JamesWhy's Profile

好味得嚟又好抵食，味道仲好過尖咀人均200以上嘅居酒屋🍜｜烏冬彈牙、湯底濃🐣｜糖心蛋啲味調得啱啱好，凍凍地入口，口感一流🎃｜南瓜餅啲南瓜蓉甜得嚟相當足料🦀｜軟殼蟹反卷，不得了，厚身不特只仲要暖笠笠店員都好禮貌餐廳環境舒服乾淨2023年喺香港食個dinner人均100有咁嘅體驗，夫復何求…Read More

有日收咗工同女友去食（大約7點左右），單點壽司同刺身，出菜快，食物賣相正常，入口feel到係室溫，毫無海鮮鮮味，成餐味道最正常應該係個炒飯；有個女店員，由入席到埋單，都係愛理不理咁款，仲要啱先食晒啲嘢之後（入席半個鐘左右）就走過嚟問「有冇嘢食要加，有就即刻落埋」催促我哋加單，同佢講暫時未有；過多5分鐘佢直程走埋嚟叫「埋單出嚟埋」，心諗使唔使咁，食完唔夠10分鐘就趕客，你話我霸咗你個位成粒幾鐘就話啫，而且當時餐廳仲有吉枱，門口冇人排隊（走嗰陣有仔細睇過，想幫佢兜都兜唔到），食完飯坐陣消化吓都唔畀，大佬吖你間鋪又細又焗我都唔想坐咁耐啦，使唔使咁樣趕客？最後埋單$350左右，真係第一次遇到啲咁樣恰食客嘅員工…Read More