藍色的包包's Profile

諗唔到食咩，記得朋友之前俾咗張食滿三百減一百嘅coupon，而且之前食過都唔差，就嚟咗食。估唔到，食物係大伏.....叫咗個日式鐵板牛肉，味道一般，但食嚟食去都覺得似食中菜，真係想叫侍應俾個靚仔(白飯)我....再嚟青醬蜆肉意粉，廚師唔記得落鹽，淡到死.....再叫個煙三文魚PIZZA，味道幾好，係最可取嘅一味菜......仲有咗個田螺薯蓉拼洋蔥圈，洋蔥圈味道正常，但個田螺D肉好枚，好難食，而薯蓉好鞋口....食到呢度，我忍唔住影底一枱咁難食嘅菜.......環境方面坐得舒服，但有幾隻蚊滋不停喺我D餸附近飛嚟飛去....服務方面侍應完全無神無氣(好似唔夠瞓/唔願做咁)，但會自動自覺加水......之前明明幾好食，係咪因為世界盃，所以食物同服務都攪成咁呢？…Read More

呢間餐廳位於尖沙咀the hart，價錢唔算平，我對佢嘅食物同服務都有期望，就係因為有期望，攪到好失望...叫咗兩碟菜，牛肉(自己烤)同埋海鮮餅。牛肉味道同出面嘅其他百幾二百蚊任食韓式燒烤嘅牛肉質素差唔多，但會新鮮少少。海鮮餅，份量夠大，但因為料唔多，中間無煎到金黃色嘅位同食粉醬差唔多。八小碟無邊一味比較好食，比較唔好食嘅有豆卜、有一長方形啫喱狀嘅嘢服務方面，真係經典....落單，侍應全程無笑容無出聲，聽完就走咗出去，全程無眼神接觸。上菜，因為朋友阻住咗少少上菜位，侍應拍打朋友坐椅，然後強行推開朋友坐緊嘅凳，再攝入去。而唔係開口提示讓位。收碟，食咗半個鐘，就有人入嚟問你食完未，拿拿臨收晒你D碟，想坐多陣都唔得。斟茶，唔會自動自覺加茶，要開口叫先加。埋單，唔會同你講多謝，都係無笑容兼黑面。我俾多十幾蚊去食韓陽苑任食好過喺呢度食。…Read More

第一次去食，覺得味道唔錯。直到上一次好似半年前，已經覺得唔好食。但友人堅持想食小籠包，喺又一城無其他選擇下唯有再俾一次機會王家沙。叫咗一個肉絲兩面黃，一嚟到個賣相已經唔吸引，面同肉絲分開上，肉絲汁唔夠十條肉絲，其餘係紅椒青椒牙芽之類。個麵係福麵咁嘅味，估唔到叫個兩面黃可以食到公仔麵......另外必食嘅小籠包，睇落層皮好乾身，皮唔薄，餡亦唔靚，味道好一般到唔一般，似酒樓劃點心叫小籠包食嘅味道，唯一可取嘅係小籠包入面有湯。侍應嘅態度更係亮點，坐底嗰時問佢唔要花生係咪可以唔收花生錢，佢一句都無回應，然後行開咗，再轉頭返嚟攞走碟花生，喺落單紙上寫免花生三字，亦無講一個字又走咗。之後麻煩侍應加水，侍應明明見到，側頭扮見唔到，另一個就扮聽唔到，要故意大聲同佢講，佢先"聽"到。全場唯一比較好禮貌係落單嗰位侍應.......…Read More

在店內看到orange & mandarin味雪糕，想先試味再買，禮貌咁問店有冇得試，佢黑口黑面用英文答返"one try". 唔緊要，嗰刻好想食雪糕，而且隻橙味雪糕好fresh，算數。最後點咗三球雪糕，包括試咗味嘅orange & mandarin, chocolate valrhona同hazelnut，雪糕好滑，朱古力加榛子味一齊入口時，味道好似食緊金莎咁.....我哋堂食，地方唔算乾淨，我見到有蟻喺度爬嚟爬去.....食食下，有個外國人入嚟幫襯，用英文問有冇得試，同一店員就態度好好咁用英文答返"yes, sure."，見到咁嘅情況，對本地人同對外國人態度唔同，OK無問題，我以後都唔會再幫襯。…Read More

兩個人入赤柱之前食咗D嘢，晚飯時間唔算餓，見到個豬手夠一至兩個人食，點咗嚟食。豬手超級香脆，但味道唔錯，但偏鹹，食到最尾太"漏"頂唔順，伴菜薯仔入口有牛油味，好正，但伴碟酸菜就不是我杯茶........餐廳入面裝修好有氣氛，好似真係去咗德國食飯咁，四周陳設明顯有用心佈置，值得一讚。最後食剩3分1隻，唔想浪費，麻煩侍應包起，但侍應包起後，明顯唔記得邊個叫打包，帶住份打包喺店入面四圍搵，但我叫都叫唔住佢，之後個打包就不知所縱。我就叫埋單，順口追下個打包，點知佢哋將隔離枱張單當係我哋，俾錯單。我哋叫侍應嚟，再一次追返我哋個打包，侍應答咗一句「唔係我做，我唔知道」，睇嚟呢間餐廳有必要重新培訓D員工........…Read More

每次過銅鑼灣，就諗起食拉麵，一直以嚟覺得達磨拉麵好好食，但今次再食，就退步咗。唔知係咪轉咗師傳，拉麵湯底已經失去咗一直以嚟複雜嘅味道，飲落去個湯味道好寡，就好似味精湯咁，得個鹹字。結果，一直唔加任何調味嘅我同另一半都忍唔住，加D生蒜、七味粉、黑椒同芝麻碎落去，令湯底味道無咁寡。同時，侍應都好似轉咗人，服務無以前咁親切同熱心，自己會自動自覺加水，而家侍應就好冷淡，入到去面口有少少似阻住佢收工咁(我哋九點幾去食)，水要出聲先會加俾你。…Read More

好日唔去樂富，今日黎到行行下肚餓，見到牛咁大個下午茶廣告牌，於是走入去試下入到去，d職員好似好忙咁行黎行去，但點菜時個職員都幾nice,我地點左肥牛炒烏冬同煎餃子兩個餐跟凍檸茶，好快，炒烏冬到左，熱辣辣，食落少梗d wok氣。。不過是但啦，三十幾蚊唔好要求咁多喇。跟住黎飲品，佢俾左杯凍奶茶我，咁我立刻更正佢我係叫凍檸茶啦，果個咁既女經理定唔知主任大大聲咁話：佢地唔要呢杯，要換過杯囉；睇落可能覺得好少事，但係佢句野好明顯將個責任推落個客度囉。。；之後黎個潮州粉果~呀唔係。。係煎餃子真係頂癮，我以為自己去左茶樓飲茶，好彩，，個味唔算差。。到差唔多食完，發現個烏冬兜油到呢。。。見到都飽。好又一餐，唔好又一餐，，呢餐都咁知好定咁好喇。一分錢一分貨啦。。…Read More