YeungLingChun's Profile

已經好耐冇去過台灣食好好食嘅台灣小食或者台灣菜，所以今日去到沙田同爸爸媽媽一齊梗係想去搵下再次尋找台灣嘅風味。所以就嚟咗食呢一間位於河畔花園嘅九份十分，我哋總共點左幾個菜包括有咖喱薄餅，醉豬手，牛肉麵，招牌芒果軟殼蟹米紙卷等等。我覺得完全有返到台灣嘅感覺，首先每一碟小食都唔會太大碟，價錢又好合理，所以就算三個人都可以叫到唔少嘢食。另外牛肉麵嘅牛肉入口即溶，以免條友好煙銀， 湯底唔會太辣，10分出色！絕對覺得可以再來一次呀…Read More

德國菜最出名一定係德國鹹豬手，同埋德國腸仔。今日喺新蒲崗呢間德國餐廳，就一於試一試佢哋嘅手本名菜香脆德國鹹豬手，煙三文魚炒意粉同埋德國腸仔拼盤。嗰個德國鹹豬手有香脆嘅豬皮，大大隻豬手，配菜仲有酸菜同埋薯仔蛋沙律，份量十分之足夠兩個人真係差啲食唔晒，同埋驚喜嘅地方係芥末醬竟然有兩種，一種辛辣一啲另外一種就平和一啲，互相配搭起上嚟豬手更加好食。另外德國腸仔拼盤總共有三種唔同類別嘅腸仔加上薯條，食到啖啖肉好正啊。最後除咗食肉，都想食返啲意粉，用橄欖同蒜頭番茄炒，唔會好淋咬落有單口呢個炒意粉不得了呀。其實呢到仲有各款唔同嘅德國啤酒可以揀，但係今晚我就唔飲酒啦，要左一杯奶蓋綠茶都唔錯啊。…Read More

今日真係食咗好多，好多嘢，第一次來到沙田河畔呢一間細細地嘅日本野，一叫就叫左成三四個人份量咁多嘅嘢食，因為真係見到個水牌都好想食啊。所有刺身都大大份，啲肉好好厚，又新鮮，啖啖魚生，好鬼抵食。我地叫左一個沙律，兩個小食，一杯野飲，加埋大盛刺身丼 (牡丹蝦，蟹子，油甘魚，三文魚，帶子，拖羅，海膽)，軍艦五點( 海膽，三文魚，香蔥拖羅，三文魚子，蟹膏) ，火焰三色丼(三文魚，左口魚裙邊，蟹棒)。見到所有黎食既人都係街坊look，就知道呢間係大家都公認好食既小店，支持啊！…Read More

小火焰韓國菜位於觀塘嘅韓國餐廳唔算多，而最有體面嘅應該就係呢間開係商業大廈一樓嘅小火焰。一眼望埋去就見到一排播着Korean MTV嘅電視，餐廳唔算大，但係估計都坐到五50,60人，晚飯唔少次都見唔到要等位，所以今次book咗先。我哋兩個人想叫嘅嘢食太多，但係又冇可能食得晒，因為都見到每一個主菜嘅份量都好大，所以叫咗一個二人套餐，包括有一個小食，一個沙律，一個主菜，一個飯或者面，兩個小甜品，同埋兩杯嘢飲。咁樣真係好抵食我哋叫咗牛肉惹野菌沙律，黑醋烤韓國豬肉餅，迷你豬手粉絲鍋，柚子明蝦水冷麵，牛乳奶凍，嘢飲就試咗檸檬南柑梳打同埋熱蜂蜜生薑茶。粉絲鍋個豬骨湯真係好好食，忍唔住飲咗好多湯啊，再加上個水冷麵又好開胃，雖然份量都好多，但係食食吓都食晒。呢度食真係好開心呀，太大份又好有韓國風味，其實佢仲有芝士炸雞，都好好食大家唔好錯過呀。…Read More

做曬功課先來南瀛水產，之前試過食第二間磯燒既餐廳都係坐得有d迫又會個地好污糟，所以今次一早係open rice 到睇左先揀呢間。果然不負所望，樓上店，空間感超好，日式得黎又唔浮誇，台同台好多空間，唔會太嘈，仲有就係好乾淨勁開心。一分錢一分貨，無花無假。沖繩煙肉波菜沙律🥗雪魚乾配蛋黃醬，完全停唔到口，有雪魚味，脆餅口感，配酒一流。特上壽司盛平時唔捨得食，但知道呢到海鮮冇雷，果然鮮到飛上天。大大話話有八種刺生以上，包括我最愛油甘魚，三文魚，帶子，蝦，同海膽。個海膽一度令我以為自己係海邊。甲羅燒有唔少人推介，唔洗多講，蟹肉蟹膏蟹子鵪鶉蛋，食過返尋味活貝盛專人幫你慢慢燒，仲有加清酒，去左唔食得既部分，有人服侍，食得好爽好放心。臉咁大既扇貝，手掌咁大既蠔，啖啖肉鮑魚，粒粒鮮既蜆。…Read More

A nice Japanese restaurant with seats along the Victoria harbour view and next to the bar. The food are great in general, especially like the hotpot set - with chicken, vegetables and you can add rice/ noddles/ fish to the set. The jp fried noodle and sushi caught my attention as well, so much details and you can’t skip that.…Read More

台灣一人邊爐係台灣食得多，係香港第一次食。睇到其實個餐牌有好幾樣野都想試，窩仔麵啦，一人煲啦，魯肉飯等，但好可惜今晚來到已經冇曬魯肉，唯有揀左一個特級牛肉配上龍蝦花膠湯底，另外加一個豬軟骨飯。湯底濃郁，仲真係真係真係有花膠，個招牌麵又彈牙正啊！個牛併盤仲有兩粒貢丸，一粒流心丸，好味！個湯好食唔好浪費，追加左一盤餃子🥟，老闆仲好好人加左湯俾我地慢慢食。另外個六順併盤好可惜沒有鹵水大腸同豆干，所以加多左d木耳俾我地，花支丸好好味，炸到金黃色好似去左台灣加一杯薑茶真係暖立立。…Read More

Le paradise 係位於尖沙咀鬧市街頭既樓上法國私房菜，大部分來既客人好似都會先訂位安排菜式再上黎。呢到私隱到高又比較一般高級餐廳冇咁拘謹，老闆們又有禮貌，氣氛好適合安靜過節日。我地坐左係出面，唔會嘈又有新鮮空氣。先上西班牙辣肉腸沙律，有新鮮無花果好開胃。之後我點左前菜珍寶帶子配黑松露，好驚喜既大大隻新鮮帶子，煎得剛剛熟好多汁。仲配有蔬菜同薯仔伴碟，好有小心思。仲飲埋個足料龍蝦湯(有真蟹肉架😱)先到主菜我地點左個燒春雞同香煎三文魚。味蕾被轟炸，好好味到呢刻真係唔可以唔講，食物分量真係好大份，真係唔係一般小小地既法國餐。但係留意返，佢大份唔代表求其，佢係仲好有detail 由配菜到個汁到伴碟，冇一樣野馬虎！真係食得出心機同技術，好開心！…Read More

上次已經試咗呢間新cafe 既晚飯，又正又安靜覺得可以再翻兜一次，趁住佢咁近公司就lunch Time來試一試。今次三個人嚟試咗三個午餐套餐。佢一個套餐會有一個主菜，沙律或者餐湯，可以再加幾蚊要會嘢飲，例如咖啡，茶，或者特飲等等，總共係大約$60到$80左右。所以我哋一個叫咗咖喱牛腩飯，柚子雞飯，同埋美國西冷扒配薯條。三個人都要南瓜餐湯，然後一個凍咖啡，一個dirty(個杯好靚好特別)，一個ginger tea. 食物方面就絕對唔失望，夠晒大份唔會唔夠飽，牛腩牛腩又諗又入味，仲有薯仔同埋蘿蔔喺咖喱汁度撈飯一流呀。而西冷扒我哋叫咗七成熟，唔會太硬，配剛炸起薯條，好好味好開心Surprisingly ginger tea 係有整整一壺咁多，絕對啱晒我哋慢慢食同慢慢傾計，做野傾野嘅時候可以慢慢飲。…Read More

一直都鐘情台灣既地鋪串燒店，可以點杯啤酒再慢慢點串燒。今日係尖沙咀出名人多車多酒吧多既Hart Avenue 隔離 搵到呢間小型串燒店，好cozy又唔會好嘈，野食整體中價，有啤酒有日本sake 我地坐店內最入既位置，自成一角。點左gill 既squid，牛肩胛，日本小紅薯，芝士蘑菇鑲雞翼，蘆筍，烤雜菇，芝士蠔，台灣烤香腸，墨魚丸等等。特別一定介紹既有台灣烤香腸，好大一條，外皮超脆有honey 入面有汁，真係好有台灣味道，好開心。另外雞翼同芝士蠔，都好足料，大大塊芝士，好想再encore 仲有佢上菜係一塊熱既石頭，令串燒唔會好似平時咁極速變凍。真係好貼心。…Read More

朋友生日黎到小酒窩慶祝一下，餐廳環境舒服，適合同朋友摸酒杯底傾計，食物種類又多😋叫咗廚司特別沙律、雞肉烤餅Kebah同芝士烤餅。食物都好大份，叫咗呢三樣野，兩個女仔都食到捧住個肚。沙律有好多牛油果🥑，足料又開胃。Kebah亦又大份又好味，醬汁辣辣哋，雞肉同配料都好多🤙🏻好有風味！芝士烤餅最後上，已經差啲食唔落，但熱辣辣嘅芝士夾心真係好難抗拒，咬落滿滿嘅芝士味，仲可以拉芝士絲😋食左一小時多啲，都唔會話有好嘈嘅時候，食得舒服，絕對會再來！…Read More

見到咁多人係open rice 話呢到係隱世安靜好食豬手cafe，作為沙田友冇理由唔來試一試有幾chill. 同個朋友放工黎到大圍工廈區呢邊，上樓之後果然立刻去左第二到咁，有一半既餐廳位置係露天平台，晚上十分安靜，好有情調，同朋友傾計聚舊或拍拖一流。我地都左係出面，叫左一個招牌豬手，一個芝士三文魚青醬Pizza。因為都幾大份，Pizza 好足料，芝士好嘢味，仲有一塊塊三文魚😋😋😋豬手就皮脆，啖啖肉，仲有配菜，超出工廈水準啊！…Read More

好耐冇食過旺角韓國菜，本來以為梨滿園只係食韓燒，但同朋友去到先知原來唔燒都有野食，一於試試佢。食七半唔洗等位，經理服務態度冇得彈，一黎就安排四人闊落位，再詳細介紹有咩可以燒，唔燒既話有咩好食。因為朋友喉嚨唔太舒服所以點左一個牛肋骨湯飯，一個韓式炸醬麵，再加一個燒既牛肋骨。個經理幫我地剪開咗牛肋骨嘅肉，又好細心咁教我地燒完之後包生菜加豆瓣醬同蒜頭會更好味！如果個牛肋骨湯真係冇得頂，食嘅時候好有冬天食到暖粒粒湯飯嘅感覺。炸醬麵就一定係肚餓嘅朋友之選，大大碟一定飽！…Read More

九井壽司，係mega box 黎講係一間好特色嘅餐廳，門面裝修成一架日本JR列車車廂咁，列車迷或小朋友見到都覺得興奮！而入面就係一邊坐列車嘅車卡位，一邊有列車將你係ipad 上order既壽司送俾你，實在係令到鐘意列車同新鮮感既人好興奮！我地一坐底先點左芥末八爪魚軍艦，火灸芝士蟹棒壽司，海膽壽司，炸雞，燒青魚等等，之後再點左燒芝士餃子雞翼，極上什錦魚生丼等等。好開心價錢上有好幾款都減價，好抵食，由其是魚生飯，好大一碗魚生又鮮又大份，炸物又脆唔厚粉，仲有平時係大型迴轉壽司店食既壽司都應有盡有！我仲好喜歡佢地有富士山黎既玻璃瓶汽水，好有日本風！不得不提既係一次過點四碟之後就會有得抽獎，我地大約點左四round 中左一次手卷，手氣唔錯！大力推介呢間又乾淨又好味既新奇壽司店。…Read More

尖沙咀厚福街H8 好多野食，今晚就揀左胡爐，打邊爐！平時一係去酒樓打海鮮邊爐一係就去大陸食椰子雞，今次朋友話去試吓呢間有啲特色嘅打邊爐，就睇吓有咩唔一樣。一入到去就發現唔單只係平日嗰啲麻辣鍋，海鮮鍋等等，佢仲有好幾種唔同嘅選擇甚至將個鍋分成四格都仲得。諗一輪，一於就試吓佢嗰個椰子雞煲同大陸嗰啲有咩唔同啦。佢呢個喎叫做先鮮椰青雞鍋，首先上咗一個有雞有椰青嘅鍋，侍應再加燒酒即場炒，再落咗一個椰青水同埋雞湯落去煮，滾起左之後侍應就叫我地試咗個湯底先唔好曬咗佢，可能係椰青水嘅關係同其他雞煲嘅味道完全唔一樣，係真心好鬼清甜，忍唔住就已經係食所有野之前飲咗兩碗湯。咁除咗雞煲有雞之外，我哋仲叫咗烏冬，雜錦菇，冰豆腐，牛展粒，自家製響鈴，醉鴨舌等等。當中我最愛嘅就係嗰個冰豆腐，因為佢係個煲入邊吸晒清甜嘅椰青雞湯，真係好好食。至於對鴨舌，都落足料一碟有成20粒，用來做佐酒小食簡直係一流。另外響鈴亦都係另外一個兩點,絕對唔係出邊嗰啲，係淋既或者好硬嘅響鈴，佢呢啲脆卜卜，諗起都好想再食。打邊爐呢加野好食嘅嘢實在太多但係個胃大細就有限，下次一定要試吓佢其他嘅野，例如西班牙黑毛豬或者係日式和牛啊！…Read More