jackie123's Profile

旺記除咗雞蛋叉燒or雞蛋蝦仁炒飯之外，其實個奶油豬都係非常值得推介，外脆內烘，奶油比例啱啱好，唔會太多唔會太少，均勻分佈成個麵包面，啖啖入口都食到奶油味。之前午餐加$5就食到，不過好可惜，宜家午市無再供應，為咗個奶油豬以前一星期一最少嚟兩次，無咗奶油豬之後，encore指數直線下跌到兩星期一次。希望旺記午市都推返個奶油豬出嚟，慰藉一吓附近一帶嘅上班族！…Read More

心太軟好一般整體味道一般無乜特別，唔算太甜還可以，不過切開個心太軟流出嘅中間嘅餡好稀，只可以話係汁唔係做到心太軟應該嘅醬狀慢慢流出嚟嘅效果。阿華田味道一般，開心果比較好，好夠開心果味。伴碟嘅乳酪雪糕反而比心太軟好食，沾上燕麥中和咗乳酪嘅酸幾好食好夾。不過，服務態度認真麻麻，落單後過咗15分鐘追單同佢講咗趕時間睇戲，個姐姐仔只係隨口話要8至10分鐘，之後佢自己睇返張單已經過咗15分鐘，隨口就話“就出、就出“，最後等咗25分鐘先上哂兩個心太軟，仲要坐低成20分鐘後先同我哋講要每人要點一樣嘢，加單無問題，但係已經咁趕時間佢自己又整得慢，點解唔落單嘅時候講清楚，問題係喺佢自己身上，但仍堅持迫要客人咁趕時間仲要咁遲先叫你加單，明明未整好仲話“就出、就出“喺度拖延時間，最後三個人用5分鐘食完兩個心太軟同一杯雪糕，食到一肚氣，好差！唔會再去！…Read More

招牌杏汁炖白肺湯勁足料，杏汁濃郁加埋白肺炖出嚟勁鮮甜，連唔鍾意杏仁味嘅朋友都話正！滿分！冰鎮鮑魚鮑魚煮得夠透，唔韌，咬落去好爽口，本身帶有微微酒香好鮮味，加埋個wasabi燒汁，勁惹味！必食！大良炸鮮奶炸皮夠薄又夠脆，鮮奶順滑，食完都唔覺好熱氣，正！名門秘製豬肋骨酸酸甜甜，好有話梅味，面層炸得脆口但仍保留住本身嘅肉汁，唔會炸到乾淨淨，隔乾哂油先上碟，唔會食到一口油，好醒胃菓香雞雖然係炸雞，不過用咗新鮮奇異果炒過，一D都唔熱氣，食落仲好清新。紅酒牛筋腩牛筋炆夠入味又夠淋，得！糯米飯足料好入味，糯米煮得啱啱好，粒粒分明，好有咬口，好好食！金錢蓮藕餅、蝦乾魚肚大芥菜煲、蘑菇竹笙豆腐煲珠玉在前，沒有前幾道菜一試難忘嘅驚艷，但都水準以上之作。另外，值得一讚，招呼我們的叔叔非常細心，適當時間會主動加茶水，每個要求都好快就安排打點好，全程臉露笑容，感受到他的用心招待Encore指數…Read More

做節無得晚市堂食，又唔想食盤菜，本來諗住訂帝苑外賣套餐，不過無得送貨要自取，之前有諗過嚟呢度做節就上佢社交平台睇，見有個四人套餐七餸一湯就試吓。遊園嚐味（4人份量）$668遊園老火湯粉葛、 眉豆煲豬展湯係真嘅老火湯，唔算太濃味，清清地勝在無味精，唔會飲完好口渴。桂花話梅梅酒温室蕃茄呢個前菜唔係周圍有得食，好特別，酸酸甜甜，好好好好味！賣飛佛黑毛豬叉燒肥瘦適中，夠入味，唔會太甜，讚東江鹽焗雞雞夠滑又有雞味黑松露蝦粒蛋白炒飯好濃嘅黑松露味，雖然話蝦粒但都係中蝦切粒，唔係用蝦毛仔，飯炒得啱啱好唔會太乾又會太淋小炒王勁足料，有好多腰果、蝦乾同魷魚，夠鑊氣紅寶雙耳浸菜苗菜苗夠嫩，雖然浸住湯但送到嚟都唔會太淋同夠入味。娘惹香脆軟殼蟹😶外賣炸嘢係差D😑，雖然個外賣盒剪咗個角疏氣，不過送到嚟都係淋咗，不過個娘惹汁好惹味四人餐份量好夠食，外賣當然一定無堂食咁好味，不過以外賣嚟講味道算唔錯，晚市堂食重開好想到餐廳再試。Encore指數…Read More

紫薯湯去過好多西餐廳都係第一次試紫薯湯，好少餐湯咁有誠意，濃淡適中，唔會太杰，又夠紫薯味，不過略嫌個湯只係微暖，如果熱D會再加分。牛角包比較細個同唔熱，少少脆口都ok，如果上枱前再焗一吓加返熱會好食好多。蟹肉pasta好足料，大量蟹肉，味道啱啱好，好好味，出色Angus beef burger牛肉好肥厚，約1.5寸左右厚，個包唔夠脆口，相比pasta就比較失色，無乜特別，味道一般，不過都合格。接骨木玫瑰花茶好夠玫瑰花味，淡淡甜味，好清新環境都算舒適，枱與枱之間都有一定距離唔會好迫，坐得舒服。餐廳外坐位，可以帶🐕‍🦺🐶🐱一齊用餐總結味道好食，有誠意，雖然比較煩忙但waitress態度仍然友善，環境舒適，價錢合理，性價比高。下次去開附近會再來！Encore指數…Read More