揀左雙拼pizza同西班牙黑毛豬扒pizza要左火腿同蟹肉大蝦 pizza 係預先切好晒好方便 建議用手直接拎起食 餐廳有洗手間👍🏻 因為真係有d難用刀叉食既 我就中意火腿既咸香多d 蟹肉比較清新 食多都唔會膩黑毛豬扒呢就大大塊又夠厚 咬落鬆軟好有口感 但配菜令我更加驚喜 原來以為係薯菜 但唔係囉😂😂😂 係好甜既炸蕃薯條 我覺得勁好食甜品叫左香蕉拖同花生香蕉奶昔黎個香蕉主題 個奶昔雖然個樣係平凡但係夠晒足料 好香又夠晒cream 香蕉拖係真係有一舊舊既香蕉同拖肥餅底 面層似係一大舊既蛋白霜 唔會好甜亦唔會好膩…Read More

e間拉麵店係街市附近 放工時間會勁多人車逼街市 門口有部自助販賣機 不過好似已經壞壞地唔知間鋪知唔知 tounch mon要篤n下先有反應 大熱天時玩e d幾經辛苦買左個魚介拉面終於可以入去涼冷氣 侍應好快就送上一杯冰水 nice👍🏻拉面唔洗十分鐘就有 造型豐滿 有大堆木魚呀大塊紫菜呀 我就中意佢大大塊既叉燒同糖心蛋 其他就一般般 唔會話咸到好誇張 都係一堆魚介粉咁 湯底無咩突出 拉面還可以走果陣侍應會有留意到我漏左野未拎 抵讚…Read More

鹽燒牛舌串有牛味又燒得夠晒香配埋份量適中既鹽 最正係爽口彈牙之餘又唔會趙唔爛 分分鐘好食過係日本食既燒牛舌😂😂炙燒平目魚邊黑松露牛油果野菜沙律大大碟野菜夠晒份量同足料 比目魚裙邊燒過d油出晒黎勁油勁香 每塊上邊仲有大大舊既松露醬 好有心機囉😍 牛油果夠晒成熟軟林林 野菜加埋佢個甜醋好開胃香煎廣島蠔套餐蠔有六粒 有碗茶碗蒸 有味增湯 有杯野飲同碗飯d蠔一d都唔腥 廣島蠔味清淡 size就偏細粒似蠔士 有落粉煎封鎖d水份令隻蠔外脆內嫩 得六粒唔多夠喉🙈 好彩有d炒芽菜唔洗淨食白飯😋活海膽e個真係不得了唔係講笑 雖然佢話活但就唔識沃架啦 不過呢d肉係真係好新鮮又大大塊肉 唔知大家有冇去過日本d水產市場 個味道係一樣咁鮮甜 7十幾蚊有e個質素係超值…Read More