horseylaw's Profile

本身想去食LE-TA-SU，但要等200張飛，所以轉嚟食呢間，諗住都係日本野。A飛1-2人，20張飛都等咗1個鐘15分鐘。唔知店員嗌飛係根據枱定拎飛時間。2人枱食完，店員係再等隔離張枱2人枱走，然後嗌B飛俾4人入座，繁忙時間未人齊都入得。可能係因為其他大枱啲人仲未走，所以佢哋放棄A飛啲人。之後開始有大枱嘅人走，佢哋就不停嗌3人以上嘅飛，我哋2人嘅就等極都無，眼見4人嘅拎飛無耐都早過我哋入座。望住樓上Bakehouse條隊都無晒人心情大受影響。終於等到入座，立刻嗌野食，嗌咗一個壽喜燒，一個燒肉，嗌完等左10分鐘嘢食就到齊。壽喜燒 120g，三塊肉，幾好食，肉質靚同埋大塊，但蔬菜好少。燒肉 120g，六塊肉，燒肉好食過壽喜燒，夠厚，肉質好，但得6塊唔夠喉，又無得加肉。份量唔多，已經盡量慢慢食，因為真係等咗好耐，但15分鐘就食晒，基本上入座後30分鐘就走得(有10分鐘等上菜)，唔理解其他人點樣坐到咁耐。好食係好食，但男士一定唔夠飽，之後一定要再食其他野，仲要等咁耐，和牛快餐咁，呢個價錢一定係要無人等，直入，唔肚餓先會去食。最後，LE-TA-SU 個200張飛，等咗2個鐘45分鐘終於嗌到喇。…Read More

見到有咁多好評，就過嚟紅磡試下，叫咗兩個套餐套餐1飯:月見吞拿魚蓉->都係估到嘅味，但d飯太爛太濕，扣分熱:紅酒汁煮牛肋條->分量都幾多，牛肋肉夠淋，蘿蔔夠甜温:柚子手羽中->單骨雞翼，味道驚喜，但越食個汁就覺得好酸，有啲頂唔順冷:松葉蟹薯仔沙律->幾好食，啲青瓜令到個沙律有口感套餐1整體唔錯輪到套餐2飯:甜蝦醬油蛋飯-> 同上面一樣d飯爛同太濕。見到吞拿魚蓉個飯，咁估計啲甜蝦應該係平時見到嗰啲樣，但嚟到係切到好碎濕濕，同啲飯融為一體，完全食唔到甜蝦熱:日式吉列豬扒->唔好食，乾，硬，一早煮好翻炸，炸皮同啲肉係一半一半，個汁太鹹温:蒜蔥燒牛肩肉(7成熟)->味道唔錯，但塊肉點睇都唔係7成熟。有得揀七成熟或者全熟，我揀咗七成熟，但佢上到嚟同全熟冇分別冷:鮭魚白雪山藥->食到嬲，見係有山藥先嗌，點知唔覺得有，三文魚又少到睇唔到，主角係薯仔，仲要成碗嘢冇味套餐2對比套餐1，套餐1好食好多甜蝦，好刀工總括而言，味道偏鹹，多飲水…Read More

荃新天地相同位置之前係另一間Cafe，自從執咗後好傷心，見到同位置開咗一間新cafe，見到裝修風格都同之前好相似話膽粗粗試吓淡味健康之選: 粟米湯同薯條吞拿魚牛油果沙律k牛面頰肉意大利飯:正常千層麵:唔好睇佢得一個手掌咁大嘅份量，其實都好夠飽。可惜唔夠多醬汁，肉碎偏乾，唔夠juicy Tiramisu:正常Weekday 去都算多人，但樓面得一個職員，睇得出佢好忙，水都無斟俾我哋。但水吧有三個人係度，有個仲打緊機，另一個望住佢打機。人手分配可以做好啲整體來講未必會encore，可能佢出名係咖啡，但我今次無飲到荃灣有其他西餐廳更加值得支持…Read More

壽喜燒味道ok，價錢OK可接受，衛生正常，但鋪頭完全唔夠冷氣，好熱，流晒汗🥵只係好想快啲食完去買野飲睇佢menu主打韓國野食，但多左日式壽喜燒泡菜幾好食恕我見識少，壽喜燒有牛油係關東定關西風？拎走會更好蔬菜籃啲食物唔應該係求其執，我個籃無豆腐，但另一籃就有本身荃灣呢個場啲餐廳已經唔多人幫襯，如果唔做好啲，我怕幾個月後又見唔到未必會encore，食唔到唔係損失，荃灣大把好嘢食網上食評真係要小心睇清楚😀…Read More