高要求食家's Profile

堂食。屯門牛: 好食，肉 juicy，肉質鮮嫩，唔乾唔鞋。.蘑菇芝士加蛋：好食，有千島醬，但係如果個牛角包烘底會更加好食，呢個配搭有啲齋，加番啲肉類可能再好食啲。.桂圓紅棗奶茶：好飲，同台灣飲嘅差唔多，唔錯唔錯。.龍眼花茶：清清地，好好飲，唔會太甜。…Read More

蒜香白酒蜆意粉: 好食，不過如果酒味重啲就好，可以多返小小source，或多dd olive oil，上菜後我覺得少少偏乾。蜆好食，唔un。跟餐個周打蜆湯好好飲。.午餐雞扒、肉丸、吞拿魚沙律、一字骨: 一字骨麻麻哋，比較乾。雞扒好食，好多汁，肉很滑。肉丸都好好味，吞拿魚沙律OK啦。午餐份量來說很夠吃，唔會話因為西餐佢細細份會唔夠飽，因為食完其實都好飽。.跟餐的熱伯爵茶很好喝，唔會濟。價錢唔會特別貴，性價比算不錯。…Read More

外賣: 砂鍋雞鮑翅，砂鍋醉藥雞.又唔記得影相😅😅下次食會記得影返😂😂.砂鍋雞鮑翅: 湯底入味，但有少少太油，雞很滑，鮑魚比想像中細，不過都有鮮味。會再叫嘅。😁😁.砂鍋最醉藥雞：佢嘅招牌菜，但係唔知係咪因為太多人叫，佢冇晒湯，加咗水，所以味道好淡，怪怪地。建議如果湯賣哂就唔好溝水啦，如果淨係食呢碗無買砂鍋雞鮑翅，一定唔會有下次。🙃🙃.希望下次再食都會有驚喜，同埋可以維持到水準啦！🙄🙄🙄…Read More

堂食。花甲鍋走辣，pad thai，麵包咖哩軟殼蟹。.花甲鍋: 一個字，正。至少30隻花甲，新鮮，湯加咗香矛好香同好好飲。.Pad thai: 份量大，兩個女仔食都得，炒得都好好味。.麵包咖哩軟殼蟹: 份量大，夠飽肚，咖哩唔錯。.呢間餐廳係有驚喜嘅，係領展入面嘅餐廳一般都唔會要求太高，不過呢間好食之餘，仲要份量大。我哋兩人叫晚餐套餐，竟然係揀3個菜，每個菜都大份，食多個人都仲得。而且服務員態度都好好👍🏻。…Read More

堂食: 熱紅豆沙，凍楊枝甘露.紅豆沙: 望落去有啲水水地，食落都可以接受。都有沙嘅，味道一般，都係水咗少少，不過又唔會無味咁。.楊枝甘露: 芒果酸酸地，有啲爆珠混喺西米露入面，唔太鍾意。.完！…Read More

堂食: benedict bowl.我哋接近佢落場先入去食，所以有啲嘢食己經無得叫。最後我哋叫咗benedict bowl。我 expect 係似英式嗰隻嘅(menu description 其實有寫)😬跟餐揀咗湯，嗰日係西蘭花忌廉菜湯。.湯係幾好飲嘅，有少少口感，食到blend咗嘅菜係湯入面，唔水，但亦唔會太杰同太濟。.上主菜喇，坦白講係少少嚇一跳嘅，但唔可以show出嚟，要鎮定啲。成碟嘢綠色嘅喂！.咁叫咗都要食啦，又幾ok 喎，本身我係少少抗拒食呢啲嘢嘅，都接受到，個牛油果佢blend到好似醬咁佔咗係碟嘅一半。連埋佢個包幾好食嘅。.仲有隻半熟蛋，本身比較喜歡食scrambled egg，不嬲唔好半熟蛋，無特別評價。.啲綠色豆我就無咩點食，我真係唔係食開健康食物嘅人😅😅. Overall係好食嘅，不過男朋友食開大魚大肉，佢覺得唔知食咗啲咩落肚咁，牛油果會整飽你但又好似有啲空虛囉😂.女仔我覺得份糧足夠嘅，有時食下健康啲都好嘅😃…Read More

外賣單: 紅燒鮑魚，魚皮餃，滷水豆腐，墨魚丸，出前一丁，腩汁多蔥走辣。.尋日比人走單後再試灣仔新車仔麵。可以上網落單唔洗企門口等👍🏻最緊要係上網落單有九折。.湯底ok，個人而言有少少油，不過係我本身食小油。想重味嘅建議加多啲腩汁，食物正常，墨魚丸應該係手打嗰隻，口感唔錯。加9蚊有一隻細細地嘅紅燒鮑魚，都幾開心😃.總括嚟講，我覺得佢哋價錢算少貴，佢地上嘢食偏慢，外賣等咗廿幾分鐘，我覺得有點太耐。…Read More

外賣滷肉飯。佢份滷肉係分開放嘅，返到屋企食嘅時候先至將啲滷肉到落去啲飯到。我又攞外賣去到搭車返屋企，大約要半個鐘左右，返到屋企，啲嘢食依然好好食。我本身唔係一個鍾意食米飯嘅人，好多時都會食唔晒，但係呢碗滷肉飯，啲滷肉超好食，當然，好食就係肥瘦適中，唔鍾意食肥膏的人可能會唔太鍾意，撈埋落啲飯到，我竟然食到底，一粒米都無剩。暫時食咗兩三次，每次都係食佢啲滷肉飯，下次有機會會想試吓佢哋其他嘢食。呢碗係少有我會清底嘅米飯！讚👍🏻…Read More

外賣單: 清湯腩汁，加葱，魚腐，魚皮餃，紫菜，芝士腸，烏冬。佢地出食物算快手嘅，下午人好多，堂食外賣都多人，之前岩岩開張食過一兩次幾好，員工都好nice，所以今日再食佢地，不過就執漏嘢。外賣拎到返去唔通行返落去咩，叫得外賣都係趕做嘢。叫了四餸，返到去打開坐低食執漏兩餸，無咗魚皮餃同紫菜，錢又收了我。雖然未必係有心，但係已經打咗個折，下次唔敢再叫外賣，或者堂食會好啲，起碼睇到係咪比漏食物。湯底幾入味，加咗腩汁口感濃啲，無咁寡。魚腐算大舊，唔錯。魚皮餃紫菜無食到，芝士腸麻麻地。烏冬偏硬身，可能我估叫返米線油麵會穩陣啲。…Read More