xdxdlam_123's Profile

一行7人book左枱同朋友慶祝生日，一開始店員話比兩張4人枱當佢帶我地入座果陣，場內另一店員嗌機話果枱客未走，要等多陣，前後等左大概5-10分鐘先可以入座，感覺間野溝通不良咁因為我地有帶蛋糕，帶位依個店員都幫我地雪住蛋糕先用qr code點食物，有部分漏單都算了，一路食一路點，係冇人收碟！！一隻空碟，唔收兩隻空碟疊埋，唔收野食一路黎一路有空碟，張枱冇乜位剩，都唔收最搞笑其中一次送完食物黎，睇住佢想收碟，但下一秒縮返手！！！即係點？收？唔收？收？唔收？？最後要專登出聲表示張枱就黎冇位擺野先肯收碟埋單果陣，我地又表示有兩個蛋糕，想上埋先，同埋想執一執枱前後叫左3-4次，單就埋左，枱又冇人執，蛋糕又冇拎黎…到過晒用餐時間先執枱同拎兩個蛋糕黎！今時今日飲食業人手唔夠都唔洗咁樣下話，服務費收左，但連基本服務都欠奉！差！！…Read More

見星期六日都排晒隊，以為好好食，襯閒日冇人就試下，一入去就覺得唔夠冷氣…明明仲有把位，店員係要我坐門口果張卡位，我話冇冷氣，唔夠冷氣，我堅持先比我坐入一張枱。叫左午市珍寶丼，係幾新鮮既，但食左一啖飯覺得…..唔黏口，有少少一舊舊，唔識形容…..講白d都幾難食，話就話珍寶，但食我唔飽既，應該食量細既女仔會飽啦到埋單走，我行到街口先發覺拎漏左野（風扇），返轉頭拎果陣見到店員拎住我把風扇去後巷方向…..係咪唔係貴重野就10分鐘都等唔到呢？撇除依d….我對佢既食物質素期望過高，普普通通，唔稱得上「高質」，試過就算繁忙時間限時食45分鐘既話真係唔會去，亦唔值得專登排隊…Read More

好少係香港見到有芝士熱狗，$15..咪買黎試下...再加串炸鮮奶、$12有3粒，冇影到相炸鮮奶....我冇食過其他...唔知真正炸鮮奶係點，但依個一舊粉咁，得少少甜，奶味都冇完全食唔出邊度有奶芝士熱狗直頭係垃圾！完全冇芝士味，連芝士既形態都冇，得d黃色漿就叫芝士？！邊忽芝呀！我係第二度食，就算好淡芝士味都仲有芝士既形態，但依個係完全冇！難食到咬左兩啖就扔左！冇吐出黎已經好俾面，究竟賣果個有冇試食過？？？…Read More

男友12月頭生日，早幾個月前已經搵緊有咩日本餐廳岩心水，要知道香港要搵到好食既日本菜唔容易，見到依間會用日本空運食材，又有魚湯，就衝住魚湯而黎一早訂位，要求坐壽司吧枱，舖面細細唔算好多枱店員帶位，已發現有唔少熟客，見到雪櫃，雙眼即刻發光😍第一件事..睇下有咩清酒，當日冇上善如水，諗唔到飲咩..於是叫店員推薦淡味又甜口既清酒師傅首先比左前菜，但冇影到相再叫左真蠔刺身同鱈魚白子刺身蠔：爽口，淡淡蠔味，問師傅，今次係熊本蠔...如果可以揀唔要蘿蔔蓉就好，我自己鐘意就咁食/落少少檸檬汁鱈魚白子：好滑，冇腥味，好creamy..第一次食覺得幾有趣到刺身，我地叫左最貴果款刺身拼盤、有拖羅，hamachi，牡丹蝦，赤貝，北寄貝，海膽，時令既有池魚同鯖魚每樣都新鮮，拖羅入口即溶，接近冇筋赤貝冇腥味，出面食唔知點解一係有腥味一係太爽口，但依度冇北寄貝.....難得食到唔似橡筋既池魚肉較實，海膽淡味牡丹蝦基本上邊度食都差唔多Wasabi..雖然師傅話都係磨出黎，但我地一食就食得出溝左野，如果有生磨wasabi就好除左拼盤，仲叫左時令既剥皮魚刺身，我男友話剥皮魚切得太厚既話會好軔，唔知佢會唔會切得好厚師傅教加d蘿蔔蓉同蔥包埋，再點醋定醬（唔記得）食試左件...唔軔....但咁食法都幾特別，不過都係慣點豉油到熟食，叫左牛舌，雞軟骨棒，雞心/腎/肝（真係唔記得），鹽燒鰻魚，燒蠔，燒銀鱈魚牛舌，雞心/腎/肝好易咬開，調味岩岩好雞肉棒...第一次係香港食，比較鬆，加左雞軟骨，我幾鐘意個口感鰻魚係半份，燒得表面有點脆，同以往認知又多汁又淋既鰻魚唔同銀鱈魚，正正常常燒蠔..咬落偏爽口，但唔係軔，都係果句，如果可以唔要蘿蔔蓉就好然後到魚湯上場，我男友一飲就飲得出係𩶘魚湯，而且冇味精，師傅話係限量，我地係先留定再後上最後師傅送上日本柿同梨作結而我係訂位時向店員表示有人生日，可安排小蛋糕當晚客比較多，師傅唔多得閒同我地交流，但佢得閒既話都會同我地飲酒的店員親切，會幫你掛起外套，又會送到你入lift埋單2千幾，係尖沙咀黎講都算係咁另外，如果鐘意食蟹既可以係訂位時留定，因為當日大部分蟹都比人留晒…Read More

自己行埋去叫野食，食物到即時比錢餐牌寫任選3款食材，送時菜一款同一碟飯，但係完全唔係餐牌寫明部分食材要加錢，例如蝦同鯇魚咀，感覺唔老實味道：不予置評，但係阿姐無啦啦幫我少飯，鯇魚咀得一件熱檸水，檸檬係澀既順帶一提：佢地既食材係擺晒出黎，冇雪櫃雪住，腸胃弱的請小心…Read More

9個人、訂左8點半，我地已經提早左10分鐘左右到達，都要8點4x分先入到等位期間望入去已經覺得枱與枱之間好迫，入座後更加明顯得地9個人，比張平時應該只坐6-7人既人大圓枱，坐得唔舒服就預左，侍應經過10次有9次都撞到我張凳推車果陣直情撞晒....好怕會整到自己，再加上侍應只會話「唔夠位過呀」就算...坐低頭10分鐘只能用驚嚇黎形容食物尚算新鮮，牛冇乜味，冇d人講得咁好食，坐得好迫，唔係聚會大隊話黎，都唔會再黎…Read More