bolingling's Profile

由上環幫襯到而家（超過25年）！別人眼中煲仔飯，應該冬天先食, 但對於我嚟講一年365日都可以😅，正如別人打邊爐一樣🤭，先吾講佢正吾正宗（因為佢唔係用炭爐或者電爐，係用焗麵包爐，但真係好啱我自己口味，但價錢比坊間係貴啲，但貨真價實，而且係家庭式運作，星期日及公眾假期吾開，平日收4點，如果要食，記得睇時間😅另外喺永合成不可不試佢地嘅例湯（大/中/小），每日不同（真係超好味）尤其白果腐竹煲豬肚👍（祗係星期六先有）試過嘅就知（通常我都會帶定湯壺外賣一個🤭）冬天都－定要食佢哋嘅糕點；蘿蔔糕（味道係好嘅，但質地比市面嘅削啲 ，應該係少粉嘅原因 🤔，有時間一定要試👍）個人推介幾款覺得最比較出色嘅煲仔飯👇👍必食窩蛋牛肉飯 （同坊間嘅有少少吾同，佢吾係免冶或片，有少少咬口， 加窩蛋就不得了）👍黃鱔飯（質地係爽， 而吾喺淋身，汁醬係超惹味，黃鱔整得好食，唔係咁容易）👍田雞飯 （ 佢哋嘅煮法係好似小菜咁煮完再擺喺飯面再焗）今日食咗白果腐竹煲豬肚湯黃鱔飯北菇雞飯芋頭蘿蔔糕…Read More

晚飯食過幾次，反而午餐未試過，趁今日有時間，專程由九龍入去試吓，午餐由11:30-15:00！我哋1:00去到，有啲驚要等位，好在只係得幾枱客😅不過陸陸續續開始多人入嚟！睇到有食評講d服務好差，但係自己親身感受到又超級好🤔，姐姐收嘢會講吾好意思，唔使阻住， 慢慢坐🤭兩個人今日揀咗🥢 蔥油走地雞飯 $55👍- 整體叫幾好食，由其蔥油豉油（下次一定要叫多蔥油同多食色），敗筆係飯吾夠熱😅🥢鹹蛋黃燉肉餅飯 $50👍- 呢個餸喺夜晚係必食， 所以試吓午餐，當然份量少好多，味道同夜晚都相似， 敗筆都係飯唔夠熱😅…Read More

小店絶不起眼，容易睇漏眼，營業時間早上11時至凌晨三時，店內只有兩位年青人主理，即叫即整。叫咗 煙肉芝士雞髀菇焦糖洋蔥芥末汁，另一個係煙肉芝士焦糖洋蔥煎蛋值得一試，價錢合理😊…Read More

以前已經食過好多次都係早上食腸粉都幾好，起碼腸粉夠熱，但今曰傍晚吾知係咪太好生意所以腸粉吾夠熱已經扣分，另外叫咗；辣魚蛋~差；完全冇咬口，叫阿姐比多小小辣汁，佢話夠架啦，我啲辣汁好貴架，點知啲辣汁完全上吾到粒魚蛋到，重要吾好食都吾明點解會叫馳名辣汁貴在邊到生腸~吾係爽係梅嘅鴨腎~都係梅嘅呢間咁嘅食店連7-11都好食過佢起碼態度會過佢，以後吾會再幫襯…Read More

極之失望的晚餐本人是黃埔花園街坊,已幫襯好幾次,每次都會叫豬骨煲,味道都幾好,啲豬骨都幾多肉,所以連續幾個weekend都在此開餐,但今晚就將佢black list.兩個人十點坐底照常叫豬骨煲,但啲豬骨全部係根一啲肉都無重要好硬,同平時唔同,諗住煲佢半個鐘ok啦,每人食咗一件已經食唔到,同個男部長反映,佢話送幾件豬筒骨,但等咗半個鐘連影都無,重要睇住佢收工,全晚個豬骨煲$88只係食咗兩件,頂唔順到埋單時再同另一個男部長反映,佢話要煲一段時間先lum,我話已經煲咗個半鐘啦,佢完全無反應,唔好意思都無,所以我都無比tips,因此多謝都無講,咁我都同佢講以後都唔會再幫襯,不過睇佢個樣都唔志在,因為要趕住收工呀…Read More

好耐冇去，所以book咗檯5個人星期四晚去食，叫咗:皮蛋酸薑每位$７，好食1)最出名既燒鵝半隻$180－－ok啦，又唔係好好食，因　為皮唔夠脆，不過不失２)菜遠炒牛肉$8x－－ok啦，冇セ特別3)蠔油柚皮$８ｘ－－最差最難食，柚皮凍，重要冇味，　淨係得面果Ｄ蠔油味4)蒜子果皮蒸班頭腩(8-10件，ｓｉｚｅ好細件)$195－　－班頭腩就幾新鮮，但咁既價錢就真好似比人搶咁5)干燒伊麵$8x－－全晚最好食，好夠味，唔太乾唔太　　濕，正！6)例湯(紅蘿蔔乜セ煲豬骨)$8x－－全晚第二差，湯完全　冇味，講得唔好聽，同飲滾水差唔多７）山根豆腐煲＄８ｘ－－全晚第三差，又係無味，唔　知食乜，唔掂茗茶每位$８埋單$９４４總結嚟講，全晚咁既價錢咁既食物，以一間咁出名既食店，就真係唔掂，有好多地方會好食過佢ｌｏｒ，名過於實，我諗要食佢ｄ得獎菜先至好食ｌｏｒ．…Read More