小金覓食記's Profile

踏入餐廳，邂逅 “世味人生” 菜單。展開一場舌尖上嘅驚喜之旅。 首先登場甜椒醬蟶子皇，冰鎮嘅蟶子皇彈潤脆爽，甜椒醬添咗鮮甜微辣，層次頓生，簡直就是開胃絕配。緊接登場前菜三弄；百香梅茄將義大利番茄與百香果、柑橘汁相融，酸甜在舌尖綻放，恰似夏日驟雨後嘅清新；三絲海蜇爽脆帶勁，彌漫著海嘅鮮咸；20年古越龍山花雕浸鮮蝦最為精妙，花雕嘅醇厚慢慢滲入彈牙蝦肉，輕輕一咬，酒香與鮮味在口腔爆發，仿如舊日時光緩緩流瀉 。 杏汁肆菓燉螺頭湯濃稠綿潤，杏香悠悠繚繞，螺頭軟糯入味，每一口都似在輕撫味蕾，熨帖身心。 蟬衣玉帶頗有巧思，香煎大帶子鮮嫩飽滿，脆芋絲裹於其上，咬下去先是輕脆，後是帶子嘅柔軟，口感交織，妙趣橫生。海苔蔥燒銀鱈魚，銀鱈魚經深炸依舊嫩滑，海苔與蔥嘅香氣層層鋪墊，鹹香鮮美，令人回味。荷香子薑欖豉醬蒸雞，雞肉細嫩，子薑提鮮，欖豉醬賦予獨特鹹香，荷葉香若隱若現，增添咗幾分雅緻。 魚香手功寬麵將魚香風味融入寬麵中，鹹甜辣平衡得唔錯，食起嚟十分過癮。收尾嘅香芒雪燕烏豆花，豆花滑嫩，芒果清甜與雪燕嘅輕盈相輔，恰似一縷清風，拂去滿腹油膩 。 “世味人生”，從食材配搭到烹調，處處隱藏著心思，響味蕾間演繹出豐富嘅層次，將中餐嘅精緻與創意色釋數盡現，叫人食完仍舊念念不忘，盼望再次及時行樂。…Read More

體驗可以話別有一番風味；食材新鮮，調味地道，都令人滿意，而且開到深夜12點，啱曬夜收工同食宵夜嘅朋友。肉類鹽燒手羽嘅做法保留咗雞肉嘅原汁原味。外皮烤到微微焦脆，內裡嘅肉質卻鮮嫩多汁；鹽燒牛舌處理得恰到好處，厚度適中，烤制後口感爽脆又不失嚼勁。鹽燒嘅調味方式簡單卻能帶出牛舌本身嘅味道；燒豬大腸處理得好乾淨，冇異味，烤制後外皮香脆，內裡軟糯；雪梨牛肉卷創意十足，雪梨嘅清甜同牛肉嘅鮮嫩相結合，口感清爽解膩。豚肉系列卷物豚肉大葉卷、豚肉本菇卷、豚肉露荀卷，每一種都有獨特嘅風味。豚肉嘅油脂同大葉同清香、本菇嘅鮮美、露荀嘅爽脆完美融合，葷素搭配，口感層次豐富。 海鮮清酒煮蜆，蜆肉新鮮肥美，清酒嘅香氣滲透其中，增添咗一份風味。蒜蓉燒生蠔，生蠔個頭較大，蒜蓉嘅香味同生蠔嘅鮮美相得益彰。燒聖子，蒜香味濃郁，聖子肉質飽滿，味道唔錯。燒多春魚肚子裡滿滿嘅魚籽，咬落去時魚籽響口入面爆開，鮮香四溢；燒墨魚同燒白鱔則肉質緊實，調味適中，充分展現咗日式燒物嘅特色。 其他焦糖鳳梨烤得恰到好處，外皮微焦，內裡香甜多汁。牛油焗金菇加蒜蓉，金針菇吸收咗牛油同蒜蓉嘅味道，味道豐富。整體嚟講，值得推薦喜歡日式串燒嘅朋友嚟試。…Read More

作為日式放題店嘅靈魂，瀛豐嘅極品海鮮拼盤陣容相當吸引。刺身種類豐富，厚切嘅三文魚腩新鮮肥美，入口即化；珍寶赤海蝦蝦身彈牙，肉質鮮甜；象拔蚌刺身不僅肉質爽脆，而且鮮味十足。海膽帶子新鮮，口感綿密，每一口都仿佛係大海嘅精華濃縮。仲有，冰鎮醬油鮑魚、魚子醬、馬刀貝、赤貝、白玉貝、長腳蟹腳等等，真係好好味。壽司款式同樣相當豐富！火炙左口魚邊壽司、一口海膽壽司、一口鰻魚壽司、火炙和牛壽司同鵝肝帶子壽司等等！每一件壽司都細細件令你品嚐到味道之餘亦唔會浪費！熟食同樣出色；芝麻炸雞翼外脆內嫩。泰式燒元貝分量十足；泰式燒生蠔, 蠔肉鮮甜。炸蝦天婦羅，外皮酥脆，蝦肉依然鮮嫩。甜品種類繁多；法式布甸口感細膩、木糠布甸，醇厚風味讓人回味無窮。仲有多款雪糕及雪條選擇，為整個用餐體驗劃上完滿句號。…Read More

在忙碌嘅下晏，走入咗呢家日式鐵板燒餐廳，品嘗一份輕食鐵板午餐，為味蕾帶嚟一場美食之旅。 前菜三小點精緻嘅餐前小食，有芥末八爪魚、汁煮茄子、煙燻雞肉，味道開胃，喚醒食欲。味噌湯湯頭濃郁醇厚，帶著大醬特有嘅發酵香氣，每一啖都溫暖著腸胃。 沙律食材新鮮，生菜脆嫩，番茄酸甜，配搭特製嘅日式柚子醋，清爽解膩。 鐵板燒什菜什菜在廚師巧妙地烹調後，火候恰到好處，蔬菜保留咗自身嘅清甜與脆感，表面微微焦香，香氣四溢。 紐西蘭肉眼扒厚燒無疑係呢場午餐嘅主角。肉眼扒煎到5成熟，一刀切落去，鮮嫩嘅肉汁慢慢滲出，濃郁嘅肉香在口腔中散開，直接用黑椒+鹽+蒜片嚟食，已經非常好味！鐵板蛋炒飯飯粒粒分明，雞蛋嘅香氣與米飯完美融合，味道唔錯。 日本紅豆餡大福軟糯嘅外皮包裹著細膩香甜嘅紅豆餡，不甜不膩。…Read More

天氣凍最啱打邊爐，品嘗咗嗰精選二人套餐，體驗十分滿意。套餐內容豐富包含咗多種食物任君選擇，鍾意食牛嘅我就額外加錢叫多咗一碟牛小排同埋補錢換咗碟牛頸脊。餐廳嘅精選二人套餐無論從菜品嘅口味、種類到服務，都相當出色。如果你想搵有質素嘅餐廳打邊爐，呢度絕對是一個唔錯嘅選擇。蟹籽墨魚薄餅好有新意，蟹籽嘅爆珠感同墨魚嘅鮮味融合埋一齊，口感彈牙又帶著獨特嘅鮮味。胡椒味菜豬肚湯鍋湯底濃郁醇厚，胡椒嘅辛香恰到好處，豬肚處理得乾淨而且有嚼勁，打邊爐前先喝一碗湯，既暖胃又開胃。手打鮮蝦丸拼墨魚丸鮮蝦丸蝦肉緊實，滿滿都是鮮甜味；墨魚丸彈性十足，鮮味濃郁，絕對值得一試。韭菜餃、黑松露豬肉餃餃子皮薄，肉餡豐富。韭菜餃香味濃郁；黑松露豬肉餃則帶著黑松露獨特嘅香氣，越嚼越香。美國安格斯牛小排（小）品質上乘，大理石花紋分佈均勻，牛肉呈現出誘人嘅粉紅色，入口即化，脂香四溢。安格斯頂級牛頸脊（小）牛肉味道濃郁，肉質鮮嫩，在鍋里稍微涮煮幾秒，肉香四溢。時令蔬菜蔬菜十分新鮮，簡單嘅烹調能最大程度地保留咗蔬菜嘅營養同口感。稻庭烏冬質地爽滑，口感彈牙，烏冬吸收咗火鍋湯底嘅味道，變得更好味。…Read More

新年食豪啲！此次品嘗嘅菜品堪稱一絕。餐廳地方唔大，幾有特色，侍應嘅服務態度好，令成個用餐體驗真係好舒適。江西豆腐·金沙白飯魚豆香濃郁醇厚，一入口便能感受到豆腐嘅嫩滑質感; 白飯魚自身鮮嫩，被金黃嘅金沙均勻包裹，每一口既有白飯魚嘅鮮嫩，又有金沙嘅濃郁鹹香。大宅佛跳牆多種珍貴食材如鮑魚、海參、瑤柱、魚翅等彙聚一壇，湯汁濃稠如膠，包含各種食材嘅精華，味道醇厚鮮美。蟹黃銀針燴玉帶蟹黃嘅醇厚鮮美是主導，散發住濃郁嘅鮮香。銀針爽滑，玉帶彈牙，三者搭配，鮮上加鮮。20年古月龍山花雕蛋蒸虎蝦球虎蝦球肉質緊實彈牙。花雕酒嘅香氣在蒸煮過程中充分滲入蝦肉，帶來醇厚嘅酒香，整體味道中帶住淡淡嘅酒香，風味獨特。拔絲咕嚕肉外皮酥脆，內里嘅豬肉鮮嫩。酸甜口味調配得恰到好處。蝦子花膠濃雞湯·拌菜苗·手工拉麵湯底濃郁醇厚，蝦子嘅鮮味與花膠嘅膠質融合。菜苗清爽可口，為濃郁嘅湯底帶嚟一絲嘅清新。手工拉麵，吸收咗湯底嘅味道，吃起嚟十分好味。芋茸燉鮮奶芋茸細膩綿密，鮮奶嘅奶香醇厚，兩者融合得恰到好處，甜度適中，甜而不膩。整體菜式無論選材、烹飪還是調味都無可挑剔，是一場難忘嘅盛宴。…Read More

去咗尖沙咀一間酒吧餐廳食泰菜，估唔到質素都唔錯，酒吧餐廳入面有多種娛樂設施例如唱K、掟鏢等，亦設有室內外座位，休閒感十足！泰式生蝦賣相相當特別，生蝦非常大隻，蝦肉新鮮彈牙，每隻蝦都配上苦瓜、薄荷葉、蒜頭和辣椒，放置在兩種不同口味嘅泰式醬汁中，濃郁嘅泰式酸辣味在口中交織，瞬間將味蕾帶到泰國。泰式串燒雞肉、牛肉同豬肉燒得恰到好處，香氣四溢，泰式香料嘅味道滲透到每一串肉里面，越嚼越香，配搭兩款醬汁; 花生沙嗲醬和泰式酸辣汁，增添泰國風味。粉絲肉蟹煲肉蟹好大隻，蟹肉飽滿鮮甜，粉絲吸收咗蟹嘅鮮味同湯汁味道，又香又滑，非常好味，食落有驚喜。泰式鮮椰肉沙冰濃濃嘅椰香，冰涼清甜，口感絲滑，簡直是解膩神器。整體嚟講，味道正宗而且食材新鮮，令人品嚐到濃濃嘅泰國味！…Read More

一間頗有特色嘅餐廳，品嘗咗一系列令人印象深刻嘅串燒，每一道菜都仿佛係一場舌尖上嘅味蕾之旅。同場有待酒師介紹咗赤武配合返我所點嘅串燒，大大提升咗用餐嘅體驗。赤武Akabu純米酒這款酒口感醇厚，香氣濃郁，入口順滑，餘味悠長，一小杯就能令人感受到清酒嘅魅力。燒味醂魚乾烤制得恰到好處，輕輕一咬，鹹香中帶著一絲淡淡嘅甜味。芝士千本漬搭配頗為新穎。千本漬嘅清爽酸甜與芝士嘅濃郁醇厚相互交融，形成咗一種獨特嘅味覺體驗。雞皮吃起嚟香脆可口，卻絲毫冇油膩感。塩燒手羽鹽燒嘅做法保留咗雞翅嘅原汁原味。雞翅外皮微微焦脆，內裡嘅雞肉鮮嫩多汁，咸度適中，簡單嘅調味凸顯咗食材本身嘅鮮美。炸墨魚滑墨魚滑炸得外酥內嫩，口感Q彈。外面嘅紫菜香脆與鮮嫩嘅墨魚滑形成鮮明嘅對比，令人十分滿足。雞肉京蔥雞肉與京蔥嘅搭配堪稱經典。雞肉鮮嫩多汁，京蔥去除咗雞肉嘅腥味，二者相輔相成，口感豐富。牛舌亂切呢道菜可以話係亮點之一。牛舌厚切，火候掌握得非常精准，入口鮮嫩爽滑，富有嚼勁，絕對是牛舌愛好者不可錯過之選。豚肉生菜卷生菜包裹住豚肉，葷素搭配得非常巧妙，既有肉嘅滿足感，又有蔬菜嘅清爽味。翠玉瓜簡單嘅烹飪方式卻保留咗本身嘅清甜與脆嫩。小青椒青椒嘅清香與微辣相互交織，既不會過於刺激，又能為味蕾帶來一絲嘅刺激感。自家制雞肉棒雞肉嘅鮮嫩與調料嘅香味完美結合，咬落去能感受到肉汁在口中四溢。夢王蛋飯每粒米飯都被蛋液均勻地包裹著，吸收咗蛋液嘅米飯，每一口都充滿咗蛋香與米香。…Read More

朋友聚會。見到餐廳除咗有自助燒肉外，仲有熱食、刺身同日式冷盤，最緊要係食物同嘢飲都係任飲任食。放題嘅食物選擇多；燒肉、刺身、燒物、一品料理、炸物、壽司、天婦羅、炒雜菜、牛油粟米、蠔仔泡飯，應有盡有。首先叫咗一份刺身，雖然可供選擇嘅刺身款式唔算多，但新鮮，而且份量十足。三文魚腩肥美，赤海蝦大隻，口感彈牙，食落去又鮮又甜。另外泰式生蝦都好出色，蝦肉結實，配埋泰式海鮮醬真係正！燒牛肉都唔錯，牛舌薄切食落有口感，黑毛和牛肉，入口香濃。豬肉都係好嘅選擇，燒豬頸肉，肉質爽嫩，入面juicy。Suprise嘅係每款肉都有唔同嘅味道選擇，例如柚子味、燒汁味或其它味等等。最後真係要試下啫啫通菜煲！通菜爽脆，保持到啫啫煲嘅風味。…Read More

天氣開始轉凍，打邊爐真係啱曬。行過呢間火鍋放題餐廳，畀佢嘅裝飾及套餐吸引咗。餐廳主打熊本牛，套餐級數由LV. 1-6，價錢豐儉由人。湯底總共有9款選擇，門口揀咗套餐同湯底後就可以入座。揀咗LV. 2 精選牛肩胛套餐，湯底揀左咗美人骨膠原白雞湯同麻辣鴨血鍋，一人一鍋夠曬滋味。餐廳中央位置係自助區，提供超過30款火鍋配料及多款不同食品，包括有各式配菜例如；丸類、魚腐、粉麵等，仲有唔少熟食如壽司、沙律、響鈴等等。飲品分別放於三個大雪櫃內，檸檬茶、無糖茶、汽水及其它飲料都應有盡有，呢度嘅乳酪雪糕真係不妨一試，北海道低脂乳酪奶味濃郁，好開胃。仲有好多其他款式嘅甜品，例如：新鮮爆谷、泡芙同糯米糍，選擇都唔少。總括而言，呢度絕對係一個令你食得盡興嘅地方。無論係牛肉、海鮮、肉類抑或配料，都總會有你想食嘅食物，鍾意日式火鍋放題不妨一試。…Read More

一早已經訂好枱，提前慶祝另一半生日！ 餐廳景色吸引，望到維港又可以一邊食飯一邊欣賞師傅嘅刀工及廚藝，一流嘅體驗。店員服務態度好又友善，每上一道菜師傅亦會有介紹。是日晚餐令人回味！自家製醬汁煮南非鮑魚醬汁鮮甜但又唔會搶走鮑魚嘅鮮味，配搭吸收哂湯汁精華嘅蘿蔔，味道唔錯！季節刺身3款三款刺身都好高質數；鯛魚嘅鮮甜真係出乎意料咁出眾；鯖花魚入口軟嫩，魚味溫和；吞拿魚油脂豐富，魚味濃郁，每一啖都鮮味十足！金鎗魚腩手卷賣相精緻，以花型脆餅代替紫菜。金鎗魚腩蓉魚脂豐富，口感細滑鮮味。海鮮茶碗蒸蒸蛋好嫩滑，加入新鮮蟹肉同濃郁芡汁令味道更昇華。季節吸物大蜆昆布清湯，味道清甜，充滿鮮味。野生生猛龍蝦龍蝦真係超好食，肉質彈牙，口感紮實。醬汁係用龍蝦嘅蝦膏去調配令龍蝦肉香噴噴又濃郁，完全呈現出龍蝦嘅原汁原味。香煎鵝肝伴自家製醬汁鵝肝外層焦香，充滿油脂香氣，入口即融，放在多士上焦香脆口，完美平衡鵝肝嘅美味。美國頂級牛柳厚燒和薄燒，兩款牛肉都好味道。薄燒配上蔥蒜，更添惹味，而厚燒肉質嫩滑，更有口感，配上乾蒜、海鹽一齊吃，簡單調味已經帶出鮮嫩極致嘅美味！煙肉香蒜炒飯米飯炒到乾身，帶有鑊氣，香口又滋味。炒什菜芽菜爽甜清脆，火喉掌握得啱啱好，配埋自家製蒜頭醬更加惹味。是日精選甜品自家製啫喱，香濃白桃味清甜可口，入口煙韌。宜家餐廳做緊優惠$880/位就可以品嚐到鐵板燒 Omakase，可謂性價比高嘅體驗！…Read More

餐廳環境優雅又華麗，有別於一般泰國餐廳。餐廳地方寬敞舒適，空間感十足，配合綠色植物嘅襯托佈置，營造出綠色之美。配襯柔和嘅燈光同泰國音樂，讓人瞬間彷彿置身於充滿悠閒舒適嘅氛圍當中。每一道食物都充滿心思。紅磚豆腐賣相甚有心思，以紅菜頭汁製作而成炸漿皮，靈感取自曼谷翟道翟市場嘅紅磚屋，豆腐入口外脆內軟滑，酥香可口。金沙麥皮蝦由鹹蛋黃、牛油、麥皮同粟米片製作而成。蝦肉十分新鮮彈牙，每一啖都能品嚐到蝦肉嘅咸香滋味。泰式菠蘿炒飯材料豐富；菠蘿、菜芯、腰果、魷魚、潤腸、蝦仁、提子乾及豬肉鬆等。看似普通嘅炒飯但係加入咗膶腸，令整個炒飯昇華，好創新嘅配搭，味道好有層次感。芒果糯米飯香甜嘅芒果同軟糯嘅糯米飯形成絕配，加上芒果雪糕及粟米片，味道額外多咗一份層次感。Red Bean Ice Fleecy用上自家製椰漿搭配新鮮椰子肉、珍多、椰子雪糕加上幼滑而且香甜嘅紅豆，整杯飲品唔太甜，充滿椰子嘅味道。服務態度好、食物味道唔錯加上環境舒適，值得推薦！…Read More

朋友帶咗我去荃灣一間新開嘅泰國餐廳。餐廳裝修簡約，座位闊落，用QR code直接落單，而且有機械人負責送餐，so amazing。除咗新派泰國菜外，仲有超吸引人嘅甜品，好值得去一試。泰國皇室鳳爪沙律鳳爪去晒骨，皮脆而且辣味又啱啱好，十分開胃。泰國蔗蝦蔗蝦炸到金黃香脆，蝦肉香脆彈牙，配上泰式酸辣醬，食落口感豐富。摩登手工去骨海南雞雞肉嫩滑，雞皮爽口，配搭3種唔同嘅醬料，令雞肉味道有更多變化。曼谷蟹肉蟹黃炒飯整個炒飯滿佈蟹籽蟹肉，蟹肉新鮮，米飯吸收咗蟹黃嘅鮮味，配上蔥同蛋，令口味更加豐富。泰國奶茶雪山刨冰船賣相已經十分吸睛，以泰式奶茶做嘅刨冰，配上珍珠、芋圓、西米等多種配料，食落茶味香濃，刨冰又綿密，將泰式奶茶完美融入甜品當中。多芒生椰楊枝甘露飲品入面有芒果、柚子肉同西米，配上生椰奶，非常香濃細滑，十分消暑。…Read More

餐廳環境闊落，裝修比較玩味，牆上掛咗好多畫，天花板滿佈五顏六色嘅乾花， 好colorful！食物方面order咗一嗰二人 Pizza餐，套餐包括餐湯、蒜蓉包、沙律、薄餅、主菜和飲品。廚師精選濃湯和鮮打法式龍蝦湯兩款湯都非常濃郁。鮮打法式龍蝦湯加入小龍蝦肉和蔬菜，味道鮮美。廚師精選濃湯則係每日更換嘅特色湯，是日為蕃茄濃湯，蕃茄味濃，味道恰到好處。兩款湯，配上鬆脆香口嘅蒜蓉飽，非常滋味。泰式柚子墨魚仔沙律沙律菜配上爽口彈牙嘅墨魚仔、洋蔥、柚子果肉和青瓜絲，口感清爽，令人非常開胃。香草牛油白酒煮青口青口新鮮，肉質飽滿，響白酒與牛油嘅配搭下呈現出海鮮嘅原味道。招牌明太子海鮮薄餅新鮮烤製，用料十足，有煙三文魚、蟹柳、蝦肉、洋蔥、青椒、木魚絲、紫菜，再配上明太子醬汁，口感層次豐富，唔怪得之係招牌之選。秘製龍蝦汁海鮮鐵板燉飯海鮮材料豐富，有大蝦、魷魚、青口、大蜆和香菇等等。海鮮鐵板燉飯每粒米都吸收晒龍蝦湯嘅精華，好濃厚嘅龍蝦味，味道唔錯。蜜糖柚子蜜味道清新唔會太甜，而且有解膩嘅作用。蜂蜜紅棗茶淡淡嘅紅棗味，好滋潤。…Read More

好多日式燈籠，食物圖片及日本畫作令餐廳有濃濃嘅日式氛圍。餐廳採用二維碼落單，如有任何要求（例如: 吃較硬身嘅麵條），記得在落單時選取。一碗好食嘅拉麵最重要當然係湯底，湯底採用精選嘅豬骨同雞骨嚟餚成, 所以每一啖湯都好濃郁。雞叉燒味玉雞白湯拉麵雞叉燒軟嫩，厚切得嚟又肥瘦相間，麵條有咬口，雞白湯味道濃郁，成個配搭相當出色。炙燒豚肉味玉拉麵豚骨湯底，味道比雞白湯更為濃厚。秘製嘅叉燒採用上等豚肉，sides頗為大塊，脂肪和瘦肉均勻，以低溫慢火浸煮，之後再用明火炙燒增添焦香，微微嘅焦香，肉質鮮嫩，脂肪位置仲有入口即溶嘅感覺，吃起嚟過癮又滿足。唐揚炸雞炸雞好大件，外層炸至金黃酥脆，內裡嘅雞肉仍保持多汁嫩滑。沙拉野菜炸餃子一個新穎嘅配搭，炸餃子配上沙拉醬帶出清新嘅口感，餃子餡用咗唔少蔬菜，非常健康。綠茶雪糕濃郁嘅綠茶味，加上牛奶嘅軟滑，口感細膩，作為飯後甜品非常解膩。…Read More