abbychan123的個人專頁

位置：一輪 (一門町市場) (荃灣)荃灣楊屋道18號荃新天地2地下一門町市場J36-38號舖，係楊屋道街市對面，食完飯買餸一流。食後感：一輪係我見過第一間，使用開放式廚房即席火燒手打和牛漢堡既專門店，平時食飯都係廚師係廚房煮，呢間即席燒，好似食緊鐵板燒。餐牌選擇有1）自家十勝和牛漢堡、2）北海道千歲米豚雞肉漢堡。味道：難得排隊排左咁耐，全部漢堡都食曬，我自己最鍾意洋蔥汁豚雞肉漢堡，豚雞漢堡肉感重又有豬香味配埋香甜醬汁，超級好味。其他漢保都一樣出色原味和牛漢堡，食得出牛味濃，重可以自己配埋芥辣、鹽、胡椒、燒汁配塔出岩自己既口味微辛蕃茄汁：味道似鮮蕃茄，加埋香草，差唔多似拿破崙意粉汁。甜甜酸酸可以解一解膩。三重芝士：超濃芝士味，如果係芝士控，一定非常喜歡，超重車打味。黑松露忌廉汁：同黑松露忌廉意粉一樣，汽油味極重。我覺得如果兩個人黎食，可以叫個D餐同期間限定。3塊牛、2塊豬share 大家食，一次過滿足兩個願望。…查看更多

位置：泰然 (長發廣場) (青衣)青衣担杆山路6號長發廣場地下114B號舖，巴士長安總站隔離就到長發廣場，交通十分方便。食後感：馬沙文咖喱牛筋腩飯牛腩軟淋入味，牛筋軟糯有膠質，咖哩唔太辣，椰香味濃，香料味岩岩好，配埋白飯好惹味。冬陰公海鮮湯米線冬陰功湯，甜酸味適中，啖啖入口香甜味濃，湯底大概十小辣，辣度岩岩好，唔會食到好辛苦，海鮮都好足料，有蝦、魷魚、沙白等等。沙白冇沙鮮甜，配埋米線爽彈滑，十分唔錯。泰式奶茶茶底濃，口感滑唔太甜。紅豆冰奶味香濃，紅豆軟棉冇渣。串燒雞豬（半打各半）雞肉配上雞皮，焦香濃味多汁，沙嗲醬有花生味，小甜香濃。豬肉卷濃味肉感重，雞肉同豬肉同樣好味。每串都好大串，抵食之選。餐廳有午市套餐/晚市套餐，午市平均價錢都係$50-60，大件夾抵食🥰🥰…查看更多

位置：大滾友火鍋 (元朗)元朗鳳攸南街9號好順利大廈一座地下G4-G5號舖，係形點1落車行去大概5分鐘路程。地理位置好方便。食後感：店員服務好好，即場用熱水滾好曬d碗碟，包保乾淨。玲瓏浮凸花膠雞湯鍋（$328）雞湯濃厚，花膠分量好多，湯底包左半隻大雞。飲淡湯好香雞味，配埋其他配料打邊爐，醬油都唔洗點。大滾友牛肉拼盤（細）（$428）包左牛肉粒、金錢展、雪花牛肉、牛舌片等等，每款有5塊。牛肉軟滑重口味，食落冇渣多肉汁。放題牛肉真係要企埋一邊。伊比利亞橡果豬（$228）豬肉軟滑，有十幾塊。大滾友雜菜拼盤（$118）有油麥菜，大白菜，金菇，木耳，蕃茄等等，勁大盤，份量多。蔬菜翠綠新鮮香甜，同有機蔬菜差唔多。手打鵝肝墨丸（$72）墨丸爽彈，配埋鵝肝粒更顯鮮味。稻庭烏冬（$38）烏冬索曬花膠湯湯底精華，好順滑，超級好味。竹蔗矛根 （$78）飲落唔太甜，起碼有4-5杯份量火焰豆腐花脆糖塊配埋凍豆腐花，黎返個完美既句號。…查看更多

位置：八木橋日式燒肉 (旺角)旺角彌敦道700號T.O.P This is Our Place 4樓409A & 409 B號舖 （好方便呀B出口就係，完全唔洗出地面，打風落雨都完全唔怕淋濕）食後感：難得生日就食豪佢啦，揀左最貴個既雨餐啦（$1108+10%）依家雨餐重做緊買1送1優惠，計返都係貴霞餐小小。雨餐包括左A5和牛西冷頭盤A5西冷和牛肥瘦均衡，咬落入口即溶。4品牛肉燒肉盛全部A4 牛肉都好質素，比A5 冇咁肥，食落肉味重小小比目雨西京燒小小甜，魚夠滑，一啲腥味都冇。鮑魚好容易燒熟，爽口彈牙。M5/M7牛肉想食返瘦小小冇咁重油脂，食返M5/M7牛肉就岩曬啦，肉質都軟淋，食落都冇渣，原來霞餐d肉類都唔錯虎蝦爽彈夠大隻，新鮮唔痴殼天婦羅🍤全部新鮮即炸，咬落皮薄香脆，超水準冷麵同日本既流水麵一樣，細滑爽口，配埋冷麵汁，味道岩岩好。飲品都有唔少選擇，食左咁多野飲兩罐就飽曬啦服務：店員服務都好好呀，成日都會主動走黎問洗唔洗換盤，重會教我地點燒d牛肉，實在好幫得手。原來晚市都有做定食呀，小鳥胃既人都可以食。…查看更多

位置：錦麗 (綠楊坊) (荃灣)荃灣蕙荃路22-66號綠楊坊地下G15-G16號舖（荃灣地鐵站綠楊坊出口，一出就到，步行一分鐘，位置十分方便）食後感：胡椒椰子鮮雞鍋雞件彈牙，雞味濃，份量多，配埋河粉索曬d雞湯，超級好味，冬天咁凍，打個邊爐成個人即卡暖曬，重要做緊特價$78/鍋，重可以優惠價加牛丸同甜品。錦麗牛丸河粉（$76）牛骨湯底，清清地帶小小甜味，食完完全唔口喝，真係有牛骨味。牛丸爽彈有肉汁，一碗粉重包左6粒牛丸。越式蔗蝦（餐+24）新鮮熱辣炸出彈，蝦膠彈牙冇腥臭味，配埋泰式醬，酸酸甜甜好開胃斑斕椰汁糕2件（餐+$10）抵到爛既甜品，椰香斑斕味濃，抵食之選。單球椰香雪糕（餐+18）椰香味濃重有淡淡椰絲，增添口感。唔講以為自己食緊一罐椰漿，真係一定一定要食，幾飽都食返球。暴龍美綠真係暴濃，好細滑，甜度岩岩好。椰青超新鮮，椰水好甜，椰肉超滑。總結：唔食就走寶啦…查看更多

位置：📍快樂小羊火鍋餐廳 (旺角)旺角豉油街60-104號XX Arcade部分地舖至2樓📍 超大間火鍋店，一眼實望到，可以稱得上豉油街地標。食後感：有幾可單點火鍋店做蔬菜音色仲要有十款添呀，女士們多菜少肉又想打邊爐，出面幾條菜都$20碟，依家做任食菜真係抵到爆炸。羊肉一啲都唔羶重做緊特價賣緊$28大大碟。重要勁癡線，食$300送$300現金券。味道：蕃茄鍋（$72 供2人用）咸蕃茄湯加埋烏冬，索曬蕃茄精華，連豉油都唔洗拎，夠曬味阿牧特草原A板（特價$28）肥瘦均勻入口即溶西班牙黑毛豬（$79）有豬尾厚薄適中稻庭烏冬（$33 大份）2個冷藏烏冬，夠滑煲極都唔爛巴西黑豚豬（$58 大份）份量夠，口感十重凍豆腐（$12 小份）4件大豆腐，細份都夠曬飽薄皮韭菜餅（$13）4塊韭菜煎餅，韭菜夠香夠多汁水蜜桃沙冰（$28）酸酸甜甜好開胃，水蜜桃味一啲都唔假回頭指數：100分，抵食好味又唔貴，性價比咁高真係抵過食放題。…查看更多

食後感：第一次食韓燒，估唔到依間韓燒店咁多人幫襯，星期一至四幫襯最平個餐（大君set) 都只係$228（需+10%），埋單預$251，已經包左豬牛雞海鮮同韓式料理，岩曬食我呢D食肉獸。味道：前菜（芽菜、泡菜、生菜）任添芽菜：小小麻油味撈埋爽脆芽菜，幾開胃泡菜：我唔太食得辣，如果鍾意食辣應該覺得唔錯。生菜：新鮮生菜包住舊肉，好清新。牛肉：最正係LA牛扒，姐係牛仔骨，夠嫩夠滑重有小小甜甜地既燒汁醃料，食多幾舊好快回本。豬肉：最易燒係調味豬梅頭片，每塊豬肉切到岩岩好厚薄，擺落個爐到一陣就食得啦，調味都係甜燒汁，好惹味。雞肉：最嫩滑係調味雞腿肉，姐係燒汁味雞扒，雞扒夠厚夠肉汁。辛拉麵： 真係好夠辣，至小中辣程度，麵質岩岩好，夠煙韌，食完一大碗已經好飽。總結：依個價錢，依個質素，都算抵食既。…查看更多

位置：吔咩嗲 吔嘢事無所 (荃灣)荃灣鱟地坊42號𧙗強樓地舖（位置都幾方便，就係大河道行入小小）食後感：好多唔同款式既熱食同凍食揀，自己鍾意食咩就揀咩，每樣份量足夠，味道都唔錯。岩曬我呢D乜都想食又食得唔多既人。味道：套餐包左餐湯蕃茄雜菜湯蕃茄味香濃，酸酸甜甜好開胃北海道牛肉薯餅薯餅軟綿綿，新鮮炸起，外脆內軟，咸咸甜甜好好味海老明太子伴西蘭花明太子唔太咸，蝦肉爽彈配埋西蘭花，味道好融洽，估唔到咁好味安格斯牛櫛瓜卷配洋蔥蘋果安格斯夠曬淋，配上咸既洋蔥醬，撈飯食唔錯啤酒一口豚肉一咬落去爆曬豚汁，醬汁偏甜，最欣賞呢個菜式秘製masala 雞食落有小小似馬來沙嗲雞既味道，好特別總結：整體味道唔錯，配埋日式裝修，好似去左日本食居酒屋咁👍🏻👍🏻…查看更多

位置：大鍋口海鮮火鍋店 (佐敦)佐敦彌敦道219號莊士倫敦廣場12樓食後感：平時食開連鎖火鍋店，牛X、牛XX，上網見到呢間火鍋店咁多選擇，價錢又唔貴，就黎試吓啦。任飲任食兩小時，如果1930前埋單做緊$198炸，抵到爛。不過2130前入座都係$228姐。重食埋雞煲，加埋一，點都抵過出面啦。味道：麻辣雞煲（無限添加）麻辣雞煲set 左辣度，冇得揀嫁，我唔食得辣都驚驚地，諗緊會唔會食唔到，原來唔係好辣，大概10小辣左右。雞件2個人有7-8塊，都幾惹味。精選湯底：椰子滑雞煲椰子味香濃，配埋火鍋料，唔洗點豉油已經好好味。平時其他火鍋店係直接倒湯落雞煲度，呢度服務超級好，直頭換個大新煲比你打邊爐，唔會成煲油，超級抵讚。極品肥牛（只限一碟）肥牛牛味香濃，咬落軟淋冇渣，肥瘦適中，好好味。手切肥牛其實都唔差，出面食多數肥油多過肉，呢間瘦肉多過肥，其實同極品肥牛只不過係差口感上姐。千島龍蝦丸平時屋企打邊爐一定買，估唔到呢度有，一咬落去千島汁爆出黎，龍蝦丸夠曬爽彈。稻庭烏冬烏冬夠曬滑，索曬火鍋湯底，超級入味，係平時出街食麵重要+$5先有個款烏冬，實在太驚喜。總結：呢間火鍋店，性格比甚高，火鍋配料款式多，食材又新鮮，食慣連鎖店既我，決定下次一定要再黎依度打邊爐。…查看更多

位置：Plato Cafe & Bistro (吳松街) (佐敦)佐敦吳松街186-188號地舖(近柯士甸道）食後感：今日同老公黎依一間cafe食晚餐，平時夜晚經過都見有好多人幫襯所以專登黎食。餐廳入口清晰可見內裡環境整齊，乾淨。坐低後，侍應都非常之有禮貌講解下餐牌內容，最後我地都係選擇推介嘅二人餐。（$498+10%=548）味道：黑松露芝士薯條薯條上枱新鮮熱辣辣重有啖啖松露香，想重口味既，有一大兜芝士醬同茄汁可以點，唔夠仲可以加添。帶子黑松露意粉香煎帶子咬落有陣陣牛油香氣，配上焦香味同彈牙扁意粉好夾。醬汁係黑松露忌廉汁，加上青椒同露荀，口感好豐富，食落咸咸甜甜。西班牙黑毛豬鞍架豬鞍我最驚中間切開係粉紅色又或姐太韌咬唔開，呢個豬鞍夠大塊食落鬆化有肉汁，估唔到係度食到咁高水準既豬鞍。餐飲柚子茶柚子茶濃郁，加埋檸檬片，酸酸甜甜好解膩。熱檸水養生檸水，檸檬冇苦澀味，消滯健康之選。好味指數：$548有咁多野食重包埋甜品，真係好抵食，我見人地前菜兜三文魚沙律都好大碟，唔怪得咁多人叫二人餐啦。…查看更多

位置：摩登堂 (荃灣廣場) (荃灣)荃灣大壩街4-30號荃灣廣場3樓350-352號舖（近住灣景廣場天橋門口）食後感：野食好味又大份，今晚同老公黎食晚餐，叫左幾樣野食已經好飽，甜品又好味，見人地叫左個刨冰船，成坐山咁高，兩個人一定食唔曬😂味道：桂圓紅棗茶（$38）本身以為一杯，點知呢個價錢係一壺，茶壺入面有兩個桂圓紅棗茶包，淡淡紅棗桂圓香，岩曬養生之人。泰式奶茶（$33）茶味夠濃，配埋煉奶，小小苦澀又唔太甜，高質好味。炭燒雞肉串（$45/3串）雞肉燒得岩岩好，配埋甜甜地既沙嗲醬，好惹味。飛天炒小椰菜（$98）幾大碟，加埋蒜香，一碟夠曬三至四個人分。紅咖哩安格斯牛坑腩（$128）入面有唔小蔬菜，索曬d咖喱汁，牛腩夠淋又入味，配埋蒜茸包（+28/2塊），味道唔太辣又易入口。流金歲月丹麥厚吐司（$88）厚多士配埋榛子醬簡直冇得輸，榛子醬唔太甜，配埋有咬口既榛子粒粒同金莎，食完完全唔覺得油膩。…查看更多

位置：La Mensa Grill & Bar (Plaza 88) (荃灣)荃灣楊屋道88號Plaza 88地下5-7號舖(唔洗行入商場，間舖係商場外圍）食後感：高質浪漫西餐廳，每碟份量都好大份，味道都唔錯。眼見侍應全部係外國人，待客都非常有禮。味道：精選餐湯（松露蘑菇）（$75）忌廉黑松露湯，黑松露勁香，奶味濃郁，配埋蒜茸包，正到爆，佢蒜茸包焗到岩岩好，食落唔會介口。野生蘑菇意大利麵（$142）餐湯已經咁正，本身以為同餐湯一樣味，點知呢個意粉更加有驚喜，蘑菇味超突出，份量又多，食到好滿足。牛油咖喱雞（$182）唔食得辣既朋友要小心啦，佢應該有十小至三小辣咁辣，牛油雞唔會太重香料味，配埋塊印度蒜茸烤餅，塊烤餅重長過塊面，小小酸小小辣，好惹味。甜品香草焦糖布丁（$80）依個甜品係凍既，布丁夠滑夠奶，配埋焦糖脆面，好有口感。蘋果金寶（$80）蘋果酸甜度岩岩好，件數又夠多，食落有小小八角味，食完即卡消滯。好味指數：蘑菇意粉世一，下次再黎我一定要食返蘑菇意粉…查看更多

位置：龍鳳食堂 (荃灣)荃灣沙咀道26-38號匯力工業中心地下3號舖食後感：高質工廈食堂，平時係附近返工食親都油淋淋，今日黎左依間新開既工廈餐廳，非常之有驚喜，完全唔油膩，野食全部熱辣辣，餐具又乾淨。味道：餐湯：飲落完全唔口渴金銀蛋肉碎浸時菜（$74）時菜係菜心黎，都有20條左右份量足夠兩個人食，調味唔太咸，配上上湯，清清地都唔錯。菠蘿生炒骨（$74）走菠蘿（敏感唔食得）生炒骨係即炒，外脆內軟，炸皮唔太厚，調味同酒樓食到既小菜一樣咁正，酸酸甜甜好開胃。鮮茄肉片炒蛋（$67）蛋既份量好夠多，肉片咬落有口感，唔似用鬆肉粉「奶」過，蕃茄冇異味，十分新鮮。餐飲：朱古力夠濃紅豆冰夠奶夠香好味指數：工廈有咁高質既食堂，係附近返工既人真係有福氣啦。臨走前重見到隔離枱叫左碟乾炒牛河，碟牛河睇落都好有水準，炒得好乾爽，下次黎要試下炒野先得。…查看更多

位置：御石燒 (旺角)旺角廣華街2-20號翠園大廈二期地下10號舖（位置都好方便，超近廣華醫院）食後感：第一次食石燒牛肉，估唔到石燒牛扒都幾好食喎，不過都考技巧燒既，店員服務好好呀，會耐心指導舊牛熟未，燒幾耐。驚陣油既朋友仔都唔洗驚，有即棄圍裙圍住，件衫唔怕比油彈到。味道：御燒極上級黑松露吉列牛（$138）牛肉有牛味，黑松露同牛肉非常之夾，吉列牛偏厚，咬落非常有肉感，加上松露外皮超薄，食落一啲都唔油膩。燒肉汁係甜醬油味，撈埋飯一齊食係絕配呀。御燒特級牛小排（$158）呢個牛肉薄身好多，唔洗燒好耐就食得，食落好多汁，如果想即燒即食既朋友可以揀牛小排，件數都有16-17塊。套餐轉紫菜味素飯，流心蛋，麵豉湯（+$35）味素飯有小小紫菜同鰹魚碎，食落香口又有咬口，麵豉湯夠曬熱，流心蛋都入味。…查看更多

位置：孖寶車仔麵 (葵芳)葵芳葵富路7-11號葵涌廣場地下A15號舖食後感：車仔麵食到好飽呀，每樣餸都叫小小，原來都好大份。叫50$ 三餸個餐重要包埋飲品，雖然係熱飲，不過都夠曬飲，食到滯住個肚。今日超肚餓，我就叫左六個餸一個面。味道：3餸麵套餐包熱飲（$50）+ 3餸（$30）手打麵其實口感似軟身烏冬，唔想加$3又想試烏冬都可以揀手打麵。蘿白夠大舊重要有三舊，唔會碎濕濕。冇渣，甜度岩岩好，唔會過分甜。魚肉春卷腐皮包住小量魚肉，唔好睇佢好似好清淡咁，其實夠曬味，我一向唔食陳皮同芫茜，依個春卷完全冇個D味。牛腩柱侯炆牛腩，分量都幾多下。雞翼滷水味炆曬入雞翼入面，雞翼又夠曬大隻。菜肉雲吞白菜豬肉雲吞，餃子皮同餡料嘅比例啱啱好生菜夠爽脆行過路過醫肚,其實三個餸都已經夠曬飽🤣🤣…查看更多