ayercheung's Profile

年初三入元朗拜年，揀左形點見面。本來想食另一間餐廳但太多人，仲要限時60分鐘，所以轉場食甜品，唔駛趕頭趕命，可以慢慢吹下水。呢間甜品係港島區食得多，第一次係形點食，味道保持水準，但個碗唔同左，份量好似少左好多，我一個人都竟然食得曬下次係港島再試下先…Read More

年初二想出街chill下，諗起呢間海旁既餐廳既南瓜布丁，就約埋朋友一齊黎。可能我地早到，冇咩人，唔駛等位就直接坐低。泰式牛肉沙律牛扒是煎到5成熟剛剛好，配埋旁邊酸辣既青瓜沙律啱啱好可以解膩黃咖喱蟹配蒜蓉包最鍾意有蛋既黃咖喱，配蒜蓉包超好味。黃咖哩咸淡適中，就咁食都唔會太咸，贊:(Pad Thai味道賣相都很好，可惜d面好硬，唔啱我口味，sad左服務同水準都同以前一樣，得閒會再番去幫襯😄可惜佢地已經冇賣南瓜布丁，希望將來有機會再食番啦…Read More

公司gathering，同事特登訂左附近呢間傳統英國菜餐廳，話之前試過口味好正宗，好似佢係英國讀書時食既一樣。呢個沙律我好鍾意，菜好新鮮，加左檸檬dressing 食完感覺好fresh同事話呢個係必試既傳統英國菜，要將焗脆左既多士點落糖心鴨蛋黃度食，咁香港又真係好少地方有，食落咸脆幾得意。蛋外面包左一層彈牙既豬肉，食完多士就可以切開隻蛋share主角出場啦，焗好之後侍應就拎出黎俾我地影相，然後話要等多15分鐘先食得。切開係剛剛好既medium呀入口即溶，加埋包住黑松露同Ham既酥皮，大愛我地另外仲叫左Carbonara , Margherita同 French fries完全冇諗過睇落普普通通既Carbonara 會整得咁好味意粉咬落軟硬適中，芝士味勁濃厚軟滑又唔騷，配埋aged parmesan超正，食到停唔到口呀相比之下，呢個pizza顯得失色，輸曬比勁濃芝士味既carbonara 薯條亦不俗，因為食得到薯仔味同埋調味剛剛好，就算唔點蕃茄醬都好好味個人覺得呢度都幾適合gathering 同慶祝，聽待應講佢地平日有做Happy hour，下次可以試下…Read More

今日番工勁忙，冇時間食lunch, 最後要tea time 先有飯食經過見到呢間鋪裝修唔錯，就入左去試下本來想叫咸點食，但店員介紹有兩款新出pancake, 忍唔住就叫左黎試夏之戀人菠蘿pancake出面應該係吉士味既cream, 食落唔會好漏。下層有勁多鳳梨蓉，好似鳳梨酥，軟棉棉咁。旁邊仲有勁多生果，成件事即刻健康左(自我感覺良好中。。。)Smile Pancake3層都有唔同口味，頂層係水果，中層夾朱古力片，底層有流心蛋店員服務好好，好nice咁同我地介紹應該點樣食最鍾意係底層個流心蛋，本來仲諗住會好dry，但佢入面mix左特制醬汁，有驚喜呀總結黎講，兩款pancake都幾好味，不過份量都幾大，最好3個女仔share，咁就唔會飽得滯佢個和牛pancake睇落都好吸引，下次會番去再試…Read More

如果係銅鑼灣要搵一間好味，多小食選擇，服務好，坐得舒服，又CP值高的上海菜，我會首選王家沙裝修古式古香，最like佢D梳化位蟹粉小籠包我平時唔鐘意食普通小籠包，只愛吃蟹粉小籠包，王家沙呢款幾十蚊有5隻，其實蟹粉就冇乜，但蟹味重，配埋醋食就出現化學作用，美味加倍次次黎都必食。水晶肴肉又係my favorite 之一的食物。食過好多間唔同餐廳的水晶肴肉，呢間唔算最好味，但口感同味道的分數都有中上。皮蛋豆腐第一次食，個汁又杰又咸又集中曬一邊，攪到d豆腐一邊有味一邊冇味，皮蛋切到勁細粒，唯一係有肉鬆伴碟加分，下次唔會再試。火腿燉菜膽今日身體不適宜飲雞湯，又想飲湯，於是叫咗呢個菜膽湯，清清地，飲落應該冇乜味精，唔錯。黃金軟殼蟹四季豆味道ok，但由於係炸的關係，比傳統的黃金菜式油膩，咸蛋黃味不夠炒的重，亦冇左起沙的罪惡口感，個人偏愛某餐廳的邪惡黃金四季豆多d總結黎講，呢個飯堂水準穩定，食咁多次小食都冇點中伏，我會繼續番黎幫襯…Read More

呢間餐廳價錢唔貴，食物質素唔錯，成日都轉Menu，晚餐又唔限時，好啱同朋友吹水食飯。已經幫襯過好多次了。雖然次次幫襯成日都有中伏菜式，但我好鐘意佢既泰式牛柳粒，同埋有好多小食選擇，所以keep住都會番黎。環境闊落，唔會坐到好迫泰式牛柳粒有d 似泰式生蝦醬，酸酸甜甜好開胃，牛柳5成熟，仲有炸脆了的菜，估係九層塔掛，勁正牛油果大蝦沙律新出的菜式，因為我係牛油果控，所以見到就即刻點黎試了。估唔到有驚喜，本來仲擔心d沙律醬會好漏，但調配得好好，個醬唔係普通沙律醬，口感好清淡同creamy，配埋火箭菜同大蝦，最後我朋友同我爭住食墨汁海鮮意粉有d麻辣，好醒胃，海鮮足料，份量不多不少，兩個人share剛剛好，可以一試今次幸運地冇中伏，開心的一餐…Read More

星期日想去飲茶又排曬長龍，醒起呢間新開的小店，就同妹妹一齊去試下環境唔錯張椅子幾好坐，地方好新淨，有花心思設計過。店面不太大，所以大部份人都需要搭檯。免費送的麥茶口水雞餐，麻辣醬不錯，雞好滑，但唔入味，亦冇雞味，但45蚊黎講算不錯了酸菜魚餐轉薯粉，酸菜湯味道適中，魚大概有7-8舊，少少辣，少少麻，如果鐘意重口味既就未必啱總結黎講，係筲箕灣既麻辣小店黎講，價錢ok, 味道都ok, 服務亦好好，會再番黎幫襯…Read More

收工同朋友去行街，見到傳單話呢間係新開的素食自助餐，仲有9折discount，銅鑼灣百幾蚊就有buffet食都幾抵，同埋都想食清d，就去試下啦。餐廳門口有個feature wall，聽老闆話係特登邀請藝術家畫上去的，都幾得意幾抽象feel😆室內好大好光猛，感覺好舒服，老闆話牆上的畫都係畫家親手畫上去，分左春夏秋冬四季，感覺入到黎個人都突然變得好有文化😂😂😂拎食物既位置竟然有壽司師傅坐鎮，即場製作估唔到素食的款式有咁多除左基本既中式炒菜之外，仲有好多日式素食。三文魚魚生仿真度極高，幾可亂真，壽司飯的調味亦恰到好處。素雜錦魚生素壽司素米紙卷味道清新，適合解膩。如果可以加入芒果條、紅椒條、牛油果或者素肉條就更加好豆腐沙律枝豆都有？平時去日本餐廳食一份都幾十蚊，呢到竟然任攞我最愛的芋頭同蕃薯芋頭好綿，黃心蕃薯好甜，大愛素魚生，花之戀，昆布烏東，米紙卷壽司都有好多款口味，最鍾意酸甜蕃茄蓉放上壽司，應該是扮海膽或魚籽吧？很配好好味！其實仲有炒秋葵、薑醋蛋、苦瓜湯，紅菜頭檸檬水等等我都好推介，但唔記得左影相。總結黎講，食物質素高，款式多，價錢又平。仲有值得一贊既係侍應服務態度非常好，有禮親切，值得我再番黎幫襯:)…Read More

同朋友食飯，佢介紹呢間餐廳，話可以自己揀肉拎去煮。聽落幾得意，就去試下啦。環境氣氛不錯揀肉的地方負責人感覺專業同nice青口不錯，有70分牛扒over cook了少少，冇乜肉汁同牛味，亦不香口，個人喜歡表面炭燒到脆脆地的，65分吧羊架肉質不錯，然而烹調沒有特別出色，個人喜歡厚切一點的薯蓉較清淡不夠creamy ，沙拉合格，跟扒的醬汁如之前其他食評提及認真非常麻麻，我主要點黃芥未食算呢款紅酒$360，易入口，不錯總結而言，呢間餐廳食物不過不失，有得揀肉幾得意，環境氣氛亦不錯，價錢亦算較便宜，服務友善，當晚用餐愉快，是一個不錯的gathering 地方…Read More

今日黎粉嶺探朋友，即興想食日本野，就搵左呢間小店，以為係一間隱世小店，可能會有好西食。朋友想食希靈魚，我想食吞拿魚，所以order左雜錦魚生飯，點知成品兩樣都冇（可能當日缺貨吧，變左其他野），老闆亦冇提前通知我地。。。雜錦魚生飯（$55）燒汁尤魚筒（$45）呢間小店價錢唔貴，但個人認為係粉嶺相同價錢可以有更好選擇。食完呢樣野，雖然我地都唔飽，但都唔敢再試其他野，所以走左去隔離商場買魯水雞脾同手抓餅食…Read More

星期五突然想食生蠔，下午先走去打電話book檯，非常幸運地俾我地book到最後一張４人檯7:30準時黎到，發現個位真係如侍應係電話中所述既特別細張，由兩張圓型的２人檯組成。建議想食既朋友都係乖乖地早Ｄ訂檯吧，長方型檯睇落舒服好多龍蝦湯－味道濃郁30 Ham生蠔 - 肥美,新鮮,各有特色我地食左5款生蠔，全部都好新鮮其中美國君御的味道最冇特色，可以不試反而愛爾既Majestic有驚喜，法國既三款蠔都推薦一試黑松露薯條-有成樽醬俾我食帶子象蛂蚌-鮮美，但差不多要400蚊，唔抵食…Read More

細細個既時候，飲茶最鐘意去楚留香，後來離開左香港幾年，番到黎發現楚留香執左，試過好多間茶樓，都搵唔番細個食過既傳統味道同埋質素。係朋友介紹之下，慶幸試到新興食家的點心，雖然地方超細坐得勁唔舒服，呀姐又好嘈同埋燥底，食物一盤盤係背後飛黎飛去鬼咁危險，最慘仲要排隊tim，但為左美食冇計啦，鬼叫係第二度食唔到咩去食野既朋友真係要有定心理準備，佢既環境絕對差過大排檔同埋茶餐廳，驚受氣既就唔好去了。第一次去既時候，門口冇人排隊，朋友就直接帶我入去搭檯搵位，好快就坐低左有得食；今次第二次去，知道人多難搵位，所以淨係約左一個朋友陪食。一去到，門口已經排左７，８個人等位，所以就跟住排隊，期間不停有人走入鋪頭入面，初時仲以為係買外賣，到排到我地係下一個既時間，先發現好多人原來係打尖直接入去搵位坐低。呢個時候我地見到有人走，心諗好耶有位啦，點知有個男人帶住個外國人直接係我面前入去坐低搶左我地個位，即時著左，同收銀個叔叔投訴，佢只係幫我地大叫問入面有冇兩位，而Ｄ呀姐基本上冇理過佢，自己繼續做自己野。如是者又有幾個阿婆阿伯一個人行入去打尖搵位，我同朋友終於忍唔住啦，自己問入去Ｄ人係堂食定外賣，堂食唔該去後面排隊。所以去食野既朋友記得千其唔好怕羞唔出聲，如果唔係永世都唔駛指意有位坐。好啦，入番正題，一坐低就緊係睇下有咩賣啦，唔想等既朋友可以同收銀直接落order點菜。由於我地懶得行黎行去又有大把時間既關係，我地兩個決定坐係到等，有乜食乜蝦餃－即場包完蒸，非一般工場出品，不過今次有Ｄ蒸過龍，Ｄ皮爛爛地金錢肚－份量十足，大大舊好彈牙豬肚－咸淡適中，軟林林，有媽媽既味道蒸豆腐－味道清淡，大件夾抵食，冇乜特別但我鍾意食，哈哈腐皮卷－足料到爆，食完飽死左好似叫糯米餃－一籠有３粒，糯米好香，味道清淡，食落好似冇乜臘味流沙包－飽死都要食，仲要襯熱食，如果裡面有多Ｄ蛋黃就更好了真係好流，要趁熱食遺憾係我地太遲先想食炸鮮奶，原來２點鐘就冇炸野賣啦，所以今次食唔到ru評心而論，呢間野Ｄ食物高質素仲要超抵食，所以就算食餐飯要攪到過少林寺十八銅人陣咁款，我下次都仍然會再去挑戰的…Read More

兩位朋友都不約而同介紹呢間餐廳的生蠔餐不錯, 十分抵食咁話, 於是一行7人就book左檯黎食團年飯點知去到話冇我地book位既record雖然好奇怪, 但忙中有錯都冇辦法, 好彩當日唔full, 即時有位俾到我地。大家見到個餐有一人一打生蠔都好興奮, 一人叫左一個生蠔餐, 由於大部份人都係食肉獸, 所以main course都揀曬rib eye咁滯, 結果大家就咁燒焦了。餐湯 - 味道不錯生蠔 - 新鮮, 但冇味, 仲瘦到有點兒得人驚, 可一不可再Rib Eye - 我叫左medium rare, 雖然真係俾到medium rare我, 味道亦正常, 但塊牛扒冇肉汁架好恐怖呀, 仲要佔左3成都係筋位,  成班人切牛扒切到手軟甜品雖然300蚊一個餐以份量黎計真係好抵, 但食完真係令人想喊, 結論係如果我地肯每人比多100蚊, 應該可以係其他地方搵到水準好好多既同類型食物其實佢的環境同服務都好好, 所以有機會的話, 我會再番去幫襯下佢其他菜式…Read More

在港島區咁多間米線店入面, 我最鐘意食既第一位係測漁涌樂林, 第二名係灣仔雲桂川風味米線, 第三名就係呢間米線店啦.呢間米線店最大吸引我既地方係佢有水晶粉供應, 水晶粉比薯粉幼, 但更Q彈, 配麻辣湯底真係夾到冇得再夾第2點係佢地有竹笙供應第3點係佢地既麻辣湯底雖然不是特別出色, 但亦唔係一般既假麻辣湯底, 起碼真係食完會覺得過癮, 合格!價錢又唔貴, 鐘意食麻辣既朋友可以一試…Read More

新年假期同朋友周圍hea, 冇乜選擇只可以去大型商場入面搵食見到呢間餐廳裝修幾特別, D咖啡工具又好似幾Pro咁, 就膽粗粗入去做明燈點知試完發覺唔止咖啡有水準, 食物亦不俗, 起碼選擇多, 有新意, 有別於一般cafe只供應hea爆炸物或者港式意粉招牌咖啡- 咖啡沒有燒焦的味道, 香濃, 不錯健康餐 - 意想不到的係裡面每道菜的味道都很好, 吃得出廚師的用心製作; 份量亦十足, 本人是大食怪及食肉怪, 食完竟然會覺得好滿足煙三文魚PANCAKE- 第一次食咸食加PANCAKE, 估唔到味道非常夾韓式炸雞- 一件件細雞塊, 皮脆肉嫩, 是合格的炸雞; 意料之內沒有雞味, 慶幸亦沒有雪藏味, 口痕食下是不錯的選擇 難得係大型商場入面都可以搵到有特色又好味的餐廳, 一行三人大概6時多入坐, 可能人少, 當日沒有用餐時間限制, 吹水吹了兩個多小時 坐得舒服, 價錢合理, 有機會會再幫襯…Read More