iamlillian's Profile

有超過一年冇去泰然食下午茶，今日難得返嚟上堂，專登去試吓。年紀之前明明有好多迷你粉面嘅選擇，迷你生牛河，或者係泰式船河，仲要配個小食加杯嘢飲，一樣係$42。嗰陣食得好開心，成日都想過嚟食。今日再去 原來下午茶個Menu轉晒，啲湯河唔見晒，又冇連小食。選擇得返四樣嘢，最平嗰樣雞肉鬆奶多士賣晒，講真好奇怪又咸又甜，就算有都唔想試。食得下午茶就係想食少少、咩都有啲，點知佢整一碟正餐咁巨型嘅炒飯炒粉，一大大碟都食唔晒，一啲都唔精緻，狂食碳水 化合物，唔開心。…Read More

平日去食下午茶，茶餐時間去到5:45 ，食完之後超過六點，埋單已經要計加一，取巧前身係峇峇娘野，改咗名，不過食品類型差不多，價錢差不多。但係取巧要加一。之前食過嘅巴東牛肉幾正宗，而家加咗好多洋蔥落去，比較多油，啲汁比較稀，冇咁正宗。滲滲喇沙味道不錯，可以自選餸菜加分。比之前個碗大啲，份量鬆動啲，好過之前。飲品選擇都多，叫咗羅漢果冬瓜茶偏甜，洋蔘菊花茶亦都少少甜，不過選擇較多取勝。總括就係不滿明明係平日食下午茶，居然要收加一，取巧。…Read More

上次食都還好，第二次再來食tea，同一個迷你牛河set，個樣好似好得，點知啲牛肉比橡筋皮更加韌，完完全全咬唔到⋯⋯點解世界上會有咁韌嘅牛肉㗎？而且個湯唔熱，唔知係咪咁所以焗唔熟啲牛肉，定唔關事，韌牛就是韌牛。好失望。…Read More

知道呢間嘢好耐，但係因為一個pancake絕對唔細個，份量分分鐘等於一餐飯，要好誠心咁樣專登留肚過嚟先至可以食到。買咗主食外賣，專登過嚟買一個香蕉熱pancake外賣（$29），話會有少少朱古力醬，點知真係好少，如果要另外加榛子醬就要加多$8。因為外賣到返屋企先至即刻食，其實前後都唔超過半個鐘，但係個餅返到屋企已經林晒，醬汁又少，本身唔係特別鍾意食香蕉，變咗成個餅好難食，冇乜味，如果屋企有朱古力醬，我恨不得自己加多啲。講真如果要$37食一個唔算好食嘅榛子醬香蕉pancake，我都不如去食一個正餐好過。千祈唔好外賣，如果當場唔可以即刻食嘅話，真係唔好試。…Read More

同屋企人慶祝生日，事隔四個零月再過嚟食lunch。唔鍾意set lunch上面嘅選擇，所以散叫，反正有七折。叫咗個白酒蒜蓉蜆扁意粉，啲蜆唔算甜又有啲un，扁意粉都煮到有啲煙韌，個人口味比較鍾意林少少。先叫咗有優惠嘅$120半打蠔（原價$39~1隻）韓國蠔還好，個樣都唔錯，另一隻紐西蘭蠔只係得蠔皮，唔得。首先叫咗蠔同埋意粉同埋一隻焗豬手，食完啲蠔先至叫多一打$10生蠔，結果豬手同埋意粉都先上，豬手唔知係咪之前一晚做好，送到來時候又趕唔切即刻食，擺到唔係好熱嘅時候食，啲皮硬到咬唔郁。如果要食生蠔，真係要考慮清楚order嘅次序。另外叫多兩杯酒，七折三個人買單八百幾，意料之內，不過唔算最好食嘅一次。…Read More

響OpenRice見到啲嘢食同價錢好吸引，所以喺附近游完水之後，大概夜晚六點過嚟食。不過唔知係咪晚市嘅價錢唔同，平均都要50幾蚊1客。不過整體食物水平好好。叫咗一份蒜蓉汁慢煮雞扒意粉，慢煮雞扒嫩滑，有燒烤味好香。仲配埋沙律菜同埋甘筍南瓜翠玉瓜熟菜，另外仲有杯玫瑰茉莉花茶，整體非常高質。另外叫咗一份單層雞扒漢堡，配埋大量薯條同埋沙律菜，再加花茶，非常之飽。同屋企人過嚟食，長者咭會有八折，兩份加埋唔使$100 ，都可以。下次如果有機會晏晝嚟食，午市個價錢應該會低啲。…Read More

五個人去食晏，見到個Menu話第二份半價都知道指定餐先至係。去到揀真係冇咩值得食，咖喱定食夠膽收你二百幾蚊1個lunch，好難想像高級咖喱係咩，唔諗住試啦當然。咁貴唔好以為好大份，佢嘅質素係高，但真係少得可憐，女仔食只係8成飽，同枱有四個男人，人均二百幾食一個lunch食唔飽，之後仲要去食窩夫先夠。成間餐廳嘅環境暗到有夜盲症嘅人一定睇唔到，所以影啲相搞成咁，梗係要貼出嚟分享一下。大枱枱底有一個白色嘅不織布箱俾人擺袋，但係入邊充滿垃圾頭髮，除咗頂住隻腳，唔知點好。再次被黃店滾動到喊咗。…Read More

【試食九頭鳥米線】第一日過嚟試吓，未夠六點就差不多坐滿人，菜單同譚仔基本上冇乜分別。專登叫譚仔冇嘅墨魚頭試吓，麻辣湯底亦都差唔多，不過個人覺得味道譚仔好食啲啲。米線嘅份量比譚仔多少少，個人口味鍾意米線林啲，已經叫咗米林啲，不過都係唔夠淋，有冇米勁林呢個選擇😆第一日開門預咗冇咁順暢，落單之後都要等20分鐘先至有得食，隔離枱甚至等咗半個鐘，不過都體諒第一日營業。內部個裝修，坐低之後唔係好見到其他客，一入舖頭亦都唔係太見到邊度有位，好處係私隱度高少少，唔好處係企喺門口唔知入邊仲有冇位。整體來講分別真係唔算好大，價錢又差不多，味道亦都相近，未試過嘅可以試吓嘅。 對螺旋藻特別有興趣，唔知係咩嚟⋯⋯P.s. 我本身好少食三哥，因為覺得佢味精勁，食完會頭痛，所以主要同譚仔比較。#九頭鳥米線 …Read More

都知道要預先打電話嚟問吓有咩食，朝頭早問咗原來咁啱當日冇龍蝦，只有海鮮湯，鮑魚大菇，同埋蒸龍躉，屋企人好想試，於是都走過來睇吓咩環境。11:45嚟到，已經坐滿左千千萬萬嘅地盤工人，好似打仗咁搵到個位，三個人叫咗兩份海鮮湯，同埋一份蒜蓉粉絲蒸龍躉。蒜蓉粉絲龍躉，蒜蓉非常惹味，送飯幾好，龍躉有啲膠質，口感一流。總算唔錯。相比起嚟，呢個海鮮湯飯非常唔抵，切開一半嘅蟹煮完湯之後冇咩剩低，跌出嚟嘅蟹肉已經冇乜鮮味，蝦好彩唔霉但都係無乜鮮味，蜆全部好細粒又唔見哂啲肉，又係滾完湯又係冇咩味，冇理由叫海鮮湯淨係為咗個湯汁，啲海鮮完全冇味，10令塊勝瓜只係陪襯。相比起$42嘅自助餐可以食新鮮蒸出嚟嘅蟹，雖然唔大隻，但係起碼可以保留鮮味。見到同台嘅人叫，仲有其他餸菜可以任食，唔好俾海鮮湯三個字呃到。仍然想試吓龍蝦餐，之後如果有先再過嚟。否則應該都唔會再嚟。…Read More

游完水唔想走到咁遠順便食個飯就離開，見係新開特別嚟試吓。未到晚飯時間所以冇乜人，試咗個三餸車仔麵，預期之內。本來想叫豬紅冇，結果轉左牛柏葉。叫咗三個餸，個湯同辣汁其實幾好食，不過餸嘅份量比較少，魷魚只係得三條，牛百葉得兩片，最穩陣嘅雞中翼，竟然有啲唔新鮮嘅味，定係佢用咗啲腐乳嚟調味？唔肯定⋯⋯勉強食落去，希望冇事🫠唔知有幾多人真係會你食火鍋，呢個煲好似幾吸引，下次再有機會嚟游水，俾多次機會佢嚟試吓啦～…Read More

見到$8咁平又無人，行埋去望下食乜。埋到去俾一對父女sip去我前面，唔緊要，我排後面望緊食邊款。父女叫咗2樣，又叫多樣，阿媽又sip埋來，諗咗陣又叫多樣，又凍又要熱，加薑汁又加糖水，打包完4樣嘢。排隊嘅人開始多，但有啲排我左邊，有啲排我後面。我望到請排隊個牌，我就响個牌前，就無理啲亂排嘅人了。3父母女買完行開，個店女人就問我左邊後來嘅男人食咩？我話：我排先㗎喎？男人話：排隊呢邊，但我俾你先。店員先開口話，要靠牆排隊。不過都俾我買先，話我第一次買唔知。多謝哂，我等咗成5分鐘，無人出過聲，粒聲唔出完全無視我。原來唔知你向邊排隊係西客來的。但公道啲，款款$8，仲可以任加薑汁或桂花糖水，呢款係薏米白果，足料好食，推介大家去，但記得點排隊，唔係唔理你㗎。…Read More

開花結果係荔枝角食得多，响嗰頭返工嘅情懷之一。觀塘開咗又去開個頭專登過去懷緬一下，中午12點之前入座，已經非常多人，冇幾耐就開始要排隊。三個人，叫咗一個豬扒飯，一個魚條番茄湯米線，仲有煙三文魚牛角包配兩個沙律，但整鬼個呑拿魚沙律大半係火腿，鹹到腎病，好彩水果仍高質新鮮又甜。其實呢間野啲生果真係好好食，整體經驗都非常之好，只係今次個吞拿魚變咗火腿沙律完全失敗，放棄食剩一半，唔想有腎病⋯⋯假如再有機會經過都想再去食嘅，但係真係要諗清楚揀乜嘢。…Read More

一個人想響銅鑼灣搵麵食，預先響OpenRice搵咗呢間，重點下午茶時段六點前過嚟。平日下午5:45嚟到無咩人，可以坐一張枱仔。叫咗個水餃麵，下午茶可以送油菜、炸魚皮或者一杯嘢飲，叫咗碟通菜。嘢食出奇地好味，開頭諗緊會唔會係味精湯，試飲一次，之後成晚冇覺得好口喝。通菜落腐乳都足，反而呢個更加鹹 🤣食食吓突然發現佢哋收緊櫈，原來6點無堂食，知佢咩料啦。坐入邊發現廚房牆上有一角貼了一行寫滿聖經經文嘅memo紙，雖然我不是教徒，但係都覺得有一種同路人溫暖感。時值奧運期間，店員一直睇緊電視，感覺佢哋應該係一班友善良嘅人。會再嚟。…Read More

新開同朋友過嚟試lunch。之前去過紅磡同尖沙咀店，只係食過晚餐，散叫壽司。我叫角切魚生飯set，佢根本係角切三文魚飯，too bad。我本身唔特別鍾意食三文魚，本來呢樣嘢通常係平均咩魚生都有，為咗平價頂多3-4成三文魚，撈埋食係Ok，但佢成7-8成三文魚，其他魚生數埋都唔知有冇五粒，三文魚20粒以上，縮數太深。唔好誤導人，叫乜嘢魚生飯，只能叫三文魚飯。另外仲有個奇怪嘅甜品，一團白色嘅嘢以為係杏仁豆腐果類pudding，點知完全唔甜冇味，乜嘢味都冇，靠少過半茶匙嘅芒果汁，汁又唔夠，食起上嚟以為食魚肝油，奇怪。…Read More

臨時轉嚟呢間餐廳，係為咗食炸雞，來之前都見過妹仔大過主人婆，好多人會叫一個好似啲拼盤咁嘅嘢，但係因為真係想食炸雞，堅持叫炸雞。叫咗原份嘅炸雞，同埋一個海鮮薄餅，兩樣都熱辣辣新鮮做出嚟，份炸雞實在太多薯仔類嘅食物响入邊：薯格、厚嘅薯塊歌、曲薯條，佔咗成碟野嘅2/3，不個炸雞都有10件大大小小嘅，還可以啦。另外亦都加咗一份蕃薯芝士條，好食其實兩個人食呢個份量真係食唔晒，結果要打包。不過打包真係有啲難食，因為會林晒⋯⋯嚟呢度都係三四個人會比較好薄餅啲菜有啲硬，佢有少少海鮮，但係啲菜嘅口感實在太煙un，影響咗好食嘅程度。另外再叫多兩杯嘢飲，咁就每人兩舊水，還以為平日午餐可以有lunch set選擇，要預計冇㗎。…Read More