lucyheidi's Profile

當日跟2位朋友，一行3人諗住搵間餐廳食飯傾計。在#和你eat#見到此黃店，見到相片的環境，食物及飲品都ok, 所以一心諗住支持下。預早一天電話預約3位 7:30pm，但到達後竟安排入座一張非常小的1-2人枱仔。因為實在太迫嘅原故，朋友要經多次要求及翻被拒絕，才能被安排調到正常的4人枱位置。各人到齊後，我們如常order 幾款不同的食物及2L 啤酒。店員說食物的準備時間較耐，我們都很合作，一次過order, 並表示體諒。食物到達後，我們如常傾下計，慢慢用餐及享受啤酒。到8:30 左右，我們的食物只食到一半，已經開始有店員不斷問我地食完未，幫我地收走佢。我地不以為意，只表示未食完，就繼續享受我地嘅食物。但由此時起，我們開始感受到壓力。開始有位中年阿叔店員不斷走到我地桌前望住我地，感覺係睇我地食完未，想趕我地走。亦有另一位店員強行走前強行幫我地斟酒，好像迫使我地盡快完成用餐。我地好奇望一望門外，並沒有見到客人等待，而餐廳內亦有空置的4人枱，我地覺得好奇怪，點解要趕我地走? 再過多一陣，有另一位店員更直接地主動俾張單我地說幫我地埋單。果一刻，我地3個真正著左火。我地問店員要我地即時埋單嘅原因，店員回答一般俾客人都係食兩個鐘，所以我地可以埋左張單佢先，但如果想再叫嘢食，都可以埋完單之後再叫。但我地表示，電話預約及進店時均沒有店員說過此項條文，如果你講左，我地一定會遵守，或者一早唔會選擇呢度。最後，店員只支悟而對離開左。在我地而言，根本就係一堆不合理嘅解釋，講到尾都係打完齋唔要和尚，你地叫完嘢食好快啲走，唔好阻住我做下一枱生意 (但事實我地啲酒根本未飲完)。到最後埋單時，中年阿叔店員果種差劣嘅咀臉，根本唔配做服務業。其實我地叫嘅食物同飲品都唔算少，張單都唔算平。你地係一間酒吧餐廳，唔係一間茶餐廳。我地亦唔係7點坐到打样整係叫杯嘢飲嘅無幫襯。就算係，你地作為服務業都唔應該用呢種方式服務客人。最失望係，我地一心支持黃店先睇到你。就算食物質素，環境有幾差，我地都可以體諒。但你地呢啲惡意的服務態度，真心想同你講句: 如果你唔係黃店，你什麼都不是。支持黃店唔代表要接受埋呢啲差劣態度，以後都唔會再嚟。😡 …Read More

在黃埔幫襯舊店多年，一向覺得舊店服務好，物有所值。最近店舖搬遷新裝修，價錢貴了，但服務及食物質素均大不如前。一餐用膳時間，由入座至落order, 完全沒有職員侍候，全程要我離開座位主動找職員落訂，要求加水。。等。。食物貴，份量又少。如冇特別原因都唔會再幫襯，完全唔抵食。舊店營業咁多年賺埋既口碑，都被新店完全破壞了。…Read More