bitebite.88's Profile

冇諗過$168可以食到個3 course set，真心抵！ 開放式廚房但一滴油煙味都冇，個抽風系統應該好勁👏 - 牛肉他他 Beef Tartare（牛奶蒜蓉蛋黃醬+烤芹菜頭+醃紅蔥頭+脆薯絲 ）哇！呢道真係驚艷到拍枱😍 牛肉他他口感居然似吞拿魚！脆薯絲同芹菜頭夾埋一齊食，又脆又清新，個配搭無敵✨ -Tagliatelle 寬扁麵 （燉小牛腿肉醬+帕瑪森芝士泡沫 ）寬扁麵掛滿濃郁嘅慢煮牛腱肉醬🍝 牛肉入味到不得了，仲要炆到超軟淋！On top 有巴馬臣芝士泡沫，輕盈得嚟又帶鹹香，唔會好heavy ，成個組合好高級～ - 🍫是日甜品 Dolce Oggi 朱古力蛋糕三層奏！ 面層係微苦朱古力慕斯，中間夾住棉花糖，底層係脆脆朱古力底 一啖舀落去，三種口感一次過爆發！甜度平衡得啱啱好，完全唔膩💯 希望下次去可以食多次-義大利Fusion小店 地方唔大但好有歐洲feel，開放式廚房仲可以睇住師傅整菜 溫馨提示：一定要預早book枱，同埋唔好叫檸檬茶🤣…Read More

搵到個咁用心嘅餐廳真係唔簡單🥰半肥瘦叉燒燶邊世一！-偶然見到新蒲崗有間新餐廳，晏晝都幾多人排隊。仲要講到自己專做叉燒，就諗住試吓佢。點知有驚喜！仲要好食到短時間encore😼如果唔知食乜嘢嘅話，直接食雙拼。試業期間難免有甩漏，第一次堂食嘅時候都等咗一段時間，但係第二次外賣就超級快。無論你有咩問題想問，員工可以答到你，態度非常好！（第一次食嗰時唔知嗌啲乜嘢，有個女侍應好耐心解答佢哋嘅叉燒有咩特別）試業期間仲有蛋送😙😙😙雙面煎蛋真係正到流，我自己就中意燶邊肥腩叉☺️👍🏻希望佢哋長做長有保持質素🙏🏻…Read More

Lunch time黎食 好多垃圾本身覺得應該好好食啲野食未上枱 個侍應就係到用手指戳我一望原來係比筷子 其實張枱上面都有筷子唔使戳我都OKAY我明 多人係好難有好服務 但你唔理我其實就已經OKAY 咁對客服務已經係扣到零分_到focus on 「美食」方面了諗住有本事賣到咁貴 一定唔差啦點知一上到枱比啲咁既叉燒同鵝我大家可以望下張圖又瘦又柴，真係好差唔會再幫襯就一定想幫中環番工既大家/遊客避伏就係真講真唔明佢點解咁多人食…Read More

點樣講好呢，真係好難食，俾我揀多次就唔會浪費自己quota 1️⃣雙重朱古力雞蛋仔外型靚就係靚，都好大份。但係真係太難食。朱古力又苦又混咗其他味，好明顯店員完全冇諗過食客嘅感受😅好想叫佢自己食番-如果唔係629賣晒，冇貨都唔過嚟買。大家真係可以慳返錢唔使買🙏🏻2️⃣原味格仔餅淋個麵團，好似食緊鬆餅咁。冇諗過格仔餅係呢個口感，真係太震驚了🤣味道上係好食少少嘅，但係都係超級不推 幫大家試咗伏就唔使自己試啦🙏🏻…Read More

In Tsim Sha Tsui, you can enjoy dim sum for under $20 without any additional service charge, making it an excellent choice for tourists.Fresh Bamboo Beef Balls / 2 pieces ($18)No shortcuts here—these beef balls are huge! It's been a long time since I've seen beef balls of this size, with a rich filling and excellent texture. And the best part? Just $18!平日夜晚食好多外國人，可以長期保持滿座，人流不斷真係不愧係點心人氣店。尖沙咀都食到唔洗$20蚊既點心，好抵! 裝橫好有格調，茶壺係用濾壓壺，好新奇。鮮竹牛肉球/2件 ($18)冇偷工減料，牛肉球超大粒! 好耐冇見過甘大粒既牛肉球餡料豐富口感層次豐富。重點先$18!原隻鮮蝦腸粉 ($38)味道同平常差唔多，CP值非常高鮮蝦腐皮卷/2件 ($18)腐皮炸得超級香脆，蝦肉好澎湃，兩者好夾。…Read More

今日平日夜晚黑嚟到，估唔到都要排隊。排咗隊一陣之後就入咗去～1️⃣慢煮手撕豬腩窩夫三文治（$116）好有創意！出面多數最多都係手撕豬肉漢堡包，第一次食咁好食嘅手撕豬配窩夫，算係創意料理～窩夫唔算好甜，蛋味都唔係超級重，但係超級脆。正正因為咁樣配多汁又JUICY又香甜，表層亦有半溶芝士，令到豬腩帶有芝士燒焦味，就更加突出到豬肉嗰隻香味。蕃茄片厚薄都好適中，不過都要少少力切，如果生菜可以多啲嘅話就好啦～2️⃣蒜香意粉（+$48）我覺得份量好足，唔算濃烈。都推薦加！…Read More

DAY22 STEAK地址: 荃灣聯仁街28號康睦庭園2座地下3號舖-上次食完之後覺得幾好食，今次帶埋朋友一齊嚟食，店員一如既往貼心又細心🩷-1️⃣ 巨人雞脾肉扒 （$128）+ 酥皮湯&沙律（$58）大個手掌嘅雞髀肉，可能驚我哋自己燒得唔好，純粹嗰時已經係熟咗嘅狀態。雞肉食落去有驚喜，真係超嫩滑，零雪味但又夠味。大推！見跟餐幾平就順便叫埋酥皮同雜菜沙律，好耐冇食過酥皮湯，所以叫咗一份試吓。都幾香。2️⃣ 美國prime肉眼扒 8安士（蒜蓉味牛油）上枱係生肉黎，鍾意熟啲鍾意生啲都可以自己調節～食落去冇A5嗰塊咁肥但都有脂肪，我覺得肉味啱啱好，肉質柔軟、多汁。口感好豐富。我自己就鍾意落埋蒜蓉味牛油，感覺上會再香啲☺️如果係配菜方面，我最推薦都係沙律。一黎意粉既蕃茄醬係偏甜嘅味道，配搭埋牛嘅話成餐就太濃味。二來就係齋食塊牛都夠飽。👻…Read More

招牌痴膠雞雞件有6-8件(1/4)，雞件overall 都大件好嫩滑，而花膠又夠淋。米線的份量適中。花膠都有4-5片左右，滑身花膠唔係好厚但亦唔會溶哂又唔會太硬花膠雞湯都好重雞味，算係鮮甜。煲住嘅米線會吸收哂湯汁，食到尾岩岩好。 椰子雞米線 $60 湯底奶白色，椰子味都出，可惜同花膠雞湯既雞湯冇得比。雞肉都係厚肉，食落嫩滑多汁，但冇甘中意椰子雞米線金磚豆腐($32)金磚豆腐同係酒樓食既差唔多，裹裡係柔軟滑嫩既豆腐仔，外層炸到金黃香酥。On top有少少黑椒，個人覺得偏淡但好食。冇諗過夏天打邊爐，一整鍋連爐上熱辣辣，Overall 都okay…Read More

1️⃣Spanish Suckling Pig - 9/10Quite expensive but worth~The meat of the suckling pig is very tender and smooth. The fragrant gravy is perfectly mixed with the sauce and flows into your mouth. It is delicious and juicy! Suckling pig has no excess fat and fat at all, and the tender meat is super good.I to ink the environment is quite good for chatting and chill 🧘‍♀️ 2️⃣fruit punch 10/10Signature drinks at this restaurant, which is recommended by the boss ! Surprised that it includes the frozen original litchi and mixed berries !…Read More

壽喜燒套餐 ($368)- 日本A5黑毛和牛- 野菜拼盤- 附送生食雞蛋黑毛和牛好香好正，有6大片左右。一食落口，牛肉既柔嫩、豐富的脂肪分佈都令到我心花怒放~好食!店員會幫手用牛油開爐，再煎香洋蔥大蔥，落燒汁。店員仲幫我地燒第一塊，超好心。之後自己落牛都好順利。野菜拼盤有娃娃菜、金針菇、 冬菇 、粉絲、豆腐，可以食完壽喜燒再落清湯。日本磯煮鮑魚-2本 ($98)必叫必叫! 磯煮超好食好彈牙 用濃醬料-日式醬油同和昆布慢火炆煮，所以鮑魚會帶有淡淡的甜味。當前菜特別黎講特別開胃。稻庭烏冬($28)怕唔飽可以好似我咁加!!…Read More

SET西蘭花湯第一次食用西蘭花定嘅湯 好fresh Seared Scallops 香煎帶子 香煎帶子大大粒好香，味道都算唔錯， 帶子配埋啲忌廉大蔥幾夾， 加上啲帶子又唔韌口。係唔錯既。Mango Melba Crêpe 芒果係有紅莓醬既可鼠餅上面配椰子雪糕。配搭10分新奇，唔知係叫錯左定點，本身以為有火係上面><。Secreto Ibérico +$35 伊比利亞黑毛豬肩肉 西蘭花苗有驚喜，豬頸肉聽得多，第一次聽黑毛豬豬肩肉，我覺得有啲似臘肉，燒好香好脆。而且份量十足，就算唔點磨菇醬汁就咁食都超級好食。…Read More

Scallop Pumpkin soup 南瓜扇貝湯 ($158) 6/10帶子不會過熟，表面帶有焦糖色，好好食。湯底幼滑，南瓜味濃郁，但性價比唔算太高。餐廳有提供餐包，餐包偏硬，配南瓜湯食用較好。USDA Rib Eye 16oz with Grilled broccolini & Porcini beef jus ($578)USDA 肋眼牛排 16 盎司配烤西蘭花牛肝菌牛肉汁 - 8/10牛扒網紋嘅賣相好靚。牛肉味好出，份量毫不吝嗇。肉嫩多汁、五成切出黎粉粉紅紅冇血水。焦香好重，個人還好，如果調味再重手少少就perfect。牛肝菌牛肉原汁唔算好特別。發現The Grill Room的配菜好岩我胃口~西蘭花好正 ! 上次黎食係配薯蓉都已經好正，今次西蘭花仲正。西蘭花連莖都分成3-4條，脆得黎又帶淡淡清香。呢度Still Water / Sparkling water 要加$10/ppl，侍應問個時亦可以叫 Tap Water。-…Read More

J.Moon Lounge地址: 旺角西洋菜南街1A-1K號百寶利商業中心4樓10-11號舖Overall : 6.5/10餐廳主要以fusion菜做招徠，好爆場，walkin 好難食到。枱同枱之間比較窄，但成個氣氛都唔錯。一入門見到好多小月球，都幾唯美。成個環境好岩吹水，唔怕吵到人~-JMoon ($128)Signature 雞尾酒 帶有淡淡檸檬味 侍應會幫助打一個小氣泡 打卡必備 Sagitta ($78)有青檸、西柚&芒果汁，不含酒精。非常容易入口Pan-Fried foie gras and Prawns Toasts 煎鵝肝蝦吐司 ($108)有2件鵝肝吐司 & 2件蝦吐司。鵝肝吐司，肉質細嫩滑潤，散發出濃郁的奶油香氣中間仲有芒果醬做番個balance，唔錯! 蝦吐司就普通。Blue mussels Tom Yum style 冬陰功青口 ($138)好出色! 好中意~冬陰功w/青口既味道出奇地夾，濃味得黎又唔算好辣。份量足秤又正。搭配酸種麵包之下鮮味相互平衡，真係好推!Sea Urchin Sauce Rigatoni with Prawns and Salmon Roe 海膽通心粉 ($158)海膽特有的海洋風味好重，而通心粉本身的Q彈韌性,能夠與海膽的軟滑質地形成良好的反差，所以就算甘咸都balance 到。但加埋三文魚籽就少少咸。可以叫其他麵~…Read More

蒜蓉牛油雞翼 ＄58E份蒜蓉牛油雞翼又大隻炸得又香脆，仲要極多炸蒜一試枱就聞到好香。個人黎講幾中意點醬，食落仲正同埋好香口。越式芋圓椰汁凍 ＄68好多料既椰汁凍，有士多啤梨、芒果、芋圓、紅豆、西米同埋炒炒粟米脆脆。椰汁凍估椰子既70%，一啖食落去都有滿滿嘅椰香味。當甜品食係一流。黑糖椰青燒豚肉串＄98價錢偏高但都好特別，有黑糖椰青做汁，好清甜，而豬肉好多汁又有炭香，唔錯 Make your own smoothie 咁岩做緊promotion 有第二杯半價！曲奇個杯最正，份量太太太多，飲唔曬海防蟹肉湯檬好大舊蟹肉蛋，麵既質地非常正，都好大碗🥰…Read More

有冇試過啲生煎包係凍冰冰 冇咩汁而招牌既蟹黃生煎包仲係腥既？E間真係食到生煎包既地板我唔算係食生煎包既專家，但我都知生煎包係咩味，e間鋪頭係大圍同荃灣都有分店，以為係好少少但都好唔掂…Read More